ესპანეთის ვიცე-პრემიერს, კარმენ კალვოს კორონავირუსი აღმოაჩნდა.
მთავრობის პრესსამსახურის განმარტებით, მან სამშაბათს ტესტზე ნეგატიური პასუხი მიიღო, თუმცა ექიმებმა მიზანშეწონილად ჩათვალეს განმეორებითი ტესტის ჩატარება. ოთხშაბათს ხელახლა ჩატარებულმა ტესტმა ვირუსი დაადასტურა.
მათივე ცნობით, ამჟამად ვიცე-პრემიერი თავს კარგად გრძნობს და მკურნალობს.
ესპანეთში კორონავირუსით ბოლო 24 საათში 454 ადამიანი დაიღუპა, 5553 კი დაინფიცირდა. გარდაცვლილთა რაოდენობა ის მეორე ქვეყანაა მსოფლიოში იტალიის შემდეგ. ჯამში COVID 19-ით ინფიცირების 47 610 შემთხვევაა დადასტურებული, ვირუსით გარდაცვლილთა რიცხვი 3434-ია.
