Category: მსოფლიო

საერთაშორისო პოლიტიკის და უსაფრთხოების ექსპერტი რუსლან შავაძე, ხერსონში არსებულ ვითარებაზე საუბრობს და აცხადებს, რომ უკრაინელები მასირებული კონტრშეტევებისათვის ემზადებიან.

“უკრაინის შეიარაღებულმა ძალებმა სამხრეთის ფრონტის მიმართულებაზე(ხერსონის ოლქი) 18-19 ოქტომბრის განმავლობაში გაანადგურა საოკუპაციო ძალების 7 საბრძოლო მასალების საცავი და ცოცხალი ძალის კონცენტრაციის ადგლიმდებარეობა…

სამხრეთის მიმართულებაზე ეფექტურად მოქმედებს უკრაინის საჰაერო თავდაცვის ძალები წუხელ ნიკოლაევის მიმართულებაზე გაანადგურეს 12 ერთეული ირანული წარმოების Shahed-136-ის დრონი, სავარაუდოდ გერმანული ახლო მანძილზე მოქმედი საზენიტო სისტემა Gepard-ი სწორედ სამხრეთის ფრონტის მიმართულებაზე გადაისროლეს რითაც საჰაერო ძალების ეფექტურობა მნიშვნელოვნად გაიზარდა.

დნეპრის მარჯვენა სანაპიროდან რუსული საოკუპაციო ძალების დატოვებასთან გავრცელებული ცნობები როგორც ჩანს ცრუ მანევრია ოკუპანტების მხრიდან, რადგან მათ დაიწყეს ინტენსიურად საბრძოლო მასალების ყველა შესაძლო გზით ხერსონში 76 საჰაერო სადესანტო ნაწილების მომარაგება ასევე ცოცხალი ძალის სახით, გავრცელებული ინფორმაციით მდინარე დნეპრზე მათ განათავსეს საწვავის გადასაქაჩად მილი ორ ნაპირს შორს, ჯავშანტექნიკის საწვავით მოსამარაგებლად, ამასთანავე იყენებენ ადგილობრივ უკრაინელებს საბრძოლო მასალების გადასატანად მცურავი ბარჟების გამოყენებით, რომელსაც ბუნებრივია უკრაინის არმია არ ბომბავს…

რა ხდება ხერსონში(დნეპრის მარჯვენა სანაპირო) რეალურად?

უკრაინის არმია ემზადება მასირებული კონტრშეტევებისათვის, ამ შეტევების მიმართულება ბუნებრივია უცნობია და ეს დამოკიდებულია ბრძოლის ველზე შექმნილ ოპერატიულ ვითარებაზე, წინა პოსტში ავღნიშნე რომ რამდენიმე დღის წინ დუდჩანიდან ბერისლავის მიმრთულებაზე უკრაინელთა კონტრშეტევა ცრუ მანევრი იყო და ეს სწორედ ასეც მოხდა, გამომდინარე იქედან რომ ხერსონის ფრონტზე უკრაინის არმია ფლობს უპირატესობას თითქმის ყველა კომპონენტში რუსმა პროპაგანდისტებმა დაიწყეს მოსახლეობის მომზადება რომ მოსალოდნელი მარცხის მასშტაბები გადაფარონ, რადგან დნეპრის მარჯვენა სანაპიროს დაკარგვა პუტინის რეჟიმის პრესტიჟს კიდევ უფრო დააკნინებს და შიდა აუდიტორიას გაუქარწყლებს გამარჯვების მოლოდინებს (ოკუპანტებს არ უნდათ განმეორდეს ლიმანის და ხარკოვში განცდილი კრახი), ამასთანავე კრმელის კარზე დაიწყებენ მარცხში დამნაშავის ძებნას რომელსაც პუტინი შეეცდება გენერლებს გადააბრალოს….

