Category: სხვადასხვა

საფრანგეთში მცხოვრები ქართველი ექიმი, რეზო ბოჭორიშვილი ინფექციური საავადმყოფოს დირექტორის, თენგიზ ცერცვაძის განცხადებას ეხმაურება, რომლის მიხედვით ხელისუფლებამ მეექვსე გრძნობით უნდა იგრძნოს როდის დადგა შეზღუდვების შემსუბუქების დრო.

“როდესაც ევროპის წამყვან ქვეყნებში საგანგებო მდგომარეობების მოხსნა ცოტა დროზე ადრე დააპირეს, ეპიდემიამ მაშინვე მოახდინა რეაგირება იმით, რომ მატება დაიწყო. ეს მოხდა ესპანეთში, იტალიაში, საფრანგეთში და ინგლისში. ამიტომ, ჩვენ, ყველამ, პირველ რიგში, მთავრობამ უნდა დავიჭიროთ ის მომენტი, როდესაც შეზღუდვების შემსუბუქება შეიძლება. მთავრობამ რაღაც მეექვსე გრძნობით უნდა იგრძნოს, რომ ეს მომენტი დადგა, რომ შეზღუდვები შეამსუბუქოს.“– თქვა თენგიზ ცერცვაძემ.

რეზო ბოჭორიშვილი ფეისბუქზე მის განცხადებას ასე გამოეხმაურა:

“გავბედავ და ვიტყვი. არა როგორც ექიმი, როგორც მოქალაქე. არ არის მთლად ისე საქმე როგორც აქ წერია (სიმართლე ხომ მთავარია, არა?).

საფრანგეთს რაც შეეხება. საგანგებო მდგომარეობის მოხსნა ნაადრევად არ მომხდარა და არც დაუპირებია არავის და არანაირი ზრდა დაავადებისა არ ყოფილა. საგანგებო მდგომარეობის მოხსნა იგეგმება 11 მაისს. და ამისთვის დიდი მზადება მიდის. დეტალებს არ ჩამოვთვლი..დაავადება კი უკან იხევს.

და კიდევ. საფრანგეთის მაგალითის მოყვანა თუ გვინდა.. პირველივე გამოსვლიდან მაკრონი და სხვა პასუხისმგებელი პირები სულ იმეორებენ, რომ უმძიმესი ეკონომიური კრიზისი ელის ქვეყანას. და “ოპტიმიზმის“ დასანერგად არანაირ ტიკ-ტოკებს არ იღებენ და მერე მთელს პარტიულ ელიტას არ რაზმავენ ამ უკიდურესი უზნეობის გასაპრავებლად.

კარანტინის პირველივე დღიდან საფრანგეთის სახელმწიფომ აამოქმედა “ნაწილობრივი უმუშევრობის“ მექანიზმი, რომელიც გულისხმობს ხელფასის 80% ის შენარჩუნებას.. დღეს 8 მილიონი ადამიანი სარგებლობს ამ მექანიზმით.. ამის მიუხედავად ყოველ დღე იდება საგანგაშო მონაცემები ქვეყნის ეკონომიკის მომავლის შესახებ..

და ექიმები არავის დაუმცირებია სამუშაო საათების მითითების უკიდურესად რეგვენული მოთხოვნით. პირიქით, ექიმებს ყველანაირი ხელშეწყობა და დახმარება გამოუცხადა სახელმწიფომ, მათ შორის მატერიალური სტიმულირებით და უფასო საზოგადოებრივი ტრანსპორტის შეთავაზებით..

ტრანსპორტზე გამახსენდა.. ერთი ახალგარზრდა ქართველი კოლეგა წერდა, ეს მანქანაც არ ჰყავს ყველას და ძალიან უჭირთ იმ სავადმყოფომდე მისვლა. თან ბევრი რამოდენიმე ადგილას მუშაობს.. ისე, საფრანგეთში მანქანით გადაადგილება არ შეზუდულა და არც კომენდანტის საათი დაწესებულა, რომლის დროსაც ბიბლიოთეკებს წვავენ..

კიდევ რამდენი “არ“….

