Category: არქივი

შინგან საქმეთა მინისტრი „თიბისი-ბანკის“ დამფუძნებლის მამუკა ხაზარაძის სკანდალურ განცხადებას კიდევ ერთხელ ეხმაურება და აცხადებს, რომ პარლამენტის ტრიბუნა გამოყენებული იყო ჩვეულებრივი ჭორაობისა და ტყუილებისთვის, რასაც თავისი მიზანი ჰქონდა. გახარიას განმარტებით, მისთვის ნათელია, რომ ამის მიზანი იყო შინაარსობრივი საუბრიდან აქცნტების გადატანა. „ეს გამოუვიდათ და ყველაზე მთავარი, მე, როგორც ვიცე-პრემიერს და ეკონომიკის ყოფილ მინისტრს, ძალიან კარგად მესმის ამ ქვეყნისთვის და ამ სახელმწიფოს მომავლისთვის, რას ნიშნავს ანაკლიის ღრმაწყლოვანი პორტი. დღეს, როგორც შს მინისტრს და ძალოვანი სტრუქტურის წარმომადგენელს ასევე, ძალიან კარგად მესმის, რას ნიშნავს ანაკლიის პორტი.

ჩემთვის უკიდურესად სამწუხაროა, რომ ადამიანები სკანდალებით, რაღაც შეთქმულების თეორიებით ცდილობენ ვალდებულებებს თავი აარიდონ და დააზიანონ სახელმწიფო ინტერესები“ – აცხადებს გიორგი გახარია .

შს მინისტრის მიერ მამუკა ხაზარაძისთვის მიწერილი წერილის ამბავს თავდაცვის ყოფილი მინისტრი  ფეისბუქ სტატუსით ეხმაურება და პარლამენტში დიდი ხნის წინ მომხდარ ჩხუბს იხსენებს:

“გახარიას წერილზე გამახსენდა. 2002 წელია, იუსტიციის მინისტრის მოადგილე ვარ და ხშირად მიწევს პარლამენტში ყოფნა. ერთი დღეა, დარბაზში შევედი, სხდომა დაწყებული ჯერ არაა, მაგრამ აყალმაყალი დამხვდა. შევიჭერი ჩოჩქოლის შუაგულში და რას ვხედავ, ნესტან კირთაძე პუტავს ვან ბაიბურთს, ამ სიტყვის სრული მნიშვნელობით. ბაიბურთი დამტვრეული ქართულით რაღაცას უარობდა, მაგრამ ნესტანი მაინც ჯირყვნიდა.

მანამდე კი ასე დაიწყო ყველაფერი. ჯანსუღ ჩარკვიანს ექსპრომტად ლექსი დაუწერია ქაღალდის ნაგლეჯზე: “ნესტან, ნესტან შენსა დღესა, შენი მკერდი აფრქვევს მზესა…” რაღაც ამდაგვარი და ბოლოში ავტორად მიაწერა ვან ბაიბურთი და ნესტანის ადგილას მაგიდაზე დადო. მერე რაც მოხდა კი გითხარით, მაგრამ საწყალმა ბაიბურთმა გამაოგნებელი არგუმენტით დააშოშმინა ნესტანი. “ნესტანჯან ლექსი ცხოვრებაში არათუ არასდროს დამიწერია, არც წამიკითხიაო”.

ვითომ გახარიამაც არ იცის წერა-კითხვა?“ – წერს ირაკლი ოქრუაშვილი

„ივანიშვილმა თუ დააბრუნა ღარიბაშვილი, რომელთან სამი წელი იმუშავა და მერე ვეღარ იმუშავა, რატომ არ უნდა დააბრუნოს საააკაშვილი, რომელთანც 5 წელი იუშავა და მერე ვეღარ იმუშავა. ასე, რომ მალე მიშასაც დაგვიბრუნებს“ – აცხადებს დავით უსუფაშვილი

„შენების მოძრაობის“ ლიდერის, დავით უსუფაშვილის განცხადებით, სალომე ზურაბუიშვილს დიდი დრო და მცდელობა დაჭირდება, აღმოფხვრას ის ნეგატივი, რაც ახლდა მისი კანდიდატობის და მისი გაპრეზიდენტების მოდელს, რამაც ის სერიოზულად დააზიანა მოქალაქეების თვალში. „ამ დანაწევრებულ, დაყოფილ, დეზინტეგრირებულ საზოგადოებას სჭირდებოდა პრეზიდენტი, რომელიც გააერთიანებდა, შეაკავშირებდა და იმედს გააჩენდა. ამ ყველაფრის ანტიპოდი მივიღეთ ამ ტიპის და ასე არჩეული პრეზიდენტით. სამწუხაროდ, ის თვლის, რომ ესა თუ ის პოლიტიკური პრობლემა, რაც პოლიტიკურია, არ არის მისი პრობლემა, ზურაბიშვილი გაურბის ყველაფერს და გველაპარაკება სხვა სამყაროზე“- აცხადებს დავით უსუფაშვილი.

ყოფილი პრემიერის ირაკლი ღარიბაშვილის „ოცნებაში“ დაბრუნებას „შენების მოძრაობის“ ლიდერი დავით უსუფაშვილი სახელისუფლებო ვერტიკლის გადარჩენისთვის ბიძინა ივანიშვილის სასოწარკვეთილ მცდელობას უწოდებს. უსუფასვილის განცხადებით, ივანისვილს აწუხებს ის, რომ სახელისუფლებო ვერტიკალია გამრუდებული და არა ის, ქვერყანა რა დრეშიც აღმოჩნდა მისი უუნარო მმართველობის გამო.

