1 აშშ დოლარის ოფიციალური ღირებულება 2.7435 ლარი გახდა.
ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად აშშ დოლარი გამყარდა და მისმა ღირებულებამ 2.7435 ლარი შეადგინა. კურსი, რომელიც დღეს მოქმედებდა 2.7400 ლარი იყო. შესაბამისად, ლარი დოლართან მიმართებით 0.35 თეთრით გაუფასურდა.
გამყარდა ევრო, რომლის კურსი 3.0831 ლარია. მაშინ როცა დღეს მოქმედი კურსი 3.0770 ლარს შეადგენდა. შესაბამისად, ევროს ცვლილებამ 0.61 თეთრი შეადგინა.
ე.წ. ქუჩური გარჩევები სისხლის სამართლის წესით დასჯადი ხდება. შსს-ს მიერ მომზადებული ახალი კანონპრექტის მიხედვით, ამ დანაშაულისთვის სასჯელის მინიმალური ზომა ჯარიმა იქნება, მაქსიმალურ სასჯელად კი 2-წლიანი პატიმრობა განისაზღვრება.
იმ შემთხვევაში კი თუ დანაშაული ცეცხლსასროლი იარაღით ან სხვა საგნით იქნება ჩადენილი, სასჯელი დამძიმდება. ასევე, დამძიმდება სასჯელი თუ სრულწლოვანი არასრულწლოვანს ჩართავს ქუჩურ გარჩევაში.
„როგორც კი პოლიცია დაინახავს საქართველოს ქუჩებში შეკრებილ 50 ათას ადამიანს, პოლიცია გადავა ხალხის მხარეს“ – ეს განცხადება მიხერილ სააკაშვილმა მიუნხენში, ემიგრანტებთან კონფერენციაზე. ექსპრეზიდენტმა ოპოზიციის მიმართ წყენა გამოხატა და განაცხადა, რომ წინა არჩევნებისას სწორედ ოპოზიციამ შეუშალა ხელი საქართველოში დაბრუნებაში.
„ორ რამეზე ლაპარაკობდა ივანიშვილი არჩევნების წინ – თქვენ ქუჩაში ხომ არ გამოხვალთ და სააკაშვილს ჩამოიყვანთ. პასუხი რა იყო ოპოზიციის? – არა, ქუჩაში არ გამოვალთ, ჩენ მარტო არჩევნების გზითო. როდესაც მე ვეუბნებოდი ოპოზიციას, რომ ჩამოვდივარ, მოიცა, მოიცა, ნუ გვიშლი ხელს არჩევნების მოგებაში, მეორე ტურს ვიგებთო. ოთხი სხვადასხვა მარშრუტი მქონდა საქართველოში ჩასავლელი არჩევნების მეორე დღესვე, ორშაბთს. არა, არა, იყავი მანდო, არა, არა, მოგებული გვაქვსო. მერე რომ ეთქვათ, რომ არჩევნები წავაგეთ ამ პროვოკატორის გამოო, სად უნდა წავსულიყავი“ -განაცხადა მიხეილ სააკაშვილმა.
გაერთიანებული ოპოზიციის ზუგდიდის მერობის კანდიდატი სანდრა რულოვსი ამომრჩეველთან წინასაარჩევნო შეხვედრებს განაგრძობს.
თელავის მუნიციპალიტეტის ორ სოფელში ფშაველსა და ლალისყურში საბავშვო ბაღები ერთი კვირით დაიკეტა.გადაწყვეტილება თელავის მერიამ სტიქიის გამო მიიღო. სოფლებში სტიქიის დროს სასმელი წყლის სისტემა დაზიანდა.
გადაუღებელი წვიმების შედეგად ადიდებულმა მდინარემ სოფლების სასმელი წყლის სათავე ნაგებობა და გაყვანილობის სისტემა დააზიანა. მოსახლეობას წყალი ამ დროისთვის რეზერვუარების დახმარებით მიეწოდება. თელავის მერი შოთა ნარეკლიშვილი აცხადებს, რომ ბაღების დაკეტვა სწორედ წყლის პრობლემას უკავშირდება.
“საბავშვო ბაღები ერთი კვირით დავკეტეთ, ამ დროში მდინარის დონეც დაიკლებს და გაირკვევა, რა სირთულის სამუშაო გვექნება ჩასატარებელი სასმელი წყლის აღსადგენად. რაც შეეხება სოფლის სკოლას, რესურსცენტრთან ერთად ამ საკითხს განვიხილავთ, რა შეიძლება გაკეთდეს, რომ ბავშვებს ხელის დაბანა მაინც შეეძლოს”, – განაცხადა შოთა ნარეკლიშვილმა.
