Category: არქივი

ფინანსთა სამინისტროს საგამოძიებო სამსახურის თანამშრომლებმა კომერციული მოსყიდვის ფაქტზე, „საქართველოს რკინიგზის“ ორი თანამშრომელი დააკავეს. ინფორმაციას ფინანსთა სამინისტროს საგამოძიებო სამსახური ავრცელებს.

მათი ინფორმაციით, ბრალდებულებმა, რომლებსაც ევალებოდათ ქვეკონტრაქტორი კომპანიის მიერ განხორციელებულ სამუშაოებზე ზედამხედველობა, უკანონო მატერიალური სარგებლის მიღების მიზნით, კომპანიის დირექტორს, შესრულებული სამუშაოების საფასურად მიღებული თანხიდან, ე.წ. „ატკატის“ სახით მოსთხოვეს და გამოართვეს 2 440 ლარი.

გამოძიება საქართველოს სისხლის სამართლის კოდექსის 221-ე მუხლის მეოთხე ნაწილით მიმდინარეობს, რაც სასჯელის სახით 4-დან 6 წლამდე ვადით თავისუფლების აღკვეთას ითვალისწინებს.

“პანორამა-თბილისის”   მუშების მიერ გაკეთებული განცხადებების მიუხედავად კომპანიების პასუხისმგებლობა არ უნდა გამოირიცხოს – ამ განცხადებას “ადამიანის უფლებების სწავლებისა და მონიტორინგის ცენტრში” აკეთებენ.

EMC-ში მუსების  განცხადებებს ეხმაურებიან,რომლებმაც განაცხადეს რომ უსაფრთხოების ზომები თავად არ დაიცვეს და კომპანია არაფერ შუაშია.

არასამტავრობოში ამბობენ, რომ მათი  ამ განცხადების მიუხედავად,  კანონის შესაბამისად, პასუხისმგებლობა შრომის უსაფრთხოებასა და ზოგადად სამშენებლო უსაფრთხოებაზე უშუალოდ დამკვეთს ეკისრება.

„თუ რეალურად გამოიკვეთება მუშების პასუხისმგებლობა, არ გამოირიცხება კომპანიის პასუხისმგებლობა, რადგანაც კომპანიას გააჩნია კანონმდებლობის თანახმად შრომის უსაფრთხოებაზე და სამშენებლო უსაფრთხოებაზე ზედამხედველობის განხორციელების ვალდებულება. ამ შემთხვევაში ასევე უნდა შეფასდეს, რატომ გახდნენ მუშები მსგავსი განცხადების გაკეთების იძულების ქვეშ. შესაძლებელია ფაქტობრივი გარემოებები აიძულებდნენ მუშებს, მსგავსი პოზიცია დაიკავონ,“-აცხადებს ადამიანის უფლებების სწავლებისა და მონიტორინგის ცენტრის იურისტი ეთო გვრიტიშვილი.

ცოტა ხნის წინ,ზუგდიდში სოფელ გრიგოლიში 28 წლის ახალგაზრდას სამი ტყვია ესროლეს.ინფორმაციას ამის შესახებ ტელეკომპანია “რუსთავი 2 “ავრცელებს.  დაჭრილი ბესიკ ლაგვილავას მდგომარეობა მძიმეა, დაშავებულს გადაუდებელი ოპერაცია უტარდება. ექიმების ცნობით, ახალგაზრდა მამაკაცს ცეცხლსასროლი ჭრილობა გულმკერდისა და მუცლის არეში აღენიშნება.

„112-ის მიერ შემოყვანილი იქნა ახალგაზრდა მამაკაცი, რომელსაც აღენიშნებოდა სავარაუდოდ, ცეცხლსასროლი ჭრილობა გულმკერდისა და მუცლის არეში. შინაგანი ორგანოების დაზიანებით. პაციენტის მდგომარეობა მძიმეა, სასიცოცხლო ჩვენებით გადაყვანილია საოპერაციო ბლოკში“ – აცხადებს ზუგდიდის რეფერალური ჰოსპიტალის ექიმი, მაია ესებუა.

