Blog

{{ARTICLEIMAGE}}
“არ გადამრიოთ, რა მაგრები ხართ, კიდევ ერთხელ ვიმეორებ, მომისმინეთ ყურადღებით – როდესაც ატრიალებთ ამ ფრაზებს, ამას ვეძახი თქვენს ფსევდოინტელექტუალურ ცეკვებს კამერების წინ. მე თქვენ შინაარსობრივ საუბრებს გთავაზობთ. თქვენი შეკითხვების არც მე და არც ჩემს გუნდს არ ეშინია, საკმაოდ სუსტად მსჯელობთ”,მიმართა შინაგან საქმეთა მინისტრმა საპარლამენტო ოპოზიციას საკანონმდებლო ორგანოს ტრიბუნიდან.

გიორგი გახარიამ ხორავას ქუჩაზე მომხდარი მკვლელობის საქმის შემსწავლელი საგამოძიებო კომისიის მუშაობას “წარუმატებლობა” უწოდა.

მინისტრის თქმით, ოპოზიცია მოზარდების მკვლელობის საქმეს პოლიტიკურად იყენებს.

“ის კი არ იყო პოლიტიკურად მოტივირებული, რომ ბატონ სარალიძეს კარავში ყოფნა მოუწია, სამწუხარო ის არის, რომ ამას თქვენ იყენებთ პოლიტიკურად. პოლიტიკურად მოტივირებული თქვენ ხართ. თემა იმაში კი არ არის, რომ ადამიანი, როდესაც პირადი ტრაგედიიდან გამომდინარე იძულებულია მიმართო უკიდურეს ფორმებს, თქვენ როგორც კეთილსინდისიერი მოქალქე, იმის მაგივრად, რომ ელემენტარულად მოქალაქის სტატუსიდან გამომდინარე, ამას უბრალოდ ამისგან აკეთებთ სპექტაკლს.

“თქვენ ვერ იქნებით ჩემზე უფრო დაინტერესებული, რომ ეს საქმე დასრულდეს. ბოდიში, მაცალეთ, თქვენ თუ ვერ ხვდებით, რას ვგულისხმობ, როდესაც ვამბობ, რომ საგამოძიებო კომისია იყო ტრაგედია არა მარტო ერთი ადამიანის, იმ ხალის, ვინც ამ კომისიაზე იჯდა, არამედ თქვენი, ამის შემდგომ ეს პასუხისმგებლობა როგორ იქნება საერთო ჩვენი ყველასი, ამას ვნახავთ, ამას მე გპირდებით,”განაცხადა გიორგი გახარიამ.

{{ARTICLEIMAGE}}
პარლამენტში მიმდინარე რიგგარეშე სხდომაზე შს მინისტრმა გიორგი გახარიამ “ევროპული საქართველოს” წევრის გიგა ბოკერიას კითხვას ხუმრობით უპასუხა. 

“არ ვიცი, რა გიპასუხოთ. ინტელექტუალური სპარინგიც აღარ არის საინტერესო – ყოჩაღ ბატონო გიგა, ასე გააგრძელეთ და ქართული ოპოზიციაც გაბრწინდება და საქართველოს პარლამენტიც”,განაცხადა გახარიამ. 

ბოკერიას თქმით, ჩანაწერიდან ჩანს, როგორ ემუქრება “ქართული ოცნების” წარმომადგენელი ოპოზიციის მხარდამჭერს.

გიგა ასევე აცხადებს, რომ ოპოზიციური პარტიის მხარდამჭერს დაჭერით ემუქრებოდნენ.

ბოკერიას ამბობს, რომ ამ საქმეს რეალური გამოძიება არ მოჰყვა, რის გამოც, “ევროპული საქართველოს” მხარდამჭერმა ქვეყანა დატოვა. ბოკერიას თქმით, სწორედ ამ საქმეების გამოუძიებლობის გამოა, რომ შს მინისტრის მიერ გაკეთებული განცხადებების არავის სჯერა.

“სამი რეჟიმი გაქვთ თქვენ და თქვენს ხელისუფლებას. ერთი არის სრული იგნორირება პოლიციელების ცემის, როგორც კორცხელში იყო, სრული იგნორირება, გამოძიების დაწყებაც კი არ გაგიკეთებიათ იმ პოლიციელებზე, ვინც იცავდნენ მოქალაქეებს, ამ შემთხვევაში ჩვენ, მაგრამ მნიშვნელობა არ აქვთ. მეორე, თუ აღშფოთება დიდია, შეიძლება, გამოძება დაიწყოთ, რომელიც არსად არ დამთავრდება და მესამე, თუ ყველა ისე აღშფოთდა, რომ ამაზრზენი ამბავია, რომ მარნეულის გამგებელმა აიძულა, რომ კაცს შარდი დაელია და სახეში შეეზილა, შეიძლება, დაიჭიროთ დროებით და მერე რომ ჩაწყნარდება, თქვენი აზრით, გამოუშვებთ”, ამბობს გიგა ბოკერია.

