newsreport.ge

Tag: ვოლოდიმირზელენსკი

  • მზად ვართ აღდგომის დღესასწაულის დროს ცეცხლის შეწყვეტისთვის – ზელენსკი

    მზად ვართ აღდგომის დღესასწაულის დროს ცეცხლის შეწყვეტისთვის – ზელენსკი

     

    “ჩვენ მზად ვართ აღდგომის დღესასწაულის დროს ცეცხლის შეწყვეტისთვის. ჩემი აზრით, გულწრფელად რომ ვთქვა, ნორმალური ადამიანები, რომლებიც პატივს სცემენ სიცოცხლეს, საუბრობენ ცეცხლის შეწყვეტასა და ომის დასრულებაზე სამუდამოდ და არა მხოლოდ რამდენიმე დღით. მაგრამ, რა თქმა უნდა, მზად ვართ ნებისმიერი კომპრომისისთვის, გარდა კომპრომისისა, რომელიც ჩვენს ღირსებასა და სუვერენიტეტს ეხება.

    მზად ვართ განვიხილოთ ნებისმიერი ცეცხლის შეწყვეტა. თუ რუსეთი მზად იქნება, ჩვენც მზად ვართ. დაე, შემოგვთავაზონ ნებისმიერი ვადა – მზად ვართ ამ საკითხის გადასაჭრელად”,

    აცხადებს უკრაინის მეთაური, ვოლოდიმირ ზელენსკი.

  • იმედია, EU-ში 90 მილიარდიდან პირველ ტრანშს ერთი ადამიანი არ დაბლოკავს, წინააღმდეგ შემთხვევაში, მის მისამართს ჩვენს შეიარაღებულ ძალებს მივცემ – ზელენსკი

    იმედია, EU-ში 90 მილიარდიდან პირველ ტრანშს ერთი ადამიანი არ დაბლოკავს, წინააღმდეგ შემთხვევაში, მის მისამართს ჩვენს შეიარაღებულ ძალებს მივცემ – ზელენსკი

    ‘იმედია, EU-ში 90 მილიარდიდან პირველ ტრანშს ერთი ადამიანი არ დაბლოკავს, წინააღმდეგ შემთხვევაში, მის მისამართს ჩვენს შეიარაღებულ ძალებს მივცემ” – ამის შესახებ, უკრაინის მეთაურმა, ვოლოდიმირ ზელენსკიმ განაცხადა, უნგრეთის პრემიერ, ვიქტორ ორბანთან დაკავშირებით.

    „ვიმედოვნებთ, რომ ევროკავშირში ერთი ადამიანი 90 მილიარდიდან პირველ ტრანშს არ დაბლოკავს და უკრაინელ სამხედროებს იარაღი ექნებათ. წინააღმდეგ შემთხვევაში, ამ ადამიანის მისამართს ჩვენს შეიარაღებულ ძალებს, ჩვენს ბიჭებს მივცემ. დაე, მას დაურეკონ და მისთვის გასაგებ ენაზე ესაუბრონ“, – განაცხადა უკრაინის პრეზიდენტმა.

    ვიქტორ ორბანმა განაცხადა, რომ „უკრაინას აიძულებს, უნგრეთისთვის „დრუჟბას“ ნავთობსადენით ნავთობის მიწოდება განაახლოს“.

    „არანაირი შეთანხმება და კომპრომისი არ იქნება. ჩვენ ძალის გამოყენებით გავარღვევთ უკრაინის ნავთობის ბლოკადას. გარწმუნებთ, რომ ამისთვის სამხედრო ძალის გამოყენება ჩვენს გეგმებში არ შედის, მაგრამ ჩვენ პოლიტიკური და ფინანსური ინსტრუმენტები გვაქვს“, – აღნიშნა ორბანმა.

  • ჩვენი მხრიდან უკვე კომპრომისია ის, რომ აგრესორთან კომპრომისზე ვსაუბრობთ – ზელენსკი

    ჩვენი მხრიდან უკვე კომპრომისია ის, რომ აგრესორთან კომპრომისზე ვსაუბრობთ – ზელენსკი

    ჩვენ მზად ვართ რეალური კომპრომისებისთვის. მაგრამ არა ისეთი კომპრომისებისთვის, რომლებიც ჩვენს დამოუკიდებლობასა და სუვერენიტეტს დააზიანებს. მზად ვართ კომპრომისებზე საუბრისთვის ამერიკის შეერთებულ შტატებთან. მაგრამ აღარ ვაპირებთ რუსებისგან ისევ და ისევ ულტიმატუმების მიღებას. ისინი აგრესორები არიან. ეს ყველამ აღიარა. ეს არ შეცვლილა. ბევრი ქვეყანა, რომელიც ამ ომის დასაწყისშივე შუამავალი იყო ან ცდილობდა შუამავლობას – განსაკუთრებით ახლო აღმოსავლეთსა და აზიაში, ასევე სხვა ქვეყნებიც – ყველა აღიარებს, რომ რუსეთი აგრესორია.

