აშშ-ში, მერილენდელი ქალისთვის საყვარელი ციფრი-9 იღბლიანი გამოდგა.63 წლის პამელა ვენდლანდმა ციფრების კომბინაციებით ლატარიის ბილეთი რამდენჯერმე შეავსო და სოლიდური თანხა $30 000 მოიგო.
ამერიკელი ქალის განცხადებით, ის ლატარების ბილეთს კვირაში 3-4-ჯერ ყიდულობს და ყოველთვის ციფრ 9-ს უთითებს.
იღბლიანი ქალის მოგებიანი რიცხვების კომბინაცია კი ასეთი იყო: 9-19-29-39-49-59-69-79.
პამელა მოგებული თანხის ნაწილს ქორწინების 20 წლისთავის აღნიშვნისთვის დახარჯავს და ნაწილს კი ოჯახის წევრებს გაუნაწილებს.
დღეს, პარიზში ბალენსიაგას ჩვენება შედგა. ბრენდის კრეატიულ დირექტორთან დემნა გვასალიასთან ერთად ჩვენებას ქართველი მოდელი თაკო ჩხეიძე დაესწრო. ჩვენებაზე ტოპმოდელი ბელა ჰადიდი გამოვიდა. ამის შესახებ ინფორმაციას “DailyMail”-ი წერს და ასევე ვკითხულობთ დემნა გვასალიას ოფიციალურ გვერდზეც.
“სასიამოვნო მოულოდნელობა: ბელა ჰადიდი დემნას დღევანდელ ჩვენებაზე ბალენსიაგასთვის”,- წერია დემნა გვასალიას ფეისბუქ გვერდზე.
დღეს, 29 სექტემბერს პარიზში ბალენსიაგას ჩვენება შედგა. ჩვენებაზე ტოპმოდელი ბელა ჰადიდი გამოვიდა. ბრენდის კრეატიულ დირექტორთან დემნა გვასალიასთან ერთად ჩვენებას ქართველი მოდელი თაკო ჩხეიძე დაესწრო.
ჟურნალისტი ინგა გრიგოლია პარლამენტში მომხდარ ინციდენტს, როდესაც ეკა ბესელიამ ვანო ზარდიაშვილს იურიდიული კომიტეტის სხდომაზე ხელი გაარტყა ფეისბუქის სტატუსით ეხმაურება:
აჭარის ავტონომიის ყოფილი ლიდერი, ასლან აბაშიძე რომელიც ინტერპოლის მიერ იძებნება მოსკოვში ბინათმესაკუთრეთა ამხანაგობის თავმჯდომარე გახდა. რუსულმა ინტერნეტ გამოცემამ “ღია მედია“ მონაცემთა ბაზაში აღმოაჩინა, რომ ასლან აბაშიძე 2019 წლის აგვისტოში გახდა მოსკოვის დასავლეთ ადმინისტრაციულ ოლქში, ზვენიგოროდის ქუჩა 16–ში ბინათმესაკუთრეთა ამხანაგობა “ლეგენდა“–ს თავმჯდომარე.
ასლან აბაშიძე იძულებული გახდა 2004 წელს საქართველო დაეტოვებინა. მას შემდეგ ის მოსკოვში ცხოვრობს. ასლან აბაშიძის წინააღმდეგ საქართველოში სისხლის სამართლის საქმეა აღძრული და მის წინააღმდეგ ინტერპოლის ხაზით საერთაშორისო ძებნაა გამოცხადებული.
ინდონეზიის ერთ-ერთ პროვინციაში ცა და ირგვლივ გარემო ამ შაბათ-კვირის განმავლობაში წითელი ფერის იყო. ამის მიზეზი კი გავრცელებული ტყის ხანძრებია, რომელმაც ქვეყანაში საკმაოდ დიდი ფართობი მოიცვა. ამის შესახებ ინფორმაციას და ვიდეომასალას BBC ავრცელებს.
ჯამბის პროვინციის ადგილობრივმა მკვიდრმა ცას ფოტო გადაუღო და როგორც მან თქვა, კვამლის გამო თვალები და ყელი ასტკივდა. BBC-ის ინფორმაციით, ყოველწლიურად ტყის ხანძრები ინდონეზიაში კვამლის ბურუსს ქმნის, რომელიც შესაძლებელია, რომ აზიის სამხრეთ-აღმოსავლეთით გავრცელდეს ხოლმე.
