”რაც უფრო მეტ თავდაცვით მხარდაჭერას მიიღებენ ჩვენი გმირები ფრონტზე მსოფლიოსგან, მით უფრო მალე დასრულდება რუსეთის აგრესია და მით უფრო საიმედო იქნება უსაფრთხოების გარანტიები უკრაინისთვის და ყველა ჩვენი პარტნიორისთვის ომის შემდეგ. ტერორისტულმა სახელმწიფომ უნდა წააგოს. ადამიანების სიცოცხლის უფლება დაცული უნდა იყოს. ეს ასეც იქნება.”
განაცხადა უკრაინის პრეზიდენტმა, ვოლოდიმირ ზელენსკიმ.
უკრაინის პრეზიდენტმა ვლადიმირ ზელენსკიმ გაავრცელა კადრები, სადაც ჩანს, რომ უკრაინელი სპორტსმენები უკრაინაში რუსეთის შემოჭრის დროს განადგურებულ სპორტდარბაზებში ვარჯიშობენ.ამგვარად მან კიდევ ერთხელ გამოხატა პოზიცია ოლიმპიურ შეჯიბრებებში რუსების და ბელორუსებში დაშვების წინააღმდეგ.
“ოლიმპიური პრინციპები და ომი ფუნდამენტურად ეწინააღმდეგება ერთმანეთს. რუსეთმა უნდა შეაჩეროს აგრესია და ტერორი და მხოლოდ ამის შემდეგ იქნება შესაძლებელი ოლიმპიურ მოძრაობაში რუსეთის მონაწილეობაზე საუბარი”, – წერს ზელენსკი.
მანამდე საერთაშორისო ოლიმპიური კომიტეტის ხელმძღვანელმა თომას ბახმა განაცხადა, რომ მსოფლიოში ბევრი მხარს უჭერს რუსი და ბელორუსი სპორტსმენების საერთაშორისო შეჯიბრებებზე დაბრუნების იდეას.
„ჩვენ ვიცით უკრაინის თვალსაზრისი, რომელსაც არა მხოლოდ რუსეთის, როგორც სახელმწიფოს იზოლაცია, არამედ ყველა რუსეთის სრული იზოლაცია სურს“, – განაცხადა ბახმა. მან დასძინა, რომ უკრაინელ სპორტსმენებთან სოლიდარობა შენარჩუნებულია, მაგრამ ცალკეული სპორტსმენები არ უნდა იყვნენ დისკრიმინირებული, მაშინაც კი, თუ ქვეყნები კონფლიქტში არიან, წერს Spiegel.
ბახმა ივარაუდა, , რომ რუსეთისა და ბელორუსიის იმ წარმომადგენლებს, რომლებიც არ უჭერდნენ მხარს უკრაინის ომს, შეძლებენ 2024 წელს პარიზის ოლიმპიურ თამაშებზე მონაწილეობა ნეიტრალური დროშებით.
„არ შეიძლება არ იყო იმედგაცრუებული საერთაშორისო ოლიმპიური კომიტეტის ამჟამინდელი თავმჯდომარის განცხადებებით. მე მას არაერთხელ ვესაუბრე და არასდროს მსმენია, როგორ აპირებს სპორტის დაცვას ომის პროპაგანდისგან, თუ რუს სპორტსმენებს საერთაშორისო შეჯიბრებებზე დააბრუნებს. “ – განაცხადა ზელენსკიმ საღამოს ვიდეომიმართვაში წინა დღეს.
უკრაინის არმიას ესაჭიროება 300-დან 500-მდე ტანკი რუსული ჯარების წინააღმდეგ კონტრშეტევის განსახორციელებლად. […] „ახლა გვჭირდება 300-500 ტანკი. ჩვენს ტერიტორიაზე, ჩვენს მიწაზე შეტევის განსახორციელებლად გვჭირდება ტანკები. ჩვენ გვჭირდება ჯავშანტექნიკა ჩვენი ხალხის დასაცავად. სულ ეს არის“,
ამბობს უკრაინის პრეზიდენტმა ვლადიმირ ზელენსკიმ ბრიტანულ ტელეარხ Sky News-თან ინტერვიუში განაცხადა.
