Category: მსოფლიო

ლეტუვის საგარეო საქმეთა მინისტრი, გაბრიელიუს ლანდსბერგისი აცხადებს, რომ რუსულ ნავთობზე ემბარგოს დაწესებას ევროკავშირის რამდენიმე ქვეყანა კატეგორიულად ეწინააღმდეგება. ამის შესახებ მან European Truth-ის ცნობით Delfi-სთან საუბრისას განაცხადა.

“ჯერჯერობით ჩვენ გვაქვს ძლიერი წინააღმდეგობა რამდენიმე ქვეყნიდან, მაგრამ [სანქციების] მეექვსე პაკეტის პროექტი, რომელიც მომზადდა ევროკომისიის მიერ, შეიცავს წინადადებებს ნავთობის შესახებ. ისინი შეიძლება გამოირიცხოს ვეტოს საშუალებით, მაგრამ მოლაპარაკებები მიმდინარეობს”, – განაცხადა ლანდსბერგისმა.

მან არ დაასახელა, რომელი ქვეყნები არ უჭერენ მხარს რუსეთის წინააღმდეგ ემბარგოს დაწესებას.

პუტინის ყოფილი მთავარი ეკონომიკური მრჩეველი და ამჟამად ვაშინგტონში კატონის ინსტიტუტის ექსპერტი, ანდრეი ილარიონოვი ამბობს, რომ მხოლოდ რუსული ნავთობის ემბარგოს შეუძლია პუტინის ომის შეჩერება.

“ღამით კარი მყარად ჩაკეტონ, გასაცვლელ ადამიანთა შორის თავადაც არ მოხვდნენ “- ასე ეხმაურება, რუსეთის ყოფილი პრეზიდენტი და უშიშროების საბჭოს ხელმძღვანელის მოადგილე დიმიტრი მედვედევი, უკრაინის ხელისუფლების ინიციატივას, რადას პრორუსი დეპუტატის ვიქტორ მედვედჩუკის უკრაინელ ტყვეებში გაცვლას. მედვედევის განცხადება ტელეგრამზე ვრცელდება.

• „ზოგიერთი გიჟი, ვინც საკუთარ თავს „უკრაინის ხელისუფლებას“ უწოდებს, აცხადებს, რომ სურთ ინფორმაცია ვიქტორ მედვედჩუკს გამოსძალონ, შემდეგ კი „სწრაფად და სამართლიანად“ გაასამართლონ ის და შემდეგ სამხედრო ტყვეებში გაგვიცვალონ. ეს ადამიანები გარშემო ფრთხილად უნდა იხედებოდნენ და ღამით კარი მყარად ჩაკეტონ, რათა გასაცვლელ ადამიანებს შორის თავადაც არ მოხვდნენ“, – წერს დმიტრი მედვედევი ტელეგრამ არხზე.

შეგახსენებთ, რომ უკრაინაში პუტინთან დაახლოებული, რადას პრორუსი დეპუტატი ვიქტორ მედვედჩუკი დააკავეს. 

6 აპრილს კორუფციის საწინააღმდეგო ცენტრმა განაცხადა, რომ პრეზიდენტის ოფისის ხელმძღვანელის მოადგილემ, ოლეგ ტატაროვმა ხელი შეუწყო უკრაინიდან დეპუტატ ვიქტორ მედვედჩუკის გაქცევას, რომელიც რუსეთთან თანამშრომლობაში იყო ეჭვმიტანილი და მას რუსული სცენარის ნაწილად ასახელებდნენ, რომლის მიხედვით უკრაინაში ხელისუფლება უნდა შეცვლილიყო, მედევდჩუკი კი უკრაინის პრორუს მმართველად სახელდებოდა. რუსეთის უკრაინაში შეჭრიდან სამ დღეში, უკრაინის შს მინისტრის მრჩეველმა, ანტონ გერაშენკომ განაცხადა, რომ მედევდჩუკი შინაპატიმრობიდან გაიქცა. ვლადიმერ პუტინი  მედვედჩუკის შვილის ნათლიაა.

მედვედჩუკს ლვოვის სასამართლომ 18 მარტს დაუსწრებლად მიუსაჯა პატიმრობა. მას ბრალი ედება სახელმწიფოს ღალატში და ტერორისტული ორგანიზაციის საქმიანობის ხელშეწყობაში.

ვოლოდიმირ ზელენსკი კი რუსეთს ვიქტორ მედვედჩუკის უკრაინელ ტყვეებში გაცვლას სთავაზობს.

