Category: სხვადასხვა

გაერთიანებული ერების ორგანიზაცია აცხადებს , რომ შოკირებული და ღრმად შეშფოთებულია კადრებით, რომლებზეც ჩანს რომ ისრაელში, ამ ორგანიზაციის სიმბოლიკიან მანქანაში ქალი და კაცი სექსით არიან დაკავებული.

18 წამიანი ვიდეო ტვიტერზე პარასკევს გამოქვეყნდა და სოციალურ ქსელებში ფართოდ გავრცელდა. კადრებზე ნათლად ჩანს, რომ წითელკაბიანი ქალი და მამაკაცი თეთრი ავტომობილის უკანა სკამზე სექით არიან დაკავებული. ავტომობილზე გაეროს სიმბოლიკაა გამოხატული.

როგორც ჩანს, ვიდეო თელავივის მთავარ სანაპიროზე გადაიღეს. ჯიპის წინა სკამზე კიდევ ერთი მგზავრი ზის, მძღოლი არ ჩანს. ვიდეო მაშინ არის გადაღებული, როცა მანქანა შუქნიშანზე გაჩერდა.

გაეროში განაცხადეს, რომ ინციდენტს იძიებენ და მალე დაადგენენ მათ ვინაობას, ვინც ვიდეოზეა აღბეჭდილი. გაეროს ცნობით სავარაუდოდ ისინი ისრაელში სამშვიდობო ორგანიზაციის თანამშრომლები არიან.

გაეროს გენერალური მდივნის ოფიციალურმა წარმომადგენელმა, სტეფან დიუჟარიკმა განაცხადა, რომ ორგანიზაციის აზრით ასეთი ქცევა “ამაზრზენია“, ეს ეწინააღმდეგება ყველაფერს, რისთვისაც ორგანიზაცია იბრძვის, გაეროს თანამშრომელთა შეუსაბამო ქცევის თვალსაზრისით.

გაერო მისი თანამშრომლებიდან სექსუალური დარღვევების წინააღმდეგ მკაცრ პოლიტიკას ატარებს.

“შოკირებული და ღრმად შეშფოთებულები ვართ იმით, რაც ამ ვიდეოზე ჩანს“– დასძინა დიუჟარიკმა. მისი თქმით, გამოძიება სწრაფად მიდის წინ და ვარაუდობს, რომ მალე ყველაფერს ნათელი მოეფინება.

https://www.youtube.com/watch?v=AnonvADK2VA

შავკანიანი ამერიკელის, ჯორჯ ფლოიდის სიკვდილმა, რომელიც პოლიციის არამართლზომიერმა ქმედებებმა გამოიწვია და აშშ–ში რასიზმის წინააღმდეგ მასობრივმა საპროტესტო აქციებმა სერიოზული საზოგადოებრივი ვნებათაღელვა გამოიწვია. ქვეყანაში კვლავ ალაპარაკდნენ რასობრივ დისკრიმინაციაზე და შავკანიანთა უფლებების დარღვევაზე. ამ პრობლემას ანჯელინა ჯოლიც შეეხო, რომელმაც ყოფილ ქმართან, ბრედ პიტთან ერთად 2005 წელს ეთიოპიიდან შავკანიანი გოგონა, ზაქარა იშვილა.

მსახიობი სერიოზულად შიშობს, რომ მისი 15 წლის ქალიშვილი სისტემის “სამიზნე“ გახდება, როცა გაიზრდება. ქვეყანაში გაზრდილი რასობრივი დაძაბულობის გამო ვარსკვლავი შიშობს, რომ გარკვეულ სირთულეებს ზაქარაც შეეჯახება.

“მსოფლიოში 70 მილიონზე მეტი ადამიანი იძულებული გახდა ომისა და დევნის გამო საკუთარი სახლი დაეტოვებინა. ამერიკაშიც არსებობს რასიზმი და დისკრიმინაცია.

სისტემა, რომელიც მე მიცავს, მაგრამ ვერ იცავს ჩემს ქალიშვილს, ან ნებისმიერ სხვა ქალს, მამაკაცს თუ ბავშვს ჩვენს ქვეყანაში მისი კანის ფერის გამო, მიუღებელია.