„არ ვარ დაინტერესებული შეხვედრით, საუბრით. რატომ? იმიტომ, რომ ჩვენ გვქონდა შეხვედრა მასთან „ნორმანდიულ ფორმატში“, ეს იყო სრულმასშტაბიანი შემოჭრამდე. ვნახე ადამიანი, რომელიც ერთს ამბობდა და შემდეგ მეორეს აკეთებდა. ვერ ვხვდები – მისი გადაწყვეტილებებია თუ ვინმე სხვისი? მერე რა, რომ შევხვდეთ, ხელი ჩამოვართვათ? არ არის საინტერესო. ვესაუბროთ? ნამდვილად არ მესმის, ვინ იღებს გადაწყვეტილებებს რუსეთში. ვინ არის ის ახლა? სრულმასშტაბიანი შემოჭრის შემდეგ ის ჩემთვის არავინაა, არავინ. {…} დარწმუნებული ვარ, რომ უკრაინა მისთვის მხოლოდ პირველი ნაბიჯია. დარწმუნებული ვარ, რომ ის დიდ ომს აწარმოებს. ის ფიქრობს, „კარგი, ახლა უკრაინაში არ გამოდის, მაგრამ დაველოდებით, მსოფლიო არ დარჩება ერთიანი, ისინი დაიღლებიან და მე კიდევ უფრო შორს წავალ”. უკრაინის შემდეგ იქნება შემდგომი ნაბიჯები, იქნება სხვა ქვეყნები, თუ ჩვენ წინააღმდეგობას ვერ გავუწევთ. ვფიქრობ, მოვახერხებთ, მივიღებთ მხარდაჭერას და გავიმარჯვებთ“,
განაცხადა უკრაინის პრეზიდენტმა ვოლოდიმირ ზელენსკიმ.
”გისურვებთ, რომ მომავალი დაბადების დღე თავისუფალ და ერთიან უკრაინაში აღნიშნოთ. გისურვებთ სიძლიერესა და გამძლეობას თავისუფლებისა და სუვერენიტეტისთვის ამ დაუნდობელ ბრძოლაში. თქვენი გამარჯვება ჩვენი გამარჯვება იქნება.”
წერს საქართველოს პრეზიდენტი, სალომე ზურაბიშვილი Twitter-ზე და უკრაინის პრეზიდენტს, ვოლოდიმირ ზელენსკის დაბადების დღეს ულოცავს.
სამშაბათს, ცნობილი გახდა უკრაინის სტრუქტურებში ერთდროულად რამდენიმე გახმაურებული გადადგომის შესახებ: პრეზიდენტის ოფისში, თავდაცვის სამინისტროში, გენერალურ პროკურატურაში და რეგიონების ხელმძღვანელებს შორის.
უკრაინის პრეზიდენტმა ვლადიმირ ზელენსკიმ ხელი მოაწერა განკარგულებას უკრაინის პრეზიდენტის აპარატის უფროსის მოადგილის კირილო ტიმოშენკოს თანამდებობიდან გათავისუფლების შესახებ.
ტიმოშენკომ თანამდებობიდან გადადგომის შესახებ განცხადება წინა დღეს დაწერა.
„მადლობას ვუხდი უკრაინის პრეზიდენტს ვლადიმირ ზელენსკის ნდობისთვის და შესაძლებლობისთვის, მეკეთებინა კარგი საქმეები ყოველდღე და ყოველ წუთს“, – დაწერა მან ტელეგრამის არხზე.
კირილო ტიმოშენკო ზელენსკის გუნდის წევრია ჯერ კიდევ მისი საპრეზიდენტო საარჩევნო კამპანიის შემდეგ.
