გერმანულმა აფთიაქებმა დროებით შეაჩერეს ვაქცინაციის ციფრული სერთიფიკატების გაცემა მას შემდეგ, რაც ჰაკერებმა მოახერხეს აფთიაქარების ასოციაციის საიტზე წვდომა მოეპოვებინათ და ყალბი ექაუნთების დახმარებით სერთიფიკატები გაეყალბებინათ.
ასოციაციაში საიტის გატეხვის შესახებ ჟურნალისტებისგან გაიგეს, რის შემდეგაც გააკეთეს განცხადება, რომ აჩერებენ სერთიფიკატების გაცემას. ასოციაცია არ აკონკრეტებს, როდის გაგრძელდება სეითიფიკატების გაცემა.
გერმანიაში სრულად ვაქცინირებულია მოსახლეობის 47%. ვაქცინის ერთი დოზა მიღებული აქვს მოსახლეობის 60%–ს.
კანცლერმა ანგელა მერკელმა ხუთშაბათს მოუწოდა გერმანელებს რაც შეიძლება სწრაფად აიცრან. “რაც მეტი ჩვენგანი აიცრება, მით უფრო თავისუფლები ვიქნებით.“– თქვა მან.