სხვაზე უკეთესად თუ არა, ნაკლებად მაინც არ მესმის ეპიდემიასთან დაკავშირებული შეზღუდვების მნიშვნელობა, სისწორე და გარდაუვალი გვერდითი მოვლენებიც… მაგრამ ის რაც ბოლო დღეებში ხდება საქართველოში.. არათუ ხელს არ უწყობს ეპიდემიასთან ბრძოლას, პირიქით, ეკონომიკური და სოციალური კატასტროფისკენ მიჰყავს ქვეყანა..ფსევდო სამედიცინო არგუმენტებით ეს ვერ გაპრავდება..ბოდიში.

ისე კი ცხადია, მეექვსე გრძნობა თუ დარჩა საშველად მართლა უდიპლომო, ენაბლუ, უვიც, შტერ და უბრალოდ უზნეო მმართველთა ხელში..“– წერს რეზო ბოჭორიშვილი.

ექსპერტი გია ხუხაშვილი უკრაინის ვიცეპრემიერად შესაძლო დანიშვას აფასებს. მისი აზრით, ზელენსკის დღეს სააკაშვილი ჭირდება.

“რატომ ნიშნავს ზელენსკი სააკაშვილს?
1. ზელენსკიმ ვერ შეძლო კორუმპირებული სისტემის დანგრევა. შესაბამისად სჭირდება ბულდოზერი, რომელიც სისტემას შეაზანზარებს.
2. დააბალანსებს ავაკოვს, რომელსაც თვითონ ვერაფერი მოუხერხა.
3. ცივ წყალს გადაასხამს პოროშენკოს რევანშისტულ გეგმებს.
4. “თუ ვინმეს ვერ ერევი, იმეგობრე მასთან” – პრინციპით ერთ “ზანოზას” იშორებს.

მოკლედ, მას უნდა შეტევის აქცენტები გადაიტანოს სააკაშვილზე და თვითონ არბიტრის როლში ჩადგეს.ის ფიქრობს, რომ უეჭველს თამაშობს.თუ სააკაშვილი წარმატებული იქნა, დივიდენდებს თვითონ მიიღებს, თუ წააგო, ერთ პოტენციურ პრობლემას მოიშორებს. ამ ბრძოლებში კი მისი მტრები დასუსტდებიან.

ჩვენ თვალები ვაბრიალოთ, იქ კი პოლიტიკა კეთდება…“– ამბობს ხუხაშვილი.

თვითიზოლაციაში მყოფი ივანიშვილების ოჯახი საოჯახო ფოტოებს აქვეყნებს. ბიძინა ივანიშვილის ვაჟი ბერა ივანიშვილი ფოტოებს ინსტაგრამის Story-ში აქვეყნებს.

ბერა ივანიშვილი  საკმაოდ აქტიურია  სოციალურ ქსელში, ბერასა და მისი ცოლის საერთო ტიკტოკზე, თითქმის ყოველდღიურად იდება ახალი ვიდეოები. რამდენიმე დღის წინ ბერა დედასთან ერთად, ხოლო ახლა მთელი ოჯახით გამოჩნდა.

ერთ–ერთ ფოტოზე ბერა და დედამისი გიგანტურ გადაჭრილ ხეზე სხედან.

ქვეყანაში შექმნილი საგანგებო მდგომარეობის ფონზე, სუპერმარკეტების ქსელი “მაგნიტი”  ცდილობს, მოსახლეობას გვერდით დაუდგეს და რთული პერიოდის გადალახვაში დაეხმაროს მომხმარებლებს ყოველდღიურად გრანდიოზულ ფასდაკლებას შესთავაზებს.

27 აპრილიდან, მაგნიტის ნებისმიერ მაღაზიაში მომხმარებლებს ყოველდღიურად საშუალება ექნებათ, ერთ ყველაზე მოთხოვნად კატეგორიაზე 20%-იანი ფასდაკლებით ისარგებლონ. ფასდაკლება სხვადასხვა დღეს სხვადასხვა კატეგორიაზე შემდეგნაირად გავრცელდება: ორშაბათი – რძის პროდუქტები, სამშაბათი – ხორცპროდუქტები, ოთხშაბათი – გაყინული ნახევარფაბრიკატები, ხუთშაბათი – ყავა/ჩაი, პარასკევი – ქიმია-ჰიგიენის საშუალებები, შაბათი – ალკოჰოლური სასმელები, კვირა – უალკოჰოლო სასმელები.

