ინფექციური საავადმყოფოს დირექტორი, თენგიზ ცერცვაძე ამბობს, რომ საქართველოში ორი ვაქცინის შემოტანაზეა საუბარი, მათ შორის ერთ-ერთი ჩინური ვაქცინაა.
მისი მტკიცებით, მსოფლიოში ჩინურ ვაქცინას საკმაოდ მაღალი რეიტინგი აქვს, მასზე დიდი ხანია მუშაობენ, ამიტომ”ჩინური ვაქცინა ხელწამოსაკრავი არ იქნება”:
“ლაპარაკია, ორი ვაქცინის შემოტანაზე ჩვენთან – AstraZeneca-სა და ერთერთი ჩინურის. ჩინეთს აქვს 5 ვაქცინა და ერთ–ერთზე არის ლაპარაკი. მინდა გითხრათ, რომ მსოფლიოში ჩინური ვაქცინის რეიტინგი საკმაოდ მაღალია.
ჩინურ ვაქცინას მაღალი ნდობა აქვს. სხვა თუ არაფერი, იქ გაჩნდა ეს ინფექცია და მათ ყველაზე კარგად იციან ამ ვირუსის სტრუქტურა და მისი თავისებურებები და სულ არ გამიკვირდება, რომ ჩინურმა ვაქცინამ ყველას აჯობოს. მათ ამისთვის ბევრი დრო ჰქონდათ, იმასაც ამბობენ, რომ წინასწარ იცოდნენ ამ ვირუსის არსებობა და დიდი ხანია ამ ვაქცინაზე მუშაობენ, ამიტომ ჩინური ვაქცინა ხელწამოსაკრავი არ იქნება”,-ამბობს ცერცვაძე ფორმულას ეთერში.
ვაქცინა “ასტრაზენეკა”, რომელსაც ცერცვაძე ასახელებს, დიდ ბრიტანეთში მზადდება.
ცერცვაძემ რამდენიმე დღის წინ განაცხადა, რომ Pfizer-ისა და Moderna-ს ვაქცინები საქართველოსთვის ხელსაყრელი არ არის.
