Blog

უფლისციხეში ექსკურსიის დროს პირველკლასელი სიმაღლიდან გადმოვარდა. ინფორმაციას ამის შესახებ “ინტერპრესნიუსი” ავრცელებს.

7 წლის ბიჭი ძეგლ-ნაკრძალის ტერიტორიაზე სიმაღლიდან გადმოვარდა. დაცემისას მოზარდმა სხეულის დაზიანებები მიიღო. დაშავებული კლინიკა „გორმედშია“ გადაყვანილი.

„კლინიკაში შემოყვანისას ბავშვს აღენიშნებოდა წვივის ძვლის მოტეხილობა და სახის არეში ესკორაციები. ჩაუტარდა შესაბამისი კვლევები, წვივის მოტეხილობის გამო, კიდურზე თაბაშირის ნახვევი დაედო და დაუმუშავდა სახის არეში არსებული ესკორაციები. პაციენტი გაეწერა კლინიკიდან და გააგრძელებს ამბულატორიულ მკურნალობას“, – განაცხადა ტრავმატოლოგმა კოტე ლაცაბიძემ “ინტერპრესნიუსთან”.

როგორც ცნობილია,  7 წლის მოსწავლე დაახლოებით 3-4 მეტრი სიმაღლიდან გადმოვარდა. 

მაღაროელების მასშტაბური პროტესტი ჭიათურაში გრძელდება, პროტესტი დღითიდღე იზრდება. 

დღეს აქციას სკოლის მოსწავლეებიც შეუერთდნენ. ისინი მაღაროელებს სრულ მხარდაჭერას უცხადებენ. 

გაფიცული მეშახტეები ამბობენ, რომ პროტესტი ქალაქის ქუჩებში კიდევ უფრო ფართო მასშტაბებს მიიღებს.

უკვე მე-13 დღეა მაღაროელები გაფიცულები არიან. დღეს ჯორჯიან მანგანეზმა განცხადება გაავრცელა, რომლის მიხედვითაც, დასაქმებულებს კონკრეტული პირობები შესთავაზეს, თუმცა გაფიცულები მათ წინადადებას  არ დათანხმდნენ და პროტესტი გრძელდება. 

თბილისში სამ ქუჩაზე 18 და 24-მეტრიანი ავტობუსები მოძრავებს. ესენია ჭავჭავაძის გამზირი, ვეკუას  და ხიზანიშვილის ქუჩა. 

დედაქალაქში 18 და 24-მეტრიანი ავტობუსების შემოყვანის საჭიროებაზე კომპანია „სისტრას“ კვლევის წინასწარ ინფორმაციაშია საუბარი. სწორედ ამ კვლევებშია დასახელებული ეს  სამი ქუჩა,სადაც  ახალი დიდი ავტობუსები იმოძრავებს. 

მერიამ ამ ქუჩების რეაბილიტაციისთვის სმაუსაოების დაწყება უკვე დააანონსა,  მაისის ბოლოს იგეგმება ჭავჭავაძის გამზირის სარეაბილიტაციო სამუშაოების დაწყება.

„ჭავჭავაძის გამზირის, ო. ხიზანიშვილისა და ი. ვეკუას ქუჩების ხელახალი დაგეგმვა უნდა მოხდეს ე. წ. ,,სრული ქუჩის“ (complete street) პრინციპით, როდესაც ქუჩის რესურსის გადანაწილება ხდება მდგრადი ტრანსპორტის მოთხოვნების შესაბამისად, სამართლიანად გადაადგილების ყველა სახეობას შორის. ამ პრიორიტეტების შესაბამისად, საჭიროა გაუმჯობესდეს საქვეითო ინფრასტრუქტურა, უსაფრთხოება და კომფორტი, მათ შორის უსაფრთხო საქვეითო გადასასვლელების გათვალისწინებით. საჭიროა, მოეწყოს უსაფრთხო და კომფორტული ველობილიკი, გამოიყოს ავტობუსის განცალკევებული სამოძრაო ზოლები.

მნიშვნელოვანია, აღნიშნული პრიორიტეტიზაციის გათვალისწინებით, თითოეული გადაადგილებისთვის საუკეთესო გადაწყვეტილების შერჩევა და გადაადგილების სახეობების შორის კონფლიქტისა და უარყოფითი ზეგავლენის მაქსიმალური შემცირება. გადაწყვეტები უნდა მოიცავდეს სხვადასხვა შესაძლო სცენარებს და მათ შეფასებას.

ყველა გადაწყვეტა უნდა ითვალისწინებდეს გამზირზე/ქუჩებზე მოწყობილი ინფრასტრუქტურის სამომავლო გაგრძელების შესაძლებლობებს – ველობილიკის და ავტობუსის განცალკევებული ზოლების და სამოძრაო ზოლების გაგრძელებას მიმდებარე ქუჩების/გამზირების მიმართულებით,“-აღნიშნულია გეგმაში.