ოკუპანტების მხრიდან უკრაინის ქალაქებისა და ენერგო ინფრასტრუქტურის მასშტაბური დაბმობვით შექმნილ ომში წარმატების იმიტაციას გენერალი სუროვიკინი კარგად ფუთავს ეს პუტინისათვის მაშველი რგოლი აღმოჩნდა ბრძოლის ველზე შექმნილი სავალალო მდგომარეობის გადასაფარად,თუმცა ამ დაბომბვებს არ მოჰყოლია ოკუპანტების მხრიდან ბრძოლის ველზე არც სტრატეგიული, ტაქტიკური და ოპერატიული ინიციატივის ხელში აღება, პირიქით ამან გამოიწვია უკურეაქცია რაც გამოიხატება უკრაინის არმიის დაჩქარებული ტემპით შეარაღების მიწოდებით და ევროპის საბჭოს მიერ(რომელსაც ნოემბერში ევროპარლამენტიც დაამტკიცებს) ტერორიზმის სპონსორ ქვეყნათა სიაში შეყვანით რაც მის გარდაუვალ კრახს დააჩქარებს…” – აცხადებს რუსლან შავაძე.

უკრაინის პრეზიდენტის ოფისის ხელმძღვანელი ანდრეი ერმაკი, ხერსონიდან მოსახლეობის ევაკუაციას “პროპაგანდისტული შოუს” უწოდებს.  ერმაკი აცხადებს, რომ რუსეთის საოკუპაციო ხელისუფლება ცდილობს დააშინოს ხერსონის მაცხოვრებლები “ქალაქის დაბომბვის შესახებ ყალბი ცნობით” და მოაწყოს “ევაკუაციასთან დაკავშირებული პროპაგანდისტული შოუ.”

მან ასევე აღნიშნა, რომ უკრაინის შეიარაღებული ძალები უკრაინის ქალაქებს არ დაბომბავს.

TASS-ი რეგიონის საოკუპაციო ხელისუფლებაზე დაყრდნობით იუწყება, რომ ხერსონში მაცხოვრებლების “ორგანიზებული მოძრაობა” დნეპრის მარჯვნიდან მარცხენა სანაპიროზე დაიწყო, სადაც დროებითი განსახლების ობიექტებია განლაგებული.

ანალიტიკოსი ზურა ბატიაშვილი განმარტავს, თუ რას ნიშნავს რუსეთისთვის, ხერსონის დათმობა.

”უკვე იმდენი რუსული წყარო წერს ხერსონიდან დაწყებულ ევაკუაციაზე, რომ დიდი ალბათობით, რუსები მას მალე დათმობენ. რას ნიშნავს ხერსონის დათმობა?

პირველ რიგში, მას სიმბოლური დატვირთვა აქვს. რუსულმა ბიდლომ არ იცის იზიუმისა და ლიმანის შესახებ. მაგრამ პროპაგანდის წყალობით იცის, რომ ხერსონი ამ ომის წყალობით “მიიერთა” (4 “მიერთებული” ოლქიდან ერთ-ერთია) რუსეთმა. ახლა კი იკარგება იგი. ანუ ყველაფერი ისე არ მიდის, როგორც ტელევიზორში უყვებიან.
მართალია რუსული პროპაგანდა შეეცდება რაღაცნაირად ხერსონიდან გასვლის “გაპრავებას”, მაგრამ მაინც ძნელი იქნება. ეს უკვე დასასრულის დასაწყისია, რადგან ბიდლო დასვამს ტრადიციულ რუსულ კითხვას: “ვინაა დამნაშავე და რა ვაკეთოთ?”

რუსეთში მზად არიან დიდი მსხვერპლისთვის, შიმშილისთვის, ახლობლების სიკვდილისთვისაც კი, მაგრამ იმ შემთხვევაში, თუ რუსეთი იმარჯვებს (რისი მაგალითიც II მსოფლიო ომია). მაგრამ ვერ იტანენ იმ მმართველებს, რომლებიც ომს აგებენ (მაგალითად ნიკოლოზ II-ის ჩამოგდება).

რუსეთის ისტორიის ეს ნიუანსები ძალიან კარგად იცის პუტინმა და ბუნებრივია, რომ ეშინია. ამ შიშის გამო დიდი მსხვერპლის მიუხედავად, დნეპრის მარჯვენა სანაპიროზე აჩერებდა რუსულ ნაწილებს. თორემ სამხედრო მოსაზრებებით რომ ეხელმძღვანელა, აქამდე უნდა გამოსულიყო იქიდან. ახლა კი სიტუაცია პირდაპირ აიძულებს რომ იქიდან გავიდეს.
გასვლაც ვერ უშველის. საერთოდ, ვერაფერი უშველის, რადგან მას მხოლოდ ცუდი სვლები აქვს დარჩენილი.

ისტორიის მსვლელობას ვერავინ შეაბრუნებს. პუტინიც დაემხობა და რუსეთის იმპერიაც!

