Category: სხვადასხვა

ცნობილი ქართველი მეცო-სოპრანო ნინო სურგულაძე ფეისბუქზე წერს, რომ კორონავირუსით დაინფიცირდა.

„არ არსებობს არანაირი დაბრკოლება, სირთულე, ვირუსი თუ სხვა რამე, რასაც ერთმანეთის სიყვარულით, მოფრთხილებით, ერთმანეთზე ზრუნვით და უფლის შეწევნით ვერ მოვერევით. დიდი სიფრთხილის მიუხედავად, დღეს მეც უკვე კოვიდინფიცირებული ვარ, თუმცა ვიცი, რომ ყველაფერი კარგად იქნება! თქვენი სიყვარული და სითბო ახლაც ძალიან გამაძლიერებს გთხოვთ ყველას ძალიან, გაფრთხილდით, დაიცავით რეგულაციები, ნუ მივცემთ შანსს კოვიდს, მოგვერიოს, ჩვენ მოვერიოთ, ჩვენ ეს შეგვიძლია. მიყვარხართ”, – წერს სურგულაძე.

ლეიბორისტული პარტიის ლიდერმა, შალვა ნათელაშვილმა საპატიმროში მყოფ ნიკა მელიას ხარების დღესასწაული მიულოცა და ხილი მიუტანა. ნათელაშვილი მელიას სანახავად არ შესულა, თუმცა რუსთავის ციხესთან მივიდა და მისთვის განკუთვნილი ძღვენი მელიასთვის გადასაცემად თვითონ ჩააბარა.ნათელაშვილმა მედიას უთხრა, რომ ხილთან ერთად მელიას ხაჭაპურიც შეუგზავნა. ნათელაშვილი ამბობს, რომ  ხვალინდელი სასამართლო პროცესი კიდევ ერთი მაჩვენებლი იქნება იმისა, რომ მელიას საქმე პოლიტიკურად მოტივირებულია. ოპოზიციის ერთ–ერთი  ლიდერის თქმით, საერთაშორისო ზეწოლის ფონზე ხელისუფლებას მელიას გათავისუფლება და ვადამდელი არჩევნების დანიშვნა მაინც მოუწევს.

“ქართული ოცნების” ყოფილი იდეოლოგი ლაშა ნაცვლიშვილი “მთავარ არხთან” ადასტურებს, რომ მართლაც შვეიცარიაშია. მთავარმა არხმა ის მას შემდენ ჩაწერა, რაც გავრცელდა ინფორმაცია, რომ ლაშა ნაცვლიშვილი შვეიცარიაში გაემგზავრა და უცნობია, დაბრუნდება თუ არა საქართველოში.

გავრცელებული ინფორმაციით ლაშა ნაცვლიშვილი ბერა ივანიშვილის, ირაკლი ღარიბაშვილისა და ანზორ ჩუბინიძის ფარული ჩანაწერების გავრცელების საქმეში მთავარი ეჭვმიტანილია, რის გამოც მას გარკვეული დროით პასპორტიც ჩამოართვეს. გარდა ამისა, ცნობილია, რომ მას შემდეგ, რაც ნაცვლიშვილს ქვეყნიდან გასვლა აუკრძალეს, იგი მოქმედ პრემიერს, ირაკლი ღარიბაშვილს კომპრომატების გამოქვეყნებით და „ხელისუფლების აფეთქებით“ დაემუქრა.

მთავარ არხთან საუბრისას ნაცვილიშვილი შვეიცარიაში წასვლის  მიზეზად ოჯახის მონატრებას ასახელებს.

“არც გიპასუხებდით ამ სისულელეზე, მაგრამ კიდევ ერთხელ რომ არ მოატყუოთ ხალხი, გეტყვით: ვინაიდან 4 წელი არ დამისვენია წამოვედით ჟენევაში ორი წლის უნახავი და მონატრებული შვილისა და შვილიშვილის სანახავად. ცოტას დავისვენებ და მალე დაგიბრუნდებით… მედიაში ვრცელდებაო მწერთ, მედიაში არაფერი არ ვრცელდება – თქვენივე პარტიის გარე სპიკერებს ავრცელებინებთ ამ სისულელეს, მერე თქვენვე ანიუსებთ და მერე საკუთარ ფეიკზე კომენტარს ითხოვთ. მეთოდები დაგიძველდათ… რაც შეეხება ხელშეუხებლობას, ჩემი შენ გითხარიო – სწორედ თქვენი კრიმინალი ლიდერები ითხოვენ ხელშეუხებლობას, ოღონდ ამას ამჯერად მართლმსაჯულების რეფორმას არქმევენ. და ბოლოს არ დაიღალეთ? – ამბობს ლაშა ნაცვლიშვილი.

