46 წლის ჯორჯ ფლოიდის მკვლელობაში ეჭვმიტანილი მინეაპოლისის ყოფილი პოლიციელი დერეკ შოვინი ნაფიცმა მსაჯულებმა ბრალდების სამივე პუნქტში დამნაშავედ სცნეს. მას 40-წლიანი პატიმრობა ემუქრება.მოსამართლემ დერეკ შოვინის სასჯელის ზომა რვა კვირაში ვადაში უნდა გამოაცხადოს.
უცხოური მედია ავრცელებს, ვიდეოს, სადაც ჯორჯ ფლოიდის ოჯახის რეაქცია, ჩანს მაშინ როდესაც ნაფიცმსაჯულებმა ფლოიდის საქმეში ყოფილ პოლიციელს, განაჩენი გამოუტანეს.
ჯორჯ ფლოიდი 2020 წლის 25 მაისს დაიღუპა, მაღაზიაში ყალბი 20-დოლარიანი კუპიურის გადახდის გამო მისი დაპატიმრების მცდელობისას. სოციალურ ქსელებში გავრცელებულ ვიდეოში ჩანდა, რომ პოლიციის ოფიცერი, დერეკ შოვინი ჯორჯ ფლოიდს კისერზე მუხლს აჭერდა, ხოლო დაკავებული ჯორჯ ფლოიდი კი სუნთქვის საშუალების მიცემას ითხოვდა. მისმა სიკვდილმა ბიძგი მისცა თვეების განმავლობაში გაგრძელებულ, ზოგჯერ ძალადობრივ საპროტესტო აქციებს საპოლიციო სისასტიკის და რასიზმის წინააღმდეგ. ჯორჯ ფლოიდის მკვლელობაში ბრალდებული ყოფილი პოლიციელის, დერეკ შოვინის საქმეზე სასამართლო პროცესი 8 მარტს დაიწყო.