უკრაინა გაიმარჯვებს!” – აცხადებს ბატიაშვილი.

“ხერსონის მიმართულებით რთული ვითარება გვაქვს” –  ამის შესახებ, უკრაინაში მოქმედი რუსეთის შეიარაღებული ძალების მეთაურმა, სერგეი სუროვიკინმა, სამთაბრობო-პროპაგანდისტული არხი Россия 24-სთვის მიცემულ ინტერვიუში განაცხადა.  მისი თქმით, უკრაინის შეიარაღებულ ძალებს ხერსონში იერიშები მიაქვთ ინფრასტრუქტურასა და საცხოვრებელ სახლებზე.

“მოცემული მიმართულებით განვითარდა რთული ვითარება. ხერსონში მოწინააღმდეგეს მიზანმიმართულად მიაქვს იერიშები ინფრასტრუქტურასა და საცხოვრებელ სახლებზე. HIMARS-ის რაკეტებით დაზიანებულია ანტონოვსკის ხიდი და კახოვკას ჰიდროელექტრო სადგურის წყალსაცავი, რომლის მიმართულებით მოძრაობაც შეწყვეტილია. […] ჩვენი შემდეგი გეგმები და მოქმედებები, თავად ქალაქ ხერსონთან დაკავშირებით, დამოკიდებული იქნება შექმნილ სამხედრო-ტექნიკური სიტუაციაზე. […] ვიმოქმედებთ შეგნებულად, დროულად, არ გამოვრიცავთ რთული გადაწყვეტილებების მიღებასაც”. – განაცხადა სუროვიკინმა.

საფრანგეთის მოსახლეობა შეძრწუნებულია 12 წლის გოგოს მკვლელობით, რომლის ცხედარი პარიზში, მისი სახლის ეზოში პლასტმასის კონტეინერში იპოვნეს.

12 წლის ლოლა დავიე პარასკევს დილით სკოლაში წავიდა, დღის მეორე ნახევარში კი სახლში არ დაბრუნდა. მამამ განგაში ატეხა. მალევე გოგოს ცხედარი უსახლკარო მამაკაცმა პარიზის 19–ე რაიონში მდებარე მრავალსართულიანი სახლის ეზოში აღმოაჩინა.

პოლიციამ საქმე აღძრა მუხლით – ბავშვის მკვლელობა დამამძიმებელ გარემოებებში წამების სახით. მოგვიანებით ბრალდებას სექსუალური ძალადობაც დაემატა.

საფრანგეთის სამართალდამცავმა ორგანოებმა მკვლელობაში ბრალი წაუყენეს ქალს, რომელსაც “ დაბია ბ“–ს უწოდებენ. მანამდე პრესაში გამოჩნდა ინფორმაცია, რომ ეჭვმიტანილი 24 წლის არის და ის საფრანგეთში ალჟირიდან გადავიდა საცხოვრებლად.

სამშაბათს საფრანგეთის შინაგან საქმეთა მინისტრმა, ჟერალდ დარმანენმა განაცხადა, რომ საქმესთან დაკავშირებით დაკავებულია 25 წლამდე ასაკის ქალი, რომელიც ქვეყანაში არალეგალურად იმყოფებოდა, თუმცა აქამდე პოლიციას არ დაუკავებია.

“ის რეგულარულად ჩამოდიოდა ჩვენი ქვეყნის ტერიტორიაზე როგორც სტუდენტი. დაახლოებით ერთი თვის წინ მას ჩვენი ტერიტორიის დატოვება მოსთხოვეს“–თქვა დარმანენმა რადიოსადგურ RTL-ის ეთერში.

ვრცელდება ინფორმაცია, რომ ლოლა იმ სახლის ზედამხედველის შვილი იყო, სადაც ეჭვმიტანილი დროებით დასთან ერთად ცხოვრობდა.

ბრალდების ვერსიით, ქალმა ლოლა თავის ბინაში შეიტყუა, “ბოროტი განზრახვით ჩაიდინა სექსუალური ხასიათის ქმედებები, რამაც ბავშვის სიკვდილი გამოიწვია, მისი ცხედარი კი კონტეინერში დამალა“. გამოძიებას აქვს გარე მეთვალყურეობის ვიდეოკამერების ჩანაწერები, რომელშიც ჩანს, რომ გოგო ეჭვმიტანილთან ერთად შენობაში შედის.

