Category: მსოფლიო

ნიუ-იორკის შტატმა კორონავირუსის პანდემიის პიკი გადაიარა და შტატი ეკონომიკის აღდგენაზე იწყებს ფიქრს. შტატის გუბერნატორი ამბობს, რომ ნაბიჯები ფრთხილი უნდა იყოს და მოზომილი.

“ჩვენი ხელახალი გახსნა დამოკიდებულია ჩვენს გონიერებაზე. მოვუსმინოთ ექიმებს, მეცნიერებს, გავაანალიზოთ რიცხვები და ნაბიჯები ამის მიხედვით გადავდგათ. სწორედ ასე მოვიქცევით,“- ამბობს ნიუ-იორკის გუბერნატორი ენდრიუ კუომო

სწორედ ამიტომ, შტატმა გამოაქვეყნა გეგმა თუ როგორ შემსუბუქდება შეზღუდვები. გეგმაში 4 ფაზაა, რომელიც დეტალურად განსაზღვრავს წესებს და იმ სფეროებს, რომლებიც აღდგენას დაიწყებს.

ფაზა 1

• _{მშენებლობა}
• _{წარმოება და საბითუმო მიწოდება}
• _{საბითუმო მიწოდება უნდა მოხდეს დელივერის მეშვეობით ან მხოლოდ პიკაპით}

ფაზა 2

• _{პროფესიული სერვისები}
• _{ბანკები და დაზღვევა}
• _{სავაჭრო ობიექტები}
• _{ადმინისტრაციული დახმარება}
• _{უძრავი ქონების სააგენტოები}

ფაზა 3

• _{რესტორნები და საკვები ობიექტები}
• _{სასტუმროები}

_{ფაზა 4}

• _{ხელოვნება}
• _{განათლება.}

თუმცა, იმ დრომდე, სანამ შტატის რეგიონები მიიღებენ გადაწყვეტილებას, რომ დაიწყონ გახსნა, მათ უნდა დააკმაყოფილონ ამერიკის დაავადებათა კონტროლის ცენტრის სტანდარტები, რაც გულისხმობს შემდეგს:

• რეგიონში დაავადებულების და გარდაცვალების რაოდენობა უნდა მცირდებოდეს 14 დღის განმავლობაში (სამი დღის საშუალო მაჩვენებლების მიხედვით).
• რეგიონში ყოველ 100 000 ადამიანზე დღეში ინფიცირებულთა რაოდენობა არ უნდა აღემატებოდეს ორს.
• რეგიონებში, სადაც პანდემია ნაკლებად იყო გავრცელებული, დღიურად დაინფიცირებულთა რაოდენობა არ უნდა აღემატებოდეს 15-ს და გარდაცვლილთა რაოდენობა 5-ს (3 დღის საშუალო მაჩვენებლით)

შტატის გადაწყვეტილებით იმისათვის რომ რეგიონებმა ეკონომიკის აღდენა დაიწყონ, აუცილებელია საავადმყოფოებში არსებობდეს საერთო საწოლების რაოდენობის 30% თავისუფალი, როგორც რეანიმაციულ განყოფილებაში ასევე პალატებში, რათა მათ შეძლონ მიიღონ დაინფიცირებული პაციენტები.

ასევე, საავადმყოფოების ადამინისტრაცია ვალდებულია მოიმარაგოს დასაქმებულთათვის დამცვავი საშუალებები 90 დღისთვის.

ნიუ-იორკის რეგიონმა ასევე უნდა აკონტროლონ ინფიცირების მაჩვენებლები.

ნიუ-იორკში, ამ დროისთვის ახალი კორონავირუსით დაინფიცირებულთა საერთო რაოდენობა 330 000-ს აღემატება, გარდაცვლილია 25 000-ზე მეტი ადამიანი.

„ჩვენ პლატოდან ვეშვებით. როგორ გადაწყვეტილებებს მივიღებთ იმაზე იქნება დამოკიდებული, თუ როგორ გავაგრძელებთ ამ გზას, შეიძლება ეს თვეების განმავლობაში გაგრძელდეს ან კვირების,“- ამბობს ნიუ-იორკის გუბერანტორი ენდრიუ კუომო.

