TV პირველის ჟურნალისტმა, მირანა ბაღათურიამ 6 ივლისს გაიხსენა, როგორ იძალადეს მასსა და მის ოპერატორზე, ლექსო ლაშქარავაზე პუტინისტურმა ჯგუფებმა “სირცხვილიას” ოფისსში შეჭირისას. ლექსო ლაშქარავა დღეს გარდაიცვალა.
ტვ პირველის ჟურნალისტი ჰყვება, რომ მათთან ერთად მხოლოდ ერთი პოლიციელი იმყოფებოდა, რომელმაც საპატრულო ეკიპაჟების დამატებითი ძალები ადგილზე არ გამოიძახა.
მისი თქმით, ლექსო ლაშქარავა 5 წუთის განმავლობაში სისხლის გუბეში იწვა და მას უმოწყალოდ უტყამდნენ.
“პირველად როცა შემოიჭრნენ, პირველი წიხლი მომხვდა მე, გამიზნული წიხლი და მერე უკნიდან თმა მომქაჩა მამაომ და მითხრა, ახლა მაინც ძლივს გაგაჩუმებო, ჩემმა ოპერატორმა უთხრა, რას აკეთებ, ჟურნალისტიაო. ამ დროს გადაწია 20-მა კაცმა, ვიყავით ჩაკეტილები მე და ჩემი ოპერატორები, ვიყავი ძალიან დაუცველი, იყო დაუცველი ასევე საპატრულო პოლიციის თანამშრომელი.
ჩემი ოპერატორს სისხლის გუბეში 5 წუთის განმავლობაში 20 ადამიანი ისე უმოწყალოდ ურტყამდა… მე ვყავდი კიბის მოაჯირზე 15 კაცს გაკავებული, ვკიოდი, არ მოკლათ-მეთქო, მჩქმეტდნენ და წიხლებს მირტყამდნენ, ტელეფონი გადამიგდეს და 20-მა კაცმა ჩაითრია ლექსო და აღარ ჩანდა”, – ყვება მირანდა ბაღათურია.
ტელეკომპანია პირველის ოპერატორი, რომელიც 5 ივლისს პუტინისტებმა სცემეს, საკუთარ სახლში გარდაცვლილი იპოვეს. გარდაცვალების ზუსტი მიზეზი ჯერჯერობით უცნობია, მას ექსპერტიზა უტარდება.
ლექსო ლაშქარავასა და მირანდა ბაღათურიაზე ძალადობის გამო 8 ივლისს შსს-მ 2 პირი დააკავა. მათ აღკვეთი ღონისძიების სახით პატიმრობა აქვთ შეფარდებული.
5 ივლისს ჰომოფობიურმა, პუტინისტურმა ჯგუფებმა 53 ჟურნალისტს სცემეს, მათი დაცვა შსს-მ ვერ შეძლო.
