Blog

ლაგოდეხში, 16 წლის მოზარდის სამძებრო სამუშაოებში მყვინთავები ჩაერთნენ. ექსკურსიაზე მყოფ  მოსწავლეს მაშველები გუშინ საღამოდან ეძებენ, 16 წლის გოგონას   ჩანჩქერის მიმდებარე ტერიტორიაზე ფეხი დაუცდა და ხევში გადავარდა.

სამაშველო სამსახურის ინფორმაციით, ცნობილია მისი ადგილსამყოფელი, თუმცა, რთული მდებარეობის გამო, ადგილამდე მიღწევა ვერ ხერხდება, რის გამოც მდინარეს კალაპოტი უნდა შეუცვალონ.

უბედური შემთხვევა გუშინ  მოხდა. კერძო სკოლა “ალბიონის” მოსწავლეები ექსკურსიაზე იმყოფებოდნენ, რა დროსაც 16 წლის მოზარდს ფეხი დაუცდა და დინებამ წაიღო. ექსკურსიაზე მყოფი მოსწავლეები და მშობლები ლაგოდეხის პოლიციაში წუხელვე გამოჰკითხეს.

მომხდარ ფაქტთან დაკავშირებით განცხადება გაავრცელა დაცული ტერიტორიების სააგენტომ. მასში ნათქვამია, რომ ლაგოდეხის დაცულ ტერიტორიაზე, „ნინოს ხევის ჩანჩქერის” მარშრუტზე ადიდებულია მდინარე, დაზიანებულია ინფრასტრუქტურა და ვიზიტორებს ალტერნატიული ტურისტული ბილიკებით სარგებლობისკენ და წესების მკაცრად დაცვისკენ მოუწოდებს.

სოფელ ზერტში მდებარე საბავშვო ბაღში, აღსაზრდელები ბუნებრივ მოთხოვნილებებს სათლებში იკმაყოფილებენ.

ინფორმაცია „დიანიუსმა“ გაავრცელა, რომლის თანახმადაც, ზერტის ბაღში მეორე სართულზე კუსტარული საპირფარეშო პლასტმასის სათლებით მოაწყეს. 

ბაღის დირექტორის მოადგილე ამბობს, რომ ბაღი ნაქირავებ შენობაში მეორე სართულზეა, სადაც საპირფარეშო არ არის. გარეთ ბავშვების ჩაყვანა ზამთარში უჭირდათ. ტუალეტი ეზოშია, თუმცა უნიტაზის გარეშე.

ბაღში 114 ბავშვია და მხოლოდ 7 საწოლი დგას, რაც იმას ნიშნავს, მოზარდების უმეტესობა ძილს ვერ ახერხებს. მშობლები, ამბობენ რომ სხვა გამოსავალი არ აქვთ და ამიტომ პრეტენზიაც არ გამოუთქვამთ.

გორის სკოლამდელი აღზრდის სააგენტოს დირექტორი ამბობს, რომ სათლებით მოწყობილი კუსტარულ საპირფარეშოში შესახებ თავიდანვე იცოდა და აღნიშნა, რომ ქოთნების შეძენას განიხილავენ.

გარდა ამისა, შენობაზე, რომლის მეორე სართულზეც საბავშვო ბაღია განთავსებული, კომუნისტური ლოზუნგებიცაა გამოფენილი. ქოთნებზე დიდი პრობლემა კი ისაა, რომ დილა-საღამოს ბავშვები სტალინის ანფასს შეჰყურებენ.

ნიუ იორკში, მანჰეტენზე, ფინანსურ  კვარტალში ბოულინგ გრინის სკვერში საქართველოს დამოუკიდებლობის დღესთან დაკავშირებით ამერიკის დროშასთან ერთად საქართველოს დროშა აღმართეს. ვიდეოს ამის შესახებ ამერიკაში მცხოვრები ქართველი, ნინუკა ბორჩხაძე ფეისბუქზე აქვეყნებს.

