newsreport.ge

Tag: ვოლოდიმირზელენსკი

  • NATO-ს სამიტის შედეგები კარგია, თუ მივიღებთ მიწვევას, ყველაზე ხელსაყრელი იქნება – ზელენსკი

    მნიშვნელოვანია, რომ უკრაინას არ დასჭირდება წევრობის სამოქმედო გეგმა NATO-სკენ გზაზე და მინდა კვლავ გადაგიხადოთ მადლობა ამ ძალიან მნიშვნელოვანი ნაბიჯებისთვის. მე ვიცი, რამდენი დიალოგი და ღონისძიება გატარდა ამგვარი მოვლენების მისაღწევად. ჩვენ გრძელი გზა გავიარეთ NATO-სთან თავსებადობისთვის და ჩვენი სამხედროებს აქვთ მტკიცე ცოდნა NATO-სთან თანამშრომლობის და მათ დაამტკიცეს, რომ შეუძლიათ იარაღის კარგად გამოყენება და ამტკიცებენ, რომ გლობალური დემოკრატია არის ბევრად უფრო ძლიერი ვიდრე ტერორისტული თავდასხმები. რუსეთის წინააღმდეგ სრულმასშტაბიანი ომის დროსაც კი უკრაინა აგრძელებს რეფორმების გატარებას ევროინტეგრაციის პროცესისთვის, ჩვენ მკაფიოდ გამოვყავით რისი გაკეთება გვჭირდება და ამას ვაკეთებთ. შესაბამისად, ჩვენ ძალიან ვაფასებთ იმის აღიარებას, რომ უკრაინას არ დასჭირდება წევრობის სამოქმედო გეგმა NATO-სკენ გზაზე.

    მე ყველასთვის მსურს, ეს სამიტი წარმატებული იყოს: ჩვენი სამხედროებისთვის, ჩვენი მოქალაქეებისთვის, ჩვენი ბავშვებისთვის – ყველასთვის. კონკრეტულად უსაფრთხოების გარანტიები არის ძალიან მნიშვნელოვანი ხალხისთვის. უსაფრთხოების გარანტიები უკრაინისთვის მის NATO-სკენ გზაზე, არა NATO-ში შევლის შემდეგ, არამედ უსაფრთხოების გარანტიები ჩვენს ინტეგრაციის გზაზე და დღეს ეს გარანტიები დაადასტურეს დიდი შვიდეულის ქვეყნებმა და თუ ეს მოხდება, და ჩვენ ამაზე ნამდვილად ვიმუშავებთ, ეს იქნება ძალიან მნიშვნელოვანი და კონკრეტული წარმატება. ჩვენ შეგვიძლია ვთქვათ, რომ ამ სამიტის შედეგები კარგია, მაგრამ თუ ჩვენ მივიღებთ მიწვევას ეს იქნება ყველაზე ხელსაყრელი.

    განაცხადა უკრაინის პრეზიდენტმა ვოლოდიმირ ზელენსკიმ NATO-ს ვილნიუსის სამიტზე.

  • სიცხადე, მონდომება და სიმტკიცე არის საუკეთესო თავდაცვა – ზურაბიშვილი ზელენსკის განცხადებაზე

    ”სიცხადე, მონდომება და სიმტკიცე არის საუკეთესო თავდაცვა და გზა მუდმივი მშვიდობისა და უსაფრთხოების უზრუნველსაყოფად”

    წერს საქართველოს პრეზიდენტი, სალომე ზურაბიშვილი Twitter-ზე  და უკრაინის პრეზიდენტის იმ განცხადებას აზიარებს, სადაც ვოლოდიმირ ზელენსკი ნატოს აკრიტიკებს.

  • ვიღებთ სიგნალებს, რომ კონკრეტული ტექსტი განიხილება უკრაინის მონაწილეობის გარეშე, ვილნიუსში მივემართებით – ზელენსკი

    “ჩვენ ვაფასებთ ჩვენს მოკავშირეებს. ჩვენ ვაფასებთ ჩვენს საერთო უსაფრთხოებას და ჩვენ ყოველთვის ვაფასებთ ღია საუბრებს. უკრაინა წარმოდგენილი იქნება ნატოს სამიტზე ვილნიუსში, რადგან საქმე პატივისცემას ეხება. მაგრამ პატივისცემას უკრაინაც იმსახურებს.

