იურიდიულ საკითხთა კომიტეტის სხდომაზე რუსული კანონის განხილვისას კომიტეტის თავმჯდომარემ, ანრი ოხანაშვილმა ოპოზიციონერ დეპუტატებს – თამარ კორძაიას და ლელოს წევრს, სალომე სამადაშვილს დარბაზი დაატოვებინა.
თამარ კორძაია სხდომის დროს ეუთო/ოდირის რეკომენდაციებს ციტირებდა,სამადაშვილი ამბობდა, რომ ამ კანონის მიღების შემთხვევაში, საქართველოს შესაძლოა ევროკავშირთან უვიზო რეჟიმი გაუუქმდეს, რა დროსაც, ოხანაშვილმა მას მიკროფონი გაუთიშა. მიკროფონის გათიშვის შემდეგ სამადაშვილმა მომხსენებელ მამუკა მდინარაძესთან კამათი გააგრძელა რის გამოც მას დარბაზი დაატოვებინეს.
მანამდე, ოხანაშვილმა სამ ოპოზიციონერ დეპუტატს, თამარ კორძაიას, ლევან ბეჟაშვილს და გიორგი ვაშაძეს დაატოვებინა დარბაზი. ამ წუთებში იურიდიულ საკითხთა კომიტეტი რუსულ კანონს მეორე მოსმენით განიხილავს.