შემთხვევა „ქართული ოცნების“ შტაბის წინ მოხდა. დაუდასტურებელი ინფორმაციით, სავარაუდო დამნაშავე „ქართული ოცნების“ შტაბის უფროსია.

ჯერჯერობით უცნობია, დაპირისპირების მიზეზი. თვითმხილველების ინფორმაციით, დაპირისპირებაში სამი პირი მონაწილეობდა, რომლებსაც სიტყვიერი დაპირისპირება ჰქონდათ ერთმანეთში.

შსს-მ ფაქტზე გამოძიება სისხლის სამართლის კოდექსის 19-108 მუხლით დაიწყო, რაც განზრახ მკვლელობის მცდელობას გულისხმობს.

უწყების ცნობითვე, დანაშაულის სავარაუდოდ ჩამდენი პირის ვინაობა დადგენილია და მისი დაკავების მიზნით მიმდინარეობს საგამოძიებო ღონისძიებები.

“მე მგონია რომ სისტემის მძევალი გახდა ივანიშვილი”-ეს განცხადება ეკა ბესელიამ ტელეკომპანია “კავკასიას” ეთერში გადაცემა “ბარიერში” გააკეთა.

ბესელიამ “ქართული ოცნებიდან წამოსვლის მიზეზებსა  და ყოფილ თანამებრძოლებთან პრინციპულ განსხვავებებზე ისაუბრა. მისთვის მთავარი პრობლემა,  მოსამართლეთა სია და ის კანონპროექტია, რომლის განხილვა პარლამენტში დღესაც მიმდინარეობდა.

დეპუტატმა ივანიშვილთან პოზიციების თანხვედრაზეც ისაუბრა.ბესელიას  აზრით, ბიძინა ივანიშვილი მოსამართლეთა კლანის მძევალია და სწორედ ამიტომ ვერ იღებს პრონციპულ გადაწყვეტილებას.

“ესეთი განცდა მაქვს მე პირადად, რომ ის ნაწილი მოსამართლეების, რომელიც ნაციონალური მოძრაობის დროს ასრულებდა უკანონო დავალებებს, მათ ისე მოიძლიერეს თავი, რომ ამ სისტემის მძევალი გახდა ივანიშვილი”-განაცხადა ბესელიამ.

ბესელიამ სამომავლო პოლიტიკურ საქმიანობაზეც ისაუბრა და პროგნოზი გააკეთა, რომ “ქართულ ოცნებას” კიდევ რამდენიმე ადამიანი დატოვებს.

გიორგი ქობულია ეკონომიკისა და მდგრადი განივითარების მინისტრის აღარ არის.  ამის შესახებ ინფორმაციას მთავრობის ადმინისტრაციაში ადასტურებენ.  პრემიერ–მინისტრმა მამუკა ბახტაძემ,  ქობულიას გათავისუფლების შესახებ ბრძანებას ცოტა ხნის წინ მოაწერა ხელი. ეკონომიკის მინისტრის თანამდებობაზე გიორგი ქობულიას ნათია თურნავა შეცვლის.

გიორგი ქობულია ეკონომიკის მინისტრად 2018 წლის 12 ივლისს დაინიშნა.

პარლამენტში სახალხო დამცველის მოსმენა გადაიდო. 

ნინო ლომჯარიას პარლამენტში  უზენაესი სასამართლოს მოსამართლეთა არჩევასთან  დაკავშირებულ კანონპროექტთან დაკავშირებით უნდა ესაუბრა, თუმცა  დებატების გამო, ომბუდსმენის მოსმენა ვერ მოესწრო.

ლომჯარიას პარლამენტში  სავარაუდოდ, ხვალ მოუსმენენ.

ამ წუთებში საკანონმდებლო ორგანოში  „საერთო სასამართლოების შესახებ“ კანონში ცვლილებების პროექტის მეორე მოსმენით განხილვა მიმდინარეობს.