“რა უნდა ვქნათ, თუ პუტინი მართლა გამოიყენებს ბირთვულ ბომბებს? ვისურვებდი, დრაკონი მყავდეს, რომლითაც კრემლისკენ გავფრინდებოდი”.
ამის შესახებ, ამერიკელმა მწერალმა, ჯორჯ რ.რ. მარტინმა სტივენ კოლბერტის შოუში განაცხადა.
«Що ми будемо робити, якщо Путін використає ядерну зброю? Я хотів би полетіти на Кремль на драконах, але…»
Автор «Гри престолів» Джордж Мартін базує на шоу Стівена Колбера:https://t.co/mcgKgb8xsu pic.twitter.com/VpMWtTtYnc
— The Village Україна (@thevillageua) October 26, 2022
მსახიობი და კომიკოსი ლუი ანდერსონი 68 წლის ასაკში გარდაიცვალა. მას სისხლის კიბოს დიაგნოზი ჰქონდა. ლუი ანდერსონი ლას-ვეგასის საავადმყოფოში 19 იანვარს გადაიყვანეს.
მაყურებლები მას, საკუთარ ბავშვობაზე შექმნილი ანიმაციური სერიალით, ცხოვრება ლუისთან ერთად/ Life With Louie, იცნობდნენ. 1994-1998 წლებში გადაღებულმა ავტობიოგრაფიულმა მულტფილმმა შემქმნელს ორი ემი მოუტანა.
“მუსიკის ჰანგების ვარსკვლავი”, კრისტოფერ პალმერი 91 ასაკში გარდაიცვალა.
კანადელი მსახიობი კრისტოფერ პლამერი 91 წლის ასაკში გარდაიცვალა.
კრისტოფერ პლამერმა სახელი გაითქვა ლეგენდარულ ფილმ “მუსიკის ჰანგებში” შესრულებული კაპიტანი ფონ ტრაპის როლით.
2010 წელს პლამერმა ამერიკის კინოაკადემიის უმაღლესი ჯილდო, ოსკარი მიიღო ფილმ “დამწყებებში” შესრულებული როლისთვის.
პლამერი იყო ემმის, ტონის, ოქროს გლობუსისა და BAFTAს ჯილდოების მფლობელი. მონაწილეობა მიღებული აქვს ცნობილ ფილმებში, როგორებიცაა: “ბრწყინვალე გონება”, “დოქტორ პარნასის წარმოსახვა”, “ეროვნული საგანძური” და სხვა.
7 თებერვალს, 22:00 საათზე “რუსთავი 2”-ის ეთერში დიტო ცინცაძის სამხედრო დრამის, “შინდისის” პრემიერა გაიმართება. 2019 წელს გადაღებული ფილმი რუსეთ-საქართველოს ომის ერთ-ერთ ეპიზოდებს ეხება.
ფილმი “შინდისი” რეალურ ამბავზეა დაფუძნებული. ისტორია კი 2008 წლის 11 აგვისტოს სოფელ შინდისში განვითარდა, მაშინ, როდესაც საქართველოს მეორე ქვეითი ბრიგადის საინჟინრო ოცეულს რუსეთის 58-ე არმიის მოტომსროლელთა ასეული დაესხა თავს. უთანასწორო ბრძოლაში რუსული საოკუპაციო ძალის წარმომადგენლებმა 17 ქართველი სამხედრო მოკლეს. სწორედ ეს ისტორია გახდა რეჟისორის შთაგონების წყარო.
ყველაზე პოპულარული საშობაო ფილმის, „მარტოს სახლში “ მთავარი როლის შემსრულებელი, მაკოლეი კალკინი სოციალურ ქსელში პეტიციის იდეას გამოეხმაურა, რომლის ავტორებიც ფილმის მე-2 ნაწილიდან დონალდ ტრამპის სცენის ამოჭრას ითხოვენ.
ტვიტერზე ერთმა მომხმარებელმა მოითხოვა, რომ ფილმის მარტო სახლში მეორე ნაწილში “დონალდ ტრამპი 40 წლის მაკოლეი კალკინით ჩაანაცვლონ”. მაკოლეი კალკინი ამ მოწოდებას ერთი სიტყვით გამოეხმაურა: “მიღებულია”.
აღსანიშნავია, რომ სასტუმროს, რომელშიც აღნიშნული სცენაა გადაღებული, იმ დროს სწორედ დონალდ ტრამპი ფლობდა.დონალდ ტრამპი ფილმში სულ რამდენიმე წამით ჩნდება. ცნობისთვის.
ნოვოსიბირსკის ოპერისა და ბალეტის თეატრი განცხადებას აქვეყნებს, რომელშიც ნათქვამია, რომ ქართველ პრიმა-ბალერინა, ნინო ანანიაშვილთან კონტრაქტს აჩერებს.