{{VIDEO}}
ანიმაციის პროდიუსერი მაიკლ მენდელი, რომელმაც “ემის” 4 ჯილდო მოიგო, 54 წლის ასაკში გარდაიცვალა. მენდელის მეუღლის განცხადებით მაიკლი ბუნებრივი სიკვდილით გარდაიცვალა.
მაიკლ მენდელი ამერიკული სამეცნიერო ფანტასტიკის ჟანრის, ანიმაციური სერიალის Rick And Morty-ს და ასევე მსოფლიოში პოპულარული ანიმაციური სერიალის The Simpsons-ის პროდიუსერი იყო.
ცნობილი ანიმაციის პრემიერა პირველად 2013 წლის 2 დეკემბერს გაიმართა და კრიტიკოსების მოწონება თავიდანვე დაიმსახურა.
მაიკლ მენდელს Emmy-ს 4 ჯილდო აქვს მიღებული.
კნუტი სახელად „ნიორი“ ჩინეთში კლონირების შედეგად დაიბადა. ის გარდაცვლილი კატის ზუსტი ასლია და სახელიც იგივე ქვია. საყვარელი კატის კლონის შექმნაშიპატრონმა 35 000 დოლარი გადაიხადა.
ბოლო წლებში ჩინეთში სწრაფად ვითარდება გენეტიკა. ამ სფეროში ჩინეთი უკვე აშშ–ს, ბრიტანეთს და სამხრეთ კორეას დაეწია.“ნიორი“ მსოფლიოში პირველი კლონირებული კატაა. პეკინური კომპანია სინოგენი ძაღლების კლონირებასაც ეწევა. ძაღლის კლონირება აქ 53 000 დოლარი ღირს. კრიტიკოსები ამბობენ, რომ გარეგნული მსგავსების მიუხედავად კლონირებული ცხოველი ორიგინალისგან ხასიათით მაინც სრულიად განსხვავებული იქნება და ჯობს პატრონებმა საყვარელი ცხოველის კლონირების ნაცვლად თავშესაფრიდან უპატრონო ცხოველი აიყვანონ და გაზარდონ. თუმცა კლინიკის წარმომადგენლები ამტკიცებენ, რომ კლონირებული გარდაცვლილ ცხოველს გარეგნობაზე მეტად ხასიათით გავს, რადგან ხასიათის ძირითადი მაფორმირებელი გენეტიკაა.
მსოფლიოში პირველი კლონირებული ცხოველი იყო ცხვარი სახელად დოლი.
თავის კანის ელექტროსტიმულაციას შეუძლია გამელოტებულ მამაკაცებში თმის აღდგენა გამოიწვიოს, თანაც ამ სისტემის ჩამონტაჟება ჩვეულებრივ სპორტულ ქუდში შეიძლება.ყოველ შემთხვევაში, ვისკონსინის უნივერსიტეტში უბეწვო ლაბორატორიულ ვირთხებზე ჩატარებულმა ექსპერიმენტმა აჩვენა, რომ ასეთმა სტიმულაციამ საცდელი ვირთხების ბეწვის საფარის აღდგენა გამოიწვია.
გამელოტებასთან ბრძოლის ამჟამად არსებული მეთოდები ან არაეფექტურია, ან ძალიან ძვირია. თმის ბოლქვების ელექტროსტიმულაცია უკვე დიდი ხანია გამოიყენება, მაგრამ რთულ პროცედურებს მოითხოვს სტაციონარული ტექნიკის გამოყენებით.
ვისკონსინის უნივერსიტეტის მეცნიერთა ჯგუფმა კი შეძლო თავის კანზე დასაკრობი პორტატიული პლასტირის შექმნა, რომელიც თავად პაციენტის სხეულის მოძრაობის ხარჯზე ელექტროიმპულსების გენერირებას ახდენს. პლასტირი სულ 1 მილიმეტრის სისქის ნაჭერია და ელექტროგამტარი მასალების რამდენიმე ფენისგან შედგება, რომლებიც ტრიბოელექტრონული ეფექტის ხარჯზე, რომელიც ხახუნის შედეგად წარმოიქმნება, სუსტ ელექტრონულ ძაბვას წარმოქმნის.
ცხოველებზე ჩატარებულმა ექსპერიმენტმა აჩვენა, რომ ასეთი ძაბვა თმის ზრდის ბუნებრივი ფაქტორის – კერატონიციტის გამომუშავებას ასტიმულირებს.
კვლევის ერთ–ერთმა ავტორმა პლასტირი საკუთარ მამაზე გამოსცადა, რომელიც ბოლო წლებში გამელოტდა და ამტკიცებს, რომ ერთი თვის შემდეგ მას ახალი თმა გაეზარდა.