Category: სხვადასხვა

სლოვენიის სასამართლომ ორწლიანი პატიმრობა მიუსაჯა ახალგაზრდა ქალს, რომელმაც ხელის ნაწილი განზრახ მოიჭრა, რათა უზარმაზარი სადაზღვევო თანხა მიეღო.

22 წლის იულია ადლესიჩი ცდილობდა სასამართლოში დაემტკიცებინა, რომ უბედური შემთხვევა მაშინ მოხდა, როცა ის ელექტროხერხით  ხის ტოტების მოჭრას ცდილობდა. გამოძიებამ კი დაადგინა, რომ ამ შემთხვევამდე რამდენიმე თვით ადრე გოგომ და მისმა საქმრომ ხუთი სადაზღვევო პოლისი გააფორმეს და იმედი ჰქონდათ, რომ ჯამში სადაზღვევო თანხის სახით 1 მილიონ ევროს მიიღებდნენ უბედური შემთხვევის.

ადლესიჩის გარდა ლუბლიანას სასამართლომ სადაზღვევო აფიორაში დამნაშავედ მისი საქმროც ცნო. სებასტიან აბრამოვს სამწლიანი პატიმრობა მიესაჯა. მის მამას – ერთწლიანი პირობითი სასჯელი. საქმეში დედაც ფიგურირებდა, თუმცა ის საბოლოოდ უდანაშაულოდ ცნეს.

ბრალდებას ყველა მათგანი უარყოფდა.

ინციდენტი, რომლის დროსაც ბრალდებულის მტკიცებით მან შემთხვევით დაკარგა მარცხენა ხელის მტევანი, 2019 წლის იანვარში, აბრამოვის მამის სახლში მოხდა. პოლიციამ მაშინვე საეჭვოდ ჩათვალა ის ფაქტი, რომ საქმრომ დაზარალებული საავადმყოფოში მიიყვანა, თუმცა თან არ მიუტანია მისი ხელის მტევანი.

გამოძიებამ ჩათვალა, რომ ეს განზრახ გაკეთდა, რათა ინვალიდობა სამუდამო ყოფილიყო. თუმცა , პოლიციელებმა შეძლეს საავადმყოფოში გოგოს ხელის მტევანი დროულად მიეტანათ, რის შედეგადაც მას ხელის მტევანი მიაკერეს და ხელი აღუდგინეს.

ამასთან, დადგინდა, რომ უბედურ შემთხვევამდე რამდენიმე დღით ადრე აბრამოვი ინტერნეტით ეძებდა პასუხს კითხვაზე – როგორ მუშაობს პროტეზიანი ხელი.

აბრამოვი ასევე ეჭვმიტანილი იყო მისი ყოფილი მეგობარი გოგოს მკვლელობაში, რომელიც 2015 წელს ცეცხლსასროლი იარაღით დაიღუპა. ადგილობრივი პრესა, რომელიც პროცესის მიმდინარეობას დეტალურად აშუქებდა, წერს, რომ ადლესიჩი და აბრამოვი მას შემდეგ დაინიშნნენ, რაც საქმრო უკვე განსასჯელის სკამზე იჯდა.

იულია ადლესიჩი, რომელმაც გამოძიების პერიოდი შინაპატიმრობაში გაატარა, სასამართლოს სხდომებზე გამომწვევი სამოსით დადიოდა, რის გამოყენებასაც ადვოკატები მისი უდანაშაულობის დასამტკიცებლად ცდილობდნენ. მათი ლოგიკით, გოგოს, რომელსაც უნდა მიმზიდველად გამოიყურებოდეს არ შეეძლო საკუთარი ხელი განზრახ მოეჭრა, თუმცა სასამართლომ დაცვის ეს არგუმენტი არ გაიზიარა.

რაგბი ევროპის გადაწყვეტილებით, ბორჯღალოსნებისა და რუსეთის ნაკრების გადადებული, რაგბი ევროპის ჩემპიონატის მე-5 ტურის შეხვედრა თბილისში პირველ ნოემბერს გაიმართება.

ლევან მაისაშვილის შეგირდები „დათვებს“ რაგბი ევროპის ჩემპიონატის დასკვნით ტურში 14 მარტს უნდა შეხვედროდნენ, თუმცა COVID-19-ის პანდემიის ფონზე, 13 მარტს გადაწყდა, რომ თამაში აღარ შედგებოდა.

მატჩი გულშემატკივრების გარეშე ჩაივლის, ხოლო მატჩის დრო და სტადიონი, უახლოეს პერიოდში გახდება ცნობილი.

შეგახსენებთ, 2020 წლის რაგბი ევროპის ჩემპიონატზე, ბორჯღალოსნებმა ოთხივე თამაში მოიგეს19 ქულა მოაგროვეს, უახლოეს კონკურენტებს (პორტუგალიას და ესპანეთს) 10-10 ქულით უსწრებენ და ვადაზე ადრე მოიპოვეს ჩემპიონის ტიტული.

„დათვებმა“ ესპანეთთან და ბელგიასთან განცდილი მარცხის შემდეგ, პორტუგალიას და რუმინეთს სძლიეს და 8 ქულით მე-4 პოზიციაზე არიან.

