გარდაცვლილი 23 წლის პროგრამისტის, თამარ ბაჩალიაშვილის დედა ეხმიანება თამარის ბებიის ინტერვიუს, რომელიც მან სახელისუფლებოა მედიას, ტვ იმედის მისცა. ბებიამ თქვა, რომ შესაძლოა თამარს თავი მოეკლა, ასევე, აღნიშნა, რომ მას თავისი უფროსი მოწონდა.
თეონა თამაზაშვილის თქმით, თამარის ბებიასთან, კერძოდ კი ბებიის დასთან, კონფლიქტი მოუვიდა, რასაც ეს ინტერვიუ მოყვა. გარდაცვლილი გოგოს დედა იხსენებს, რომ ბებიამ უთხრა, რომ ნიკა გვარამიასთან ინტერვიუზე არ წასულიყო და “შემოლაწუნებით” დაემუქრა.
“მე დავიფიცე თამუნას სასახლესთან, რომ აუცილებლად ვიბრძოლებ შენი მკვლელების საპოვნელად–მეთქი, ამისთვის სატანისთვისაც რომ დამჭირდეს სულის მიყიდვა–მეთქი. ჰოდა, შემომივარდა სადაც ვიწექი ცუდად ყოფნის დროს და გვარამია არ ჩართო ამ საქმეშიო. მე ვუპასუხე, ზუსტადაც მექნება–მეთქი და არ შემოგილაწუნოო მითხრა. ძალიან ღრმად შეტოპა და არ ვიცი, მაგას მარტო ხალხის რისხვა ეყოფა, რატომ უნდა დაუპირისპირდე გამწარებულ დედას. არ ვიცი, რას ემსახურება მისი საქციელი, დღემდე აუხსნელია”,– ამბობს ფორმულას ეთერში თამაზაშვილი.
მანვე აღნიშნა, რომ ის თამარის გამზრდელი ბებია არ არის და იბრალებს.