“რუსთავი2-ის“ ინფორმაციით ძალადობაში ბრალდებული ჩოგბურთელის, ნიკოლოზ ბასილაშვილის მიმართ სასამართლოში კიდევ ერთი, დამაზუსტებელი სარჩელი შევიდა.

სარჩელის ავტორი მისი ყოფილი მეუღლე ნელი (ნეკა) დოროყაშვილია. 25 მარტით დათარიღებულ სასარჩელო მოთხოვნაში დოროყაშვილი ჩოგბურთელისთვის ალიმენტის სახით სოლიდური თანხის დაკისრებას მოითხოვს.

ბავშვის ინტერესებიდან გამომდინარე, “რუსთავი2” სარჩელის დეტალების გახმაურებისგან თავს იკავებს, თუმცა ამბობს, რომ საუბარია წელიწადში დაახლოებით 100 000 ლარზე, რომელიც, სარჩელის მიხედვით, ბავშვის საჭიროებებს უნდა მოხმარდეს.

სარჩელში დეტალურად არის აღწერილი მცირეწლოვნის ყოველთვიური საჭიროებები, რაც მოიცავს მის განათლებას, დასვენებას, შოპინგს, ძიძის, ასევე მძღოლის მომსახურეობას და სხვ.

ნელი დოროყაშვილის ადვოკატი იამზე მარიამიძე “რუსთავი2“-თან ადასტურებს, რომ სასამართლოში მორიგი სარჩელი ნამდვილად შესულია, თუმცა ეს არის არა ახალი, არამედ დამაზუსტებელი სასარჩელო მოთხოვნა.

“პირველ რიგში განვმარტავთ, რომ არანაირი ახალი სარჩელი არ არსებობს. უკვე ერთი წელია თბილისის საქალაქო სასამართლოს სამოქალაქო საქმეთა კოლეგიის წარმოებაშია ორი სარჩელი, ლუკას ბასილაშვილის ჩუქების ხელშეკრულების აღიარების შესახებ და ნელი დოროყაშვილის სარჩელი – ლუკას ბასილაშვილის სასარგებლოდ ალიმენტის დაკისრების თაობაზე.

მიმდინარე წლის მარტში შევიტანეთ დაზუსტებული სარჩელები (და არა ახალი) ამ ორ საქმეზე.

ალიმენტის საქმეზე დაზუსტებული სარჩელით შემცირდა მოთხოვნილი ალიმენტის ოდენობა, სადაც საუბარია ბავშვის ხარჯების ნახევრის დაფარვაზე ნიკოლოზ ბასილაშვილის მხრიდან. უცნაური გარემოებაა, როდესაც მხოლოდ 1 მშობელი ფარავს ბავშვის მთლიან ხარჯებს, ამ შემთხვევაში დედა ნელი დოროყაშვილი ხოლო მამა, ნიკოლოზ ბასილაშვილი ფაქტიურად უარს აცხადებს ბავშვის მოთხოვნილებების დაკმაყოფილებაზე და გამოდის რომ სურს ბავშვის ცხოვრების ხარისხის გაუარესება და მხოლოდ მინიმალურო ყველაზე ელემენტარული საჭიროებების დაკმაყოფილება. რეალურად ნელი დოროყაშვილი ითხოვს საერთო შვილის ხარჯების შუაზე გაყოფას ხოლო მოპასუხე მხარე ამას სადავოს ხდის. ესეიგი თუ დედა შვილს ყველაფერს უკეთებს და არაფერს აკლებს მამამ ყველა პასუხისმგებლობა უნდა მოიხსნას ბავშვზე?!

სასამართლოში წარვადგინეთ ამ მოთხოვნის დამადასტურებელი ყველა მტკიცებულება, მათ შორის იმისიც, რომ ნიკოლოზ ბასილაშვილს 2020 წლის მარტიდან საერთოდ არანაირი თანხა არ აქვს შვილის სასარგებლოდ გადახდილი. წელიწადზე მეტია საერთოდ არ დაინტერესებულა შვილის ცხოვრების ხარისხით ბატონი ნიკოლოზი,” – ამბობს ნელი დოროყაშვილის ადვოკატი.

