{{ARTICLEIMAGE}}
რუსეთში ქალაქ მაგნიტოგორსკში საცხოვრებელი კორპუსი აფეთქდა. ბრიტანული სააგენტო “როიტერის” ცნობით, დაღუპულია სამი ადამიანი, დაშავდა 4, 79 ადამიანის ბედი გაურკვეველია. ისინი დაკარგულად ითვლებიან.
რუსეთის საგანგებო სიტუაციების მართვის სამსახურის ცნობით, შემთხვევის გამომწვევი მიზეზი სავარაუდოდ ბუნებრივი აირი გახდა,
{{ARTICLEIMAGE}}
უკრაინის პრეზიდენტმა საომარი მდგომარეობა გააუქმა. ამის შესახებ ეროვნული უშიშროებისა და თავდაცვის საბჭოს სხდომის მიმდინარეობისას გახდა ცნობილი.
“ეს გადაწყვეტილება ემყარება სახელმწიფო უსაფრთხოების მიმდინარე სიტუაციის ანალიზს”, – განაცხადა პეტრო პოროშენკომ.
რადიო თავისუფლების ცნობით, გადაწყვეტილება, საომარი მდგომარეობის გაუქმების შესახებ, ძალაში შევიდა 26 დეკემბრის 14:00 საათიდან. იმავდროულად ქვეყნის პრეზიდენტმა განაცხადა, რომ ხელისუფლებას განზრახული აქვს გააფართოვოს არსებული სანქციები რუსეთის წინააღმდეგ. შესაბამისი დოკუმენტის პროექტი, პოროშენკოს თქმით, მომზადებულია და განსახილველად წარედგინა ეროვნული უშიშროებისა და თავდაცვის საბჭოს. სანქცირებულთა სიაში მოხვდებიან ის პირები და ორგანიზაციები, რომლებსაც უშუალო წვლილი მიუღძვით დონეცკისა და დონბასის სახალხო რესპუბლიკებში ჩატრებულ უკანონო არჩევნებსა და ქერჩის სრუტეში გასულ თვის ბოლოს მომხდარ ინციდენტთან, რომლის დროსაც რუსმა სამხედროებმა იარაღის გამოყენებით დაატყვევს სამი უკრაინული გემი და მათი ეკიპაჟები.
საომარი მდგომარეიობა ქვეყნის ათ ოლქში 26 ნოემბერს, ქერჩის სრუტეში მომხდარი სამხედრო ინციდენტის შემდეგ მიიღეს.
{{ARTICLEIMAGE}}
თურქეთის პრეზიდენტმა რეჯეპ ტაიპ ერდოღანმა აშშ-ის პრეზიდენტი დონალდ ტრამპი ანკარაში მიიწვია. თეთრი სახლის ინფორმაციით, კონკრეტულად ჯერ არაფერია დაგეგმილი, თუმცა პრეზიდეტი მზად არის პოტენციური შეხვედრისთვის.
თურქეთში მიწვევის გადაწყვეტილებას პრეზიდენტების სატელეფონო საუბარი უძღოდა წინ. 23 დეკემბერს პრეზიდენტმა ტრამპმა განაცხადა, რომ თურქ კოლეგასთან სირიის საკითხში თანამშრომლობის, ამ ქვეყნიდან ამერიკელი სამხედროების გაყვანის და სავაჭრო ურთიერთობების საკითხები განიხილა.
აშშ-სა და თურქეთს შორის ურთიერთობა ვაშინგტონის მიერ სირიაში ქურთი მეამბოხეების მხარდაჭერის და აშშ-ში მცხოვრები თურქი სასულიერო და საზოგადო მოღვაწის, ფეტულა გიულენის გამო დაიძაბა. ანკარა, რომელიც გიულენს ადანაშაულებს 2016 წლის ივლისში მომხდარი სამხედრო გადატრიალების მცდელობის ორგანიზებაში, ვაშინგტონისგან მის ექსტრადიციას დღემდე უშედეგოდ ითხოვს.
2019 წელს ყველაზე ცხელ რეგიონებად, სადაც შეიძლება მესამე მსოფლიო ომი დაიწყოს ისევ რჩებიან: სამხრეთ–ჩინეთის ზღვა, უკრაინა, სპარსეთის ყურე და კორეის ნახევარკუნძული. ამის შესახებ ჟურნალ The National Interest –ში აშშ–ს არმიის სამხედრო კოლეჯის პროფესორი, რობერტ ფარლი წერს.
ფარლის აზრით ერთ–ერთი ცხელი წერტილია სამხრეთ–ჩინეთის ზღვა, რომელშიც აშშ–სა და ჩინეთს შორის დაპირისპირება განვითარდა. ეს ორი ქვეყანა ერთმანეთთან სავაჭრო ომს აწარმოებს. ჯერჯერობით ბრძოლა ეკონომიკური სანქციებით და ტარიფებთან დაკავშირებული დავებით შემოიფარგლება, თუმცა ორმხრივი ურთიერთობების გაუარესების შემთხვევაში ავტორის აზრით კონფლიქტი შეიძლება ეკონომიკურ ფარგლებს გასცდეს.
მესამე მსოფლიო ომის დაწყების კიდევ ერთ ადგილად ფარლი უკრაინას ასახელებს. ის იხსენებს ქერჩის სრუტეში ცოტახნის წინანდელ ინციდენტს და აღნიშნავს, რომ ამან რეგიონში დაძაბულობის ზრდა გამოიწვია. ავტორი ვარაუდობს, რომ რუსეთი სავარაუდოდ არ არის დაინტერესებული სტატუს ქვოს დარღვევაში უკრაინაში არჩევნების წინ, რომელმაც სიტუაციაში შეიძლება გაურკვევლობა შემოიტანოს. აშშ–სა და რუსეთს შორის დაძაბულობის შენარჩუნების გათვალისწინებით მცირე რყევებმაც კი შეიძლება დაარღვიოს მყიფე ბალანსი, რომელიც რეგიონში ბოლო რამდენიმე წლის მანძილზე ნარჩუნდება.