უკრაინის შინაგან საქმეთა მინისტრის მრჩეველი, ვადიმ დენისენკო ფიქრობს, რომ რადას პრორუსი დეპუტატი და პუტინთან დაახლოებული პოლიტიკოსი, ვიქტორ მედვედჩუკი შესაძლოა გაცვალონ, თუმცა მანამდე კარგი იქნება მისგან ინფორმაციის მიღება.

„ჩვენ უნდა გავცვალოთ, თუ არის ასეთი შესაძლებლობა… მაგრამ როცა მედვედჩუკზე ვსაუბრობთ, ვფიქრობ, რომ ძალიან სწორი იქნება ორი რამის გაკეთება: თუნდაც რაიმე მტკიცებულების მიღება, რადგან მას აქვს უზარმაზარი ინფორმაცია იმის შესახებ, თუ ვინ, ვის, რამდენი და რისთვის მისცა რუსეთის ფედერაციიდან “მეხუთე კოლონის“ შესაქმნელად, კოლაბორაციონისტთა მოძრაობის შესაქმნელად.

იდეალური იქნება, თუ ეს შესაძლებელია, რა თქმა უნდა – პროკურორებმა ეს უფრო კარგად უნდა გაიგონ – რაც შეიძლება მალე ჩატარდეს სასამართლო პროცესი, მისცენ მას შესაბამისი ვადა, მიიღონ მისგან მტკიცებულებები და შემდეგ გაცვალონ”,– თქვა დენისენკომ.

უკრაინელი ოფიციალური პირის კომენტარს გამოეხმაურა რუსეთის საგარეო საქმეთა სამინისტროს სპიკერი, მარია ზახაროვა და დენისკენკოს განცხადებას “ბრიტანული სქემა” უწოდა.

“გასაგებია? ბრიტანული სქემა: სწრაფი სასამართლო პროცესის ჩატარება, ვადის მისჯა, და შემდეგ ჩვენებების მიღება. მუშაობს შეუფერხებლად”,– წერს ზახაროვა ტელეგრამ არხზე.

ცნობისთვის, პრორუსი ვიქტორ მედვედჩუკი 12 აპრილს დააკავეს. ზელენსკიმ შესთავაზა რუსეთს მედვედჩუკის გაცვლა უკრაინელ ტყვეებში.

უკრაინის მთავარი სადაზვერვო სამსახურის ინფორმაციით, რუსეთის ხელმძღვანელობამ გასცა ბრძანება უკრაინაში მისი არმიის დანაშაულის ნებისმიერი მტკიცებულების განადგურების შესახებ.

მათი ცნობით, ბუჩაში უკრაინელი ხალხის გენოციდის შემდეგ რუსულმა ჯარებმა დაიწყეს მობილური კრემატორიების გამოყენება უკრაინაში.

“კერძოდ, მარიუპოლში არსებობდა 13 მობილური კრემატორიუმი ქუჩების დაღუპული მშვიდობიანი მოსახლეობის ცხედრებისგან გასაწმენდად.

უკრაინის დაზვერვამ არაერთხელ დააფიქსირა მობილური კრემატორიის გამოყენება ჩერნიგოვის რეგიონში. მტრის მობილური კრემატორიუმის მუშაობა დაფიქსირდა ნოვოიდარში, ლუგანსკის რეგიონში”,– აცხადებს დაზვერვა.

მათივე განცხადებით, რუსეთის შეიარაღებული ძალები მოძრავ კრემატორიუმებს ასევე იყენებენ რუსი სამხედროების ცხედრების დასაწვავად, რათა დამალონ უკრაინის წინააღმდეგ რუსული აგრესიის დროს დაღუპული ჯარისკაცების რეალური რაოდენობა და უარი თქვან დაღუპული რუსების ოჯახებისთვის თანხის გადახდაზე.

დნეპრის მორგში რუსი ჯარისკაცის 1500-ზე მეტი ცხედარია, მათი წაყვანა არავის სურს. ამის შესახებ Unian-ი წერს.

Настоящее Время-სთვის მიცემულ ინტერვიუში დნიპროს მერის მოადგილემ მიხაილ ლისენკომ მოუწოდა რუს დედებს უკრაინაში დაღუპული 1500-ზე მეტი რუსი ჯარისკაცის ცხედარი გადაასვენონ.

„დნეპრის მორგში ახლა 1500-ზე  მეტი დაღუპული რუსი ჯარისკაცია, რომელთა წაყვანაც არავის უნდა.