ეკა ბესელიამ ახალი პოლიტიკური პარტია, შექმნა, სახელწოდებით „სამართლიანობისთვის”. ამის შესახებ ეკა ბესელიამ ცოტა ხნის წინ სპეციალურ პრესკონფერენციაზე განაცხადა.

ბესელიას თქმით, იდეოლოგიით პარტია ცენტრისტული იქნება და ევროპული კონსერვატიზმის მიმართულებით წავა.

მასთან ერთად პარტიაში გედევან ფოფხაძე და ზვიად კვაჭანტირაძე იქნებიან. ბესელია თანამშრომლობას არ გამორიცხავს “ქართული ოცნებიდან” წამოსულ სხვა წევრებთანაც.

(more…)

მაშველებმა ლაგოდეხში, „ნინოსხევის ჩანჩქერის“ მიმდებარე ტერიტორიაზე, მდინარეში ჩავარდნილი 16 წლის გოგონას ცხედარი იპოვეს. 

„შინაგან საქმეთა სამინისტროს საგანგებო სიტუაციების მართვის სამსახურის მაშველებმა ლაგოდეხში, „ნინოსხევის ჩანჩქერის“ მიმდებარე ტერიტორიაზე, მდინარეში ჩავარდნილი 16 წლის გოგონას ცხედარი იპოვეს. ცუდი ხილვადობის, სწრაფი დინების და რთული მეტეოროლოგიური პირობების მიუხედავად, საძიებო სამუშაოები მთელი ღამის განმავლობაში უწყვეტ რეჟიმში მიმდინარეობდა როგორც ზედაპირული – სახმელეთო დათვალიერებით, ისე წყალში. გოგონას საძიებო ოპერაციაში მონაწილეობდნენ რეინჯერები და შინაგან საქმეთა სამინისტროს საგანგებო სიტუაციების მართვის სამსახურის ლაგოდეხისა და გურჯაანის სამაშველო ჯგუფები. გამთენიისას, პროცესებში ჩაერთნენ განსაკუთრებულ საგანგებო სიტუაციებზე რეაგირების სამმართველოს მყვინთავთა ჯგუფიც. არსებული ინფორმაციით, სკოლის მოსწავლეები ექსკურსიაზე იმყოფებოდნენ, რა დროსაც ერთ-ერთი მათგანი მდინარეში ჩავარდა და იქიდან გამოსვლა ვეღარ შეძლო. შინაგან საქმეთა სამინისტრომ მომხდარზე გამოძიება საქართველოს სსკ-ს 115-ე მუხლით დაიწყო, რაც თვითმკვლელობამდე მიყვანას გულისხმობს,“ – ნათქვამია განცხადებაში.

გუშინ კახეთში, უბედური შემთხვევა მოხდა. ლაგოდეხში ექსკურსიაზე მყოფი 16 წლის მოსწავლე ხევში გადავარდა.

16 წლის გოგონა კერძო სკოლა “ალბიონის” მოსწავლეა. როგორც სოციალური ქსელიდან ირკვევა, რომ ის ბლოგერისა და სოციალური მედიის მენეჯერის სალომე ბარკერის უმცროსი და არის.

“ვე­ძებთ სო­ფის”,-დაწერა სალომე ბარკერმა ფეისბუქის საკუთარ გვერდზე.

ლაგოდეხში, 16 წლის მოზარდის სამძებრო სამუშაოებში მყვინთავები ჩაერთნენ. ექსკურსიაზე მყოფ მოსწავლეს მაშველები გუშინ საღამოდან ეძებენ.
სამაშველო სამსახურის ინფორმაციით, სავარაუდოდ გოგონას ადგილსამყოფელი ცნობილია, თუმცა, რთული მდებარეობის გამო, ადგილამდე მიღწევა ვერ ხერხდება, რის გამოც მდინარეს კალაპოტი უნდა შეუცვალონ.

რუსთავში, მეგობრობის გამზირზე ხანძრის დროს, სამმა სამხედრო მომსახურემ  ორი მცირეწლოვანი ბავშვი გადაარჩინა. ამის შესახებ ინფორმაციას ადგლობრივი მედია”ინფო რუსთავი“ ავრცელებს.

მათი ინფორმაციით, ჯარისკაცები რუსთავში გასამართ ღონისძიებაზე მიდიოდნენ, რა დროსაც გზიდან შეამჩნიეს, რომ ფანჯრიდან კვამლი გამოდიოდა, ადგილზე მისულებს კი ბინაში ძლიერი ხანძარი დახვდათ. ვრცელდებოდა ინფორმაცია, რომ სახლში ორი მცირეწლოვანი იმყოფებოდა. მეზობლების თქმით, ბავშვების მამა გარეთ იყო და სახლში ვერ შედიოდა. მცირეწლოვნები სახლიდან ჯარისკაცებმა გამოიყვანეს.