მოწმეთა ჩვენებით, ამის შემდეგ დაბია ბ. ქუჩაში დიდი პლასტმასის კონტეინერით ნახეს. მოწმეები ამბობენ, რომ ის უცნაურად იქცეოდა. ერთ–ერთი გამვლელის თქმით, ის მას დახმარებას  დახმარებას თხოვდა ფულის სანაცვლოდ, რომელიც “ორგანოებით ვაჭრობის საქმეში იშოვნა.“ თუმცა, პოლიცია ამ ვერსიას სერიოზულად არ განიხილავს და იხრება ვერსიისკენ, რომ ლოლას მკვლელობა რაიმე რაციონალური მოტივის გარეშე მოხდა. გამოძიებაც და სასამართლოც, რომელმაც დაბია ბ.–ს დაპატიმრების გადაწყვეტილება მიიღო, აღიარებენ, რომ ქალს ფსიქიური აშლილობის მძიმე ფორმა აქვს.

ადგილობრივი მედიის ინფორმაციით, ეჭვმიტანილი დროებით დასთან ცხოვრობდა. პოლიციაში ამბობენ, რომ მას საკუთარი სახლი არ ქონდა.

ბრალი წაუყენეს 43 წლის მამააცსაც, რომელიც მედიის ინფორმაციით შეიძლება ქალს ბავშვის ცხედრის ტარნსპორტირებაში ეხმარებოდა. პოლიცია კიდევ ორ ადამიანს კითხავს, რომლებიც მკვლელის თანამონაწილეობაში არიან ეჭვმიტანილი, თუმცა მათი ვინაობა არ სახელდება.

ცხედრის აღმოჩენის შემდეგ გაირკვა, რომ გოგოს ხელ–ფეხი შეკრული ქონოდა. სხეულზე ძალადობის მრავალი კვალი ემჩნეოდა, კისერზე კი ჭრილობა. თუმცა, გაკვეთამ აჩვენა, რომ ის გაგუდვისგან გარდაიცვალა. გოგონას ფეხსაცმელზე მიკრული იყო წარწერები ციფრებით “1“ და “0“.

დაკავებულ 43 წლის მამაკაცს გამოძიების ვერსიით, მკვლელობის შემდეგ გარკვეული დროის განმავლობაში ქალი გოგონას ცხედართან ერთად პარიზის გარეუბნებში დაჰყავდა, შემდეგ კი იმ სახლში დაბრუნდნენ, სადაც მკვლელობა მოხდა. იქ, მოწმეების ჩვენებით დებს შორის ხმამაღალი ჩხუბი მოხდა, შემდეგ კი დაბია ბ. ისევ წავიდა – ამჯერად კონტეინერის გარეშე.

პარასკევ–შაბათის ღამე მან პარიზის ჩრდილო–დასავლეთ გარეუბანში, ბუა–კოლომბში გაატარა, სადაც პოლიციამ დააკავა.

გამოძიების ვერსია რამდენიმე კამერის ჩანაწერს, სატელეფონო ზარებს და ჩხრეკისას აღმოჩენილ მტკიცებულებებს ეყრდნობა. დაკავებული ქალის ადვოკატი ხაზს უსვამს, რომ მის კლიენტს უდანაშაულობს პრეზუმფციის უფლება აქვს.

სკოლაში, სადაც 12 წლის გოგო სწავლობდა, ორშაბათს გლოვა იყო. სკოლაში განათლების მინისტრი პაპ ნდიაი და პარიზის მერი, ან იდალგო მივიდნენ. ამჟამად სკოლაში ფსიქოლოგიური მხარდაჭერის ჯგუფები მუშაობდნენ.

“ჩემი შვილი მთელი შაბათ–კვირა ტიროდა და საერთოდ არ ძინებია. უკვე ვეღარავის ვეღარ ვენდობით ამ რაიონში. ძალიან მეშინია ჩემი შვილების გამო“ – ამბობს გასმი, სოლის ერთ–ერთი მოსწავლის მამა.

“თითქოს შიგნიდან ყველაფერი ამომიტრიალდა. დღეს დილით შვილს სკოლაში გავყევი. რამდენიმე მეტრის დაშორებით მივყვებოდი. მისი უსაფრთხოებისთვის“–ამბობს კიდევ ერთი ქალი.