    ამიტომაც ჩვენი მხრიდან უკვე კომპრომისია, რომ აგრესორთან კომპრომისებზე ვსაუბრობთ. “დავრჩეთ იქ, სადაც ახლა ვართ” – ეს უკვე დიდი კომპრომისია. მათ ჩვენი ტერიტორიის თითქმის 20% დაიკავეს. და ჩვენ მზად ვართ მშვიდობაზე ვისაუბროთ ამ ეტაპზე სწორედ პრინციპით – “დავრჩეთ იქ, სადაც ვართ”. ეს ძალიან დიდი კომპრომისია.

    რას გვთავაზობს რუსეთი კომპრომისად? რაზე არიან ისინი მზად? ისინი ამბობენ: “მზად ვართ აღარ დავიკავოთ თქვენი სხვა რეგიონები”. მაგრამ ეს ტერორიზმია. თვით ეს ენა არის ტერორიზმი. “მზად ვარ არ მოგკლა – მოგვცით ყველაფერი“. რას ნიშნავს ეს? ეს კომპრომისი არ არის. ეს ულტიმატუმია.

    ამიტომაც ვთქვი: ჩვენ მზად ვართ ისეთი კომპრომისებისთვის, რომლებიც პატივს სცემს უკრაინის სუვერენიტეტს და ტერიტორიულ მთლიანობას, ჩვენს არმიას, ჩვენს ხალხს და ჩვენს შვილებს. მაგრამ ულტიმატუმებისთვის მზად არ ვართ.

    წერს უკრაინის პრეზიდენტი ვოლოდიმირ ზელენსკი X-ზე.

  • რუსეთმა უკრაინის ენერგეტიკულ ინფრასტრუქტურაზე მიზანმიმართული მასშტაბური იერიში განახორციელა – ზელენსკი

    რუსეთმა უკრაინის ენერგეტიკულ ინფრასტრუქტურაზე მიზანმიმართული მასშტაბური იერიში განახორციელა – ზელენსკი

    “რუსეთმა უკრაინის ენერგეტიკულ ინფრასტრუქტურაზე მიზანმიმართული მასშტაბური იერიში განახორციელა “- განაცხადა უკრაინის პრეზიდენტმა, ვოლოდიმირ ზელენსკიმ.

    „რუსებმა სხვადასხვა ტიპის 70-ზე მეტი რაკეტა და 450-ზე მეტი დრონი გაუშვეს. დარტყმები განხორციელდა სუმის, ხარკოვის, ოდესისა და ვინიცის ოლქებზე, ასევე კიევზე. თავდასხმის შედეგად 9 ადამიანი დაშავდა. დაზიანდა საცხოვრებელი შენობები და ენერგეტიკული ინფრასტრუქტურა“, – წერს ზელენსკი.

    მისი თქმით, „რუსეთისთვის დიპლომატიაზე მნიშვნელოვანი ხალხის დატერორების მიზნით ზამთრის ყველაზე ცივი დღეების გამოყენებაა“.

    „ეს ნათლად აჩვენებს, თუ რა არის ჩვენი პარტნიორებისგან საჭირო და რითი შეიძლება დახმარება. ჩვენთვის პრიორიტეტს საჰაერო თავდაცვის სისტემებისთვის რაკეტების დროულად მოწოდება წარმოადგენს. რუსეთზე ზეწოლის გარეშე, ამ ომის დასრულება არ მოხდება. სწორედ ამიტომ, მაქსიმალური ზეწოლაა საჭირო“

