აშშ–ს მერილენდის შტატის 49 წლის მცხოვრები მამაკაცი მეზობლებმა საკუთარ სახლში გარდაცვლილი იპოვნეს. მის ოთახში ასზე მეტი, მათ შორის ბევრი შხამიანი გველი იყო.
ამასთან, ყველა რეპტილია ტერარიუმში იყო განთავსებული, ამიტომაც სიკვდილის მიზეზი ჯერჯერობით დაუდგენელია.
მეზობლებმა პოლიცია გამოიძახეს. მათ სახლში სხვადასხვა სახეობის ზუსტად 124 გველი დათვალეს. მათ შორის პითონები და კობრები.
ყველაზე დიდი მათ შორის ოთხმეტრიანი ბირმული პითონია.
ადგილზე მამაკაცის სიკვდილის კონსტატირება მოხდა, თუმცა მიზეზი ვერ დადგინდა. პოლიციაში ამბობენ, რომ მათ არ აქვთ ეჭვი სიკვდილთან სხვა ადამიანის შემხებლობის შესახებ და იმედი აქვთ, რომ უფრო მეტს გაკვეთის და ექსპერტიზის შემდეგ გაიგებენ.
ქვეწარმავლების ბედს ზოოკონტროლის საოლქო ცენტრი ექსპერტების დახმარებით გადაწყვეტს. მერილენდის შტატის კანონებით სახლში შხამიანი გველების ყოლა აკრძალულია.
ცენტრის წარმომადგენელმა მედიასთან საუბარში თქვა, რომ გველები სხვა შტატებში გაგზავნეს და ყველა მათგანი შესაბამის ორგანიზაციაში განათავსეს შესაბამისი ლიცენზიებით და ნებართვებით.
არ არის გამორიცხული, ისინი კერძო მფლობელების ხელში აღმოჩნდნენ, რომლებსაც აუცილებელი ლიცენზია ექნებათ.