ვიმედოვნებთ, რომ რუსი ჯარისკაცების დედები შეძლებენ მოსვლას და  საკუთარი ვაჟების გადასვენებას, რომელსაც ისინი მთელი ცხოვრება ზრდიან. ჩვენ უკვე გვაქვს ოთხი მაცივარი სავსე რუსი ჯარისკაცების გვამებით. ყოველ შემთხვევაში, ისინი ვიღაცების შვილები არიან.

ისინი დედებმა გაზარდეს, უყვარდათ, პირველ სექტემბერს მათთან ერთად დადიოდნენ სკოლაში. ჩვენ მოვაწყობთ ამ ყველაფერს, შვილების ცხედრები მაინც წაიღონ“, – განაცხადა ლისენკომ.

ვოლოდიმირ ზელენსკი რუსეთს ვიქტორ მედვედჩუკის უკრაინელ ტყვეებში გაცვლას სთავაზობს. ამის შესახებ, ზელენსკი ვიდეომიმართვაში საუბრობს.

“განსაკუთრებით ცინიკურად მიმაჩნია მისი მხრიდან სამხედრო კამუფლაჟის გამოყენება. ასე შენიღბვას ცდილობდა. აი, ასეთი “მებრძოლია”. ასეთი პატრიოტი. მედვედჩუკმა თვითონ აირჩია სამხედრო ფორმა, ის ექვემდებარება საომარი დროის წესებს. ვთავაზობ რუსეთის ფედერაციას ამ თქვენი ბიჭის გაცვლას რუსულ ტყვეობაში მყოფ ჩვენს ბიჭებსა და გოგოებზე. ამიტომაც მნიშვნელოვანია, რომ ჩვენმა სამართალდამცავებმა და სამხედროებმაც განიხილონ ეს შესაძლებლობა”, – თქვა ზელენსკიმ ვიდეომიმართვის დროს.

შეგახსენებთ, რომ უკრაინაში პუტინთან დაახლოებული, რადას პრორუსი დეპუტატი ვიქტორ მედვედჩუკი დააკავეს.

• • “უკრაინის უშიშროების სამსახურმა სპეცოპერაცია ჩაატარა. დეტალებს მალე გაიგებთ“– წერს ზელენსკი.

6 აპრილს კორუფციის საწინააღმდეგო ცენტრმა განაცხადა, რომ პრეზიდენტის ოფისის ხელმძღვანელის მოადგილემ, ოლეგ ტატაროვმა ხელი შეუწყო უკრაინიდან დეპუტატ ვიქტორ მედვედჩუკის გაქცევას, რომელიც რუსეთთან თანამშრომლობაში იყო ეჭვმიტანილი და მას რუსული სცენარის ნაწილად ასახელებდნენ, რომლის მიხედვით უკრაინაში ხელისუფლება უნდა შეცვლილიყო, მედევდჩუკი კი უკრაინის პრორუს მმართველად სახელდებოდა. რუსეთის უკრაინაში შეჭრიდან სამ დღეში, უკრაინის შს მინისტრის მრჩეველმა, ანტონ გერაშენკომ განაცხადა, რომ მედევდჩუკი შინაპატიმრობიდან გაიქცა.

ვლადიმერ პუტინი  მედვედჩუკის შვილის ნათლიაა.

მედვედჩუკს ლვოვის სასამართლომ 18 მარტს დაუსწრებლად მიუსაჯა პატიმრობა. მას ბრალი ედება სახელმწიფოს ღალატში და ტერორისტული ორგანიზაციის საქმიანობის ხელშეწყობაში.

ყოველ დილით დიდი ბრიტანეთის თავდაცვის სამინისტრო ტვიტერზე რუსეთ–უკრაინის ომის მიმდინარეობის ანალიზს აქვეყნებს. ამჯერად ბრიტანელმა სამხედრო მზვერავებმა რუსული არმიის გენერალზე, ალექსანდრ დვორნიკოვზე გაამახვილეს ყურადღება, რომელიც დასავლელი სამხედროების და დაზვერვების ინფორმაციით უკრაინაში რუსული სამხედო მოქმედებების მეთაურად დაინიშნა. საინტერესოა, რომ რუსული ოფიციალური წყაროები მისი დანიშვნის ფაქტს დღემდე არ ადასტურებენ, მიუხედავად იმისა, რომ დასავლეთის ოფიციალურმა პირებმა ამის შესახებ არაერთხელ განაცხადეს.