  • რუსეთის ყოველი დარტყმა მიმდინარე დიპლომატიურ პროცესს ძირს უთხრის – ზელენსკი

    რუსეთის ყოველი დარტყმა მიმდინარე დიპლომატიურ პროცესს ძირს უთხრის – ზელენსკი

    „რუსებმა 50-ზე მეტი დრონი გაუშვეს, რომელთა ძირითადი სამიზნე ენერგეტიკული ინფრასტრუქტურა და სამოქალაქო ობიექტები იყო. დარტყმის შედეგად ხუთი საცხოვრებელი შენობა დაზიანდა. ბოლო მონაცემებით, ათობით ადამიანი დაშავდა, მათ შორის ბავშვები. ერთ-ერთი რუსული დრონი ევანგელისტური ქრისტიანების სამლოცველოს დაეცა.[…]ვიმედოვნებთ, რომ აშშ, ევროპა და სხვა ჩვენი პარტნიორები თვალს არ დახუჭავენ, რადგან რეალური მშვიდობის მისაღწევად მოსკოვზე ზეწოლაა საჭირო. აგრესორზე ზეწოლის გარეშე ომები არ სრულდება. ასევე, ომები არ სრულდება მათი მხარდაჭერის გარეშე, ვინც ადამიანების სიცოცხლეს იცავს. აუცილებელია ჩვენი ხალხის მხარდაჭერა და შეთანხმებების სწრაფად განხორციელება“,

    ასე ეხმაურება უკრაინის პრეზიდენტი, ვოლოდიმირ ზელენსკი რუსეთის მიერ ოდესაზე განხორციელებულ თავდასხმას.

  • აშშ-ს ომის ხვალ დასრულება სურს, ჩვენ ამის გაკეთება დღესვე გვინდა – ზელენსკი

    აშშ-ს ომის ხვალ დასრულება სურს, ჩვენ ამის გაკეთება დღესვე გვინდა – ზელენსკი

    „ნათელია, რომ აშშ-ს ომის ხვალ დასრულება სურს. ჩვენ ამის გაკეთება დღესვე გვინდა. ორივეს გვაქვს ინტერესი და გვესმის, რომ ხელმოწერის და ომის დასრულების გაჭიანურება რუსეთის მხრიდან მოდის“,

    უკრაინის პრეზიდენტი, ვოლოდიმირ ზელენსკი აშშ-ის პრეზიდენტის, დონალდ ტრამპის მიერ უკრაინაში ომის დასრულების შესახებ გაკეთებულ განცხადებას გამოეხმაურა და განაცხადა, რომ სამშვიდობო შეთანხმების ხელმოწერას სწორედ რუსეთი აჭიანურებს.

  • მინდა მადლობა გადაგიხადოთ მშვიდობისადმი თქვენი ერთგულებისთვის – უიტკოფი ზელენსკის

    მინდა მადლობა გადაგიხადოთ მშვიდობისადმი თქვენი ერთგულებისთვის – უიტკოფი ზელენსკის

    პრეზიდენტო ზელენსკი, მინდა მადლობა გადაგიხადოთ აქ მშვიდობისადმი თქვენი ერთგულებისთვის, ასევე თქვენი გუნდისთვის. თქვენ გყავთ გამორჩეული გუნდი და მათთან ერთად მუშაობა ჩვენთვის დიდი პატივია.

    […]ჩვენ ვფიქრობთ, რომ უსაფრთხოების პროტოკოლებზე მუშაობა ძირითადად დასრულებულია, რაც ძალიან მნიშვნელოვანია, რათა უკრაინელმა ხალხმა იცოდეს, რომ როცა ეს [ომი] დასრულდება, ის სამუდამოდ დასრულდება. ამასთანავე, კრიტიკულად მნიშვნელოვანია ისიც, რომ ჩვენ ძალიან, ძალიან ახლოს ვართ იმგვარი ძლიერი კეთილდღეობის შეთანხმების დასრულებასთან, როგორიც მსგავსი კონფლიქტების შემდეგ ძალიან ცოტა ქვეყანას უნახავს. ეს, მისწრაფების დონეზე, ნიშნავს დიდ შესაძლებლობებს უკრაინელი ხალხისთვის – მათთვის, ვინც ომიდან ბრუნდება და ვინც იქ შესანიშნავ სამუშაო ადგილებს იპოვის.