რაც შეეხება ნელი დოროყაშვილის მიერ მიღებულ ქონებას, ცნობილია, რომ განქორწინების შემდეგ ჩოგბურთელის მეუღლემ სოლიდური უძრავი ქონება მიიღო, მათ შორისაა საცხოვრებელი სახლი ჭავჭავაძის გამზირზე და კომერციული ფართი გოგებაშვილის ქუჩაზე.

ამ საკითხზე ნელი დოროყაშვილის ადვოკატი განმარტავს:

“სინამდვილეს არ შეესაბამება (სამართლიანობაზე რომ აღარაფერი ვთქვათ) კომენტარები იმის თაობაზე, რომ ნელი დოროყაშვილმა მიიღო 3 მილიონამდე ღირებულების ქონება და დამატებითი თანხების მოთხოვნა არაადექვატურია. ჯერ ერთი, ქონებრივი დავის დროს საქმეში არ ყოფილა აუდიტის დასკვნა და დაზუსტებით ცნობილი ვერ იქნება რა ღირებულების ქონებაზე იყო დავა.

მეორე, ქონებრივ დავაში სადაო იყო 11, უძრავი ქონება და აქედან ნელი დოროყაშვილი დათანხმდა ერთ ბინას და ერთ კომერციულ ფართს. მისი ეს გადაწყვეტილება განაპირობა სამედიატორო შეთანხმებით ნიკოლოზ ბასილაშვილის მიერ ვალდებების აღებამ რომ შვილს აჩუქებდა ერთ ბინას და მისი საჭიროებისათვის ყველა ხარჯს გაიღებდა სპეციალურად მითითებულ ანგარიშზე თანხის ჩარიცხვით. არც ერთი ვალდებულება დღემდე შესრულებული არ არის, ნელი დოროყაშვილი არც ელოდა, რომ ნიკოლოზი ამ მინიმალურ პირობებს არ შეასრულებდა. ფაქტიურად ნიკოლოზ ბასილაშვილმა მოტყუებული დატოვა თავისი შვილიც და ყოფილი მეუღლეც.“–ამბობს ადვოკატი იამზე მარიამიძე.

აქვე შეგახსენებთ, რომ თბილისის საქალაქო სასამართლოში პარალელურად მიმდინარეობს ნიკოლოზ ბასილაშვილის მიმართ სისხლის სამართლის საქმის არსებითი განხილვა.

ბრალდების თანახმად, 2020 წლის 21 მაისს, თბილისში, ავჭალის დასახლებაში, ნიკოლოზ ბასილაშვილმა ურთიერთშელაპარაკების ნიადაგზე, ყოფილი მეუღლის ნეკა დოროყაშვილის მიმართ ფიზიკური ძალადობა განახორციელა.

სამართალდამცველებმა ნიკოლოზ ბასილაშვილი 2020 წლის 22 მაისს დააკავეს. სასამართლომ ბასილაშვილი 100 000-ლარიანი გირაოს სანაცვლოდ გაათავისუფლა. სისხლის სამართლის საქმეზე გამოძიება გრძელდება.

მსახიობი და ტელეწამყვანი ია ფარულავა “ღამის კურიერის” ეთერში საქართველოს მთავრობას მიმართავს და მოუწოდებს საზოგადოებას უფრო მეტი ინფორმაცია მიაწოდოს ტურიზმის სფეროსთან დაკავშირებულ ცვლილებებზე და შეზღუდვებზე.

მისივე განცხადებით, საჭიროა შეიქმნას ისეთი კლიპები, რომლებიც საზოგადოებას ტურიზმთან დაკავშირებულ საკითხებთან დაკავშირებით საჭირო ინფორმაციას მიაწვდის.

ია ფარულავას განმარტებით, პატარ-პატარა საოჯახო სასტუმროებში სწორედ რომ რუსი ტურისტები შემოდიან და არა ევროპელები. ის მოუწოდებს, რომ შემოუშვან რუსი ტურისტები, რათა მათ საქართველოში დახარჯონ საკუთარი ფული.

