საქართველოს დამოუკიდებლობის დღე ლონდონის ცნობილ Abbey Road-ზე ქართული ცეკვა „ხორუმით“ აღნიშნეს, ვიდეო სოციალურ ქსელში ვრცელდება.
მოკლე ვიდეოში ნაჩვენებია როგორ ასრულებენ ქართულ „ხორუმს“ ლონდონის ერთ-ერთ ყველაზე ცნობილ ადგილზე— „ები როუდის“ (Abbey Road) ზებრა გადასასვლელზე, სადაც მუსიკალურ ბენდ „ბითლზის“ ამავე სახელწოდების ალბომის გარეკანის ფოტოა გადაღებული.
ცოტა ხნის წინ ძლიერი სეტყვა იყო დაბა ბაკურიანში.ადგილობრივების ინფორმაციით, ასეთი ძლიერი სეტყვა მათ 20 წელზე მეტია არ ახსოვთ.სეტყვის ფოტოები და ვიდეოები სოციალურ ქსელში გავრცელდა.
მოსახლეობის თქმით, დაზიანდა ავტომობილები. ბაკურიანის რწმუნებულის თქმით, სეტყვას სერიოზული ზარალი არ მიუყენებია და მოსახლეობას ელექტროენერგია უწყვეტად მიეწოდება.
ბაკურიანის გარდა დაისეტყვა ქალაქი ბორჯომიც.
მიხეილ სააკაშვილი საკტარ ფეისბუქ გვერდზე ვიდეო მიმართვას ავრცელებს სადაც მან სააკაშვილმა პოლონეთის არმიის ქართველ ოფიცრებს პატივი მიაგო.
“კურიერის” ჟურნალისტზე და ოპერატორზე თავდასხმაში ბრალდებულ პირებს სასამართლომ 3 ათას ლარიანი გირაო შეუფარდა. ისინი წინასწარი პატიმრობიდან უკვე გაათავისუფლეს.
ედიშერ მუშკუდიანსა და ოპერატორ ბაკურ ჩიხლაძეზე თავდასხმის გამო 2 პირია პასუხისგებაში მიცემული.
„ვნანობ, ჩვენ რაც დავაშავეთ და გავაკეთეთ იმ პირის მიმართ, ვინც ახლა იმყოფება იმ მდგომარეობაში და ასევე ბოდიშს ვუხდით მას. ასევე, მთლიანად ტელეკომპანიას,“ – ამბობს ერთ-ერთი ბრალდებული, მურთაზ შალამერიძე.
განმარტება გააკეთა თავდასხმაში კიდევ ერთმა, ბრალდებულმა პირმა, რომელმაც განმარტა რომ თავდასხმა აღელვების ნიადაგზე მოხდა.
„მადლობას ვუხდი ყველას, რომ ჩემ მდგომარეობაში შევიდა, ეს ყველაფერი მოხდა აღელვების ნიადაგზე… თავს დამნაშავედ ვგრძნობ და წერილით მივმართე და პირადად მოვიხადე ყველას მაგივრად ბოდიში,“ – ამბობს კიდევ ერთი ბრალდებული.
საქმის პროკურორების თქმით, მოსამართლის გადაწყვეტილებას სააპელაციო სასამართლოში გაასაჩივრებენ.
„ჩვენს მიერ მოთხოვნილ იქნა პატიმრობა, მითითებული იქნა ის საფრთხეები, რასაც ჩვენ ვთვლით რომ სასამართლოს უნდა შეეფარდებინა პატიმრობა, თუმცა სასამართლომ მათ შეუფარდა გირაო 3000 ლარი პატიმრობის უზრუნველყოფით. რაც ჩვენს მიერ გასაჩივრებული იქნება სააპელაციო სასამართლოში. როგორც ჩვენთვის არის ცნობილი, კვლავ გადის მკურნალობას ედიშერ მუშკუდიანი, მისი მკურნალობის დასრულების შემდეგ, შესაბამისად, გამოთხოვილი იქნება ისტორია, ჩატარდება ექსპერტიზა და ექსპერტიზის დასკვნის მიხედვით გადაწყდება საბოლოოდ ამათი ბრალდება,“ – განაცხადა პროკურორმა, ირინა მჟავიამ.
დაცვის მხარე კი სასამართლოს გადაწყვეტილებას ეთანხმება და განმარტავს, რომ ბრალდებული პირები ნასვამები იყვნენ.
დედაქალაქის მერი კახა კალაძე რუსთაველის გამზირზე ოჯახთან ერთად მივიდა და საზეიმო ღონისძიებებს დაესწრო.
“ვულოცავ საქართველოს დამოუკიდებლობის დღეს, რომელიც გაჯერებულია ეროვნული სიამაყის და ერთიანობის განცდით.
