Category: სხვადასხვა

{{ARTICLEIMAGE}}11 თებერვალს ჯენიფერ ენისტონი 50 წლის ხდება. თუმცა მსახიობმა დაბადების დღის აღსანიშნავი წვეულების ორი დღით ადრე გადახდა გადაწყვიტა და მეგობრები ლოს ანჟელესის სასტუმრო Sunset Tower –ში დაპატიჟა. პაპარაცები რა თქმა უნდა სასტუმროს მიმდებარე ტერიტორიაზე დაბანაკდნენ და ყველა მიმსვლელის გადაღებას შეეცადნენ. ყველაზე დიდი სიურპრიზი სასტუმროს კართან ჯენიფერ ენისტონის ყოფილი ქმრის, ბრედ პიტის გამოჩენა აღმოჩნდა. მართალია პიტი ყველანაირად ინიღბებოდა, მაგრამ შეუმჩნევლად დარჩენა ვერ მოახერხა. როგორც ჩანს ანჯელინა ჯოლისთან დაშორებამ მისი და ჯენიფერის ურთიერთობებში ახალი, მეგობრული ეტაპის დაწყებას შეუწყო ხელი. ისინი 2000 დან 2005 წლამდე იყვნენ დაქორწინებული. ცუდი ურთიერთობა არც განქორწინების შემდეგ ქონიათ, თუმცა ახლო მეგობრობა ბრედისა და ანჯელინა ჯოლის ცოლ–ქმრობის პერიოდში არ ქონიათ.

ჯენიფერ ენისტონის 50 წლის იუბილეს აღსანიშნავ წვეულებას სხვა არაერთი ვარსკვლავი ესწრებოდა: ელენ დეჯენერესი, კეტი პერი, ორლანდო ბლუმი, რობერტ დაუნი უმცროსი, ჯეისონ ბეიტმანი, ბარბარა სტრეიზანდი, დაიან კიტონი, გვინეტ პელტროუ, ტომ ფორდი, რენდი გერბერი და ბევრი სხვა.

ფილმ საუკეთესო მეგობრის ქორწილის ეკრანებზე გამოსვლიდან 22 წლის შემდეგ, რომელიც სასიყვარულო კომედიების კლასიკად არის აღიარებული, მისი გმირები ჟურნალ Entertainment Weekly –ს ფოტოსესიისთვის შეიკრიბნენ.

გადაღებებში 46 წლის კამერონ დიასი, 51 წლის ჯულია რობერტსი, 55 წლის დერმონტ მალრუნი და 59 წლის რუპერტ ევერეტი მონაწილეობდნენ.

მსახიობები აღიარებენ, რომ დღემდე მათ ხალხი ამ ცნობილ კომედიაში მონაწიეობის წყალობით ცნობს. “ხალხი დღემდე მოდის და მეუბნება “ჩემი საუკეთესი მეგობრის ქორწილი!“ ეს ძალიან სასიხარულო გრძნობაა და ძალიან ვაფასებ. ჩემი რძალი, ნიკოლ რიჩი ამ ფილმით შეპყრობილია. წელიწადნახევრის წინ ჩიკაგოში ჩავედით და გადაღებების ყველა დასამახსოვრებელი ადგილი მომატარა“ –ამბობს კამერონ დიასი. მისთვის ამ ფილმში შესრულებული როლი პირველი მთავარი როლი იყო კინოში.

მიუხედავად იმისა, რომ ჯულია რობერტსისთვის ფილმი პირველი ვარსკვლავური გამობრწყინება არ ყოფილა, დღემდე ეს ფილმი მის კარიერაში ერთ ერთი ყველაზე გამორჩეულია. “ეს მართლაც ჭკვიანური და სასაცილო ისტორიაა. მიყვარს ასეთი ისტორიები“ – ამბობს ჯულია.

ოც წელზე მეტი გავიდა და მსახიობები დღემდე სიამოვნებით ურთიერთობენ. ისინი ამტკიცებენ, რომ გადასაღებ მოედანზე თბილი და მეგობრული ატმოსფერო იყო.

ცოტა ხნის წინ ჯულია რობერტსი და მარლუნი ისევ შეხვდნენ ერთმანეთს პროექტში “სახლში დაბრუნება“. ეს ჯულია რობერტსისთვის პირველი სერიალია. გასულ წელს მსახიობმა განაცხადა, რომ რომანტიულ კომედიებში მონაწილეობას აღარ აპირებს. მსახიობი თვლის, რომ ცხოვრებისეული გამოცდილების გამო ამ ამპლუაში მისი თამაში მაყურებლისთვის დამაჯერებელი აღარ არის. ამჟამად მას უფრო მთავარი გმირების დედის როლი და რთული ფსიოლოგიური სახეები მოსწონს.