„ნაციონალური მოძრაობა“ ზუგდიდში ამომრჩევლის დაშინების და ზეწოლის მორიგ შემთხვევებს ასაჯაროებს. პარტიის წევრის ლევან ხაბეიშვილის თქმით, ზუგდიდში და ზუგდიდის სოფლებში „ქართული ოცნების“ მაღალჩინოსნები ამომრჩევლებს აშინებენ და თუ მათ პირადობის მოწმობებს არ მისცემენ, სამსახურებიდან გათავისუფლებით ემუქრებიან. „ნაციონალურ მოძრაობაში“ ამბობენ, რომ ხელისუფლებას ეშინია, რადგან ზუგდიდში მერის არჩევნებს აგებს და ამიტომ ამომრჩევლებზე ზეწოლისთვის ყველა მეთოდს მიმართავს. საჯარო სექტორში დასაქმებულების გარდა, ხაბეიშვილის თქმით, ადგილობრივი ხელისუფლება ბიზნესმენებს და კერძო პირებსაც ავიწროვებს.
გავრცელებული ინფორმაციით, ლატვიაში ნაციონალური საკალათბურთო ასოციაციის ერთ-ერთი ვარსკვლავი კრისტაპს პორზინგისი რუსმა გულშემატკივრებმა სცემეს.
კონფლიქტის მიზეზი გახდა ის, რომ კრისტაპსი ‘New-York Knick”-დან ”Dallas Mavericks”-ში გადავიდა, რამაც რუსი გულშემატკივრების უკმაყოფილება და პროტესტი გამოიწვია. აღნიშნულ ფაქტზე მიმდინარეობს გამოძიება. კლუბისგან ან მოთამაშისგან ამ დროისთვის სხვა ინფორმაცია არ ვრცელდება.
2019 წლის სექტემბრიდან სკოლის მასწავლებლებს ანაზღაურება ეზრდებათ. ხელფასის მატება უფროსის, წამყვანის ან მენტორის სტატუსის მქონე ყველა მასწავლებელს შეეხება.-ამის შესახებ განათლების მინისტრმა, მიხეილ ბატიაშვილმა ბრიფინგზე განაცხადა.
„განათლების კომპლექსური რეფორმის ფარგლებში, სკოლებში სწავლების ხარისხის გაზრდის მიზნით, განათლების სამინისტრო ზოგადი განათლების მიმართულებით ცვლილებების შემდეგ ეტაპს იწყებს. რეფორმის მიზანია სკოლებში ისეთი საგანმანათლებლო გარემოს ჩამოყალიბება, რომელიც მოსწავლეებს XXI საუკუნის გამოწვევების მისაღებად საჭირო ცოდნასა და უნარებს შესძენს. ამ მიზნის მისაღწევად კი აუცილებელია მაღალკვალიფიციური, მოტივირებული, თანამედროვე ცოდნით აღჭურვილი, ძლიერი მასწავლებლები, რომელთაც ღირსეული ანაზღაურება ექნებათ.
რეფორმის ფარგლებში, 2019 წლის სექტემბრიდან უფროსის, წამყვანის ან მენტორის სტატუსის მქონე ყველა მასწავლებელს ანაზღაურება 150 ლარით და მეტით გაეზრდება. ხელფასის ზრდა ყოველწლიურად გაგრძელდება და 2022 წლისთვის პედაგოგის საშუალო ანაზღაურება 1500 ლარს და მეტს გაუტოლდება. სახელფასო ზრდა ასევე შეეხებათ რესურსცენტრების, სკოლების დირექტორებს და ადმინისტრაციის თანამშრომლებს“, – განაცხადა ბატიაშვილმა.
რეფორმის მიხედვით, პრაქტიკოსი მასწავლებლები, რომლებიც 2019 წლის ზაფხულში დაადასტურებენ მინიმალურ კომპეტენციას და აიმაღლებენ სტატუსს, ასევე მიიღებენ გაზრდილ ანაზღაურებას ახალი სასწავლო წლის დადგომისას, 2019 წლის სექტემბრიდან.
პრაქტიკოს მასწავლებლებს, რომლებსაც უფროსი მასწავლებლის სტატუსის მისაღწევად მოთხოვნები ნაწილობრივ აქვთ შესრულებული, მიეცემათ შესაძლებლობა, აიმაღლონ სტატუსი დამატებითი კრედიტქულების მოპოვებით 2019 წლის ბოლომდე. მხოლოდ ამის შემდეგ მიიღებენ გაზრდილ და მზარდ ანაზღაურებას.
გარდა ამისა, მასწავლებლის სურვილის შემთხვევაში, პედაგოგების საჭიროებებიდან გამომდინარე, სახელმწიფო იზრუნებს პრაქტიკოსი საფეხურის მასწავლებელთა კვალიფიკაციის ამაღლებაზე შესაბამისი გადამზადების პროგრამებით და ამის შემდგომ, განმეორებით მისცემს მათ მინიმალური კომპეტენციის დადასტურებისა და სტატუსის ამაღლების შესაძლებლობას 2019 წლის შემოდგომაზე.