101 წლის წინ ჩვენ მოვიპოვეთ დამოუკიდებლობა, რომელიც მალევე დავკარგეთ და მხოლოდ 70 წლის შემდეგ შევძელით მისი დაბრუნება ეროვნული მოძრაობის გმირების და ქართველი ხალხის ერთიანი ძალისხმევის, ბრძოლის და მსხვერპლის შედეგად.
დამოუკიდებლობა პასუხისმგებლობა და ვალდებულებაა, რომელიც ჩვენმა თაობამ, ჩვენი მშობლების თაობამ 28 წლის წინ აიღო.
სახელმწიფოსა და თითოეული ადამიანის წინაშე მოქალაქეობრივი პასუხისმგებლობის გარეშე არ არსებობს დამოუკიდებულობა. დამოუკიდებლობა სწორედ თავისუფალი ნების და პასუხისმგებლობის ნაზავია.
ჩვენი დამოუკიდებლობა ჯერ კიდევ ახალგაზრდაა, წინ გვიდევს დიდი გზა, რომელიც გადის დემოკრატიულ ღირებულებებზე, ეკონომიურ განვითარებაზე, განათლებული საზოგადოების ჩამოყალიბებაზე. სწორედ ამ გზით უნდა გავხდეთ და გავხდებით კიდეც ევროპის ნაწილი”,-განაცხადა კალაძემ.
ჭიათურაში მე-12 დღეა მაღაროელები გაფიცულები არიან,მათი ნაწილი კი უკვე 10 დღეა შიმშილობს.
ერთ-ერთი მოშიმშილე მუშა შეუძლოდ გახდა და საავადმყოფოში გადაიყვანეს.ექიმის განცხადებით, პაციენტს სისუსტე და ძლიერი თავბრუსხვევა აღენიშნებოდა. მისი მდგომარეობა ამჟამად სტაბილურია.
აქციის მონაწილეები ხელისუფლებას რეაგირებისკენ მოუწოდებენ. გაფიცულ მუშებს სოლიდარობაგამოუცხადეს ზესტაფონის ფეროს ქარხნის თანამშრომლებმა.
ჯორჯიან მანგანეზის მენეჯმენტმა გაფიცულებს ხელფასის ეტაპობრივი, 25%-იანი ზრდა შესთავაზა, რასაც მუშები არ თანხმდებიან და ანაზღაურების 50%-ით მომატებას მოითხოვენ.
“დიდი მნიშვნელობა არ აქვს ვისი მონა ხარ, სსრკ-სი თუ დამოუკიდებელი საქართველოსი თავისი ბიძინათი და მიშათი”,- ასე ეხმაურება დამოუკიდებლობის დღეს სოციალურ ქსელში “გირჩის” წევრი იაგო ხვიჩია.
ხვიჩიას აზრით, 26 მაისი, ზეიმის დღე არაა და შესაბამისად რუსთაველის გამზირზე “ტაშფანდურიც” ზედმეტია.
“26 მაისს მოპოვებული დამოუკიდებლობა ჩვენ დავკარგეთ. თან დავკარგეთ ისე რომ მის მერე 70 წელი მონობაში ვიცხოვრეთ.
ამ 70 წლიანი მონობის შედეგია ის რომ ამ დღეს ისე აღვნიშნავთ, როგორც მანამდე 1917 წლის 7 ნოემბერს.
ამ მონობის შედეგია ის, რომ რამდენიმე წლის წინ დამოუკიდებლობის დღის ზეიმის ჩაშლის რისკის გამო, გავლახეთ და დავხოცეთ ადამიანები, ხოლო ვინც ეს ფირზე აღბეჭდა დავაპატიმრეთ.
ამ მონობის შედეგია ის, რომ ფაქტობრივად არ გვყოლია ხელისუფლება, რომელსაც ხელისუფლებაში მოსვლისას ჰქონდა გააზრებული, რომ ოდესმე სხვაზე უნდა გადაებარებინა მმართველობა და პოსტსაბჭოთა ძალოვნების გამოყენებით არ უნდა ეცადა მისი შენარჩუნება.
ამ მონობის შედეგია ის, რომ ქვეყნის მმართველებს ტრადიციულად ჯიბეში უზით სასამართლო, პროკურატურა, პოლიცია, ბიუროკრატია და მათ იყენებენ ადამიანის წინააღმდეგ, თავიანთი ძალაუფლების შესანარჩუნებლად
ამ 70 წლიანი მონობის შედეგია, ისიც რომ პოლიციელს, მოსამართლეს, პროკურორს და ბიუროკრატს ეს ნორმალური ჰგონია.