ქართული ოცნების აქტიური მხარდამჭერი, პარლამენტის ყოფილი წევრი, ხათუნა ხოფერია ფეისბუქ სტატუსს აქვეყნებს და ამბობს,  რომ ქართულმა ოცნებამ მხარდამჭერებს “სულში ჩააფურთხა“.

” მაპატიე რომ ვერ დაგიცავი როცა 5 არაკაცის წინაშე უმწეო აღმოჩნდი” – გარდაცვლილი ფეხბურთელის, გიორგი შაქარაშვილის და, ანი შაქარაშვილი სოციალურ ქსელში გიორგი შაქარაშვილის ბავშვობის ფოტოს აზიარებს და ემოციურ პოსტს აქვეყნებს.

“შენმა მკვლელებმა როგორ უნდა გაიმართლონ თავი ? მაპატიე რომ იმ მომენტში ვერ დაგიცავი როცა 5 არაკაცის წინაშე უმწეო აღმოჩნდი მაგრამ გპირდები შენ გამო 5 კი არა 5000 ერთად მოვერევი Gio Shakarashvili”- წერს, ანა  შაქარაშვილის.

57 წლის ჰოლივუდელი მსახიობის, ჯონი დეპის საქმეები თანდათანობით ლაგდება მას შემდეგ, რაც პირადი პრობლემები და სასამართლო გარჩევები ქონდა ყოფილ ცოლთან, რამაც მის კარიერასაც მიაყენა ზიანი. ერთი თვის შემდეგ მსახიობი ფილმ “ფანტასტიკური მხეცების“ გაგრძელების გადაღებებში ჩაერთვება. გადაღებები ლონდონში გაიმართება. თუმცა, თუ მედიას დავუჯერებთ, კინოვარსკვლავს ბრიტანეთის დედაქალაქში კიდევ ერთი ინტერესი გაუჩნდა. დადის ხმები, რომ დეპი 33 წლის მსახიობს და მოდელს, სოფი ჰერმანს ხვდება, რომელიც ლონდონში ცხოვრობს და ლონდონის მდიდარი ოჯახების შვილების შესახებ ტელეშოუსაც აკეთებს (Made in Chelsea).

Daily Mail–ის ცნობით დეპი და ჰერმანი ერთად ნახეს ლონდონის ერთ–ერთ სასტუმროში. გერმანული პრესის ინფორმაციით კი სავარაუდო წყვილმა ერთმანეთი ამ წლის დასაწყისში გაიცნო.

“სოფიმ მისი ტელეფონის ნომერი ქაღალდის ნაგლეჯზე დაწერა და ჯონის გიტარის სიმებში შეაცურა… ასე დაიწყო მათი ურთიერთობა. მათ მოსწონდათ ერთმანეთთან ტელეფონით დიდხანს ლაპარაკი“ – წერს პრესა ინსაიდერზე დაყრდნობით.

ბოლო თვეებში დეპი ხშირად ჩადიოდა ინგლისში, რადგან ლონდონის უმაღლესი სასამართლო განიხილავდა მის სარჩელს ბრიტანული ტაბლოიდის, The Sun–ის წინააღმდეგ, რომელსაც მსახიობი ცილისწამებაში ადანაშაულებდა. როგორც ცნობილია, ტაბლოიდმა დეპის ყოფილი ცოლის , ემბერ ჰერდისგან მიღებული ინფორმაცია გაავრცელა, თითქოს მათი ქორწინების დროს მას ქმარი ცემდა. თუმცა საქმის მრავალრიცხოვანმა მოწმეებმა წყვილის ხანმოკლე ოჯახურ ცხოვრებას ნათელი მოჰფინეს – სასამართლოს წარედგინა ფაქტები, რაც მეტყველებდა, რომ ქალი ქმარს ღალატობდა, აგრესიულად ექცეოდა მასაც და თავის თანაშემწეებსაც.

მოწმეთა ჩვენებები ემბერ ჰერდის სასარგებლო ნამდვილად არ აღმოჩნდა და მისი დაცვა ახლა უკვე აშშ–ს სასამართლოში საქმის გასარჩევად ემზადება, რომელსა ჯონი დეპი მიმართავს. ვრცელდება ინფორმაცია, რომ დეპს უნდა ცოლს სასამართლოში ჩვენება ვირჯინიის შტატში მიაცემინოს, რადგან უნდა სამუდამოდ და ოფიციალურად გააქარწყლოს მისი ცრუ ბრალდებები ყოფით ძალადობაზე, რომელსაც პრესა აქტიურად ავრცელებს. მსახობი ამ ბრალდებებს უარყოფს.

როგორც ემბერ ჰერდთან დაახლოებულმა პირმა  მედიას ანონიმურად უთხრა, ქალის გარემოცვა ჯონი დეპის ახალი სარჩელის გამო ძალიან ნერვიულობს, რადგან ხვდებიან, რომ ის შეჩერებას არ აპირებს. “მიუხედავად იმისა, როგორი იქნება The Sun–ის წინააღმდეგ დაწყებული სასამართლოს შედეგი, ემბერი მეორე რაუნდისთვის ემზადება. თუ ჯონი ამ საქმეს მოიგებს, არ შეჩერდება და უფრო შორს წავა.“– ამბობს წყარო.