ჯანდაცვის მსოფლიო ორგანიზაციის მიერ გამოქვეყნებული ინფორმაციით კორონავირუსი ჰაერით არ ვრცელდება. ის ძირითადად პერსონალური კონტაქტებით გადადის, როცა ადამიანი ურთიერთობისას ახველებს, აცემინებს ან საუბრობს და ერთი ადამიანის ნერწყვის წვეთები მეორეს ხვდება. ჯანმოს ინფორმაციით Covid19-ის წვეთები მეტისმეტად მძიმეა იმისათვის, რომ ჰაერში გაჩერდეს ან შორ მანძილზე გადაადგილდეს. ის მაქსიმუმ ერთი მეტრის მანძილზე ეცემა ახლომდებარე ზედაპირზე. ჯერჯერობით ზუსტად დაუდგენელია, რამდენ ხანს რჩება ვირუსი ზედაპირზე, ამიტომაც ჯანმო მოგვიწოდებს რაც შეიძლება ხშირად ვწმინდოთ ზედაპირები, რადგან მაზე ვირუსის არსებობისას ხელით შეხების შემთხვევაში, თუ ამ ხელს თვალზე ან პირზე მოისვამ, შესაძლოა ვირუსი გადაგედოს. ამიტომ გვირჩევს ჯანდაცვის მსოფლიო ორგანიზაცია დაუსრულებლად ხელების ხშირ დაბანას.
თუმცა, ყველაზე მეტად დაინფიცირება ვირუსიანთან ერთმეტრიანი დისტანციიდან ან უფრო ახლოს კონტაქტისას ხდება, როცა დაინფიცირებულის ნერწყვი ადვილად შეიძლება აღმოჩნდეს თქვენს სასუნთქ გზებში.