როგორ აფასებს ბრიტანული სამხედრო დაზვერვა ამ დანიშვნას:

1. დვორნიკოვის დანიშვნა ნიშნავს მცდელობას ჯარის მართვა და ხელმძღვანელობა ცენტრალიზებული გახდეს. რუსეთის სამხედრო მოქმედებებს უკრაინაში მნიშვნელოვნად უშლიდა ხელს, რომ ხელმძღვანელობა ურთიერთქმედებისა და  კავშირის უზრუნველყოფას ვერ ახერხებდა.
2. დვორნიკოვს აქვს სირიაში ჯარების ხელმძღვანელობის გამოცდილება, თუმცა ეს შეიძლება ითქვას სხვა ბევრ რუს სამხედრო მეთაურზე, აღნიშნავს ბრიტანული დაზვერვა. ის ასევე 2016 წლიდან ხელმძღვანელობდა სამხრეთის სამხედრო ოლქის ჯარებს, რომელიც დონბასს ესაზღვრება.
3. რუსული პროპაგანდისტული აქცენტი კეთდება სწორედ დონბასზე შეტევაზე. დვორნიკოვის შერჩევა “დემონსტრირებაა“, როგორ აიძულა უკრაინელების ჯიუტმა წინააღმდეგობამ და ომის დაწყებამდე არაეფექტურმა დაგეგმვამ რუსეთი, საკუთარი ოპერაციები გადასინჯოს.

რუსეთის ტერიტორიაზე ფინეთის საზღვრის მიმართულებით რუსეთის შეიარაღებული ძალების მძიმე სარაკეტო სისტემების გადაადგილება შეინიშნება. სავარაუდოდ, ეს არის თვითმავალი კომლექსები К-300 “Бастион-П”, რომლებიც საზღვაო ხომალდების და ავიამზიდების გასანადგურებლად არის განკუთვნილი. ისინი ფინეთის მიმარულებით მას შემდეგ დაიძრა, რაც სკანდინავიური სახელმწიფოების წარმომადგენლებმა განაცხადეს, რომ მზად არიან ახლო მომავალში ნატოს წევრები გახდნენ. ამის შესახებ ბრიტანული გაზეთი დეილი მეილი წერს.

თვითმხილველებმა მძიმე სარაკეტო შეიარაღების გადაადგილება სანკტ–პეტერბურგიდან ფინეთისკენ მიმავალ ტრასა А-181–ზე შენიშნეს.

ვიდეოზე, რომელიც თვითმხილველებმა გადაიღეს, შეიმჩნევა, როგორ გადიან სარაკეტო კომპლექსები ფინეთის დედაქალაქის მიმართულების მაჩვენებელ აბრასთან. მძიმე შეიარაღების გადაადგილებას წინ უძღვოდა კრემლის სპიკერის, დიმიტრი პესკოვის გუშინდელი განცხადება, რომელმაც თქვა, რომ ფინეთისა და შვედეთის მიერ ჩრდილო ატლანტიკურ ალიანსში გაწევრიანებისკენ გადადგმული ნაბიჯები “ევროპულ კონტინენტს დამატებით უსაფრთხოებას ვერ მოუტანს.“

“ჩვენ არაერთხელ ვამბობდით, რომ ალიანსი რჩება კონფრონტაციისკენ მიმართულ ინსტრუმენტად და მისი შემდგომი გაფართოება ევროპის კონტინენტს სტაბილურობას ვერ მოუტანს“– თქვა პესკოვმა.

ფინეთის ნატოში შესაძლო გაწევრიანების შესახებ ქვეყნის საგარეო საქმეთა მინისტრმა 7 აპრილს, ნატოს ქვეყნების მინისტრების შეხვედრის შემდეგ, ბრიუსელში განაცხადა. მისი თქმით, ფინეთის მთავრობა მზად არის უმოკლეს ვადებში შეიტანოს განაცხადი ალიანსში გაწევრიანებაზე, თუ პარლამენტის მხარდაჭერა იქნება. მითუმეტეს, რომ ტექნიკურად ამის განხორციელება რთული არ არის, რადგან ფინეთის თავდაცვის ბიუჯეტი და სამხედრო სტანდარტები ნატოსას შეესაბამება.

ფინეთს ნატოში გაწევრიანების სურვილი რუსეთის უკრაინაში შეჭრის შემდეგ გაუჩნდა. ფინეთის მოსახლეობაში ნატოში გაწევრიანებიის მხარდამჭერთა რაოდენობა მკვეთრად გაიზარდა.