ცოტა  ხნის წინ დანიშნულმა რუსეთის არმიის გაერთიანებული ძალების მეთაურმა უკრაინაში, სერგეი სუროვიკინმა პირველი ინტერვიუ მისცა რუსულ მედიას და ხერსონის მიმართულებით სიტუაციას  დაძაბული უწოდა. ამასთან, განაცხადა, რომ არ გამორიცხავს “ რთული გადაწყვეტილებების მიღებას“.

სუროვიკინის ინტერვიუ ტელეარხ “Россия-24″–ის ეთერში გავიდა. გენერალმა პირველად აღიარა რთული სიტუაცია, რომელშიც რუსული არმია ხერსონთან აღმოჩნდა, რაზეც უკვე რამდენიმე კვირაა საუბრობენ უკრაინის ხელისუფლება და გარე დამკვირვებლები.

რუსი მეთაურის თქმით, “ნატო უკრაინისგან შეტევით ოპერაციებს მოითხოვს“ ხერსონის მიმართულებით, და “არაფრად აგდებს მსხვერპლს, როგორც უკრაინის შეიარაღებულ ძალებში, ისე მშვიდობიან მოსახლეობაში“.

მისი თქმით, რუსეთის შემდგომი გეგმები ხერსონთან მიმართულებაში დამოკიდებული იქნება იმაზე, თუ რა  სამხედრო–ტაქტიკური სიტუაცია შეიქმნება აქ, განაცხადა სუროვიკინმა და დასძინა, რომ არ გამორიცხავს “რთული გადაწყვეტილებების მიღებას“. მან ასევე ახსენა თითქოსდა მის ხელთ არსებული მონაცემები “კიევის მიერ ხერსონის რაიონში ომის აკრძალული მეთოდების გამოყენებისა და კახოვკის ჰიდროელექტროსადგურის დამბაზე სარაკეტო დარტყმის მზადების შესახებ.“

დამოუკიდებელი დამკვირვებლები არაერთხელ საუბრობდნენ იმაზე, რომ მას შემდეგ, რაც უკრაინის შეიარაღებულმა ძალებმა ამერიკული HIMARS–ების საშუალებით მწყობრიდან გამოიყვანეს მდინარე დნეპრის და მისი შენაერთების რამდენიმე ხიდი, მდინარის მარჯვენა სანაპიროზე რუსული დაჯგუფება ნორმალური მომარაგების გარეშე დარჩა, რამაც ეჭვქვეშ დააყენა რუსული არმიის მიერ ხერსონის შენარჩუნება.

ბრიტანეთის თავდაცვის მინისტრი მოულოდნელად აშშ–ში გაემგზავრა, რათა უკრაინაში არსებული უსაფრთხოების სიტუაცია, მათ შორის ბირთვული შეტევის საფრთხე განიხილოს.

ამის შესახებ გამოცემა Evening standard  წერს. ბენ უოლესმა გააუქმა თემთა პალატის თავდაცვის კომიტეტში გამოსვლა და აშშ–ში გაემგზავრა იმისათვის, რომ პენტაგონში და თეთრ სახლში შეხვედრები გამართოს.

ბრიტანეთის შეიარაღებული ძალების მეთაური, ჯეიმს ჰიპი ამბობს, რომ უოლესი შეხვდა თავის ამერიკელ კოლეგას “ისეთი საუბრისთვის, რომელიც სინამდვილეში დაუჯერებელია, მაგრამ ფაქტია, რომ ისეთ დროში ვცხოვრობთ, როცა ასეთი საუბრები აუცილებელია.“

გამოცემას თავდაცვის სამინისტროდან წყარო ეუბნება, რომ ბრიტანეთის თავდაცვის მინისტრი ვაშინგტონში უსაფრთხოების საკითხების განსახილველად წავიდა, მათ შორის უკრაინის უსაფრთხოებისა.

“ჩვენი ერთიანობა, ერთმანეთისადმი ჩვენი ყურადღება, საერთო ინტერესებისთვის ბრძოლისა და მუშაობის უნარი უკრაინის გამარჯვებისა და ტერორისტების დამარცხების გარანტიაა. არ არსებობს ისეთი იარაღი, რომელიც გატეხავს ერს, რომელმაც იცის, რისთვის იბრძვის და რას არ აპატიებს მტერს არასდროს,”

ამის შესახებ, უკრაინის პრეზიდენტმა, ვოლოდიმირ ზელენსკიმ განაცხადა.