(more…)

(more…)

{{ARTICLEIMAGE}}

{{ARTICLEIMAGE}}
“ნაციონალური მოძრაობის” წევრის რომან გოცირიძის განცხადებით, საპარლამენტო უმრავლესობამ “თვალთმაქცურ და სასაცილო ტაქტიკას მიმართა, როდესაც გადაწყვიტა, რომ თურმე დაასწრონ ოპოზიციას და დასვან ყველა მწვავე შეკითხვა, რაც არსებობს ხელისუფლების მიმართ.

“ლამის ყველა დანაშაული ამ ქვეყანაში მოისმინეთ მათი ენით და დღეს ეს ადამიანები ღვრიან ნიანგის ცრემლებს, როდესაც აფარებდნენ დანაშაულს ხელს და ხელს გვიშლიდნენ საგამოძიებო კომისიის შექმნაში”, განაცხადა რომან გოცირიძემ.

მის ამ განცხადებას “ქართული ოცნების” დეპუტატმა დიმიტრი ხუნდაძემ უპასუხა.

“დავით სარალიძის მკვლელობაზე კითხვა ჭარბობს კითხვებს შორის არა, იმიტომ რომ ზაზა სარალიძე აქ არის, არამედ იმიტომ, რომ ეს კითხვა პასუხგასაცემია”,განაცხადა დიმიტრი ხუნდაძემ.

საქართველოს პარლამენტში ამ წუთებში შინაგან საქმეთა მინისტრი, გიორგი გახარია პარლამენტარების კითხვებს ისმენს. საპარლამენტო უმრავლესობის წევრებმა შს მინისტრს მიმართეს და თქვეს, რომ ხორავას ქუჩაზე მომხდარი მკვლელობის ირგვლივ შეკითხვები კვლავ არსებობს. 

ბერა ივანიშვილმა ინსტაგრამზე  საკუთარი ნაძვისხის ვიდეო ატვირთა. სადაც ჩანს, თუ როგორ გამოიყურება ნაძვის ხე, რომლითაც მილიარდერების ოჯახი ახალ წელს შეხვდება. ბერამ ასევე ვიდეოზე მეუღლე ნანუკა გუდავაძეც მონიშნა სადაც მას ხის მორთვის გაგრძელებისკენ მოუწოდებს .  

{{ARTICLEIMAGE}}
საქართველოს შინაგან საქმეთა მინისტრმა პარლამენტის რიგგარეშე პლენარულ სხდომაზე მიმართვის ნაწილი დაასრულა და ახლა უკვე დეპუტატების შეკითხვებს პასუხობს. მინისტრმა განაცხადა, რომ მზადაა მწვავე კითხვებისთვის და ასევე იტოვებს უფლებას, პოლიტიკური ცეკვებისგან ტავი შეიკავოს. 

“ზუსტად ერთი წლის წინ ჩვენ ავიღეთ გარკვეული ვალდებულებები 2018 წელზე და რა თქმა უნდა, ვთვლით ჩვენს თავს ვალდებულად გარკვეული ანგარიში ჩავაბაროთ პარლამენტს, მაგრამ გპირდებით, რომ ეს იქნება სტრუქტურირებული, ძალზედ მოკლე, კონკრეტულ შედეგებზე და კონკრეტულ გეგმაზე ორიენტირებული მოხსენება. ასე რომ, ბატონებო და ქალბატონებო მინდა გითხრათ, რომ ჩვენ დღეს აქ ვიმყოფებით შინაარსობრივი დისკუსიისთვის, მწვავე დისკუსიისთვის და არა პოლიტიკური ცეკვებისთვის კამერების წინ და არც ფსევდოინტელექტუალური, ფუჭი, უმიზნო დებატებისთვის და იმედი მაქვს, რომ ამ რეჟიმში ჩვენ შევძლებთ, დავამყაროთ დიალოგი იმისთვის, რომ გამოვავლინოთ რეალური გამოწვევები როგორც სამინისტროს, ისე ქვეყნის უსაფრთხოების წინაშე”,განაცხადა გიორგი გახარიამ.