Tag: ვოლოდიმირზელენსკი

“ახლა ყირიმში რუსეთის სამფეროვანი დროშის ქვეშ ბოროტება, ძალადობა, მკვლელობები და ომი სუფევს. თუმცა, მე მჯერა, რომ სადაც ამ ბოროტებამ საწყისი პოვა, სწორედ იქ მოელის მარცხი.

ყირიმის გათავისუფლება ერთადერთი სწორი გზაა, არამარტო უკრაინისთვის, მთელი მსოფლიოსთვის. ამაში დარწმუნებული ვარ.

როგორც ჩვენ ვცემთ პატივს ევროპიდან ლათინურ ამერიკამდე ყველა ქვეყნის ტერიტორიულ მთლიანობას, ანალოგიურად მოვითხოვთ, რომ ჩვენი ქვეყნის ტერიტორიულ მთლიანობასაც სცენ პატივი, მთელ უკრაინას პოლესიედან შავი ზღვისა და აზოვის ზღვის სანაპიროებამდე, ჩრდილოეთის ქალაქებიდან სევასტოპოლამდე და ქერჩამდე.

ჩვენი ხალხი აღმოსავლეთსა და სამხრეთში თანაბრად იმსახურებს თავისუფლად ცხოვრებას”.

განაცხადა უკრაინის პრეზიდენტმა ვოლოდიმირ ზელენსკიმ.

“მხოლოდ პრეზიდენტ ზელენსკის შეუძლია განსაზღვროს მზად არის თუ არა და როდის მოლაპარაკებისთვის (რუსეთთან – რედ.), რა კონტექსტში და რის შესახებ. ჩვენ გვჯერა, რომ უკრაინის გარეშე მოლაპარაკებები უკრაინაზე არ შეიძლება”,

ამბობს თეთრი სახლის წარმომადგენელი, ჯონ კირბი.

“ყველაზე რთული ვითარება ჩვენი სახელმწიფოს ტერიტორიაზე, არის ზუსტად იქ [ბახმუტში]. სწორედ იქ იყენებენ იარაღს ყველაზე დიდი რაოდენობით. ძალიან, ძალიან რთული ამბავია.

ბახმუტის ზოგიერთ ნაწილში წარმატება გვაქვს – წინ მივდივართ, შემდეგ არა, ისევ ვიხევთ უკან პოზიციებზე. ეს ხდება ყოველდღიურად, მაგრამ ჩვენ ბახმუტში ვართ და მტერი ბახმუტს არ აკონტროლებს. ეს არის დღევანდელი მდგომარეობა”,

აცხადებს უკრაინის პრეზიდენტი ვოლოდიმირ ზელენსკი.

პრეზიდენტი ვოლოდიმირ ზელენსკი პირველ ლედი ოლენა ზელენსკასთან ერთად დღეს ოფიციალური ვიზიტით პოლონეთში ჩავიდა.

ეს არის პრეზიდენტის მესამე ვიზიტი საზღვარგარეთ და პირველი წინასწარ გამოცხადებული ვიზიტი სრულმასშტაბიანი ომის დაწყების შემდეგ. პოლონეთის პრეზიდენტის ადმინისტრაციის ცნობით, პრეზიდენტ ანჯეი დუდასა და მისი მეუღლესთან სტუმრების ოფიციალური შეხვედრის შემდეგ, ქვეყნების ლიდერები მოლაპარაკებებს პრეზიდენტის სასახლეში გამართავენ. ამის შემდეგ დელეგაციების მოლაპარაკებები გაიმართება.

პრეზიდენტის ადმინისტრაციის საერთაშორისო პოლიტიკის ბიუროს ხელმძღვანელმა მარკინ პრჟიდაჩმა განაცხადა, რომ მოლაპარაკებების დროს მხარეები შეეხებიან “პოლონეთ-უკრაინის ურთიერთობების მთელ სპექტრს, უსაფრთხოების პოლიტიკიდან დაწყებული”, ასევე დაისმება ისტორიული საკითხები.

ანჯეი დუდასა და ვოლოდიმირ ზელენსკის ერთობლივი პრესკონფერენცია 18:00 საათზეა დაგეგმილი.

პოლონეთის პრეზიდენტის ადმინისტრაცია ირწმუნება, რომ მზად არიან უზრუნველყონ  ზელენსკის უსაფრთხოება მისი ვიზიტის დროს.

ზელენსკის უცხოური ვიზიტები

რუსეთის ფედერაციის უკრაინაში სრულმასშტაბიანი შეჭრის შემდეგ ვლადიმერ ზელენსკის ქვეყანა თითქმის ერთი წელი არ დაუტოვებია. მან პირველად  ქვეყანა 2022 წლის დეკემბერში დატოვა ვაშინგტონში აშშ-ს პრეზიდენტ ჯო ბაიდენთან მოლაპარაკებების მიზნით.

