Category: მსოფლიო

ავსტრალიის უზენაესმა სასამართლომ, ბავშვთა მიმართ სექსუალურ ძალადობაში ბრალდებული კარდინალი გაამართლა.

უზენაესი სასამართლოს შვიდი მოსამართლის გადაწყვეტილებით, კარდინალი ჯორჯ პელი 13 თვიანი პატიმრობის შემდეგ, ციხეს დატოვებს.

რომის პაპის ფინასთა მინისტრს, 13 წლის ბიჭზე განხორციელებული სექსუალური ძალადობისთვის ბრალი 2018 წელს წაუყენეს. საქმე ეხება პერიოდს, როცა ის მელბურნის არქიეპისკოპოსი იყო, 1996 წელს. ბრალდების მხარე ამტკიცებდა, რომ არქიპეისკოპოსმა ბიჭუნაზე მელბურნის წმ. პატრიკის სახლოების ცათედრალში იძალადა.

კარდინალი პელის ბრალდებაში იყო 1997 წლის ეპიზოდიც – ამ შემტხვევაშიც მას ბრალი ბიჭუნაზე განხორციელებულ ძალადობაში ედებოდა.

კარდინალი მის მიმართ წაყენებულ ბრალდებებს აბსოლუტურ სიყალბეს და სიგიჟეს უწოდებდა.

76 წლის კარდინალი პელი, რომის პაპის მტავარი მდივანი, ეკონომიკის საკითხებში, 2014 წელს გახდა და ვატიკანში გადავიდა.

წყარო: ამერიკის ხმა

“ვირუსი გვებრძვის და ჩვენც ვუბრუნებთ პასუხს,” – ეს განცხადება ქალაქ ნიუ-იორკის მერმა ბილ დე ბლასიომ ცოტა ხნის წინ გააკეთა. მერი ამბობს, რომ ვითარება რთულია მაგრამ ექიმები და შესაბამისი სამსახურები ძალისხმევას არ იშურებენ ადამიანების გადასარჩენად.

“ჩვენ გვებრძვის უხილავი მტერი მთელი შემართებით, მაგრამ ჩვენ ვართ ნიუ-იორკი და ვუბრუნებთ პასუხს. დღეს ჩვენ ყველა ვიბრძვით, ვიბრძვით ადამიანების გადასარჩენად და ვითარებას ვაკონტროლებთ. ჩვენ მაქსიმალურად ვცდილობთ ვიყოთ მზად პიკისთვის და ჩვენ ამისთვის ძალ-ღონეს არ ვიშურებთ,” ამბობს ნიუ-იორკის მერი.

მერმა ეს განცხადება დღეს საწარმოში გააკეთა, სადაც სამედიცინო პერსონალისთვის საჭირო სამოსს დიდი რაოდენობით ამზადებენ შექმნილი დეფიციტის შესავსებად.

“დღეს დღის ბოლოს მზად იქნება 9 200 ქირურგიული სამოსი, კვირის ბოლოს 20 000-მდე, თვის განმავლობაში კი ეს საწარმო მოგვაწვდის 320 000 ასეთ სამოსს, რომელიც ჩვენს ექიმებს ძალიან დაეხმარება,” – ამბობს ნიუ-იორკის მერი ბილ დე ბლასიო.

წყარო: ამერიკის ხმა

იაპონიის პრემიერ-მინისტრი შინზო აბე აცხადებს, რომ კორონავირუსის გავრცელების გამო, ქვეყანაში 30 დღიან საგანგებო მდგომარეობა გამოცხადდება. ეს ბრძანება ძალაში 7 აპრილს შევა.

გადაწყვეტილება ადგილობრივ ხელისუფლებას აძლევს საშუალებას მოსახლეობას სახლში დარჩენა მოსთხოვოს და დახუროს სკოლები და სასწავლო დაწესებულებები. იაპონიის კონსტიტუცია, რომელიც სამოქალაქო უფლებების ფართო სპექტრს მოიცავს, არ აძლევს ცენტრალურ ხელისუფლებას შესაძლებლობას სავალდებულო კარანტინი გამოაცხადოს.