    ჩვენ ამ პროცესში ვმუშაობთ BlackRock-თან და ლარი ფინკთან ერთად და ვფიქრობთ, რომ ეს ძალიან, ძალიან მნიშვნელოვანი იქნება უკრაინის ხალხისთვის. ჩვენ გვჯერა, რომ ძლიერი ეკონომიკა პირდაპირ კავშირშია და ერთად მუშაობს ამ უსაფრთხოების პროტოკოლებთან. ეს უკრაინას ხდის ძლიერ, დამოუკიდებელ სახელმწიფოდ და ვფიქრობთ, რომ ეს მისი გრძელვადიანი მომავლისთვის უაღრესად მნიშვნელოვანია .

    […] დღევანდელი შეხვედრა ძალიან მნიშვნელოვანი იყო და ვფიქრობთ, რომ დიდ პროგრესს მივაღწიეთ. მოვისმინეთ პრეზიდენტ ზელენსკისა და აქ მყოფი სხვა ადამიანების პოზიცია ტერიტორიასთან დაკავშირებულ ვარიანტებზე – ეს იქნება ყველაზე კრიტიკული საკითხი და ჩვენ გავაგრძელებთ ამ თემაზე დისკუსიებს და იმედია, ამ საკითხთან დაკავშირებით გარკვეული კომპრომისების მიღწევას შევძლებთ.

    მაგრამ მინდა ესეც ვთქვა: ჩვენ აქ ვართ, რათა შუამავლობა გავუწიოთ და დავეხმაროთ მშვიდობის პროცესს და მზად ვართ, ყველაფერი გავაკეთოთ, რაც აუცილებელია ამ მიზნის მისაღწევად. პრეზიდენტ ტრამპს მტკიცედ და გულწრფელად სჯერა, რომ ეს მკვლელობები უნდა შეწყდეს, ეს სისხლისღვრა უნდა დასრულდეს და ჩვენ ყველას, ვინც აქ ვართ, გადაწყვეტილი გვაქვს, ამ პროცესის ნაწილი ვიყოთ.

    თქვა აშშ-ს პრეზიდენტის, დონალდ ტრამპის, სპეციალურმა წარმომადგენელმა, სტივ უიტოკფმა პარიზში ევროპელ ლიდერებთან ერთად გამართულ პრესკონფერენციაზე.

  • მნიშვნელოვან პოლიტიკურ ნაბიჯებს ვამზადებთ – ზელენსკი “მსურველთა კოალიციის” შეხვედრაზე

    მნიშვნელოვან პოლიტიკურ ნაბიჯებს ვამზადებთ – ზელენსკი “მსურველთა კოალიციის” შეხვედრაზე

    დიპლომატია და რეალური დახმარება გვერდიგვერდ უნდა მიდიოდეს. რუსეთი არ წყვეტს დარტყმებს ჩვენს ქვეყანაზე და სწორედ ახლა ჩვენ გვჭირდება საჰაერო თავდაცვის გაძლიერება, რათა დავიცვათ ჩვენი ხალხი, ჩვენი თემები და კრიტიკული ინფრასტრუქტურა. საჰაერო თავდაცვის რაკეტების მიწოდება იხსნის სიცოცხლეს და ზრდის დიპლომატიის შანსებს. სწორედ ამიტომ, ყოველი შეხვედრა კონკრეტულ შედეგებს უნდა იძლეოდეს — ახალ გადაწყვეტილებებს საჰაერო თავდაცვის შესახებ, დახმარების ახალ პაკეტებსა და ცის დასაცავად ახალ შესაძლებლობებს.

    პრეზიდენტ ემანუელ მაკრონთან შეხვედრისას ჩვენ სწორედ ეს განვიხილეთ — უკრაინის რეალური შესაძლებლობები რუსული ტერორის წინააღმდეგ საბრძოლველად, ჩვენი თავდაცვა და მხარდაჭერა, რომელსაც შეუძლია გააძლიეროს ჩვენი პოზიციები დიპლომატიაში. ჩვენ ასევე გვქონდა ძალიან შინაარსიანი დისკუსია დიპლომატიასა და ჩვენს ნაბიჯებზე. დღეს პარიზში იმართება „მსურველთა კოალიციის“ ყველაზე წარმომადგენლობითი შეხვედრა, რომელსაც ესწრებიან სახელმწიფოთა მეთაურები, საერთაშორისო ორგანიზაციების ლიდერები, მინისტრები და ელჩები. ჩვენ ვამზადებთ მნიშვნელოვან პოლიტიკურ ნაბიჯებს.

    მადლობელი ვარ ემანუელის მისი ლიდერობისა და დახმარებისთვის მზადყოფნისთვის. გმადლობთ ამ შეხვედრისთვის.

