ექსპერტი გია ხუხაშვილი ხაზარაძე–ჯაფარიძე–წერეთლის საქმესთან დაკავშრებით თვლის, რომ სასამართლოს მიერ მათი გამართლების შემთხვევაში ხელისუფლებას მოუწევს იმის მტკიცება, რომ ანაკლიის პროექტი ხაზარაძე–ჯაფარიძის უკანონო დევნის გამო არ ჩაშლილა. ამ საქმეზე განაჩენი სასამართლომ ხვალ უნდა გამოაცხადოს. “ლელოს“ ლიდერებს პროკურატურა ფულის გათეთრების ბრალდებით ედავება:
“ხვალინდელი განაჩენის ფასია მინიმუმ 1,5 მილიარდი დოლარი.
ხელისუფლებამ საარბიტრაჟო დავაში უნდა ამტკიცოს, რომ ანაკლიის პროექტის ჩაშლა განაპირობა საინვესტიციო ვალდებულებების შეუსრულებლობამ და არა ოპერატორის მიმართ უკანონო დევნის გამო პოტენციური ინვესტორების დაფრთხობამ.
გამამართლებელი განაჩენი ირიბად ადასტურებს უკანონო დევნას და არბიტრაჟს ხელისუფლება წააგებს. ფასი – 1,5 მილიარდი დოლარი.
გამამტყუნებელი კი ადასტურებს, რომ ჩვენ სახელმწიფო არ ვართ და მაღალი ალბათობით ვერც არბიტრაჟს გადაარჩენს.
ფასი – ბნელი მომავალი + სავარაუდო 1,5 მილიარდი დოლარი.
ასეთ ჩიხში შეიყვანეს თავი და რაც მთავარია, ქვეყანა…“ – ამბობს გია ხუხაშვილი.