წყარო: ამერიკის ხმა

წამყვანი ბრიტანელი ეპიდემიოლოგი, ნილ ფერგიუსონი, რომლის რეკომენდაციითაც ბრიტანეთში კორონავირუსის ეპიდემიის დაწყების შემდეგ მკაცრი შეზღუდვები შემოიღეს, მთავრობასთან არსებული სამეცნიერო საბჭოდან წავიდა. მიზეზი მის მიერ იმ ამკრძალავი ზომების დარღვევა გახდა, რომელთა შემოღებასაც თავად დაჟინებით მოითხოვდა. ბრიტანული პრესის ინფორმაციით კარანტინის დროს მას სისტემატურად სტუმრობდა მეგობარი ქალი.

თავის დროზე მან გააკეთა პროგნოზები, რომ მსუბუქი ზომების შემთხვევაში ახალი კორონავირუსისგან ბრიტანეთში დაახლოებით 250  ათასი ადამიანი გარდაიცვლებოდა. სწორედ ამ პროგნოზზე დაყრდნობით გადაწყვიტა ბრიტანეთის ხელისუფლებამ თვითიზოლაციის რეჟიმის და მკაცრი შემზღუდავი ზომების შემოღება.

პროფესორმა ფერგიუსონმა სოციალურ ქსელებში დაწერა, რომ წუხს მის მიერ დისტანცირების წესების დარღვევის გამო.

დღეს ბრიტანეთში კორონავირუსის მსხვერპლთა რაოდნეობამ 32 000–ს გადააჭარბა. ამჟამად ეს ევროპაში სიკვდილიანობის ყველაზე მაღალი მაჩვენებელია.

ქვეყნის სტატისტიკის ნაციონალურმა ბიურომ გარდაცვლილთა სტატისტიკაში ჩართო ის შემთხვევებიც, როცა ადამიანები სახლში გარდაიცვალნენ, თუმცა ეჭვი ქონდათ კორონავირუსზე, ასევე ხანდაზმულთა თავშესაფრებსა და ჰოსპისებში გარდაცვლილთა რაოდენობა.  ეს მონაცემები ყოველკვირეულად ქვეყნდება და დაგვიანებით ემატება საერთო მაჩვენებელს, განსხვავებით ჯანდაცვის სამინისტროს მონაცემებისგან, რომელიც საავადმყოფოებში გარდაცვლილთა რაოდენობას ყოველდღიურად ამატებს ვირუსთან დაკავშირებულ სტატისტიკას.

ბიუროს ინფორმაციით გარდაცვალების 32 313 შემთხვევა დიდ ბრიტანეთში ინგლისისა და უელსის მონაცემებთან ერთად შოტლანდიის და ჩრდილოეთ ირლანდიის გარდაცვლილთა რაოდენობასაც შეიცავს.

მიუხედავად  სხვადასხვა ქვეყანაში სიკვდილიანობის დავლის განსხვავებული მეთოდებისა, ახალი სტატისტიკა მეტყველებს, რომ კორონავირუსის მსხვერპლთა რიცხვი შესაძლოა ბევრად მეტი იყოს და ბრიტანეთი უკვე გავიდა ევროპაში პირველ ადგილზე კორონავირუსით სიკვდილიანობის მხრივ.

ამ ფონზე ბრიტანული ოპოზიცია მთავრობის კრიტიკას განაგრძობს იმის გამო, რომ მან დროული რეაგირება არ მოახდინა ეპიდემიის აფეთქებაზე და მეტისმეტად გვიან შემოიღო შემზღუდავი ზომები. ასევე ვერ შეძლო მოსახლეობის მასობრივი ტესტირების უზრუნველყოფა და საავადმყოფოების თანამშრომლებისთვის საკმარისი რაოდენობით დამცავი აღჭურვილობის გამოყოფა.

