Category: არქივი

“პოლიცია არ იგვიანებს არსად”- შინაგან საქმეთა მინისტრმა გიორგი გახარიამ ოპოზიციის ლიდერების ბრალდებებს უპასუხა, რომლებიც ამბობენ, რომ ზუგდიდში მომხდარი ინციდენტის დროს, პოლიციამ ადგილზე მისვლა დაიგვიანა.

“პოლიცია არ იგვიანებს არსად, მერწმუნეთ ამაში. ამ კონკრეტულ შემთხვევაში დეტალურად გავერკვევი და წერილობით მოგახსენებთ, დააგვიანა თუ არა,”-განაცხადა გახარიამ.

შეგახსენებთ, რომ ზუგდიდში, დადიანების სასახლის პარკში სანდრა რულოვსის ინტერვიუს დროს ოპოზიციის წევრებს თავს დაესხნენ. რულოვსი ინტერვიუს ტელეკომპანია “ოდიშს” აძლევდა, როდესაც უცნობი პირები გამოჩნდნენ და მერობის კანდიდატს სიტყვიერი, ხოლოდ გადამღებ ჯგუფს ფიზიკური შეურაცხყოფა მიაყენეს.

თბილისში, კოსტავას N75-ში, მუშა დაიღუპა. ადგილზე მისულ სასწრაფო დახმარების ბრიგადას მამაკაცი უკვე გარდაცვლილი დახვდა.

თვითმხილველები ჰყვებიან, რომ ახალგაზრდა მამაკაცი მე-15 სართულიდან გადმოვარდა, მუშაობისას დამცავი ღვედი ეკეთა, რომელიც სავარაუდოდ გაწყდა.

შემთხვევის ადგილზე ამ წუთებში სამართალდამცავები მუშაობენ.

არავის არ მივცემთ იმის საშუალებას, რომ დეზინფორმაციით მოხდეს დისკრედიტაცია არჩევნების – ეს განცხადება, შინაგან საქმეთა მინისტრმა  გიორგი გახარიამ გააკეთა.  გახარია ოპოზიციის ბრალდებებს გამოეხმაურა, რომლის მიხედვითაც, მმართველი გუნდი არჩევნების მოგებას ზეწოლისა და მოსყიდვით ცდილობს.

“არავის არ მივცემთ იმის საშუალებას, რომ დეზინფორმაციით მოხდეს დისკრედიტაცია არჩევნების. ყველას მოვუწოდებთ მისცენ ჩვენს მოქალაქეებს საშუალება მშვიდად გამოხატონ არჩევანი. ჩვენ შევაფასებთ მდგომარეობას როგორც ზუგდიდში, ასევე მარნეულში, ზესტაფონში, და დამკვირვებლებთან ერთად გადავწყვეტთ რა რაოდენობით უნდა იყოს პოლიცია წარმოდგენილი.

კიდევ ერთხელ იმეორებ, რომ შინაგან საქმეთა მაქსიმალურად უზრუნველყოფს ჩვენი მოქალაქეების მიერ არჩევანის გამოხატვის თავისუფლება,”-განაცხადა  გახარიამ.

ავტოსაგზაო შემთხვევა ბათუმი-ქობულეთის ცენტრალურ ავტომაგისტრალზე-ჩაქვში მიკროავტობუსი მდინარეში გადავარდა.

შინაგან საქმეთა სამინისტროს ინფორმაციით,ავტომანქანაში მხოლოდ მძღოლი იმყოფებოდა, რომელიც არ დაშავებულა.

შსს-ს ცნობით, ავტომობილის მძღოლი ადმინისტრაციული სამართალდარღვევის ფაქტზე დაჯარიმდა.

“ძალიან გიხდებათ ბატკნის ქურქი, მაგრამ აქ ჩანს ბრჭყალები” -პარლამენტის სესიაზე   ნუკრი ქანთარიამ ოპოზიციას მიმართა.

„ბოლო ხანებში მე ვხედავ, უკვე გარკვეულ მიზანმიმართულ ქმედებას „ნაციონალური მოძრაობის“ ორივე ფლანგიდან, რომლებიც მაქსიმალურად ცდილობენ სიტუაცია გადაიყვანონ აბსოლუტურად სხვა სიბრტყეში. ვფიქრობ, სამართალთან მათი საუბარი არის გამორიცხული, თუმცა უნდა ვაღიარო, რომ ძალიან გიხდებათ ბატკნის ქურქი, მაგრამ აქ ჩანს ბრჭყალები, რომელიც მოჭრილია, მაგრამ მეტ-ნაკლებად იზრდება. მაგრამ ეს არ გაძლევთ საშუალებას იმისას, რომ სამართლიანობის ის თეზები, რომელიც თქვენ მოგაქვთ ხოლმე ხალხმა დაიჯეროს.ალბათ სხვა ხერხებზე უნდა გადახვიდეთ და დაემორჩილოთ იმ წესებს რა წესებიც მიღებულია საერთაშორისო სამართლით. მცდელობა არის სწორედ, როგორც სამეგრელოში ისე სხვა კუთხეებში, ვხედავ ამ შუალედურ არჩევნებზე. ეს არჩევნები მაინც არის პრინციპული არჩევნები და დარწმუნებული ვარ, რომ სამეგრელოს მოსახლეობა არ გააცინებს მტერს,“-განაცხადა ქანთარიამ.