მაღალი დაკვამლიანების შედეგად სამხედროებმა მძიმე ინტოქსიკაცია მიიღეს. ერთ-ერთი მათგანი ინგოროყვას კლინიკაშია გადაყვანილი, ხოლო ორს – კლინიკა “რუსთავში“ შესაბამისი სამედიცინო კვლევები უტარდება.

„ჯორჯიან მანგანეზი“ გაფიცულ თანამშრომლებთან დაკავშირებით განცხადებას ავრცელებს,მასში ის პირობებია ის პირობებია ჩამოთვლილი, რომელიც გაფიცულებს გუშინ  შესთავაზეს.

“1. 2019 წლის 1-ელი ივლისიდან, რესტრუქტურიზაცია-რეორგანიზაციის დაწყებისთანავე, ხელფასის 25%-იანი, ეტაპობრივი ზრდა, უფრო კონკრეტულად: 2019 წლის 1-ელი ივლისიდან – 15%-იანი ზრდა, ხოლო 2020 წლის 1-ელი ივლისიდან – 10%-იანი ზრდა;

2. ხელფასის მატებასთან დაკავშირებით, კომპანიას თანამშრომლებისთვის შეთავაზებული ჰქონდა ალტერნატიული წინადადებაც: წლის 1-ელი ივლისიდან – ხელფასის 10 %-იანი ზრდა რესტრუქტურიზაცია-რეორგანიზაციის ხარჯზე; ასევე, 26 მაისის მდგომარეობით, კომერციულ ბანკებში მათ მიერ აღებული საბანკო სესხების დაფარვა;

სახელფასო დანამატები გავრცელდება 1000 ლარამდე ხელფასის მქონე პირებზე.

3. კონტრაქტორი კვებითი კომპანიის ახლით ჩანაცვლება, რაც დასაქმებული თანამშრომლების კვების რაციონისა და ხარისხის გაუმჯობესების პირობა გახდება;

4. სადაზღვევო კომპანიასთან პრობლემური საკითხების დარეგულირება და დასაქმებული პირების მოთხოვნებთან შესაბამისობაში მოყვანა;

5. ჭიათურაში მძიმეწონიანი მანქანების მოძრაობის სრულად შეზღუდვა;

6. 3 თვის ვადაში კონტრაქტორი კომპანიების მიერ ნაწარმოები მანგანუმის მადნის გადასაზიდი სარკინიგზო ტერმინალის მშენებლობის უზრუნველყოფა;

7. ჭიათურაში, სანატორიუმის მიმდებარე ტერიტორიაზე მშენებარე პარკისა და ატრაქციონების პარკის მშენებლობის დაფინანსება-კეთილმოწყობაში მონაწილეობა;

8. ჭიათურის მერიისთვის დასუფთავების სპეციალური ტექნიკის შეძენა და გადაცემა;

9. კარიერების შესასვლელებში საკარიერო მანქანების გარეცხვის უზრუნველსაყოფად სპეციალური სამრეცხაოების მოწყობა;

10. ზემოაღნიშნული პირობების შესრულებაზე კონტროლისა და ზედამხედველობის განხორციელება დასაქმებულების მიერ შეთავაზებული პროფკავშირების მიერ.

აღსანიშნავია, რომ ეს არის ის მაქსიმუმი, რის შეთავაზებაც დღეს „ჯორჯიან მანგანეზს“ შეუძლია, რათა ჭიათურაში უკიდურესად დაძაბული ვითარების დარეგულირება და განმუხტვა შესაძლებელი გახდეს, რაც ამ სიტუაციაში უმნიშვნელოვანესია როგორც კომპანიის თანამშრომლებისთვის, ასევე – რიგითი ჭიათურელებისთვის.

სამწუხაროა, რომ „ჯორჯიან მანგანეზის“ შეთავაზებებს დასაქმებულები არ დათანხმდნენ“- ნათქვამია ჯორჯიან მანგანეზის მიერ გავრცელებულ განცხადებაში.

დღეს, პარლამენტში ბიუროს სხდომაზე სკოლის მოსწავლეების ტრანსპორტირებასთან დაკავშირებული კანონპროექტს განიხილავენ.

საკანონმდებლო წინადადების თანახმად, სასკოლო ღონისძიებების დროს მძღოლებს მოსწავლეების გადაადგილების უფლება იმ შემთხვევაში ექნებათ, თუ ისინი გარკვეული ტიპის დოკუმენტაციას წარადგენენ.

საპარლამენტო უმრავლესობის წევრებმა მოამზადეს საკანონმდებლო ცვლილებები, რომელიც
„საგზაო მოძრაობის შესახებ“ კანონში უნდა შევიდეს.ცვლილებების თანახმად, სასკოლო ღონისძიებაზე მძღოლის მიერ მოსწავლეთა უსაფრთხო გადაყვანის წესების დარღვევაზე ჯარიმები წესდება.