პოპმუსიკოსი მაიკლ ჯექსონი, რომელიც 2009 წელს 50 წლის ასაკში გარდაიცვალა, ხშირად გამოდიოდა ქუჩაში სამედიცინო ნიღბით. ამის გამო მას ხშირად დასცინოდნენ კიდევაც, თუმცა ეს არ აშინებდა
მეტ ფიდესი ათი წლის მანძილზე პოპვარსკვლავის პირადი მცველი იყო. მან მაიკლის თავისებურებების შესახებ ყველაფერი იცოდა, მათ შორის მისი შიშების და სიფრთხილის შესახებ. ბოდიგარდის თქმით, მსოფლიოს გარშემო გასტროლებისას მომღერალი შიშობდა, რომ არსებობდა Covid 19–ის მსგავსი ვირუსის საფრთხე, ამიტომაც ის ჯერ კიდევ მაშინ იღებდა უსაფრთხოების ზომებს.
“მას ძალიან ეშინოდა პანდემიის და ავად გახდომის. მაიკლმა იცოდა, რომ საფრთხე ყოველთვის სადღაც ახლოს იყო. მას დასცინოდნენ, მეც კი ვთხოვდი ნიღაბი მოეხსნა, იმიტომ რომ მრცხვენოდა ასეთ ფორმაში მის გვერდით ფოტოში რომ მოვხვედრილიყავი. ამაზე მიპასუხა, რომ არ უნდოდა ავად გამხდარიყო და ფანატებისთვის იმედები გაეცრუებინა“– ყვება ფიდესი.
ის აზუსტებს, რომ მომღერალი არასოდეს ყოფილა ჰერმოფობი (ადამიანი, რომელსაც პანიკურად ეშინია მიკრობების), უბრალოდ ის საკუთარ ხმას უფრთხილდებოდა. მეტი ასევე ყვება, რომ ჯეკსონი თავს დათრგუნულად გრძნობდა, რადგან სერიოზულად არავინ აღიქვამდა მის შიშებს. “რომ დაენახა ახლა რა ხდება, იტყოდა: “ხომ გეუბნებოდით!“– ამბობს ფიდესი გამოცემა The Sun-თან საუბრისას.