{{ARTICLEIMAGE}}
მესამე ცხელ რეგიონად პროფესორის აზრით სპარსეთის ყურე რჩება. აქ დაძაბულობა ირანზე აშშ–ს ეკონომიკური ზეწოლისა და იემენში და სირიაში კონფლიქტების გამო იზრდება. რეგიონის სტრატეგიული მნიშვნელობის გამო აქ არასტაბილურობის ნებისმიერმა გამოვლინებამ შეიძლება გამოიძვიოს ღია შეტაკება აშშ–ს, რუსეთსა და ჩინეთს შორისაც კი.
დაძაბულობის მეოთხე წერტილი კორეის ნახევარკუნძულია, მიუხედავად აშშ–სა და კორეის სახალხო რესპუბლიკის ბოლოდროინდელი სამშვიდობო ინიციატივებისა. პროფესორის აზრით ვაშინგტონსა და ფხენიანს შორის ურთიერთობები ნებისმიერ მომენტში შეიძლება გაფუჭდეს. უფრო მეტიც, კორეის საკითხთან დაკავშირებით უთანხმეობა სხვა მნიშვნელოვან მოთამაშეებს შორისაც არსებობს. ეს არის ჩინეთი და იაპონია.
ფარლის აზრით აშშ–სა და ჩინეთს შორის ურთიერთობების გაფუჭება სამომავლოდ “უბედურების მომასწავებელია“. ცხელი წერტილები კი დროთა განმავლობაში შესაძლოა სხვა რეგიონებშიც გაჩნდეს. ამასთან, აშშ–ს სამხედრო ჰეგემონიის და არსებული მსოფლიო წესრიგის კრიზისი იმაზე მოწმობს, რომ უახლოესი მომავალი შესაძლოა უფრო საშიში იყოს, ვიდრე უახლოესი წარსული – წერს ფარლი.
კიდევ ერთი საფრთხე შესაძლოა ინდოეთ–პაკისტანის ურთიერთობიდან მოდიოდეს. ამ ორ ქვეყანას შორის ომი ნებისმიერ დროს უამრავი მიზეზით შეიძლება განახლდეს. მაგალითად, თუ პაკისტანის მიერ დასპონსორებული ტერორისტები კიდევ ერთ თავდასხმას განახორციელებენ ინდოეთში, შესაძლოა ამ უკანასკნელის მოთმინება ამოიწუროს. შესაძლოა სახელმწიფოები ომში ჩართული აღმოჩნდნენ იმ მოთამაშეების მიერ, რომლებიც სახელმწიფოგან უშუალოდ არ კონტროლდება. ინდოეთსა და პაკისტანს შორის დაძაბულობა წლებია გრძელდება. საქმის გართულების შემთხვევაში არ არის გამორიცხული საქმე ატომური იარაღის გამოყენებამდეც მივიდეს. სტატიის ავტორის აზრით ამ ორი ქვეყნის დაპირისპირების მიღმა ვერც აშშ და ჩინეთი დარჩებიან.
{{ARTICLEIMAGE}}
ინდონეზიაში ცუნამის დროს დაღუპულთა რიცხვი 281-მდე გაიზარდა.
დამანგრეველი ცუნამი კუნძულებს იავას და სუმატრას 22 დეკემბერს, ღამით დაატყდა თავს. ოფიციალური ინფორმაციით, დაკარგულად ითვლება 57 ადამიანი. სტიქიური უბედურების შედეგად უსახლკაროდ დარჩა დაახლოებით 11 700 ადამიანი. ვრცელდება ინფორმაცია, რომ ცუნამი ვულკან კრაკატაუს ამოფრქვევის შედეგად წარმოქმნილმა წყალქვეშა მეწყერმა გამოიწვია.
“ტერორისტებმა, შესაძლოა, გაუფრთხილებლად ან მცირე გაფრთხილების შედეგად განახორციელონ თავდასხმა”, – ნათქვამია სახელმწიფო დეპარტამენტის შეტყობინებაში.
{{ARTICLEIMAGE}}
{{ARTICLEIMAGE}}
პრეზიდენტმა დონალდ ტრამპმა სოციალურ ქსელ “ტვიტერზე” განაცხადა, რომ თავდაცვის მდივანი ჯეიმს მატისი თებერვალში გადადგება.
“თებერვლის ბოლოს, გენერალი ჯიმ მატისი პენსიაში გავა წარჩინებით, მას შემდეგ, რაც ის ჩემს ადმინისტრაციაში თავდაცვის მდივნის პოსტზე უკანასკნელი ორი წლის განმავლობაში მსახურობდა”, თქვა ტრამპმა.
მან მატისს მადლობა გადაუხადა გაწეული სამსახურისთვის და განაცხადა, რომ ახალ კანდიდატურას მალე დაასახელებს.
“მისი თავდაცვის მდივნობის პერიოდში, უზარმაზარი პროგრესი იქნა მიღწეული, განსაკუთრებით, ახალი საბრძოლო აღჭურვილობის შეძენის კუთხით. გენერალმა მატისმა დიდი დახმარება გამიწია მოკავშირეებთან და სხვა ქვეყნებთან, რომ მათ თავის წილი თავდაცვის ვალდებულბები შეესრულებინათ. ახალი თავდაცვის მდივანი მალე დასახლედება. მე მადლობას ვუხდი ჯიმს მისი სამსახურისთვის”, განაცხადა პრეზიდენტმა.