ცოტა ხნის შემდეგ, ის ერთი  ვიზიტით გაემგზავრა ლონდონში, პარიზსა და ბრიუსელში.

საქართველო, მისი ხელმძღვანელობა – ვისკენ არიან ისინი დღეს?, – ამის შესახებ უკრაინის პრეზიდენტმა ვოლოდიმირ ზელენსკიმ ავსტრიის პრეზიდენტთან ალექსანდრ ვან დერ ბელენთან კიევში გამართულ პრეს-კონფერენციაზე განაცხადა.

“ისინი ნეიტრალურები არიან თუ რუსეთისკენ? რადგან რუსეთი ისევე ეპყრობა თავის პოლიტიკოსებს, როგორც დღეს საქართველოს ხელმძღვანელობა ეპყრობა უკვე არა თავის პოლიტიკოსებს, არამედ უკრაინის მოქალაქეებს. და ამიტომ კიდევ ერთხელ: ისინი ნეიტრალურები არიან? თუ რუსეთისკენ არიან? თუ ისინი უბრალოდ უკრაინის წინააღმდეგ არიან და ა.შ.?” – თქვა ზელენსკიმ.

მისი თქმით, უკრაინა დიდი პატივისცემით ეპყრობა ამა თუ იმ შიდა საკითხს, მაგრამ არ ესმის სააკაშვილისადმი ასეთი დამოკიდებულება.

“სურვილი მექნებოდა, რომ პრესა ხედავდეს რა ხდება: უკრაინის მოქალაქის საჯარო წამება. არ განვიხილავ საკითხს – რისთვის დააპატიმრეს საქართველოს ყოფილი პრეზიდენტი, რა შედეგები აქვს ამას  საქართველოს პოლიტიკისთვის და დემოკრატიისთვის. ეს მათი შიდა საკითხია. მე ვლაპარაკობ უკრაინის მოქალაქის მიხეილ სააკაშვილის დაკავებაზე, რომელსაც ყოველ დღე საჯაროდ აწამებენ. და ვფიქრობ, რომ მიზანი აქვთ – იგი მოკლან”, – თქვა ზელენსკიმ.

უკრაინის პრეზიდენტმა ვოლოდიმირ ზელენსკიმ განაცხადა, რომ მას ჯერ არ დაუსრულებია საკადრო ცვლილებები ქვეყნის ხელმძღვანელობაში და ყველას, ვინც არ დააკმაყოფილებს სახელმწიფოსა და საზოგადოების მოთხოვნებს, სამსახურიდან გაათავისუფლებენ.

„ახლა არის გარკვეული საკადრო სიმშვიდე. მაგრამ ეს არ ნიშნავს იმას, რომ ყველა საჭირო ნაბიჯი უკვე გადაიდგა. გადაწყვეტილებები მიიღება. სისტემაში ვინც არ აკმაყოფილებს სახელმწიფოსა და საზოგადოების ფუნდამენტურ მოთხოვნებს, არ უნდა ისხდნენ სავარძლებში“, – თქვა მან საღამოს მიმართვაში.

ზელენსკიმ უკრაინაში ახალი რეფორმების მომზადებაზეც ისაუბრა.

„რეფორმები, რომლებიც შეცვლის სოციალურ, სამართლებრივ და პოლიტიკურ რეალობას მრავალი ასპექტით – მათ უფრო ჰუმანურს, გამჭვირვალეს და ეფექტურს გახდის“, – დასძინა უკრაინის პრეზიდენტმა და პირობა დადო, რომ დეტალებს მოგვიანებით გამოაცხადებს.

უკრაინის პრეზიდენტი, ვოლოდიმირ ზელენსკი სამუშაო ვიზიტით  სამხრეთ უკრაინის ქალაქ მიკოლაევში ჩავიდა.მან განიხილა ოპერაციული სიტუაცია სამხრეთ უკრაინაში, ასევე ოკუპანტების მიერ სარაკეტო და უპილოტო თვითმფრინავების თავდასხმების შედეგები. ასევე განხილული იყო რეგიონის ენერგეტიკული ინფრასტრუქტურის მდგომარეობა, მისი დაცვის საშუალებები და აღდგენის ტემპი.

“სამუშაო ვიზიტი მიკოლაევის რეგიონში. რეგიონი გმირულად უძლებს ტერორისტების ყველა თავდასხმას. ვიზიტის ფარგლებში შეხვედრა გავმართე რეგიონში არსებულ ვითარებაზე”, – თქვა უკრაინის პრეზიდენტმა.