    ახლა, როდესაც ვილნიუსისკენ მივემართებით, ვიღებთ სიგნალებს, რომ კონკრეტული ტექსტი განიხილება უკრაინის მონაწილეობის გარეშე.

    უპრეცედენტო და აბსურდულია, რომ დროის ჩარჩო არ არის განსაზღვრული არც უკრაინის ნატოში მიპატიჟებისთვის და არც ნატოს წევრობისთვის. ამავე დროს, უკრაინის ნატოში მიწვევისთვისაც კი რაღაც ბუნდოვანი პირობებია გათვალისწინებული. როგორც ჩანს, არ არსებობს მზადყოფნა არც უკრაინის ნატოში მიწვევისთვის და არც მისი ნატოს წევრად ქცევისთვის.

    ეს ნიშნავს, რომ შესაძლებლობის ფანჯარა გამოიყენება იმისთვის, რომ უკრაინის ნატოში წევრობა გამოყენებულ იქნას რუსეთთან ვაჭრობისთვის. რუსეთისთვის კი ეს ნიშნავს მოტივაციას, რომ გააგრძელოს ტერორი. გაურკვევლობა სისუსტეა. მე ამის შესახებ ღიად ვისაუბრებ სამიტზე.”

    ამის შესახებ, უკრაინის პრეზიდენტი ვოლოდიმირ ზელენსკი twitter-ზე წერს და აღნიშნავს,  უკრაინა ვილნიუსში NATO-ს სამიტს დაესწრება.

  • შესაძლოა, რუსეთში კიდევ ერთი აჯანყება მოხდეს – ზელენსკი

    “არის სიგნალი, რომ შესაძლოა რუსეთში კიდევ ერთი აჯანყება, რევოლუცია მოხდეს“,

    ამის შესახებ უკრაინის პრეზიდენტმა, ვპლოდიმირ ზელენსკიმ ტელეკომპანია ABC NEWS-თან ინტერვიუში განაცხადა.ზელენსკი არ გამორიცხავს, რომ რუსეთში კიდევ ერთი აჯანყება მოხდეს, რომელსაც მხარს ბევრი ადამიანი დაუჭერს.

  • წინ მივდივართ და არა უკან, როგორც ამას რუსები აკეთებენ – ზელენსკი კონტრშეტევაზე

    რა შეიძლება ჩვენთვის იყოს იდეალური ვარიანტი? ის, რომ ალიანსმა მიგვიწვიოს. ჩვენ გვესმის, რომ შეიძლება იყოს სირთულეები ფორმულირების შერჩევის კუთხით იმისთვის, რომ მივიღოთ ალიანსის ყველა პარტნიორის ერთიანი მხარდაჭერა. ვიღაც კვლავ მოსკოვს უყურებს,  ვიღაცას ეშინია რუსეთის. თუმცა მე მჯერა, რომ ეს არის ალიანსის გამბედაობისა და სიმტკიცის ჩვენების მომენტი. ჩვენ გვჭირდება ეს მოტივაცია. ჩვენ გვჭირდება გულწრფელობა ჩვენს ურთიერთობებში. მაგრამ გვესმის, რომ სამიტის ფარგლებში სხვა, ძალიან მნიშვნელოვანი საკითხებიც განიხილება. მათ შორის თავდაცვის მხარდაჭერის პაკეტებიც განიხილება. რაც შეეხება კონტრშეტევას, ჩვენ წინ მივიწევთ. ახლა ჩვენ გვაქვს ინიციატივა. შეტევა არ არის სწრაფი, ფაქტია, მაგრამ მიუხედავად ამისა, ჩვენ წინ მივდივართ და არა უკან, როგორც ამას რუსები აკეთებენ.

    განაცხადა უკრაინის პრეზიდენტმა, ვოლოდიმირ ზელენსკიმ. 