ბრიტანეთის პრინცი ჰარი და მისი მეუღლე, მეგან მარკლი ლონდონში Endeavour Fund Awards–ის ყოველწლიური პრემიის გადაცემის ცერემონიალს დაესწრნენ. ამჯერად ფეხმძიმე ჰერცოგინიამ სადა, თუმცა თამამი სამოსი შეარჩია: მეგანის სამოსი შავ–თეთრი გამისგან შედგებოდა: Givenchy –ს თეთრი პერანგი და ღრმად შეხსნილი მაქსი ქვედაბოლო, რომელშიც მშვენიერი ფეხები მოუჩანდა. ფეხზე კი ნახევრად შიშველი ფეხსაცმელი. მეგანის ჩაცმულობა ყოველთვის იქცევს ყურადღებას და ყოველთვის ხდება განხილვის საგანი. ამჯერადაც ასე მოხდა. საქველმოქმედო ღონისძიებაზე იმ ბრიტანელ სამხედროებს აჯილდოებენ, რომლებიც მთელი წლის მანძილზე სპორტულ ღონისძიებებში მონაწილეობენ. ამ ღონისძიებას პრინცი და მეგანი ერთი წლის წინაც ესწრებოდნენ, თუმცა მაშინ დაქორწინებულები არ იყვნენ.

24 წლის ჯასტინ ბიბერმა და 22 წლის ჰეილი ბოლდუინმა პირველი ოჯახური ფოტოსესია მოაწყვეს. წყვილი ჟურნალ Vogue–ს ამერიკული გამოცემის მარტის ნომრის ყდაზე გამოჩნდება. თუმცა ქსელში უკვე მოხვდა ჟურნალის პირველი გვერდი, რომელზეც ბედნიერი წყვილია გამოსახული. ეს მათი პირველი ერთობლივი ფოტოსესიაა. ბიბერი ფოტოზე წელსზევით შიშველია, ჰეილი კი რომანტიულ თეთრ კაბაშია გამოწყობილი, რომელიც ძალიან გავს საქორწილო კაბას.

გადაღებები მთელი დღე გაგრძელდა. ჯასტინისთვის და ჰეილისთვის ფოტოსესიაში მონაწილეობა უცხო არ არის და პროცესს მშვენივრად გაართვეს თავი. მათ რამდენჯერმე გამოიცვალეს სამოსი. მოდელი საცურაო კოსტუმშიც გადაიღეს, მომღერალი კი კლასიკურ ცისფერ ჯინსში. “ჰეილი შესანიშნავად გამოიყურებოდა. ჯასტინი კი ძალიან ბედნიერი იყო. ძალიან მხიარული ფოტოსესია გამოვიდა. ორივემ ბევრი იცინა “ – ყვებიან თვითმხილველები. ახალგაზრდა ვარსკვლავები ამბობენ, რომ მათი ოჯახური ცხოვრება მშვენივრად მიდის.

წყვილმა ურთიერთობა ოფიციალურად ოთხი თვის წინ გააფორმა. მათი ოჯახური ცხოვრების ზოგიერთი დეტალი საზოგადოებისთვის უკვე გახდა ცნობილი. ჯასტინ ბიბერი და ჰეილი ბოლდუინი ამბობენ, რომ მალე შეიძლება ბავშვიც გააჩინონ, რადგან ბავშვები ძალიან უყვართ. ჰეილი კი ერთ–ერთ ინტერვიუში ამბობდა, რომ დედობისთვის უკვე მომწიფდა. “მიყვარს ბავშვები და ერთი სული მაქვს როდის მეყოლება საკუთარი შვილი. ახლა ეს რეალობასთან უფრო ახლოსაა, ვიდრე ოდესმე. – განაცხადა მოდელმა.

ჰეილი მსახიობ სტივენ ბოლდუინის შვილია. ის წარმატებული მოდელია და ცნობილ ბრენდებთან თანამშრომლობს. ჯასტინ ბიბერს წარსულში გახმაურებული რომანი ჰქონდა მომღერალ სელენა გომესთან. ისინი ბევრჯერ დაშორდნენ და შერიგდნენ. ბოლო დაშორებისასაც ფანებს მათი შერიგების იმედი ჰქონდათ, თუმცა ამაოდ.

ამ დრამის ფონზე დაიწყო ჯასტინ ბიბერის და ჰეილის ურთიერთობა. საბოლოოდ კი ბიბერმა მას ხელი სთხოვა და ცოლად მიყვანა. ჯერჯერობით მათ უბრალოდ ქორწინება გააფორმეს. საზეიმო ცერემონიალი კი არ ქონიათ. ქორწილის გამართვას წყვილი მაშინ აპირებს, როცა ამის საშუალებას დატვირთული სამუშაო გრაფიკი მისცემს.