“მედიაში გამოქვეყნდა ინფორმაცია იმის შესახებ, რომ ნინა ანანიაშვილი მოწვეულია ნოვოსიბირსკის თეატრის საბალეტო დასის ხელმძღვანელის თანამდებობაზე. თეატრის ხელმძღვანელობა თვლის, რომ ხელმძღვანელის სახელის გახმაურება კოლექტივისთვის მის ოფიციალურ წარდგენამდე არტისტების დასის მიმართ უპატივცემულობის უმაღლესი ხარისხია. ამიტომაც იძულებულნი ვართ შევაჩეროთ მასთან გაფორმებული კონტრაქტის მოქმედება იმ გარემოებების გარკვევამდე, როგორ აღმოჩნდა ეს ინფორმაცია საჯარო სივრცეში. საბოლოო გადაწყვეტილება იანვრის შუა რიცხვებში იქნება მიღებული თეატრის სამხატვრო ხელმძღვანელის, ვლადიმირ კეხმანის ნინო ანანიაშვილთან შეხვედრის შემდეგ.“–ნათქვამია განცხადებაში.
6 იანვარს ცნობილი გახდა , რომ 2021 წლიდან რუსეთის ნოვოსიბირსკის თეატრის საბალეტო დასის სამხატვრო ხელმძღვანელი ნინო ანანიაშვილი იქნებოდა. ამ თემაზე მან “რადიო თავისუფლებასთან” ინტერვიუში ისაუბრა.
გადაწყვეტილებას საქართველოში მწვავე კრიტიკა მოჰყვა. ანანიაშვილმა კი განაცხადა, რომ პარალელურად ქართული დასის ხელმძღვანელადაც დარჩებოდა.
The Batman-ის ვარსკვლავს, რობერტ პატინსონს, COVID-19 დაუდგინდა რის გამოც ფილმის გადაღებები შეჩერებულია. გადამღებმა ჯგუფმა მუშაობა მხოლოდ შვიდი კვირის განმავლობაში მოახერხა და ამ დროისთვის ფილმის 30%-ა მზად.
“ფილმ Batman-ის გადამღები ჯგუფის წევრის ტესტი COVID-19-ზე დადებითი აღმოჩნდა. ის იზოლირებულია დადგენილი წესების შესაბამისად. გადაღებები დროებით შეჩერებულია”, – განაცხადეს სტუდიაში.
ფილმის გადაღებები იანვრიდან მიმდინარეობდა ლონდონში და თავდაპირველად შეჩერდა კორონავირუსის პანდემიის გამო. ფილმის პრემიერა 2021 წლის 30 სექტემბერსაა დაგეგმილი. რეჟისორ მეტ რივზის ფილმში პატინსონი, ზოი კრავიცი, კოლინ ფარელი და სხვები მონაწილეობენ.
ამერიკელი მსახიობი ჩედვიკ ბოსმენი,რომელიც ყველაზე ცნობილი Marvel superhero-ში “შავი პანტერას” როლით იყო ცნობილი, 43 წლის ასაკში სიმსივნის გამო გარდაიცვალა. მსახიობს სიმსივნის დიაგნოზი 4 წლის წინ დაუსვეს, თუმცა მან ეს ინფორმაცია არ გაასაჯაროვა.ამის შესახებ ინფორმაცია ოჯახმა Twitter-ზე გაავრცელა.
ბოსმენს მსხვილი ნაწლავის კიბოს დიაგნოზი 4 წლის წინ დაუსვეს, თუმცა ამის შესახებ ინფორმაცია არ გახმაურებულა. ის ლოს-ანჯელესში ცოლისა და ოჯახის გვერდით გარდაიცვალა.
ქართული მაწვნის მომზადებისა და მოხმარების ტრადიციას არამატერიალური კულტურული ძეგლის სტატუსი მიენიჭა. ამის შესახებ საუბარია ბრძანებაში, რომელსაც კულტურული მემკვიდრეობის დაცვის ეროვნული სააგენტოს დირექტორმა, ნიკოლოზ ანთიძემ გამოსცა.
“მიენიჭოს არამატერიალური კულტურული მემკვიდრეობის ძეგლის სტატუსი არამატერიალური კულტურული მემკვიდრეობის ელემენტს – „ქართული მაწვნის მომზადების და მოხმარების ტრადიცია”, – ნათქვამია ბრძანებაში.
დოკუმენტი 30 ივლისს საკანონმდებლო მაცნეში გამოქვეყნდა.
აჭარის კულტურული მემკვიდრეობის დაცვის სააგენტოს ინიციატივით, საქართველოს კულტურული მემკვიდრეობის დაცვის ეროვნული სააგენტოს გადაწყვეტილებით ,,რვაფეხას” კულტურული მემკვიდრეობის ძეგლის სტატუსი მიენიჭა.
„რვაფეხას” სარეაბილიტაციო სამუშაოები 2019 წელს დასრულდა. კაფე „ფანტაზიას” („რვაფეხას”) მასშტაბური სარეაბილიტაციო სამუშაოები ფონდი ,,ქართუს” მიერ 2017-2019 წლებში განხორციელდა. აღსანიშნავია, რომ 2000 წლიდან ნაგებობა ძლიერი დაზიანების გამო არ ფუნქციონირებდა.
ნაგებობას შეუნარჩუნდა ძველი იერსახე, მოპირკეთდა მოზაიკით. მიმდებარე ტერიტორიაზე აღდგა შადრევანი და მოეწყო მისასვლელი ბილიკები.
კაფე „ფანტაზია” ბათუმის ბულვარში 1981 წელს გაიხსნა. მოზაიკით მოპირკეთებული ნაგებობა არქიტექტორ გიორგი ჩახავას და მხატვარ ზურაბ კაპანაძის ესკიზის მიხედვით შეიქმნა.