Category: სხვადასხვა

ტაბულას მთავარი რედაქტორი, თამარ ჩერგოლეიშვილი ფეისბუქ სტატუსს უძღვნის მიხეილ სააკაშვილს და მის მოტივაციას, რომელიც ჩერგოლეიშვილის აზრით საქართველოს ყოფილ პრეზიდენტს ამოძრავებს. ჩერგოლეიშვილი თვლის, რომ სააკაშვილს ძალაუფლების გაყოფა არ სურს და უნდა ივანიშვილის გაშვების შემთხვევაში თვითონ მიიღოს ერთპიროვნული ძალაუფლება:

“ერთადერთი მიზეზი, რითიც სააკაშვილი მხარდაჭერას ინარჩუნებს ისაა, რომ დიდი გამარჯვება მის ანგარიშზეა.

ისაა გამარჯვების სიმბოლო.

ვადაგასული სიმბოლო.

ქართული ოცნების დეპუტატის, მთაწმინდის მაჟორიტარობის კანდიდატის, ბექა ოდიშარიას ქვისლის მიერ მართულმა კომპანიამ 666 ათას ლარიანი ტენდერი კვლავ უკონკურენტოდ მოიგო. კომპანიას უტენდეროდ ჯამში 12 მილიონი გადაუხადეს.

ფლანგვის დეტექტორი ოდიშარიას ქვისლის მიერ სახელმწიფო ფიუჯეტიდან მიღებულ თანხებზე დეტალურად წერს:

2011-2020 წლებში, ჯი-თი მოტორსმა 56 მილიონ ლარზე მეტი მიიღო სახელმწიფო ბიუჯეტიდან, აქედან 13 მილიონზე მეტი – პირდაპირი შესყიდვების გზით;

ჯი-თი მოტორსი ჯი-თი გრუპის შვილობილი კომპანიაა, რომლის გენერალური დირექტორი ლევან გოგსაძე “ოცნების” დეპუტატი ბექა ოდიშარიას ქვისლია;

ლევან გოგსაძემ და ჯი-თი მოტორსის დამფუძნებლებმა ჯამში 200,000 ლარზე მეტი შესწირეს მმართველ პარტიას.

2020 წლის 3 ივნისს გამართული ტენდერის საფუძველზე სახელმწიფოს საკუთრებაში არსებულმა შპს საქართველოს გაზის ტრანსპორტირების კომპანიამ ნახევარ მილიონ ლარზე მეტი (666, 110.40 ლ.) ღირებულების კონტრაქტი დადო ჯი-თი მოტორსთან. სახელმწიფო კომპანიამ 10 სრულიად ახალი მოდელის ავტომანქანა შეიძინა. სახელმწიფო კომპანიას იმდენად დეტალურად ჰქონდა წარმოდგენილი ავტომანქანის ყველა ის ტექნიკური პარამეტრები, რომელიც ტენდერის მონაწილე კომპანიას უნდა დაეკმაყოფილებინა, გაჩნდა ეჭვი, რომ პირობები ზუსტად იყო მორგებული კონკრეტულ კომპანიაზე. აღნიშნულ ეჭვს ამყარებს ასევე ის ფაქტი, რომ ტენდერში ვერცერთმა სხვა მსგავსი ტიპის კომპანიამ არ (ვერ) მიიღო მონაწილეობა.

კომპანია ჯი-თი მოტორსი 2011 წლიდან აქტიურად მონაწილეობს სახელმწიფო ტენდერებში და უმეტეს შემთხვევაში იმარჯვებს. 2011-2020 წლებში, სახელმწიფომ ჯი-თი მოტორსს 56,271,783 ლარის ღირებულების ხელშეკრულება გაუფორმა. აქედან, 13,668,669 ლარი კომპანიამ გამარტივებული შესყიდვების გზით მიიღო.

მხოლოდ, 2020 წლის იანვრიდან-დღემდე კომპანიამ 115 ხელშეკრულება გააფორმა გამარტივებული შესყიდვით და ამ პერიოდის განმავლობაში 662,305 ლარის შემოსავალი მიიღო სახელმწიფოსგან.

რაც შეეხება ელექტრონულ ტენდერებს, ტენდერების მონიტორინგის მიხედვით, 255 გამართული ტენდერიდან 70% -ში ჯი-თი მოტორსმა გაიმარჯვა. 2011-წლიდან დღემდე კომპანიამ დაახლოებით 42, 603,114 ღირებულების კონტრაქტი გააფორმა.

ძვირად ღირებულ ხელშეკრულებებს ემატებაა ასევე ის, რომ შპს ჯი-თი მოტორსი ხშირად უკონკურენტოდ იგებს ტენდერებს.