  • მინდოდა კონტრშეტევა გაცილებით ადრე მომხდარიყო – ვოლოდიმირ ზელენსკი

    “მინდოდა ჩვენი კონტრშეტევა გაცილებით ადრე მომხდარიყო, რადგან ყველას ესმოდა, რომ თუ კონტრშეტევა გვიან განვითარდება, ჩვენი ტერიტორიის უფრო დიდი ნაწილი იქნება დანაღმული. მტერს დროს და შესაძლებლობას ვაძლევთ, რომ ნაღმები განათავსოს და თავდაცვითი ხაზები მოამზადოს”.

    განაცხადა ამის შესახებ, უკრაინის პრეზიდენტმა, ვოლოდიმირ ზელენსკიმ CNN-თან ინტერვიუში.

  • ზელენსკი, რომელიც დღეს არის სამყაროს მორალური ლიდერი, ასეთი თხოვნით რომ გამოდის, უნდა შესრულდეს -გვარამია

    ზელენსკი, რომელიც დღეს არის სამყაროს მორალური ლიდერი, ასეთი თხოვნით რომ გამოდის, უნდა შესრულდეს -გვარამია

    ”უკრაინის პრეზიდენტი ზელენსკი, რომელიც დღეს არის სამყაროს მორალური ლიდერი, ასეთი თხოვნით რომ გამოდის, თხოვნა უნდა შესრულდეს. ყველამ წარმოიდგინეთ, რომ პუტინი საკუთარ მოქალაქესთან დაკავშირებით საქართველოს ხელისუფლებას რაღაცას სთხოვს ან ეუბნება, დასრულებული არ ექნებოდა ის ციტატა, რომ შესრულებული ექნებოდა საქართველოს ხელისუფლებას, სამარცხვინოდ ამას გააკეთებდა.

    გაიხსენეთ უახლოეს წარსულში რა ხდებოდა. იგივე გიორგი გაბუნიას განცხადებებთან დაკავშირებით, საჩვენებელი დასჯა რომ მოაწყვეს, ყველაზე მეტად იაქტიურა საგარეო საქმეთა სამინისტრომ, საჩვენებელი დასჯა რომ მოუწყვეს 20 ივნისს ქართველ ახალგაზრდებს იმიტომ, რომ ვიღაცა არარაობა ჩამოვიდა საქართველოში და ის არ გააჩერეს. ელარჯის წელვის გამო რომ გააგდეს პოზნერი, იმ ქართველ ახალგაზრდებს როგორ მოექცნენ, ლავროვის შვილის გამო როგორ მოექცნენ ქართველ ახალგაზრდებს.

    ყველა ქართველს მოვუწოდებ წარმოიდგინოს რუსეთის პრეზიდენტი რომ ამბობდეს ან მაღალი თანამდებობის პირი საკუთარ მოქალაქეზე რაღაცას, როგორ მოიქცეოდნენ”

    აცხადებს, “მთავარი არხის” გენერალური დირექტორი, ნიკა გვარამია,  უკრაინის სახელმწიფოს მხრიდან, ელჩისთვის ქვეყნის დატოვების მოთხოვნის გადაწყვეტილებასთან დაკავშირებით.

  • ადამიანურობის ეტალონი გამოაჩინა და ომის დროს, ჩემთვის მოიცალა – სააკაშვილი ზელენსკიზე

    “პრეზიდენტმა ზელენსკიმ ადამიანურობის ეტალონი გამოაჩინა და გაგანია ომისა და ნატოს სამიტისთვის მზადების დროს, ჩემთვის მოიცალა. როგორ შეიძლება, თუნდაც ამის გამო არ გიყვარდეს უკრაინა და პატივს არ სცემდე მის პრეზიდენტს. მე ვრჩები უკრაინის პრეზიდენტთან არსებული რეფორმათა საბჭოს თავმჯდომარედ და რა თქმა უნდა, გმირული ქვეყნის ამაყ მოქალაქედ. უახლოეს დღეებში ფრონტიდან კარგ ამბებს ველოდები. ასევე, დიდი მადლობა ანდრეი ერმაკს, დმიტრო კულებასა და მიხაილო პოდოლიაკს”.