„ეს არის ნაბიჯი უკან. ეს არის მხოლოდ სასოწარკკვეთილი, უსუსური მცდელობა, უკან დაბრუინებით წინ აწავიდეთ. უკან თუ მიბრუნდები წახვალ უკან და არა – წინ. მგონია, რომ ზეიმის საფუძველი ერთ კონკრეტულ ადამიანს და პოლიტიკურ ჯგუფს აქვს – ეს არის ირმა ინაშვილი და „პატრიოტთა ალიანსი“. ამ გადაწყვეტილებით კიდევ უფრო გაძლიერდა „ოცნების“ „პატრიოტთა ალიანსთან“ ალიანსის ტედენციები, რომელიც ისედაც თავლნათელი იყო. ივანიშვილმა იარა იარა, და იდეურად ბარდება ინაშვილს, ამიტომ, ინაშვილს აქვს საფუძველი, იზეიმოს.

მთავარი პროკურატურა „თიბისი ბანკის“ დამფუძნებლის მამუკა ხაზარაძის მიერ პროკურატურისთვის გადაცემულ წერილს ასაჯაროებს.

ამასთან, პროკურატურის მიერ გავრცელებულ განცხადებაში ნათქვამია, რომ ბიზნესმენმა წერილთან დაკავშირებით გამოძიებასთან არ ითანამშრომლა.

“გამოძიება, ამ ეტაპზე, მოკლებულია მამუკა ხაზარაძის მიერ მოწოდებული ინფორმაციის გადამოწმების და მისი უტყუარობის დადგენის შესაძლებლობას, რადგან ვერც დოკუმენტის ავთენტიკურობის დადგენის მიზნით მოახდენს ექსპერტული კვლევის ინიცირებას, რადგან სახეზე მხოლოდ ე.წ. დოკუმენტის ასლია და ვერც ე.წ. შუამავალს დაკითხავს, მოწმე ხაზარაძის მიერ მისი ვინაობის გაუმჟღავნებლობის გამო. მაღალი საზოგადოებრივი ინტერესიდან გამომდინარე, საქართველოს გენერალური პროკურატურა აქვეყნებს სასამართლოში მამუკა ხაზარაძის მიერ წარდგენილ ე.წ. დოკუმენტს და კიდევ ერთხელ განმარტავს, რომ სასამართლოში დაკითხვისას მოწმე ხაზარაძემ სრულყოფილად არ ითანამშრომლა გამოძიებასთან”, – ნათქვამია განცხადებაში.

{{ARTICLEIMAGE}}

ეკონომიკის მინისტრი გიორგი ქობულია მისი თანამდებობიდან შესაძლო წასვლის შესახებ გავრცელებულ ინფორმაციას ეხმაურება.

“როგორც ხედავთ, აქ ვარ. ვაგრძელებ მუშაობას. მე ვემსახურები საქმეს და ვემსახურები ამ ქვეყნის საქმეს. ვვარაუდობ, რომ შესაძლებელია ეს ვიღაცას არ მოეწონოს და ზუსტად ეს ხალხია, ვინც ყრის ჭორებს, მაგრამ მე ამ სამუშაოს და მართალი საქმის სამსახურს გავაგრძელებ მანამდე, სანამ აქ ვარ”, – განუცხადა ქობულიამ ჟურნალისტებს დღეს პარლამენტში ვიზიტისას, სადაც იგი საქართველოს პრეზიდენტის სალომე ზურაბიშვილის ანგარიშის წარდგენას დაესწრო.

ანგარიშის წარდგენისას სალომე ზურაბიშვილი პარლამენტში მიმდინარე პოლიტიკურ პროცესებს გამოეხმაურა და განაცხადა, რომ ამა თუ იმ პარტიაში განვითარებულ მოვლენებთან დაკავშირებით, პირად მოსაზრებებს არ გამოხატავს. „ერთადერთი, შემიძლია აზრი გამოვთქვა შექმნილ ახალ მოცემულობასთან დაკავშირებით. როცა აღარ არსებობს საკონსტიტუციო უმრავლესობა და სადაც შესაძლოა ფრაქციების, ან თუნდაც უმცირესობის გადალგება მოხდეს, ეს პროცესები ჩემი გადასახედიდან ახალი საპარლამენტო სისტემის ბუნებრივი ნაწილია, ასეთ სისტემაში საკანონმდებლო უმრავლესობის მიღწევისთვის ან მთავრობის დამტკიცებისთვის ხანდახან საჭირო ხდება კალიციების შექმნა. მოვლენების ასეთი განვითარება არც უნდა გაგვიკვირდეს, და არც უნდა ოყოს აღქმული დესტრუქციის შემცველ ფაქტორად, თუკი იგი არ ემუქრება ქვეყნის სტაბილიზაციას. ამ შემთხვევაში უფრო საყურადრებოა, პოლიტიკური დისკურსი, მკვეთრი განცხადებები, შეურაცხყოფები რომელმაც შეიძლება ხელი შეუშალოს ხვალინდელი თამამშრომლობის ფორატის შექმნას. ჩვენი პერსპექტივებიდან გამომდინარე, ამის უფლება არ გვაქვს“ – განაცხადა სალომე ზურაბიშვილმა.