პრემიერ-მინისტრმა, ასევე გამოაცხადა, რომ 900 მილიარდის ოდენობის ეკონომიკის მასტიმულირებელი პაკეტის კანონს მიიღებს, რათა კოვიდ-19-ის ეკონომიკური ეფექტი შეამსუბუქოს. ამ თანხიდა 55 მილიარდი მოქალაქეებს პირდაპირი დახმარების სახით გადაეცემათ.

ამ დრომდე იაპონიის პრემიერ-მინისტრი საგანგებო მდგომარეობის გამოცხადებაზე ყოყმანობდა, თუმცა გამომდინარე იქიდან, რომ ტოკიოში, ერთ დღეში, 5 აპრილს, 145 ახალი შემთხვევა დაფიქსირდა, მთავრობამ ამ ნაბიჯის გადადგმა გადაწყვიტა.

ამ დროისთვის იაპონიაში კორონავირუსის 3500 შემთხვევაა დაფიქსირებული. გარდაიცავალა 70 ადამიანი.

წყარო: ამერიკის ხმა

მინიმუმ ორი ადამიანი დაიღუპა პოდმოსკოვიეს ქალაქ ორეხოვო–ზუევოში საცხოვრებელი კორპუსის რამდენიმე სართულის ჩამონგრევის შედეგად.

რუსეთის საგანგებო სიტუაციების სამსახურის ცნობით ხუთსართულიანი სახლის მესამე სართულზე გაზის გამაცხელებელი აფეთქდა. აფეთქების შედეგად ნაწილობრივ ჩამოინგრა სადარბაზო – მეხუთედან მესამე სართულამდე.ნანგრევებიდან ორი გარდაცვლილის ცხედარი ამოიყვანეს. დაშავებულია მინიმუმ ექვსი ადამიანი. მეზობელი სადარბაზოების მაცხოვრებლების ევაკუაცია მოხდა. მომხდარის მიზეზებს რეგიონული პროკურატურა იძიებს.

თვითმხილველები ყვებიან, რომ იზოლაციის რეჟიმის გამო საბედნიეროდ ეზოში საბავშვო მოედანზე არავინ იყო.

ორი ადამიანია მოკლული და მინიმუმ ხუთი დაშავებული საფრანგეთის სამხრეთ აღმოსავლეთში მდებარე ქალაქ რომან–სიურ–იზენში მომხდარი თავდასხმის შედეგად.

ადგილობრივი ხელისუფლების ინფორმაციით   მაღაზიის შესასვლელთან რიგში მდგომ ადამიანებს მამაკაცი დანით ხელში თავს დაესხა. ერთ–ერთი დაჭრილი კრიტიკულ მდგომარეობაშია.

პოლიციამ ეჭვმიტანილი დააკავა. ფრანგული მედია მას აღწერს, როგორც 33 წლის სუდანელ მამაკაცს.

ფრანგული მედიის ინფორმაციით პოლიციისთვის და დაზვერვის სამსახურებისთვის ეს ადამიანი ამ დრომდე ცნობილი არ იყო.

მისი მოტივები ჯერჯერობით ბოლომდე უცნობია, თუმცა საფრანგეთის შინაგან საქმეთა მინისტრმა, კრისტოფერ კასტანერმა, რომელიც შემთხვევის ადგილზე ჩავიდა განაცხადა: “დღეს დილით ადამიანი ტერორიზმის გზას დაადგა.“

მინისტრის თქმით, ყავდა თუ არა ეჭვმიტანილს თანამზრახველები ნაციონალურმა  კონტრტერორისტულმა პროკურატურამ უნდა გაარკვიოს.

საფრანგეთში კორონავირუსის ეპიდემიის გამო კარანტინია გამოცხადებული. მოქალაქეებს სახლიდან გამოსვლა მხოლოდ საკვების და მედიკამენტების შესაძენად, ასევე სუფთა ჰაერზე გასასეირნებლად შეუძლიათ.