პრემიერი ჯონსონი აცხადებს, რომ ეპიდემიის პიკმა უკვე გადაიარა და ხელისუფლება თანდათანობით კარანინის შემსუბუქებას აპი რებს. მოსალოდნელია, რომ კნკრეტული ნაბიჯები ამ კვირასვე გადაიდგმება.

გაზეთმა Times–მა  სტატისტიკის ნაციონალური ბიუროს მონაცემების საფუველზე ჩაატარა მოდელირება და დაასკვნა, რომ ბრიტანეთში კორონავირუსით გარდაცვლილთა რეალური რაოდენობა 55 ათასს აღემატება.

2020 წლის პულიცერის პრემია საერთაშორისო მოვლენების გაშუქებისთვის გაზეთმა New York Times–მა მიიღო “ვლადიმირ პუტინის რეჟიმის მტაცებლობის მხილებისთვის“ – ნათქვამია პულიცერის პრემიის კოლეგიის ინფორმაციაში.

ორგანიზაცია აღნიშნავს, რომ წამყვანი ამერიკული გაზეთი ჯილდოს შთამბეჭდავი ისტორიების ნაკრებისთვის იღებს, რომლებიც ვლადიმირ პუტინის რეჟიმის მტაცებლობას ამხელდა და ავტორებისთვის დიდ რისკს შეიცავდა.

2020 წლის პრემია რვა სტატიას და ვიდეოს ერგო– მოსკოვიდან შეკვეთილი თავდასხმის შესახებ სტატიას უკრაინელ ჩინოვნიკზე როვნოში, ბიზნესმენ ემელიან გებრევის  ბულგარეთში  მოწამვლის  შესახებ სტატიას, სტატიას რუსულ ინტერესებზე ლიბიის კონფლიქტში და ცენტრალური აფრიკის რესპუბლიკაში და სირიაში რუსეთის ავიაციის მიერ საავადმყოფოებისა და სხვა სამოქალაქო ობიექტების დაბომბვის შესახებ მასალას.

პულიცერის პრემია აშშ–ში გაზეთებში, ჟურნალებში და ვებგვერდებზე გამოქვეყნებული პუბლიკაციებისთვის გაიცემა. პარალელურად  მეორე კოლეგია ჯილდოებს გასცემს სფეროებში, რომლებიც ჟურნალისტიკას არ უკავშირდება: ისეთ კატეგორიებში, როგორიცაა მხატვრული ლიტერატურა, აშშ–ს ისტორია, ბიოგრაფიები, ავტობიოგრაფიები და მემუარები, პოეზია, მუსიკა და დრამატურგია. ნომინაციების ბოლო ვადა ყოველი წლის  25 იანვარია, ამიტომ პანდემიამ ჟურნალისტების პუბლიკაციებში ასახვა ვერ მოასწრო.

New York Times, როგორც აშშ–ში ყველაზე ავტორიტეტული, პრესტიჟული და ძლიერი ბეჭდური და ინტერნეტ გამოცემა პრაქტიკულად ყოველ წელს იღებს პულიცერის პრემიას. წელს საერთაშორისო ჟურნალისტიკის გარდა მას ერგო ჯილდოები საგამოძიებო ჟურნალისტიკისთვისაც თემაზე ნიუ იორკელი ტაქსისტებისთვის კრედიტების კაბალური პირობების თაობაზე. ნიკოლ ჰანა ჯონსმა კი პრიზი აიღო ნომინაციაში პუბლიცისტიკა პროექტისვის “1619“. პროექტმა  ჩრდილოეთ ამერიკაში მონობის ინსტიტუტის 400 წლიანი ისტორიის შესახებ ბევრი კონსერვატორი აღაშფოთა.

გამოცემის პუბლიკაციებს რუსეთის შესახებ არაერთხელ აუღია პულიცერის პრემია.

2017 წელს New York Times–მა ჯილდო მიიღო 2016 წლის არჩევნებში რუსეთის ჩარევის შესახებ მასალებისთვის.

