რუსეთის თავდაცვის სამინისტრომ დაადასტურა, რუსული გემი ქერჩის გეგმთმშენებელ ქარხანა “ზალივზე„ უკრაინული სარაკეტო თავდასხმის შედეგად დაზიანდა.
თავდაცვის სამინისტროს განცხადებაში, რომელსაც “რია ნოვოსტი“ ავრცელებს, ნათქვამია, რომ დარტყმა განხორციელდა 15 რაკეტით, რომელთაგან 13 ჩამოაგდეს.
რუსეთის თავდაცვის სამინისტრო არ აკონკრეტებს, რომელი ხომალდი დაზიანდა დარტყმის შედეგად.
მანამდე უკრაინის შეიარაღებული ძალების საჰაერო ძალების მეთაურმა, ნიკოლაი ოლეშჩუკმა განაცხადა, რომ“ ზალივის“ ქარხანას უკრაინული ფრთოსანი რაკეტებით იყო შეუტიეს. მისი თქმით, იმ დროს იქ იყო ერთ-ერთი ყველაზე თანამედროვე,კალიბრის რაკეტების მატარებელი რუსული ხომალდი.
ოლეშუკმა ასევე მიანიშნა, რომ დარტყმისთვის გამოყენებული იქნა დასავლელი მოკავშირეების მიერ მოწოდებული SCALP რაკეტები.
უკრაინის შეიარაღებული ძალების მთავარსარდალის აპარატის სტრატეგიული კომუნიკაციების დეპარტამენტმა გამოაქვეყნა ინფორმაცია, რომელშიც ნათქვამია:
„4 ნოემბრის საღამოს უკრაინის შეიარაღებულმა ძალებმა წარმატებით დაარტყეს დროებით ოკუპირებულ ქერჩში “ზალივის“ გემთმშენებელი ქარხნის საზღვაო და საპორტო ინფრასტრუქტურას.“–
კონკრეტული სამიზნეების განადგურების შესახებ ინფორმაცია არ ვრცელდება, მაგრამ უკრაინული ტელეგრამის არხები ავრცელებენ ინფორმაციას რაკეტა მოხვდა მცირე ზომის სარაკეტო ხომალდ “Аскольд”–ს.
კალიბრის საკრუიზო რაკეტების ეს მატარებელი რუსეთის შავი ზღვის ფლოტის ერთ-ერთი უახლესი და თანამედროვე გემია. მისი მშენებლობა 2016 წელს დაიწყო ქერჩის გემთმშენებელ ქარხანაში და ზღვაში 2021 წელს ჩაუშვეს.