    საქართველოს ექსპრეზიდენტი, მიხეილ სააკაშვილი უკრაინის პრეზიდენტის, ვოლოდიმირ ზელენსკის განცხადებას გამოეხმაურა.

  • ომში მყოფი ქვეყნის პრეზიდენტმა ზელენსკიმ ძალიან კონკრეტული ვადა მისცა ივანიშვილის რეჟიმს – ბოკუჩავა

    „წელიწადზე მეტია მას შემდეგ გასული, რაც პრეზიდენტმა ზელენსკიმ უკრაინის ელჩი გაიწვია საქართველოდან, შემდეგ ვნახეთ არაერთი კრიტიკული გზავნილი, ვნახეთ სანქცია მათ შორის, გაიაშვილის და მისი კომპანიის წინააღმდეგ, რომელიც ღიად არღვევს სანქციებს, რაც დაწესებულია რუსეთზე, ახლა ვხედავთ, რომ საქართველოს ელჩი კიევში რეალურად დემარშით გამოუშვეს დედაქალაქში, ეს კიდევ ერთხელ ადასტურებს, რომ დღევანდელი ხელისუფლება იკავებს ღიად ანტიუკრაინულ, ანტიდასავლურ და შესაბამისად ანტისახელმწიფოებრივ და ანტიქართულ პოზიციებს, ამაში მოიაზრება მათ შორის, პრეზიდენტ სააკაშვილის განგრძობადი, უკანონო, პოლიტიკური ტყვეობა.

    პრეზიდენტმა ზელენსკიმ, რომელიც არის ომში მყოფი ქვეყნის პრეზიდენტი და პრაქტიკულად, მთელი თავისუფალი სამყარო გმირად აღიარებს, ძალიან კონკრეტული ვადა მისცა ივანიშვილის რეჟიმს – 48 საათი იმისთვის, რომ მან მიიღოს კონკრეტული ზომები და პრეზიდენტი სააკაშვილი უკრაინის მოქალაქე გადასცეს უკრაინას, მას დაუყოვნებლივ სჭირდება ადეკვატური მომსახურების მიღება ჯანმრთელობის უზრუნველსაყოფად. იმედია, გაიაზრებს დღევანდელი რეჟიმი, რამდენად მძიმე შედეგები მოჰყვება ამას მათთვის და ქვეყნისთვის, თუ უგულებელყოფენ ომში მყოფი ქვეყნის პრეზიდენტი ზელენსკის ამგვარ მოთხოვნას“,

    ამის შესახებ „ნაციონალური მოძრაობის” ფრაქციის თავმჯდომარე თინა ბოკუჩავამჟურნალისტებთან განაცხადა.

  • რუსეთი უკრაინის მოქალაქე სააკაშვილს საქართველოს ხელისუფლების ხელით კლავს“ – ზელენსკიმ საქართველოს ელჩს 48 საათში ქვეყნის დატოვების განკარგულება მისცა

    „ზუსტად ახლა, რუსეთი უკრაინის მოქალაქე მიხეილ სააკაშვილს საქართველოს ხელისუფლების ხელით კლავს“ – ასეთი კომენტარი გააკეთა უკრაინის პრეზიდენტმა სააკაშვილის სასამართლო პროცესზე, რომელზეც საქართველოს მესამე პრეზიდენტი ვიდეოჩართვით გამოჩნდა.

    ზელენსკიმ დასძინა, რომ მან საგარეო საქმეთა სამინისტროს დაავალა გამოიძახოს საქართველოს ელჩი უკრაინაში, და გამოუთქვას მას მკაცრი პროტესტი, და შესთავაზოს უკრაინის დატოვება 48 საათის განმავლობაში თავისი ქვეყნის დედაქალაქში კონსულტაციების გასამართად.

    „კიდევ ერთხელ მოვუწოდებ საქართველოს ხელისუფლებას, უკრაინის მოქალაქე მიხეილ სააკაშვილი გადასცეს უკრაინას აუცილებელი მკურნალობისა და მოვლისთვის“, – დასძინა ზელენსკიმ.