საერთაშორისო უფლებადაცვითი ორგანიზაციის, Human Rights Watch–ისთვის ცნობილი გახდა, რომ ისლამური სახელმწიფოს მეთაურები გატაცებულ და ტყვედ აყვანილ ადამიანების სირიის ჩრდილო–აღმოსავლეთით ღრმა ხეობაში ყრიდნენ.

უფლებადამცველებმა საკუთარი გამოძიება ჩაატარეს მას შემდეგ, რაც 2014 წელს მათ მიიღეს ვიდეო, რომელზე ასახული იყო, როგორ ყრიდნენ ჯიჰადისტები 50 მეტრის სიღრმის ხევში, ალ ხუტაში ადამიანებს.

ორგანიზაციის მონაცემებით ეს ხეობა ამ მიზნისთვის მოგვიანებით, ამ რეგიონში ისლამური სახელმწიფოს მმართველობის დროსაც გამოიყენებოდა.

უფლებადამცველები ცდილობენ მიაღწიონ იმას, რომ ადგილობრივმა ხელისუფლებამ ხეობაში საკუთარი კონტროლი დაამყაროს, იქიდან ადამიანების ცხედრების ნარჩენები ამოიტანოს და შემდგომი გამოძიებისთვის მტკიცებულებები შეინახოს.

მთლიანობაში სირიის ტერიტორიაზე, ისლამური სახელმწიფოს ბოევიკების მიერ კონტროლირებად რაიონებში უკვე 20–ზე მეტი მასობრივი სამარხია აღმოჩენილი, სადაც ათასობით ადამიანია დამარხული.

ქვეყანაში უგზო უკვლოდ დაკარგულებად ითვლებიან პოლიტიკური აქტივისტები, ჰუმანიტარული ორგანიზაციების თანამშრომლები, ჟურნალისტები და რიგითი ადამიანები, რომლებიც ჯიჰადისტებს თვალში არ მოუვიდათ.

გარკვეულ პერიოდში ისლამური სახელმწიფო სირიის დასავლეთიდან აღმოსავლეთ ერაყამდე არსებული 88 ათასი კვადრატული კილომეტრის ტერიტორიას აკონტროლებდა და 8 მილიონამდე ადამიანის ბედს განაგებდა.

ალ ხუტას ხეობა, რომელიც ისლამური სახელმწიფოს ყოფილი “დედაქალაქის“, რაკის ჩრდილოეთით 85 კილომეტრის დაშორებით მდებარეობს უჩვეულოდ ლამაზი ადგილია. თუმცა, ისლამური სახელმწიფოს მმართველობის დროს, 201–2015 წლებში ეს ხეობა უფლებადამცველი ორგანიზაციის წარმომადგენლების თქმით “საშინელებათა ადგილად“ იქცა.

ორგანიზაციის ანგარიშის მიხედვით, რომელიც ორშაბათს გამოქვეყნდა ადგილობრივებს ახსოვთ, როგორ ემუქრებოდნენ ბოევიკები ხალხს, რომ ალ ხუტას ხევში ჩააგდებდნენ. ზოგი იმასაც ამტკიცებს, რომ ხეობის პირას გვამებიც ნახეს.

ვიდეოზე, რომელიც თავად ბოევიკებმა 2014 წელს სოციალურ ქსელებში გაავრცელეს, ჯიხადისტები ხევში დახვრეტილი ადამიანების ცხედრებს ყრიან.

2018 წელს Human Rights Watch–ის მკვლევარებმა ხეობის თავზე უპილოტო აპარატი გაუშვეს, რომლებმაც ხეობის ძირში 6 გვამი აღმოაჩინა, თუმცა მათი მდგომარეობის მიხედვით გამომძიებლები მივიდნენ დასკვნამდე, რომ ისინი აქ მას შემდეგ ჩაარეს, რაც ეს ადგილები ისლამური სახელმწიფოს ბოევიკებს უკვე დატოვებული ქონდათ.