ყოველდღიურად 20%-იანი დანაზოგი ამ რთულ ვითარებაში მოსახლეობისთვის საკმაოდ დიდი შეღავათი იქნება.

“აღნიშნული აქცია არის ის ქმედება, რაც დღეს ბიზნესმა საზოგადოების მიმართ უნდა გამოიჩინოს. 20%-იანი ფასდაკლების აქცია არ არის პირველი ნაბიჯი, რაც კომპანიამ საზოგადოების მხარდასაჭერად გადადგა. ქვეყანაში საგანგებო მდგომარეობის გამოცხადების შემდეგ, სუპერმარკეტების ქსელ მაგნიტში ყველაზე მოთხოვნადი დაფასოებული პროდუქტები, მაკარონი, ბრინჯი, წიწიბურა, შაქარი, ზეთი და ფქვილი ფასნამატის გარეშე იყიდება. ვალუტის კურსი გავლენას ახდენს პროდუქციის ფასზე, თუმცა, ჩვენ მუდმივ რეჟიმში ვაწარმოებთ მოლაპარაკებას ჩვენს მომწოდებლებთან და ვცდილობთ პროდუქტებზე ფასების შენარჩუნებას, რათა ცვლილებები რაც შეიძლება უმტკივნეულოდ აისახოს მომხმარებელზე”, – აცხადებს მაგნიტის გენერალური დირექტორის მოადგილე ია ნადირაშვილი.

სოციალურ ქსელში საკმაოდ პოპულარული ბლოგერი გიორგი გოგეშვილი, კარანტინის თემატიკაზე  სახალისო ვიდეოს აქვეყნებს. რამდენიმე საათში ვიდეომ უამრავი მოწონება და გაზიარება  დაიმსახურა.

ვიდეოს შინაარსი ხუმრობა იყო და სინამდვილეში ბლოგერს, დიზაინერ მარიამ ქიტესაშვილთან ბედნიერი ოჯახი აქვს.

მსახიობმა შარლიზ ტერონმა კორონავირუსის ეპიდემიის წინააღმდეგ ბრძოლაში საკუთარი წვლილი შეიტანა და საქველმოქმედო ორგანიზაციების მილიონი დოლარი შესწირა.

პანდემიის პერიოდში ბევრი ვარსკვლავი ცდილობს გაჭირვებულებს დაეხმაროს და თანხებს არ ზოგავს. შარლიზ ტერონის ფონდმა –   The Charlize Theron Africa Outreach Project– 500 000 დოლარი გადურიცხა პანდემიის დროს მომატებული ოჯახური ძალადობის მსხვერპლთა თავშესაფრების და ორგანიზაცია Together for Her–ის ღონისძიებების დასაფინანსებლად.

ამასთან, ტეროონმა გადაწყვიტა დახმარება გაეწია როგორც აშშ–ში მოქმედი ორგანიზაციებისთვის, ასევე მისი მშობლიური ქვეყნის – სამხრეთ აფრიკის რესპუბლიკისთვის. დამატებითი თანხები გამოიყოფა საზღვარგარეთ მდებარე ორი პარტნიორი ორგანიზაციისთვის – ინდუსტრიის და გართობის ფონდი და ფონდი CARE.

“შარლიზი და ეს სამი ორგანიზაცია მოუწოდებენ სხვა გავლენიან ქალებს და ორგანიზაციებს შეუერთდნენ უმნიშვნელოვანეს საქმეს, რათა უზრუნველყონ უსაფრთხო ადგილების არსებობა და პროგრამები ქალების გადასარჩენად, ვისაც ეს სჭირდება“– ნათქვამია შარლიზ ტერონის ფონდის განცხადებაში.

მსახიობს ოჯახური ძალადობის პერსონალური გამოცდილება აქვს. მისი მამა 1991 წელს ალკოჰოლური თრობის ქვეშ შარლიზს და დადამისს იარაღით ემუქრებოდა. მათ საძინებელში დამალვა და კარის ჩაკეტვა მოუწიათ, რომლის შემტვრევასაც მთვრალი კაცი ცდილობდა.

“მან კარს სამჯერ ესროლა. საბედნიეროდ არცერთი ტყვია არ მოგვხვდა“ –ყვებოდა მოგვიანებით შარლიზი. იმ ღამეს დედამისმა ქმარი მოკლა.