სახელმწიფო ტენდრებში ჯი-თი მოტორსის უკონკონკურენტო მონაწილეობისა და გამარჯვების მრავალი მაგალითია. 2018 წელს, ქ.თბილისის მერიის გამოცხადებულ ტენდერი უკონკურენტოდ მოიგო. ქ. თბილისის მერიამ კომპანიას 720,000 ლარის ღირებულების ხელშეკრულება გაუფორმა და 15 მსუბუქი ავტომანქანა შეისყიდა. ტენდერის მოგებამდე ერთი თვით ადრე ჯი-თი მოტორსმა მსხვილი ფულადი შემოწირულობა (60,000 ლარი) გააკეთა მმართველი პარტიის სასარგებლოდ.

შპს ჯი-თი მოტორსმა იზრუნა ასევე საზოგადოებრივი მაუწყებლის ავტოპარკზეც და 1,007,665 ლარის ღერებულების ტენდერი მოიგო, 2017 წელს. კომპანიამ 20 მსუბუქი ავტომანქანა 728,832 ლარად მიაწოდა ტელეკომპანიას.

ასევე აღსანიშნავია კიდევ რამდენიმე ფაქტორი, რაც კითხვის ნიშნის ქვეშ აყენენებს კომპანიის კეთილსინდისიერ მონაწილეობას სახელმწიფო ტენდერებში. გარდა იმისა, რომ კომპანია დაბალი კონკურენციით იმარჯვებს, ხშირად ხდება მომსახურების შესრულებამდე ავანსის გაცემა ან კონკურენტის მიერ შეთავაზებულ ფასთან შედარებით მინიმალური სხვაობით დაბალი ფასის შეთავაზება. მაგალითად, 2019 წელს სს აჭარის წყლის ალიანსის მიერ გამოცხადებულ ტენდერში, ჯი-თი მოტორსის მიერ შეთავაზებული ფასი მხოლოდ ერთი ლარით უფრო დაბალი იყო კონკურეტის მიერ შეთავაზებულ ფასთან.

შპს ჯი-თი მოტორსის 100%-იანი წილის მფლობელი შპს ჯი-თი გრუპია. შპს ჯი-თი გრუპის ყოფილი გენერალური დირექტორი და წარმომადგენელი, ლევან გოგსაძე, დეპუტატ ბექა ოდიშარიას ქვისლია. ლევან გოგსაძემ 2016 წელს პარტია ქართულ ოცნებას 37,950 ლარი შეწირა. ლევან გოგსაძე 2020 წლის პირველი ივლისიდან აღარ არის ჯი-თი გრუპის გენერალური დირექტორი.

მმართველი პარტიის მხარდამჭერები არიან კომპანიების, ჯი-თი მოტორსისა და ჯი-თი გრუპის, დამფუძნებლებიც. მათ ქართულ ოცნებას ჯამში 180,000 ლარი შესწირეს. კომპანიების ერთ-ერთმა დამფუძნებელმა თემურ უსიტაშვილმა 60,000 ლარი შეწირა პარტია ქართულ ოცნებას 2016 წელს; 120, 000 ლარის შემოწირულობა გააკეთა დამფუძნებელმა გიორგი გველესიანმა 2016 და 2018 წლებში. შპს ჯი-თი მოტორსის სახელით კი 1,000 ლარი იქნა შეწირული 2016 წელს.

წყარო:

ტენდერის კოდი 2020 წ.- GEO200000224;
ტენდერის კოდი 2018წ. თბილისის მერია- NAT180016829;
ტენდერის კოდის 2017წ. საზ.მაუწყებელი- SPA170010032:
ტენდერის კოდი 2019წ. სს აჭარის წყლის ალიანსი- SPA190005564:
შპს ჯი-თი მოტორსმა (ს/კ:206276340); შპს ჯი-თი გრუპი (ს/კ:200119923);
ტენდერების მონიტორინგი-შპს ჯი-თი მოტორსი:
https://www.tendermonitor.ge/ge/organization/35795…
ქართული ოცნების შემომწირველები:
თემურ უსიტაშვილი (პ/ნ:61001007309): https://transparency.ge/politicaldonations/ge/tenders/5767#
გიორგი გველესიანი (პ/ნ:61001004135): https://transparency.ge/politicaldonations/ge/donations/5752
ლევან გოგსაძე (პ/ნ:01024009478): https://transparency.ge/politicaldonations/ge/donations/5584
შპს ჯი-თი მოტორსი (ს/კ:206276340): https://transparency.ge/politicaldonations/ge/donations/6203
ტენდერის მოთხოვნები (გვ.4): შპს საქ. გაზის ტრანსპორტირების კომპანია: https://www.scribd.com/document/
შედარებისთვის – იგივე კომპანიის, შპს საქ. გაზის ტრანსპორტირების მოთხოვნები სხვა ტენდერის დროს: https://www.scribd.com/document/
გამარტივებული შესყიდვის ცხრილი: https://www.scribd.com/document
შესყიდული მანქანის მოდელი 2020წ.: Ford Ranger პიკაპი, 2019 წლის გამოშვება.
სტატია -საზოგადოებრივი მაუწყებლის მიერ ავტომობილების შესყიდვის შესახებ:https://on.ge/story/
ინფორმაცია- შპს საქართველოს გაზის ტრანსპორტირების კომპანიაზე: http://ggtc.ge/