პრეზიდენტის აპარატის უფროსის მოადგილის თანამდებობა 2019 წლის 21 მაისს დაიკავა (მაშინ სტრუქტურას პრეზიდენტის ადმინისტრაცია ერქვა).
მისი გადადგომის კონკრეტული მიზეზები ჯერჯერობით უცნობია, თუმცა ბოლო დროს ის არაერთ კორუფციულ სკანდალში ბრალდებული გახდა.
მაგალითად, პრესას ჰქონდა კითხვები მის უძრავ ქონებასთან და ძვირადღირებულ მანქანებთან დაკავშირებით.
ტიმოშენკოს აკრიტიკებდნენ დიდი საბიუჯეტო თანხების დახარჯვის გამო ჯერ კიდევ ომამდე, როდესაც ისხელისუფლების მიერ ინიცირებულ დიდ სამშენებლო პროგრამას ზედამხედველობდა.
სკანდალი თავდაცვის სამინისტროში
დღის მეორე გადადგომა იყო უკრაინის თავდაცვის მინისტრის მოადგილის ვიაჩესლავ შაპოვალოვის თანამდებობიდან წასვლა, რომელიც პასუხისმგებელი იყო უკრაინის შეიარაღებული ძალების ლოგისტიკურ მხარდაჭერაზე.
მის გადადგომას მხარი თავდაცვის მინისტრმა ალექსეი რეზნიკოვმა დაუჭირა.
შაპოვალოვმა განცხადება დაწერა ფრონტის ხაზზე სამხედროებისთვის საკვების შეძენის ფონზე სკანდალის ფონზე.
გასულ შაბათს უკრაინულ პრესაში გავრცელდა ინფორმაცია იმის შესახებ, რომ თავდაცვის სამინისტრო, სავარაუდოდ, სამხედროებისთვის საკვებს მნიშვნელოვნად გაბერილ ფასებში ყიდულობს.
თანამდებობიდან გადადგომის წერილში შაპოვალოვი წერდა, რომ ის პოსტს ტოვებს საზოგადოების პროტესტის გამო, მაგრამ კორუფციის ბრალდებებს უკრაინის შეიარაღებული ძალების უზრუნველყოფის თემაზე დაუსაბუთებელი მანიპულაციები უწოდა.
თავდაცვის სამინისტრომ მინისტრის მოადგილის მიმართ ბრალდებებს უსაფუძვლო უწოდა, თუმცა აღნიშნა, რომ მისი გადადგომა ღირსეული ქმედებაა ევროპული და დემოკრატიული პოლიტიკის ტრადიციებში, და დემონსტრირება იმისა, რომ თავდაცვის ინტერესები ნებისმიერ კაბინეტსა თუ სკამზე მაღლა დგას.
თავდაცვის სამინისტრო კორუფციის მიმართ ნულოვანი ტოლერანტობის პრინციპს ემორჩილება, პატივს სცემს დემოკრატიულ კონტროლს და უზრუნველყოფს უფლებამოსილი ორგანოების ნებისმიერი შემოწმების აბსოლუტურ გამჭვირვალობას“, – ნათქვამია სამინისტროს განცხადებაში.
თავდაცვის სამინისტრომ გამოთქვა იმედი, რომ ასეთი საპასუხისმგებლო გადაწყვეტილებები, როგორიცაა ვიაჩესლავ შაპოვალოვის გადადგომა, დაეხმარება უკრაინის ხელისუფლებას საზოგადოებისა და საერთაშორისო პარტნიორების ნდობის შენარჩუნებაში.
ჯვაროსნული ლაშქრობა კორუფციის წინააღმდეგ თუ ზელენსკის პოლიტიკური ჟესტი?
ბევრი სამსახურიდან გათავისუფლების სერიას ვოლოდიმირ ზელენსკის განცხადებას უკავშირებს კვირის სატელევიზიო მიმართვაში.