“მინდა ვისარგებლო ეთერით და მივმართო საქართველოს მთავრობის იმ ნაწილს, ვისაც ეხება ტურიზმი. გავიგეთ კოვიდია, პანდემია გვაქვს, არ ვიცით რა ხდება, მაგრამ ხალხს სჭირდება ინფორმაცია. ჩვენ ვართ დამოკიდებული ტურიზმზე, მარტო მე არა, მაგრამ პატარა საოჯახო სასტუმროები, ჰოსტელები-მოსტელები და ა.შ. ვინც ახლა მიყურებს – ეს აინტერესებს იმიტომ, რომ ეს ბლა-ბლა-ბლა გვესმის უკვე 100 წელია, აღარ შემიძლია.

გააკეთეთ განცხადება, თუ რა ფორმით უნდა შემოვიდეს ტურისტი, გააკეთეთ კლიპები, როგორც კეთდებოდა მერია რომ გვიხსნიდა, რომ ახლა ჭავჭავაძეს ასე გადავთხრით, ისე გადავთხრით. ასეთი კლიპები გაგვიკეთეთ, გაგვაგებინეთ რა ფორმით შემოდის ტურისტი, უნდა იყოს აცრილი თუ არა, სახმელეთო გზა როდის გაიხსნება და ყველაფერი გაგვაგებინეთ იმიტომ, რომ ხალხი ზის და ტურიზმის სეზონს ელოდება.

ჩამოდის, რომ ფული დახარჯოს და შენს ეკონომიკას დაეხმაროს, გაეშვი რა. როგორ არ გინდა? უამრავი ხალხი გვიყურებს, რომლის სასტუმროებიც დაკეტილია, რეგიონებში, აქეთ-იქით, რუს ტურისტს ელოდება, შენ რა გგონია ირანელს ელოდება? რა ევროპა, როგორ გეკადრება. 75% ევროპა არის კარგ სასტუმროებში, მაგრამ პატარ-პატარებში, ხალხმა რომ იწვალა და პატარა საოჯახო სასტუმრო გააკეთა, იქ შედიან ეს რუსი ტურისტები. გახსენით ეს ოხერი გზა, შემოუშვით ეს ოხრები და დახარჯონ აქ ფული, აღარ შემიძლია,” – განაცხადა ია ფარულავამ.

მირანდა მირიანაშვილი, რომელიც სა­ქარ­თვე­ლო­ში ვლა­დი­მერ პოზ­ნე­რის მას­პინ­ძე­ლი იყო ფეისბუქსტატუსს აქვეყნებს და წერს, რომ ყველა უყვარს და თუ ვინმეს რამე აწყენინა პატიებას ითხოვს:

“მიყ­ვარს თავ­და­ვი­წყე­ბით ჩემი ქვე­ყა­ნა. მიყ­ვარს ჩემი ხალ­ხი, ისი­ნიც ვინც მლან­ძღავს. არ მიც­ნობს, მაგ­რამ გა­აფ­თრე­ბით მთა­თხავს და ცდი­ლობს ლაფი დაგ­ვას­ხას მე, ჩემ ოჯახს, სტუმ­რებს, გე­ფი­ცე­ბით ესაა რა­საც ამ წუთს გან­ვიც­დი!.

ვიცი დღე­ის დრა­მის ყვე­ლა მო­ნა­წი­ლეს სამ­შობ­ლოს სიყ­ვა­რუ­ლი ამოძ­რა­ვებს. თი­თო­ე­ულს სი­კე­თეს ვუ­სურ­ვებ, ჯან­მრთე­ლო­ბას და სიყ­ვა­რულს, ამი­თაა სავ­სეა ეხლა ამ მწა­რე წუ­თებ­ში ჩემი გული, სიყ­ვა­რუ­ლით, რო­მე­ლიც აუ­ცი­ლებ­ლად გა­დაგ­ვარ­ჩენს ყვე­ლას.

გა­უ­მარ­ჯოს ჩვენ სა­ქარ­თვე­ლოს, თქვენ გა­გი­მარ­ჯოთ ყვე­ლას მა­პა­ტი­ეთ თუ რამე გა­წყე­ნი­ნეთ, არა­ფე­რი ჩა­მი­დე­ნია უმ­სგავ­სო.

გთხოვთ,არ მომ­წე­როთ კო­მენ­ტა­რი და ნურც ამ ჩემი ამო­ძა­ხი­ლის შე­ფა­სე­ბით შე­წუხ­დე­ბით. მინ­და თი­თო­ე­ულს გი­თხრათ რომ მიყ­ვარ­ხართ და ამის გა­აზ­რე­ბა ეხლა მხდის ბედ­ნი­ერს”, – წერს მი­რან­და მი­რი­ა­ნაშ­ვი­ლი.