კორონავირუსის ეპიცენტრი ჩინეთი აღარ არის ჯანდაცვის მსოფლიო ორგანიზაციამ განაცხადა, რომ კორონავირუსის პანდემიის ახალი ეპიცენტრი ევროპა გახდა. სულ უფრო მეტი ქვეყანა კეტავს საზღვრებს უცხოელებისთვის, ზოგჯერ კი საკუთარი მოქალაქეებისთვისაც, რომლებიც საზღვარგარეთიდან ბრუნდებიან.
ბოლო ქვეყანა უკრაინა გახდა, რომელმაც ორშაბათიდან უცხოელებისთვის შესვლა ორი კვირით აკრძალა.
ქვეყნის ტერიტორიაზე დაკეტილია ყველა სასწავლო დაწესებულება. უკრაინის მართლმადიდებელმა ეკლესიამ განაცხადა, რომ მრევლს შეუძლია ხატებს არ ემთხვიოს.
ჩეხეთმა, ბულგარეთმა და სლოვენიამ ასევე დაკეტეს საზღვრები უცხელებისთვის.
მანამდე აშშ–ს პრეზიდენტმა ხელი მოაწერა ბრძანებას აშშ–ში შენგენის ზონის 26 ქვეყნის მაცხოვრებლების აკრძალვის შესახებ.
ავსტრიამ განაცხადა, რომ სამედიცინო შემოწმებებს ჩაატარებს შვეიცარიასთან და ლიხტენშტეინთან საზღვრებზე. ეს ზომა უკვე გამოიყენება ავსტრიისა და იტალიის საზვარზე.
დიდი პრიტანეთი ადგილობრივ არჩევნებს ერთი წლით – 2021 წლის მაისამდე გადაავადებს. აპრილამდე გადაიდო ინგლისის საფერბურთო პრემიერ ლიგის მატჩები. გადაიდო ლონდონის მარათონიც.
პარასკევს კორონავირუსით გარდაცვალების პირველი შემთხვევა დაფიქსირდა შოტლანდიაში.
საგანგებო მდგომარეობა:
ესპანეთის პრემიერ მინისტრმა, პედრო სანჩესმა განაცხადა, რომ 14 მარტიდან ქვეყანაში საგანგებო მდგომარეობა ცხადდება. გარდაცვლილთა რიცხვი ბოლო 24 საათის განმავლობაში ამ ქვეყანაში 40%–ით გაიზარდა. გარდაიცვალა 120 ადამიანი. დარეგისტრირებული შემთხვევების რაოდენობა კი 4209–მდე გაიზარდა.
საგანგებო მდგომარეობის ფარგლებში ხელისუფლებას შეუძლია აკრძალოს ადამიანების და ტრანსპორტის გადაადგილება, გამოსცეს საგანგებო ევაკუაციის ბრძანება, აკრძალოს ზოგიერთ რაიონში და ტერიტორიებზე წვდომა.
ესპანეთის პრემიერი მომავალი კვირისთვის კორონავირუსით დაავადებულთა რაოდენობის გაორმაგებას პროგნოზირებს.
შეჩერებული სწავლა
იუნესკოს ცნობით კორონავირუსთან ბრძოლის ფარგლებში 49 ქვეყანამ უკვე დაკეტა და კეტავს ყველა სკოლას . შვეიცარიამ სკოლები 4 აპრილამდე დაკეტა. გერმანიის სკოლები ორშაბათიდან დაიხურება. ქვეყანაში შემსვლელებისთვის 14 დღიანი კარანტინი შემოიღო მალტამ.
ბრიტანეთის პრინცმა ჩარლზმა ბრიტანეთის მთავრობის თხოვნით ბოსნიაში, იორდანიაში და კვიპროსზე ვიზიტი გადადო.
ბრიტანეთის ავიახაზების ხელმძღვანელმა ალექს კრუზმა განაცხადა, რომ უქმდება უამრავი რეისების უმრავლესობა, თანამშრომლებს კი უმუშევრობა ემუქრება.