სწორედ ამ დღეს მთავრობამ საგანგებო სხდომაზე თანამდებობიდან გაათავისუფლა თემებისა და ტერიტორიების განვითარების მინისტრის პირველი მოადგილე ვასილი ლოზინსკი, რომელიც წინა დღეს ქრთამის აღების ბრალდებით დააკავეს. პრეზიდენტმა, ამ ინციდენტის კომენტირებისას თქვა: ”ახლა მთავარი აქცენტი კეთდება თავდაცვის, საგარეო პოლიტიკის, ომის საკითხებზე, მაგრამ ეს არ ნიშნავს იმას, რომ მე ვერ ვხედავ და არ მესმის, რასაც ამბობენ საზოგადოებაში, როგორც ცენტრალურ დონეზე, ასევე, რეგიონებში და ეს კვირა იქნება შესაბამისი გადაწყვეტილებების დრო“.
ზელენსკის სიტყვებს მორიგი გახმაურებული წინ უძღვოდა მედიაში გახმაურებული სკანდალური ინფორმაცია თავდაცვის სამინისტროს შესყიდვების შესახებ. ამ გამოძიებას დიდი გამოხმაურება მოჰყვა უკრაინულ საზოგადოებაში და, კერძოდ, ჯარში – და ასევე, შეიძლება ვივარაუდოთ, კიევის დასავლელ პარტნიორებს შორის, რომელთა დახმარებით არა მხოლოდ უკრაინის არმიის უზრუნველყოფა, არამედ ზოგადად უკრაინის ბიუჯეტის მხარდაჭერაც ხდება. გასაკვირი არ არის, რომ პრეზიდენტი ზელენსკი იძულებული გახდა კონტრშეტევაზე გადასულიყო.
ვოლოდიმირ ზელენსკის არაერთხელ ადანაშაულებდნენ ომის დროს კორუფციის პრობლემის შეუფასებლობაში. მისი საჯარო რიტორიკიდან მთელი ამ თვეების განმავლობაში გამოიკვეთა, რომ მთავარი ფრონტზე გამარჯვება იყო და ქვეყანაში კორუფციის მსგავსი პრობლემების დრო არ იყო.
გასული წლის მაისში, სტუდენტებთან შეხვედრაზე, პრეზიდენტმა ამ თემაზე ასე ისაუბრა: „ზოგიერთი რაღაც ახლა ზედმეტია, ბავშვს რომ ფეხები მოაგლიჯონ და ამ დროს რაღაც წვრილმანების მოყოლა დაუწყო.“
ნოემბერში, Bloomberg-ის მიერ გამართულ ეკონომიკურ ფორუმზე გამოსვლისას, ის კიდევ უფრო შორს წავიდა: „ახლა [უკრაინაში] არ არის კორუფცია, რადგან ჩვენ ყველანი ერთიანნი ვართ. ბევრი კორუფციონერი თავის ფულთან ერთად წავიდა. და ჩვენ ყველაფერს გავაკეთებთ, რომ ისინი იქ დარჩნენ, სადაც არიან.“– თქვა ზელენსკიმ.
მაშინ ამ დამოკიდებულებამ ბევრის გაოცება გამოიწვია ახლა კი, როგორც
დასავლური მედია აღნიშნავს, გარემოებები შეიცვალა და კორუფციის პრობლემას ზელენსკი იგნორირებას ვეღარ გაუკეთებდა. შესაბამისად, საკადრო წმენდაც დაიწყო. თუმცა, მედია იმასაც აღნიშნავს, ერთი შეხედვით შთამბეჭდავი საკადრო წმენდა რეალურად მეორე და მესამე ეშელონის პოლიტიკური ფიგურების გადადგომაა და შესაძლოა ყველა მათგანი ზელენსკის მიერ გამოცხადებულ ჯვაროსნულ ლაშქრობას კორუფციის წინააღმდეგ არც უკავშირდებოდეს.
