სახელმწიფო, სადაც ერთ სულ მოსახლეზე გათვლით ყველაზე მეტი დაინფიცირებულია, არც იტალიაა და არც ჩინეთი. ეს არის ევროპის ჯუჯა სახელმწიფო – სან-მარინოს რესპუბლიკა რომელიც სამხრეთ ევროპაში, აპენინის ნახევარკუნძულზე მდებარეობს და იტალიის შიგნით ანკლავს წარმოადგენს. იგი ზღვაზე გასასვლელის არმქონე სახელმწიფოა, რომლის ფართობი 61 კვადრატული კილომეტრია. ბოლო აღწერის მიხედვით ამ ქვეყანას 32 576 მაცხოვრებელი ყავს.
კორონავირუსის მსოფლიო სტატისტიკაში ერთი მაჩვენებელი არსებობს: დაავადებულთა რაოდენობა ერთ მილიონ მოქალაქეზე. ამ მაჩვენებლით, სან მარინოს რესპუბლიკა ყველას უსწრებს. მაგალითად, ჩინეთში ყოველ ერთ მილიონ მოქალაქეზე 56 ინფიცირებული მოდის, იტალიაში 1 057 , სან მარინოში კი 5,511. სან მარინოში რეალურად 187 კორონავირუსით დაინფიცირებულია, რაც ქვეყნის მოსახლეობის თითქმის 0.6%–ს შეადგენს, რაც ყველაზე მაღალი მაჩვენებელია მსოფლიოში. გარდაცვლილია 21 ადამიანი.
შედარებისთვის – საქართველოში კორონავირუსით დაინფიცირებულთა მაჩვენებელი ყოველ მილიონ მოქალაქეზე 17 დაინფიცირებულს შეადგენს.
