“ჩვენ გვინდა, რომ პოლიტიკური დღის წესრიგის შექმნა დაიწყოთ”- “მთავარი არხის” გენერალური დირექტორი, ნიკა გვარამია შექმნილ პოლიტიკურ ვითარებას ეხმაურება და წერს, რომ ოპოზიციისგან სურთ, დღის წესრიგის შექმნა დაიწყონ.
“ძვირფასო ოპოზიციავ, ჩვენ არ ველოდებით და არ მოვითხოვთ თქვენგან ასიათასიან მიტინგს (ყოველ, შემთხვევაში, ჯერ), არც ხელისუფლების მყისიერ გადაგდებას, ჩვენ გვინდა (და არა – მოვითხოვთ), რომ დაიწყოთ პოლიტიკური დღის წესრიგის შექმნა და არ იყოს ალეკო ელისაშვილის და თეა წულუკიანის ტექსტები მთავარი განხილვის საგანი.
- აი, ნაცმოძრაობის განახლება – პოლიტიკური დღის წესრიგის შექმნაა.
- აი, ბათუმში მუდმივი აქცია – პოლიტიკური დღის წესრიგის შექმნაა.
- აი, სირცხვილიას აქციები, თენატურიც და სპორადულიც – პოლიტიკური დღის წესრიგის შექმნაა.
- აი, მოძრაობა 2020ის კარვები პარლამენტთან – პოლიტიკური დღის წესრიგის შექმნაა.
- აი, გიორგი ვაშძის რეგიონებში სიარული – პოლიტიკური დღის წესრიგის შექმნაა.
- აი, ნიკა მელიას ბრიფინგი – არ გადავიხდი, დამიჭირეთ, – პოლიტიკური დღის წესრიგის შექმნაა.
სწორედ ასე დასრულდება ქართული ოცნება, რომელიც ისედაც თვითგანადგურების რეჟიმშია. მერე ის ასიათასიანი მიტინგიც იქნება და ყველაფერი დანარჩენიც”, – წერს ნიკა გვარამია.