თბილისის მერმა კახა კალაძემ “ღამის კურიერის” ეთერში განაცხადა, რომ პარლამენტის წინ 9 აპრილის მემორიალი უცვლელად შენარჩუნდება. კალაძემ, ასევე, აღნიშნა, რომ სარეაბილიტაციო სამუშაოების დასრულების შემდეგ ყველას შეუძლია იმ ტერიტორიაზე “გინდ აქცია ჩაატაროს, გინდ ცეკვა- თამაში.”

“9 აპრილის მემორიალს არავინ არ შეხებია, თვითონ სიუჟეტი და ვიდეო ლაივი, რომელიც ჩვენი მხრიდან იქნა გაკეთებული, იქაც ჩანს ძალიან კარგად, თუმცა რენდერები, რომელიც იქნა წარმოდგენილი ეს იყო მხოლოდ და მხოლოდ თარგები, ის გამწვანებული სივრცეები, რომელიც ახალი პროექტით დაემატა პარლამენტის მიმდებარე ტერიტორიას. რაც შეეხება სამუშაოებს, გახსოვთ, რამდენი არასწორი განცხადებები და სპეკულაციები მოყვა ამ თემას, თითქოს ჩვენ მიზანმიმართულად დავიწყეთ ამ პროექტის განხორციელება, რომ ადამიანები არ შეიკრიბოს პარლამენტის წინ, თითქოს შეკრების ადგილები არ იყოს თბილისში და ადგილების ნაკლებობა გვქონდეს. ცდილობენ, რომ ყველაფერს გაედონ, გამოედონ და გამოიყენონ ეს ყველაფერი პოლიტიკისთვის. ღმერთმა ხელი მოუმართოთ, სადაც უნდათ იქ ჩაატარონ აქცია, როდის იყო, რომ პარტია “ქართულ ოცნებას,” რაც ჩვენ 2012 წლის შემდეგ ვართ ხელისუფლებაში, ვინმესთვის შეგვეზღუდოს სიტყვის და თავისუფლების გამოხატვა, არც ერთი ფაქტი არ არსებობს. სამუშაოების დასრულების შემდეგ ვისაც სურვილი აქვს, გინდ აქცია ჩაატაროს, გინდ ცეკვა- თამაში,”-განაცხადა კახა კალაძემ.

შეგახსენებთ, რომ რუსთაველის გამზირზე, პარლამენტის წინა ტერიტორია იანვრის დასაწყისიდან შემოღობილია და იქ სარეაბილიტაციო სამუშაოები მიმდინარეობს.

https://www.youtube.com/watch?v=huBAWH-hn2I

ქართველმა მებრძოლმა რომან დოლიძემ UFC-ში რუსი მეტოქეი, ხადის იბრაგიმოვი ნოკაუტით დაამარცხა და პირველი ქართველი გახდა, რომელმაც პირველივე ბრძოლის მოგება ნოკაუტით მოახერხა.

Adjarasport-ის ინფორმაციით, რომან დოლიძე ძალიან გაკვირვებულია ამ შედეგით, რადგან სულ რაღაც ორი წელია, რაც MMA-შია.

“არაფერი განსაკუთრებული, უბრალოდ ჩემს სამუშაოს ვასრულებ. ბედნიერი ვარ, რომ MMA-ს ისტორიის ნაწილი ვხდები. დიდი მადლობა ორგანიზაციას ამ შესაძლებლობისთვის.

რა თქმა უნდა გაკრვირვებული ვარ, რადგან სულ რაღაც 2 წელია MMA-ში ვარ, გრეპლერი ვარ და მეტოქეებს ნოკაუტებით ვამარცხებ, ეს ცოტა უცნაურია”. – თქვა რომან დოლიძემ.

https://www.facebook.com/TvMtavari/videos/925728347904507/