ჩვენ თანაგრძნობიდან და კეთილი განზრახვებიდან კანონებზე და პოლიტიკაზე უნდა გადავიდეთ, რომლებიც მიმართული იქნება სისტემატური რასიზმისა და დაუსჯელობის წინააღმდეგ. პოლიციაში სამსახურეობრივი უფლებამოსილებების ბოროტად გამოყენების შეწყვეტა მხოლოდ დასაწყისია. ეს უფრო ფართოდ უნდა გავრცელდეს და ჩვენი ცხოვრების ყველა ასპექტი მოიცვას: განათლების სისტემიდან დაწყებული ჩვენი პოლიტიკით დამთავრებული “ – განაცხადა მსახიობმა Harper’s Bazaar–თან ინტერვიუში და დასძინა, რომ ადამიანები დაიღალნენ ნახევარზომებისგან, ხელისუფლების თავის მართლებისგან. ჯოლი იმედს გამოთქვამს, რომ მალე ქვეყანაში ისტორიული ცვლილებები მოხდება:

“დადგა დრო შეიცვალოს ჩვენი კანონები და ჩვენი ინსტიტუტები, ყური ვუგდოთ მათ, ვინც ყველაზე ძალიან დაზარალდა და ხმის უფლება წაერთვა.“–თქვა მსახიობმა.

ჟურნალისტმა გიორგი გაბუნიამ, რუსეთის პრეზიდენტს, ვლადიმირ პუტინს რუსულად მიმართა და უთხრა, რომ არ აპირებს მისი საფლავის შეურაცხყოფას, რადგან, გაბუნიას თქმით, პუტინი ქართულ მძ**ერსაც არ იმსახურებს.

“ვალოდია, ჩემო ძვირფასო, ვოვაჩკა. მე ვფიქრობდი, ვფიქრობდი და მე არ ვაპირებ შენი საფლავის შეურაცხყოფას. მართალია, მე დაგპირდი, მაგრამ ამას არ გავაკეთებ. შენ ქართულ მძ**ერსაც კი არ იმსახურებ”, – ამბობს გაბუნია მთავარი არხის ეთერში.

ჟურნალისტის თქმით, პუტინისგან განსხვავებით, მისი იარაღი მხოლოდ სიტყვაა, პუტინს კი საქართველოსთვის იარაღი არ დაუზოგია. გაბუნია აღნიშნავს, რომ რუსეთის პრეზიდენტს ანგარიში არ გაუწევია ქართველი დედებისთვის და მათი შვილების საფლავებისთვის.

“ჩვენ ყველა ბრძოლის ველზე ვართ. ეს არ არის ჩემი პირადი ბრძოლა, ეს არის ქართველების დიდი ომი დამპყრობელი რუსეთის წინააღმდეგ, რომელიც უკვე საუკუნეები და თაობებია გრძელდება. ჩემი იარაღი ამ ბრძოლაში სიტყვაა, ისევე, როგორც სამხედროსთვის ცეცხლსასროლი იარაღი. ამ ომში ყველას თავი აღჭურვილობა და თავის როლი აქვს. მე სიტყვის ჯარისკაცი ვარ. რა, ზედმეტად მძიმე და უხეში იყო ის იარაღი, რომელიც მე გამოვიყენე ჩვენი ქვეყნის მთავარი მტრის, რუსეთის პრეზიდენტის წინააღმდეგ? და მან რომელი იარაღი დაზოგა ჩვენზე? ერთი ატომური იარაღი არ ჩამოუგდია ჩვენს მიწაზე, თორემ სხვა როდის დაგვინდო? ან როდის მოგვერიდა? ან ქართველ დედებს და მათი შვილების საფლავებს როდის გაუწია ანგარიში, რომ მე მოვრიდებოდი მაინცდამაინც მისი საფლავის ხსენებას”, – განაცხადა გაბუნიამ.