    აცხადებს ამის შესახებ, უკრაინის პრეზიდენტი სოციალურ ქსელში.

  • “მზად ვარ პრეზიდენტ ტრამპს შევხვდე” – ვოლოდიმერ ზელენსკი

    “უკრაინას აქვს ჟენევაში ჩვენი გუნდების მიერ შემუშავებული ჩარჩო. ეს ჩარჩო მაგიდაზეა და მზად ვართ, ერთად წავიდეთ წინ – ამერიკის შეერთებულ შტატებთან ერთად, პრეზიდენტი ტრამპის პირადი მონაწილეობით, ევროპასთან ერთად, ლიდერებთან ერთად, და ყველა პარტნიორთან ერთად, ვისაც დახმარების ძალა და შესაძლებლობა გააჩნია. მზად ვარ პრეზიდენტ ტრამპს შევხვდე – არის სენსიტიური მომენტები განხილვისთვის, ისინი ჯერ კიდევ არის, და გვჯერა, რომ ევროპელი ლიდერების მონაწილეობა შეიძლება სასარგებლო იყოს,”

    ამის შესახებ უკრაინის პრეზიდენტმა, ვოლოდიმირ ზელენსკიმ “მსურველთა კოალიციის” ლიდერებთან საუბარში განაცხადა.

  • ვართ რთული არჩევანის წინაშე: ან ღირსების დაკარგვა, ან ძირითადი პარტნიორის დაკარგვის რისკი – ზელენსკი

    “ახლა ჩვენი ისტორიის ერთ-ერთი ყველაზე მძიმე მომენტია. ახლა უკრაინა შეიძლება დადგეს ძალიან რთული არჩევანის წინაშე: ან ღირსების დაკარგვა, ან ძირითადი პარტნიორის დაკარგვის რისკი – ან ურთულესი 28 პუნქტი, ან უმძიმესი, ყველაზე რთული ზამთარი და შემდგომი რისკები. ცხოვრება თავისუფლების, ღირსებისა და სამართლიანობის გარეშე და ის, რომ ვენდოთ მას, ვინც უკვე ორჯერ დაგვესხა თავს.

    ახლა უკრაინაზე ერთ-ერთი ყველაზე მძიმე ზეწოლა ხორციელდება.

    ჩვენგან პასუხს ელიან, მაგრამ უკვე გავეცი ამაზე პასუხი 2019 წლის 20 მაისს, როდესაც ვთქვი, რომ ვიღებ ვალდებულებას დავიცვა უკრაინის სუვერენიტეტი და დამოუკიდებლობა.

    ჩვენ, რა თქმა უნდა, ფოლადისები ვართ, მაგრამ ყველაზე გამძლე ლითონმაც კი შეიძლება ოდესღაც ვეღარ გაუძლოს.

    ჩვენ რამდენიმე ათას კილომეტრიან ფრონტს ვამაგრებთ და ვინარჩუნებთ. ყოველ ღამე ხალხი დაბომბვების ქვეშაა. უკრაინელებს ძალიან უნდათ, რომ ეს ომი საბოლოოდ სამართლიანად დასრულდეს.

    მივმართავ ყველას — ხალხს და პოლიტიკოსებს — საჭიროა შევიკრიბოთ და შევწყვიტოთ დაპირისპირება.

    ჩვენ არ ვუღალატეთ უკრაინას მაშინ, 2022 წლის 24 თებერვალს და არც ახლა ვუღალატებთ. მე ვიცი, რომ ხალხი ჩემთანაა.

    მომავალი კვირა არ იქნება მარტივი და იქნება მოვლენებით დატვირთული. თქვენ ზრდასრული და ინფორმირებული ხალხი ხართ. ამ დროს დიდი ზეწოლა იქნება. მტერი არ ისვენებს.

    უკრაინული ინტერესი უნდა იყოს გათვალისწინებული. ჩვენ მშვიდად ვიმუშავებთ ამერიკასთან და ყველა პარტნიორთან. მე დავარწმუნებ, შევთავაზებ ალტერნატივებს, მაგრამ ნამდვილად არ მივცემთ მტერს საბაბს, თქვას, რომ უკრაინას მშვიდობა არ სურს“,

    ამის შესახებ უკრაინის პრეზიდენტმა, ვოლოდიმირ ზელენსკიმ ვრცელ ვიდეომიმართვაში ისაუბრა.