ეს ადგილი ტურისტებს შორის ერთ–ერთი ყველაზე პოპულარულია, რადგან სწორედ აქ არის ნიუ იორკელი ბრინჯაოს ხარის 3200 კილოგრამიანი სკულპტურა. მასთან ფოტოს გადასაღებად ტურისტები მუდმივად რიგში დგანან. ხარი ნიუ იორკის და უოლ სტრიტის სიმბოლოა და ხანდახან იმაზეც კამათობენ, რომელი უფრო პოპულარულია – თავისუფლების ქანდაკება თუ ბრინჯაოს ხარი.

ლაგოდეხში, ნინოსხევის ჩანჩქერში ჩავარდნილ 16 წლის გოგოს საგანგებო სიტუაციების მართვის სამსახური ეძებს.გოგონა სკოლის ექსკურსიაზე იმყოფებოდა.

“შინაგან საქმეთა სამინისტროს გადაუდებელი დახმარების ოპერატიულ მართვის ცენტრ – „112“-ში შემოვიდა შეტყობინება, რომ ლაგოდეხში, „ნინოსხევის ჩანჩქერის“ მიმდებარე ტერიტორიაზე, სკოლის მოსწავლეები ექსკურსიაზე იმყოფებოდნენ, რა დროსაც ერთ-ერთი მათგანი მდინარეში ჩავარდა და სწრაფმა დინებამ წაიღო.

შეტყობინების მიღებისთანავე, მითითებულ ადგილზე უმოკლეს დროში გამოცხადდნენ რეინჯერები და შინაგან საქმეთა სამინისტროს საგანგებო სიტუაციების მართვის სამსახურის ლაგოდეხისა და გურჯაანის სამაშველო ჯგუფები, რომლებიც საძიებო სამუშაოებში დაუყოვნებლივ ჩაერთნენ.

ცუდი ხილვადობის, სწრაფი დინების და რთული მეტეოროლოგიური პირობების მიუხედავად, 16 წლის გოგონას ძიება უწყვეტ რეჟიმში მიმდინარეობს როგორც ზედაპირული – სახმელეთო დათვალიერებით, ისე – წყალში.

ხმელეთსა და წყალში საძიებო სამუშაოები გოგონას პოვნამდე 24-საათიან რეჟიმში გაგრძელდება”-ნათქვამია საგანგებო სიტუაციების სამსახურის მიერ გავრცელებულ ინფორმაციაში.

შინაგან საქმეთა სამინისტრომ მომხდარზე გამოძიება საქართველოს სსკ-ს 115-ე მუხლით დაიწყო, რაც თვითმკვლელობამდე მიყვანას გულისხმობს.

საქართველოს ეროვნული ჰიმნი სიმბოლურად,  05 საათსა და 10 წუთზე საქართველოს რამდენიმე ქალაქში ერთდროულად შესრულდა.

101 წლის წინ ეროვნულმა საბჭომ სწორედ ამ დროს  05 საათსა და 10 წუთზე გამოაცხადა ქვეყნის დამოუკიდებლობა და დემოკრატიული რესპუბლიკის დაფუძნება.

მოქალაქეები ამბობენ, რომ დღევანდელი დღე მათთვის ბრძოლის და თავდადების სიმბოლოა. თავისუფლების მოედანსა და რუსთაველის გამზირზე მისულ დამთვალიერებლებს შორის რომლებიც სხვადასხვა ღონისძიებებს ესწრებიან უცხო ქვეყნის მოქალაქეებიც არიან.

„7 წელია საქართველოში ვცხოვრობ, მიყვარს ეს ქვეყანა და ვულოცავ დამოუკიდებლობის დღეს. გისურვებთ ქვეყნის გამთლიანებას – სამხრეთ ოსეთისა და აფხაზეთის დაბრუნებას. ეს აუცილებელია და ვისურვებდი, რომ პრეზიდენტი ამოცანას თავს გაართმევს,“-განაცხადა მალკომ ტეილერმა.