15 ივნისს ნიკა გვარამიამ გაავრცელა ინფორმაცია, რომ გიორგი გაბუნიას ლიკვიდაციას ჩეჩნეთის ლიდერის, რამზან კადიროვს დაქირავებული მკვლელი გეგმავდა. გვარამიას თქმით, გაბუნიას რამდენიმე თვის განმავლობაში უთვალთვალებდნენ, საქმის გამოძიება კი თავდაპირველად უკრაინაში დაიწყო.

სახელმწიფო უსაფრთხოების სამსახურმა დაადასტურა, რომ რუსეთის მოქალაქე, ბრალდებული ვასამბეკ ბოკოვი შეკვეთით განზრახ მკვლელობის მომზადების ფაქტზე დაწყებული სისხლის სამართლის საქმის გამოძიების ფარგლებში დააკავეს.

“რუსებს რომ ჰგონიათ, კარგად გვიცნობენ, იქ ცდებიან… მშიშარას გარდა ყველაფერია ქართველი “- ფსიქოლოგი ნათია ფანჯიკიძე  ტელეჟურნალისტ გიორგი გაბუნიას მკვლელობის მცდელობას სოციალურ ქსელში ეხმაურება.

“შარშან გაბუნიას მონოლოგი სამი რამის გამო არ მომეწონა, – მიუხედავად იმისა, რომ არცერთი ჩვენი მთავრობა რბილად რომ ვთქვათ გულზე არ მეხატება, უცხო ქვეყნის ტელევიზიამ რომ ეგეთი სიტყვებით მოიხსენიოს, იმ ქვეყანაზე და ტელევიზიაზე ვიტყვი, რომ ბანძები არიან და არ მომწონს როცა ჩვენზე შეიძლება იგივე აზრი გაუჩნდეს ვინმეს, როცა ეს ოფიციალურად ხდება და არა კერძო ლაპარაკში ან გულში რას ვფიქრობთ მტერზე. მტერზე უარესიც უნდა იფიქრო, ვინც არ ფიქრობს, იმას უფრო აკლია, მაგრამ მტრობასაც აქვს თავისი “კარგი მანერები”, რასაც მე ვაფასებ, სხვისთვის შეიძლება სულერთი იყოს. მეორე ის, რომ საშინელი რამ მოხდა, გავრილოვის გამო ბავშვები დაასახიჩრეს და გაბუნიას სიტყვების შემდეგ, მთელი ყურადღება მისკენ წავიდა, როგორც ჩვენ ხალხს ჩვევია, მთავარ არსზე, თუნდაც თავიანთ რეალურ გასაჭირზე ფოკუსის გასწორების ნაცვლად, ვიღაცის ერთ სიტყვაზე, ან ხუმრობაზე, ან ვიღაცის ოჯახის სასამართლო გარჩევაზე სრული ემოციური განმუხტვა და ნამდვილი, წინ მდგარი პრობლემების “გაქრობა”. მესამე, – იმ მომენტში ჩვენი მთავრობისკენ უნდა წასულიყო მთავარი გაფრთხილება და ბრაზი, რადგან მათ დაპატიჟეს გავრილოვი, მათ გაგვიბედეს და არა პუტინისკენ და ეს ფოკუსიც გადაიხარა. დღეს რათქმაუნდა, საერთოდ არ მაინტერესებს, “ჩემი გემოვნებისთვის” მოსაწონი იყო თუ არ იყო რომელიმე სიტყვა. რამდენად პატარა უნდა იყოს ადამიანი, რომ წელიწადი არ დაავიწყდეს “ვიღაც ბიჭის” გინება და მკვლელობა შეუკვეთოს, ან გვაჩვენოს, რა ყოჩაღია, რომ “გინებას არ შეიწერს და ჭკუით იყავით ქართველებოო” გვითვლის. რუსებს რომ ჰგონიათ, კარგად გვიცნობენ, სადღაც იქ ცდებიან, სადაც სრულიად ირაციონალურები და გაუთვლელები ვართ. მშიშარას გარდა ყველაფერია ქართველი.”- წერს ნათია ფანჯიკიძე.