ამასთან, საპენსიო ასაკის ღვაწლმოსილ პედაგოგებს, რომელთაც არ ექნებათ მინიმალური კომპეტენციის დადასტურებისა და სტატუსის ამაღლების სურვილი, ეძლევათ პრივილეგია, მათი ნებაყოფლობითი არჩევანის საფუძველზე 2019 წელს სახელმწიფოსგან მიიღონ ერთჯერადი ფულადი ჯილდო – ორი წლის ჯამური ხელფასი; ამასთან, შეუნარჩუნდებათ ჯანმრთელობის დაზღვევის პაკეტი მთელი სიცოცხლის განმავლობაში (საჯარო სკოლების მასწავლებელთა ჯანმრთელობის სადაზღვევო ვაუჩერის პირობების შენარჩუნებით).
ყველა ის პრაქტიკოსი მასწავლებელი, რომელიც 2019 წლის ბოლომდე ვერც ერთი შესაძლებლობის ფარგლებში ვერ დაადასტურებს მინიმალურ კომპეტენციას და შესაბამისად, ვერ აიმაღლებს სტატუსს, შეძლებს პროფესიული საქმიანობის გაგრძელებას სკოლის საჭიროებიდან გამომდინარე – დროებითი ხელშეკრულების საფუძველზე ხელფასის შენარჩუნებით.
განათლების სამინისტროს ინფორმაციით, ზემოთ ჩამოთვლილ სიახლეებთან დაკავშირებით განხორციელდება შესაბამისი საკანონმდებლო და საბიუჯეტო ცვლილებები.
მასწავლებელთა რეგისტრაცია კომპეტენციის დასადასტურებლად 2019 წლის 13 მაისს დაიწყება და 24 მაისს, 18:00 საათზე დასრულდება. პრაქტიკოს მასწავლებლებსა და მასწავლებლობის მსურველებს რეგისტრაციის შესახებ ინფორმაციის მიღება და დარეგისტრირების საშუალება ექნებათ შემდეგ ვებგვერდებზე: www.naec.ge და online.naec.ge.
სამეგრელოში მოქალაქეები “ქართული ოცნების” მხრიდან მათი მოსყიდვის მცდელობასა და დაშინებაზე საუბრობენ. მოქალაქეების ის ნაწილი ვინც ოპოზიციის მიმართ კეთილგანწყობილია ამბობს, რომ მათთან „ქართული ოცნების” წარმომადგენლები მიდიან და 150 ლარის სანაცვლოდ სთხოვენ გადასცენ პირადობის მოწმობა, რათა მათ ვერ შეძლონ არჩევნებში მონაწილეობის მიღება, თუმცა თუ ამომრჩეველი მზად არის რომ 41 ნომერი შემოხაზოს, “ქართული ოცნება” მათ 200 ლარს სთავაზობს. მოქალაქეები რომლებიც სოციალურ დაუცველთა სიაში არ არიან და არც დევნილი სტატუსი აქვთ მათ 41 ნომრის შემოხაზვის სანაცვლოს 850 ლარამდე თანხას სთავაზობენ. ზუგდიდში მოქალაქეები მედიასთან საუბარს გაურბიან, მაგრამ პირად საუბრებში ისინი ადასტურებენ რომ “ოცნება” მათ მოსყიდვას ცდილობს.
„ჩვენთან იყო მოსული ოცნების წარმომადგენელი. ხმის მიცემის სანაცვლოდ გვითხრეს, დაგვპირდნენ, რომ ჩაგვირიცხავდნენ, ჩვენს ბარათებზე, დევნილის ბარათებზე 150 ლარს. ჩემთან, რომ მოვიდნენ მითხრეს, რომ სჭირდებოდათ პირადობა ჩემი და 150 ლარი ჩამერიცხებოდა ჩემს ბარათზე თუ 41 ნომერს შემოვხაზავდი. როგორც ვიცი იყვნენ ბევრთან მისულები,“-აცხადებს ერთ-ერთი მოქალაქე.
„სოციალურად დაუცველები ჩვენ არ ვართ და არაფერი. გვითხრეს რომ 850 ლარამდე თანხა დაგვერიცხებოდა იმ შემთხვევაში თუ მივცემდით ხმას. ანუ პირადობის მოწმობა უნდა წაეღო თვითონ იმას ვინც იყო ჩვენთან მოსულ, ის პიროვნება უნდა მოსულიყო, იმ პიროვნებას უნდა წავეყვანეთ და ხმას მივცემდით თვითონ როგორც უნდოდათ. ხალხი არის ქვეყანა, დევნილების ბინაში, რომ მიხვიდეთ პირდაპირ სახეში გეტყვიან მაგრამ კამერაში არ გეტყვიან იმიტომ, რომ ხალხს ეშინია ბინებს დაკარგავენ, სოციალურს დაკარგავენ,“-აცხადებს ერთ-ერთი ადგილობრივი