პოლიტოლოგი ვლადიმერ ფესენკო ამბობს, რომ ამ საკადრო გადაწყვეტილებების ნაწილი დიდი ხნის განმავლობაში მზადდებოდა და ახლა მათ გადაწყვიტეს, რომ ეს ყველაფერი ერთობლიობაში განეხორციელებინათ.
მესამე გახმაურებული თანამდებობიდან გათავისუფლება ეხებოდა უკრაინის გენერალური პროკურორის მოადგილეს ოლექსი სიმონენკოს.
განკარგულებას მისი საკუთარი ნებით თანამდებობიდან წასვლის შესახებ გენერალურმა პროკურორმა ანდრეი კოსტინმა სამშაბათს მოაწერა ხელი.
სკანდალი ინსტაგრამზე გადაღებულმა ფოტოებმა გამოიწვია, რომლებშიც სიმონენკო ესპანეთის ქალაქ მარბელას კურორტზე ისვენებს.
„უკრაინსკა პრავდას“ ჟურნალისტის, მიხაილო ტკაჩის ინფორმაციით, რომელიც სამართალდამცავ წყაროებზე ეყრდნობა, გენერალური პროკურორის მოადგილე 10 დღის განმავლობაში საზღვარგარეთ შვებულებაში იმყოფებოდა.
ჟურნალისტი ამტკიცებს, რომ სიმონენკო ესპანეთში მეუღლესთან ერთად ლვოველი ბიზნესმენისა და დეპუტატის, გრიგორი კოზლოვსკის მანქანით გაემგზავრა, მისი დაცვის თანხლებით.
ერთი დღით ადრე, პრეზიდენტმა ვოლოდიმირ ზელენსკიმ თავის მიმართვაში განაცხადა, რომ ამიერიდან უკრაინელი ოფიციალური პირები საზღვარგარეთ არასახელმწიფო მიზნებით გამგზავრებას ვერ შეძლებენ.
გადადგომები რეგიონებში
თანამდებობიდან გაათავისუფლეს ხუთი სამხარეო ადმინისტრაციის ხელმძღვანელიც:
დნეპროპეტროვსკის ოლქი ვალენტინ რეზნიჩენკო
ზაპოროჟიის რეგიონი ალექსანდრე სტარუხი
კიევის რეგიონი ოლექსი კულება
სუმის რეგიონი დიმიტრი ჟივიცკი
ხერსონის რეგიონი იაროსლავ იანუშევიჩი
გათავისუფლებულ ლიდერებს შორის ყველაზე გამოცდილია დნეპროპეტროვსკის ოლქის ხელმძღვანელი ვალენტინ რეზნიჩენკო. ის რეგიონს პეტრო პოროშენკოს დროს ხელმძღვანელობდა.
ისევე როგორც კირილ ტიმოშენკო, ის არაერთხელ გაეხვა დიდი სამშენებლო პროექტთან დაკავშირებულ სკანდალში.
2022 წლის შემოდგომაზე, მედია წერდა, რომ რეგიონში ერთ-ერთი მთავარი სამშენებლო კონტრაქტი შეიძლება მიეღო რეზნიჩენკოსთან დაახლოებულ პირს.
მაშინ ხელისუფლებამ ამ ბრალდებებს არ უპასუხა, თუმცა ანტიკორუფციულმა ბიურომ გამოძიება დაიწყო და რეგიონში ჩხრეკა ჩატარდა.
ზაპოროჟიეში, რომელსაც დღემდე ხელმძღვანელობდა ალექსანდრე სტარუხი, გამოძიება ხელმძღვანელობის მიერ ჰუმანიტარული დახმარების ქურდობის ფაქტზე მიმდინარეობს.
ბოლო ერთი თვის განმავლობაში სუმის რეგიონის ხელმძღვანელი დიმიტრი ჟივიცკი მონაწილეობდა მშენებლობისთვის თანხების განაწილებასთან დაკავშირებულ სკანდალებში, ასევე ხელი მოაწერა მისი მრჩევლის საზღვარგარეთ გამგზავრების ნებართვას.