ქვეყნის დამოუკიდებლობა საზეიმო მაშინაა, თუ ეს ადამიანის თავისუფლების გაზრდასაც მოიცავს სახელმწიფოსგან.
დღევანდელი საქართველო მხოლოდ იმით სჯობს სსრკ-ს, რომ აქ მაინც მეტი თავისუფლებაა ერთი ადამიანისთვის.
ისე დიდი მნიშვნელობა არ აქვს ვისი მონა ხარ, სსრკ-სი თუ დამოუკიდებელი საქართველოსი თავისი ბიძინათი და მიშათი.
ამ მონობის შედეგია, რომ ჩვენმა ქვეყანამ, ვერ შეძლო შეექმნა ერთი პოლიტიკური ლიდერიც კი, რომლის ამბიცია ყველაფრის ფასად ძალაუფლების შენარჩუნება კი არ იქნებოდა, არამედ ვადის გასვლის მერე, ძალაუფლებაზე დემონსტრაციულად უარის თქმა და ისტორიაში წესიერად შესვლა.
ამ მონობის შედეგია ის, რომ ნაცვლად თანამედროვე სახელმწიფო მოღვაწეებისა, ათწლეულებია საშუალო კალიბრის პოსტსაბჭოთა ადამიანები გვაზიან თავზე და ყველაფერს აკეთებენ რომ არასოდეს მოგვცილდნენ.
26 მაისი, ზეიმის დღე არაა, სასაცილოდ გამოიყურება 1918 წლის 26 მაისის ზეიმი, ხო გვესმის როგორც დამთავრდა ეს.
ჩემი აზრით, ეს დღე ჩვენი ისტორიის გააზრების დღე უნდა იყოს და რუსთაველზე ტაშფანდური კი არ უნდა გვქონდეს მოწყობილი, უნდა ვსაუბრობდით იმაზე თუ რას ნიშნავს დამოუკიდებლობა და მართლა დამოუკიდებლები ვართ თუ არა მაშინ, როცა დამოუკიდებლობის მოპოვებიდან 30 წლის მერეც ვერ გაგვირკვევია რა არის ადამიანი და სად არის მისი ადგილი სახელმწიფოში”, – წერს ხვიჩია.
ბათუმში, ნიჟარაძის ქუჩაზე გვიან ღამით რამდენიმე მაღაზია, აფთიაქი და სილამაზის სალონი გაქურდეს. არსებული ინფორმაციით, დამნაშავეები, სავარაუდოდ, არასრულწლოვნები არიან.
ფაქტის ამსახველ ფოტოებს აჭარის ტელევიზია ავრცელებს. დაზარალებულები ამბობენ, რომ წაღებულია სალაროებში დატოვებული ხურდა ფული. საკონდიტრო მაღაზიის მეპატრონეს მინის კარი დილით აგურით დახვდა ჩამტვრეული.
გამოძიება 177-ე, ქურდობის მუხლით დაიწყო. შსს-სინფორმაციით,დანაშაულის სავარაუდო ჩამდენი პირები არასრულწლოვნები არიან.
აჭარის განათლების მინისტრი გათავისუფლებულია დაკავებული თანამდებობიდან – ინგა შამილიშვილი აჭარის მთავრობის მეთაურმა თორნიკე რიჟვაძემ თანამდებობიდან გაათავისუფლა. თანამდებობა მინისტრს ბათუმში რუსული სიმბოლიკით მოწყობილი მსვლელობის გამო დაატოვებინეს.
დღეს დილით, ბათუმის ცენტრალურ ქუჩებზე რუსულმა ანსამბლმა ოკუპანტი ქვეყნის დროშებითა და სახელმწიფო სიმბოლიკით ჩაიარა.
მსვლელობაში ფოლკლორულ ფესტივალზე დასასწრებად ჩამოსული სხვადსხვა ანსამბლები მონაწილოებდნენ, მათ შორის კი იყო როსტოვიდან ჩამოსული დასიც.
ფესტივალის და მსვლელობის ორგანიზატორი აჭარის განათლების სამინისტრო იყო.
მომხდარზე განცხადება გააკეთა აჭარის მთავრობის თავმჯდომარემ, თორნიკე რიჟვაძემ და აღნიშნა, რომ ეს მისთვის სამწუხარო ფაქტი იყო.
“ეს არის ჩემთვის სამწუხარო ფაქტი, პასუხისმგებლობის ნაწილს რაც შეეხება, ორგანიზატორი ამ შემთხვევაში განათლების სამინისტრო იყო, შესაბამისად თანამდებობიდან გათავისუფლებულია განათლების მინისტრი, ინგა შამილიშვილი,”-აცხადებს რიჟვაძე.