ფილიპინებში, კუნძულ მინდანაოზე, 6,4 მაგნიტუდის სიმძლავრის მიწისძვრა მოხდა, – ამის შესახებ ინფორმაციას სააგენტო „როიტერსი“ ადგილობრივ ხელისუფლებაზე დაყრდნობით ავრცელებს.
მათივე ინფორმაციით, მიწისძვრის შედეგად დაიღუპა სულ მცირე 3 და დაშავდა ათობით ადამიანი. დაღუპულებს შორის 7 წლის გოგონაა, რომელიც საცხოვრებელი სახლის ნანგრევებში მოჰყვა.
მიწისძვრის ეპიცენტრი ქალაქ დავაოდან დაახლოებით 80 კილომეტრში მდებარეობდა.
იაპონიაში მონსტრად წოდებული ტაიფუნი “ჰაგიბისი” მძვინვარებს. სავარაუდოდ ის ბოლო 60 წლის განმავლობაში ყველაზე ძლიერი ტაიფუნია. იაპონიის ხელისუფლება აცხადებს, რომ შეიძლება დაზარალდეს ის ადგილებიც, რომლებიც ტაიფუნისგან კარგად არის დაცული.
BBC-ის ინფორმაციით, სხვადასხვა რეგიონებიდან, მომატებული საფრთხის გამო 7 მილიონზე მეტ ადამიანია ევაკუირებული.
“მოსალოდნელია ნგრევისა და მეწყერის მაღალი საშიშროება, არნახული მასშტაბის წვიმის გამო მდინარეებმა შესაძლოა გაარღვიონ კალაპოტები. უზრუნველყავით თქვენი უსაფრთოხება, თუ საევაკუაციო ცენტრებში მისვლას ვერ ახერხებთ, თავშესაფარი იპოვეთ გამაგრებულ სახლებში. ტაიფუნი გვიახლოვდენა”, – განაცხადა იაპონიის მთავარი მეტეოროლოგიური ადმინისტრაციის წარმომადგენელმა საგანგებოდ გამართულ პრესკონფერენციაზე, სადაც შვიდივე პრეფექტურის მოსახლეობას მიმართა.
ტაიფუნის შედეგად უკვე გარდაიცვალა ერთი ადამიანი, რომლის მანქანაც ქარმა გადაატრიალა.
{{VIDEO}}
აშშ-ს კონგრესის წარმომადგენელთა პალატაში „დემოკრატების“ წარმომადგენლები პრეზიდენტ დონალდ ტრამპისა და რუსეთის პირველი პირის ვლადიმირ პუტინის სატელეფონო საუბრის სტენოგრამის გამოქვეყნებას ითხოვენ. უცხოური მედიის ინფორმაციით, ამის შესახებ ქვედა პალატის დაზვერვის კომიტეტის თავმჯდომარემ ადამ შიფმა განაცხადა.
„ვფიქრობ, რომ აქ მთავარი მიზანია აშშ-ს ეროვნული უსაფრთხოების უზრუნველყოფა და იმის გარკვევა, ძირს უთხრიდა თუ არა პრეზიდენტი სხვა ქვეყნის ლიდერებთან, კერძოდ პუტინთან საუბრისას, ჩვენს უსაფრთხოებას და ფიქრობდა თუ არა პირადი სარგებლის ნახვას თავისი კომპანიისთვის“, – განაცხადა შიფმა.
თურქეთში 5.7 მაგნიტუდის სიმძლავრის მიწისძვრა მოხდა. reuters-ის ინფორმაციით, სტამბულში ბიძგების სიმძლავრემ 5,7 მაგნიტუდა შეადგინა. გავრცელებული ცნობით, სტიქიის ეპიცენტრი მიწისძვრის ზღვაში 7 კილომეტრის სიღრმეში იყო
არსებული ინფორმაციით, მიწისძვრამ მოსახლეობაში პანიკა გამოიწვია.ევაკუაცია მოხდა შენობებიდან,შეჩერებულია სწავლის პროცესი. ქალაქის მერის ინფორმაციით, სტამბულში ამ ეტაპზე დაშავებული არავინაა.
მოზამბიკში მდებარეობს გრიჯატის ყურე, რომელშიც ყოველწლიურად უამრავი ადამიანი იხრჩობა იმის გამო, რომ ცურვა არ იცის. საქველმოქმედო ორგანიზაცია ამ ტრაგედიებთან ბრძოლას აპირებს.
მალე წყვილი შვილთან ერთად აფრიკულ ტურნეში მიდის. “არჩი საუკეთესო ბილეთია მათთვის, რომ ისევ შეძლონ ხალხის სიყვარულის მოპოვება“– ამბობს ექსპერტი ინგრიდ სევარტი.
რუსეთის ქალაქი ტვერი მართლმადიდებელმა მღვდლებმა თვითმფრინავიდან აკურთხეს. ამის შესახებ იფნორმაციას და კადრებს რუსული მედია ავრცელებს.
მათი განცხადებით, ეს გადაწყვეტილება იმიტომ მიიღეს, რომ “ქალაქში ალკოჰოლიზმი დაეძლიათ”.
ქალაქის კურთხევისთვის მღვდლებმა 70 ლიტრი ნაკურთხი წყალი გამოიყენეს და ქალაქს გადაასხეს.
აღსანიშნავია, რომ ქალაქ ტვერში 11 სექტემბერს ალკოჰოლიზმთან ბრძოლის დღე აღინიშნება.
4 წლის პრინცესა შარლოტა პირველად წავიდა სკოლაში. ის ლონდონის სამხრეთ დასავლეთში მდებარე Thomas’s Battersea–ს პრესტიჟულ სკოლაში ისწავლის.
ამ სკოლაში პრინცი ჯორჯის სწავლა ერთ სემესტრში 6429 ფუნტი ჯდება. პრინცესა შარლოტას სწავლა კი 6305 ფუნტი. ინგლისის საგანმანათლებლო სისტემაში სასწავლო წელი სამი სემესტრისგან შედგება.
მას შემდეგ, რაც იანვარში პრეზიდენტი ბოლსონარუს უფლებამოსილება შევიდა ძალაში, ბრაზილიაში რეკორდული რაოდენობის 290 სახეობის პესტიციდის გაყიდვა გახდა დასაშვები, რაც 27%–ით მეტია გასული წლის ანალოგიურ პერიოდზე.
გაეროს სასურსათო და სოფლისმეურნეობის ორგანიზაციის მონაცემებით ბრაზილიაში პესტიციდების მოხმარება 1990–დან 2016 წლამდე 770%–ით გაიზარდა. ამ პესტიციდების 40% ტოქსიკურია და ევროკავშირში აკრძალულია.
“ფუტკრების დაუღუპვა იმის ნიშანია, რომ ყველანი მოწამლულები ვართ“– ამბობს ბრაზილიის მეფუტკრეთა ასოციაციის ხელმძღვანელი, ალბერტო ბასტოსი.
ბრაზილიის ჯანდაცვის სამინისტრომ გასულ წელს სოფლის მეურნეობაში გამოყვენებული პესტიციდებით მოწამვლის 15 000 შემთხვევა აღრიცხა, თუმცა ეს ციფრი სავარაუდოდ ხელოვნურად შემცირებულია.
ბოლსონარუ პრეზიდენტად აგრობიზნესის დიდი მხარდაჭერით აირჩიეს. მან პირობა დადო, რომ სოფლის მეურნეობის სფეროში ნებისმიერი იმიკატის მოხმარების უფლებას დააკანონებდა.
