დღეს შუადღიდან ევროკავშირის გარე საზღრები იხურება. გარდა ამისა, იხურება საზღვრები ევროკავშირის უვიზო ზონის შიგნით.
ევროკომისიის წინადადებით აკრძალვა 30 დღით წესდება. გამონაკლისი იქნება მხოლოდ საკუთარ ქვეყნებში იმ ადამიანების დაბრუნება, რომლებსაც მუდმივი ცხოვრების უფლება აქვთ, ევროკავშირის მოქალაქეთა ოჯახის წევრები და დიპლომატები. საზღვრის გადაკვეთა ნებადართულია სამედიცინო პერსონალისა და კომერციული სატვირთო ტრანსპორტისთვის. მოსალოდნელია, რომ ევროკავშირი ამ გეგმას მოიწონებს.
საფრანგეთი ევროკავშირის მორიგი ქვეყანა გახდა, რომელმაც კორონავირუსის პანდემიასთან საბრძოლველად სრული იზოლაცია გამოაცხადა. ქვეყნის მოქალაქეებს ნაბრძანები აქვთ სახლიდან არ გამოვიდნენ. საპატიო მიზეზის გამო სახლის დატოვება აკრძალულია, ისევე როგორც ნებისმიერი მასობრივი თავყრილობა. რეჟიმის დარღვევისთვის პასუხისმგებლობაა გათვალისწინებული. საფრანგეთში აკრძალვა 15 დღით დაწესდა.
თუმცა ჯანდაცვის მსოფლიო ორგანიზაცია თვლის, რომ ასეთი მკაცრი ზომები ვირუსის მატარებელთა აქტიური გამოვლენის გარეშე არაეფექტურია.
გაეროს უშიშროების საბჭომ კორონავირუსთან დაკავშირებით სხდომები შეაჩერა. გასულ კვირას გაეროში ფილიპინების წარმომადგენელს COVID19–ის ანალიზმა დადებითი შედეგი უჩვენა.
მსოფლიოში ეკონომიკური დანაკარგები იზრდება, თუმცა ხელისუფლებები პირობას დებენ, რომ ყველაზე მოწყვლად სფეროებს მხარდაჭერას აღმოუჩენენ.
