ცნობილმა ამერიკელმა რეპერმა 50 ცენტმა განაცხადა, რომ 2024 წელს სექსზე უარის თქმა გადაწყვიტა. რეპერი არასოდეს ყოფილა დაქორწინებული და მისი პირადი ცხოვრების შესახებ ძალიან ცოტაა ცნობილი. ამიტომ შესაძლებელია, რომ ის ახლა მარტოა.
უცნაური გადაწყვეტილება რეპერმა ინსტაგრამის საკუთარ გვერდზე გამოაცხადა. კერტის ჯეიმს ჯეკსონ III-მ, რომელიც 50 ცენტის ფსევდონიმით გამოდის, თქვა, რომ მთლიანად არის მოცული რაღაც ახალი იდეით, რომელსაც ჯერჯერობით საიდუმლოდ ინახავს. ამიტომ მან გადაწყვიტა თავი შეიკავოს სექსისგან.
“ჩემი ახალი იდეა იმდენად დიდია, რომ დრო არ მრჩება ყურადღების გაფანტვისთვის. მივყვები აბსტინენციას, ვმედიტირებ და ჩემს მიზნებზე ვფოკუსირდები. იმედი მაქვს, რომ ეს ახალი წელი დამეხმარება ახალ ეტაპზე ასვლაში”, – წერს 48 წლის რეპერი.