ალიანსის გენერალური მდივანი აცხადებს, რომ შვედეთის და ფინეთის ნატოში გაწევრიანება სურვილის შემთხვევაში დაჩქარებული წესით მოხდება. ამ პროცედურას შესაძლოა 4–დან 12 თვემდე დაჭირდეს.

სამხედრო თემატიკაზე სპეციალიზებულ გამომძიებელთა ჯგუფმა – Oryx უკრაინაში საბრძოლო მოქმედებების ზონებიდან მოპოვებულ ფოტო და ვიდეო მასალებზე დაყრდნობით გამოითვალა, რომ რუსეთმა უკრაინაში მინიმუმ 460 ტანკი და 2000 ერთეულზე მეტი სხვა ჯავშანტექნიკა დაკარგა.

რუსეთის თავდაცვის სამინისტრო ამ ინფორმაციას არ ადასტურებს, სხვა დამოუკიდებელ წყაროებს კი მისი გადამოწმების საშუალება არ აქვთ.

ამის მიუხედავად, განადგურებული და ხელში ჩაგდებული რუსული ტანკების ფოტოები მუდმივად ვრცელდება. რით შეიძლება აიხსნას საბრძოლო ტექნიკის ასეთი მაშტაბური დანაკარგი?

ომის დაწყებიდან აშშ–მ უკრაინას დაახლოებით 4000 ტანკსაწინააღმდეგო Javelin–ის რაკეტა მიაწოდა. ბევრი რუსული ტანკი დამატებითი ჯავშნით და დინამიური დაცვით არის აღჭურვილი, თუმცა Javelin–ის რაკეტებს ორი გამანადგურებელი ნაწილი აქვს. ერთი ჯავშანს არღვევს, მეორე კი მის ქვეშ არსებულ ძარას ანადგურებს.

უკრაინას ბრიტანეთმა3600  NLAW–ის ტანკსაწიააღმდეგო სისტემა მიაწოდა. ისინი ტანკების ზედა ნაწილის ყველაზე დაუცველ ადგილზე ფეთქდება.

კიდევ ერთი ფაქტორი ლოჯისტიკის და დაგეგმვის პრობლემებია. Oryx–ის ინფორმაციით, დაკარგული რუსული ტანკების ნახევარი არა უკრაინელებმა გაანადგურეს, არამედ რუსმა სამხედროებმა თავად მიატოვეს ბრძოლის ველზე ან გზებზე.

ექსპერტები ამას მატერიალურ–ტექნიკური უზრუნველყოფის მოშლით ხსნიან.

“ზოგიერთი ტანკი იმიტომ დატოვეს, რომ საწვავი დაუმთავრდათ. ეს ლოჯისტიკური შეცდომაა. ზოგიერთი ტალახში ჩაეფლო, იმიტომ რომ უმაღლესმა სარდლობამ უკრაინაში შეჭრა წლის არცთუ ყველაზე ხელსაყრელ დროს გადაწყვიტა“– ამბობს სენტ ენდრიუსის უნივერსიტეტის სტრატეგიული კვლევების პროფესორი, ფილიპს ო ბრაიენი.

“ბევრი ტანკი ცუდი მართვის გამო გახდა უვარგისი. ზოგი ხიდებიდან გადავიდა. ზოგი არხებში ჩავარდა, რის შედეგადაც მუხლუხოები მოძვრა. სამხედროებს არ ქონდათ უნარი, საკუთარი ტექნიკა სწორად გამოეყენებინათ“– თვლის გაერთიანებული სამხედრო კვლევების სამეფო ინსტიტუტის სახმელეთო კონფლიქტების ანალიტიკოსი, ნიკ რეინოლდსი.

Rand Corporation и IISS–ის მონაცემებით, უკრაინაში შეჭრის წინ რუსეთს უკრაინის საზღვართან დაახლოებით 2700 ტანკი ყავდა მობილიზებული.

„პუტინი ყოველთვის დაუნდობელი იყო როგორც საკუთარი ხალხის, ასევე სხვების მიმართ. რაც ჩვენ ვნახეთ უკრაინაში შეჭრისას, არის ის, რომ რუსეთის პრეზიდენტი უგუნურია ისე, როგორც არ მოელოდით რვა, ათი წლის წინ, მაგრამ საფრთხე ყოველთვის იყო“

ამის შესახებ, აშშ-ის ყოფილმა პრეზიდენტმა, ბარაკ ობამამ, NBC-ისთვის მიცემულ ინტერვიუში განაცხადა.