გეოლოგიური და ტოპოგრაფიული რუქები მეტყველებს, რომ ხეობა ბევრად უფრო ღრმაა, ვიდრე მისი დანახვა უპილოტო აპარატმა შეძლო, ამიტომაც წყლის ქვეშ შესაძლოა ბევრად მეტი ცხედარი იყოს.

ორგანიზაციის წარმომადგენლების თქმით, ძალები, რომლებიც ხეობას აკონტროლებენ ვალდებულები არიან ის დანაშაულის ადგილად გამოაცხადონ, გარდაცვლილების ამოცნობა მოახდინონ და მათი დაღუპვის გარემოებები შეისწავლონ.

ამჟამად ალ ხუტას მიმდებარე ტერიტორია სირიის ამბოხებულთა მიერ კონტროლდება სირიის ნაციონალური არმიის ეგიდით, რომელიც თურქეთის მხარდაჭერით სარგებლობს.

საბერძნეთი ნორმალურ ცხოვრებას უბრუნდება. ორშაბათიდან სილამაზის სალონების მუშაობა განახლდა, თუმცა მკაცრი სანიტარული მოთხოვნებით. ყველაზე დიდი მოთხოვნა დღეს სწორედ ამ მომსახურებაზეა. უახლოესი ერთი კვირის მანძილზე სალონების უმრავლესობაში ყველა წუთი დაკავებული და გაწერილია.

ბერძნულ ბიზნესს ფრთხილი ოპტიმიზმი გაუჩნდა. იხსნება საცალო ვაჭრობის მაღაზიებიც.

კორონავირუსის ეპიდემია საბერძნეთში კლებისკენ წავიდა და გაჩნდა  იმედი, რომ ეკონომიკური ვითარებაც გამოსწორდება. თუმცა შეწყვეტილი საქმიანობის აღდგენა ბევრისთვის რთულია, განსაკუთრებით მათთვის, ვისთვისაც სოციალური დისტანციის ახალი წესების დაცვა ადვილი არ არის.

ნორმალურ ცხოვრებასთან დაბრუნებაც ყველასთვის სხვადასხვა რამეს ნიშნავს.

პატარა წიგნის მაღაზიის მფლობელი, არეტი გეორგილი ამბობს: “საკმაოდ ბევრი პრობლემა გვაქვს, და ამ პირობებში მუშაობის განახლება ძალიან რთულია. პატარა წიგნის მაღაზია ხომ მხოლოდ სავაჭრო წერტილი არ არის. ეს არ არის მხოლოდ ადგილი, სადაც წიგნს ირჩევთ, ფულს იხდით და მიდიხართ. აქ ისეთი რამ ხდება, რაც სოციალური დისტანცირებისგან სრულიად განსხვავდება. სხვაგვარად რომ ვთქვათ, ასეთ მაღაზიებში ერთგვარი თანამეგობრობები ყალიბდება. მათ ინტერნეტში ვერ შექმნი. რა თქმა უნდა, ეს შესაძლებელია თუ მის წევრები უკვე იცნობენ ერთმანეთს, ახლა კი ამის გაკეთება შეუძლებელია. პატარა – 100–120 კვადრატულიანი მაღაზიების პატრონებს ძალიან რთულად უწევთ სრულიად ახალ რეალობასთან შეგუება“.

ათენის ცენტრში საავტომობილო მოძრაობა გახშირდა, თუმცა ვერ შეედრება იმას, რაც ეპიდემიამდე იყო, განსაკუთრებით ორშაბათობით. ამუშავებულ სავაჭრო ცენტრებთან გრძელი რიგები გაჩნდა. თუმცა საზოგადოებრივ ტრანსპორტში დღეს ხალხმრავლობა არ შეიმჩნეოდა. ბერძნები ცდილობენ უსაფრთხო დისტანცია დაიცვან და დამცავ ნიღბებს ატარებენ. ეს ზომა სავალდებულო იქნება იქამდე, სანამ კორონავირუსის საფრთხე საბოლოოდ არ ამოიწურება.