ხერსონის ოლქის თანამდებობიდან გათავისუფლებულმა ხელმძღვანელმა იაროსლავ იანუშევიჩმა ეს თანამდებობა ცოტა ხნის წინ დროში დაიკავა. მის წინააღმდეგ პირდაპირი ბრალდებები კორუფციაში არ არის, მაგრამ ადგილობრივმა აქტივისტებმა გააკრიტიკეს ის, რომ დეოკუპაციის შემდეგ ხერსონში ცხოვრება გულმოდგინედ არ აღადგინა.
მთავრობამ თანამდებობიდან გაათავისუფლა კიევის ოლქის ხელმძღვანელი ოლექსი კულებაც. თუმცა, ექსპერტები ვარაუდობენ, რომ მან შესაძლოა ტიმოშენკოს თანამდებობა დაიკავოს პრეზიდენტის კაბინეტში.
”სრულმასშტაბიანი ომის დაწყებიდან ზუსტად 11 თვე სრულდება. გავაერთიანებთ მთელს ჩვენს ძალისხმევას ერთი მიზნისთვის – გამარჯვებისთვის. დონბასისთვის ბრძოლა გრძელდება. გრძელდება ბრძოლა სამხრეთისთვის. ვხედავთ, რა ძალებს აგროვებს რუსეთი და ვიცით, როგორ ვუპასუხოთ.”
აცხადებს, უკრაინის პრეზიდენტი, ვოლოდიმირ ზელენსკი.
ისტორია თავისით მეორდება. თავიდან მსოფლიო ვერ ამჩნევს ან ვერ აფასებს საფრთხეს, შემდეგ ერთიანდება და ამ საფრთხის წინააღმდეგ იბრძვის და შემდეგ, მსოფლიო იმარჯვებს. დასასრული ყოველთვის ერთი და იგივეა.
აცხადებს, უკრაინის პრეზიდენტი, ვოლოდიმირ ზელენსკი.
“მინდა, რომ ერთი რამ ნათელი იყოს: ჩვენ აღარ დავბრუნდებით იქ, სადაც ვიყავით, არ ვიქნებით შემწყნარებლები კორუფციის მიმართ – როგორც ცხოვრობდნენ ხელისუფლებასთან დაახლოებული პირები ან ისინი, რომლებმაც მთელი ცხოვრება სკამის დევნაში გაატარეს”.
განაცხადა უკრაინის პრეზიდენტმა, ვოლოდიმირ ზელენსკიმ.
“დღეს რამშტაინის დღეა – და უკრაინისთვის თავდაცვის სიახლეები, რომლებიც ჩვენს დიპლომატიურ მარათონს მოაქვს კვირიდან კვირამდე. ყველაფრის საჯაროდ თქმა არ შეიძლება, თუ რაზეა საუბარი რამშტაინში.
ეს დახურული დისკუსიაა და ასეც უნდა იყოს.
ზოგადად, შეგვიძლია დავასკვნათ, რომ დღევანდელმა რამშტაინის შეხვედრამ გაგვაძლიერა. პარტნიორები მტკიცედ არიან განწყობილნი – მხარს დაუჭერენ უკრაინას, რამდენადაც ეს საჭიროა ჩვენი გამარჯვებისთვის.
დიახ, ჩვენ კვლავ მოგვიწევს ბრძოლა თანამედროვე ტანკებისთვის, მაგრამ ყოველდღე უფრო ცხადი ხდება, რომ ტანკებზე გადაწყვეტილების მიღებას ალტერნატივა არ აქვს.
მადლობას ვუხდი ყველა პარტნიორს, ვინც მტკიცედ დაუჭირა მხარი უკრაინის პოზიციას დისკუსიებში.
დიდება უკრაინას. “