ხვალ,პარლამენტში, ეკონომიკისა და მდგრადი განვითარების ყოფილი მინისტრი გიორგი ქობულია მივა.

ქობულიას 13:00 საათზე, პარლამენტის კინოდარბაზში მოუსმენენ. 

„დეპუტატების გარკვეულმა ჯგუფმა ეკონომიკის ყოფილ მინისტრს გიორგი ქობულიას წერილი გავუგზავნეთ და პარლამენტში, ღია ფორმატში მოსვლა შევთავაზეთ. შეხვედრა გაიმართება პარლამენტარებთან, ვისაც დააინტერესებს საქმიანობა, რაც გიორგი ქობულიამ რვა თვის განმავლობაში გასწია და დააინტერესებს ეკონომიკის განვითარებასთან დაკავშირებით მისი ხედვები. დაგროვდა ბევრი კითხვა. შეხვედრა გაიმართება ხვალ, 13:00 საათზე, კინოდარბაზში“, – განაცხადა ლევან კობერიძემ პარლამენტის პლენარულ სხდომაზე.

ზუგდიდში, დადიანების სასახლის პარკში სანდრა რულოვსის ინტერვიუს დროს ოპოზიციის წევრებს თავს დაესხნენ. რულოვსი ინტერვიუს ტელეკომპანია “ოდიშს” აძლევდა, როდესაც უცნობი პირები გამოჩნდნენ და მერობის კანდიდატს სიტყვიერი, ხოლოდ გადამღებ ჯგუფს ფიზიკური შეურაცხყოფა მიაყენეს.

„ძალიან უხეშად მოვიდნენ გინებით, ქართულად მეგრულად. არ გვამუშავეს. ჩვენ აქ პატარა გადაღება გვქონდა. ჩხუბზე გადავიდნენ. ჩვენს ჟურნალისტს, ფოტოგრაფს გაეკიდნენ, დასდევდნენ. მერე ჩვენ პოლიციას ვთხოვეთ, რომ შეატყობინეთ პოლიციასთქო, მაგრამ არავინ გამოჩნდა, ახლა მოვიდნენ,რ ოცა ისინი უკვე წასულები არიან,“-განაცხადა რულოვსმა.

ზუგდიდის პოლიციის უფროსის, ირაკლი ფაცაციას განცხადებით, უკვე მიმდინარეობს საკითხის შესწავლა და დანაშაულის გამოკვეთის შემთხვევაში დაიწყება გამოძიება.

მოისყიდეთ, დააშინეთ და გააკეთეთ ყველაფერი იმისათვის, რომ არჩევნებში “ქართულმა ოცნებამ” გაიმარჯვოს. ზევიდან ყველაფერზე თანხმობაა“ – “რუსთავი 2”-მა  ანონიმური წყაროს მიერ მიწოდებული ფარული ვიდეოჩანაწერი გაავრცელა.

ტელეკომპანიის ცნობით,  ჩანაწერში ზუგდიდის საკრებულოს დეპუტატი გია დანელია ფიგურირებს, მეორე პირს უხსნის თუ რა დავალებები აქვს მას.

ჩანაწერში დანელია მეორე პირს უყვება, როგორ უნდა  მოისყიდონ მოქალაქეები ნებისმიერ ფასად. ვისაც ვერ მოისყიდიან დააშინონ, ვისაც ვერ დააშინებენ, გაიტაცონ და 19 მაისს საარჩევნო ყუთთან მისვლის საშუალება არ მისცენ.

“რუსთავი 2”-თან საუბრისას გია დანელია აცხადებს, რომ ჩანაწერში თავად არ არის.

“ჩემი ხმა არ არის, ფალსიფიცირებულია, გამორიცხულია, მე არ ვარ”, – აცხადებს დანელია.

4 წლის ბიჭი მე-8 სართულიდან „ადამიანი ობობას“ ფორმით გადახტა. ბავშვი იაშვილის კლინიკაში გადაიყვანეს, ექიმების განცხადებით, პაციენტის მდგომარეობა  დამაკმაყოფილებელია.

ბავშვს კლინიკიდან, სავარაუდოდ, დღეს გაწერენ.

შემთხვევა 8 მაისს თბილისში, გლდანში მოხდა.

ვანო მერაბიშვილს ვადაზე ადრე გათავისუფლებაზე უარი “ურჩობის” გამო ეთქვა.

11 აპრილს სპეციალური პენიტენციური სამსახურის ადგილობრივმა საბჭომ საქართველოს ყოფილი პრემიერ-მინისტრისა და შინაგან საქმეთა მინისტრის, ვანო მერაბიშვილის პირობით ვადამდე გათავისუფლების საკითხზე იმსჯელა და პატიმარს ვადამდე ადრე გათავისუფლებაზე უარი ეთქვა. საბჭოს გადაწყვეტილების მიხედვით, არ მომხდარა მსჯავრდებული მერაბიშვილის რესოციალიზაცია და არ შეცვლილა მისი დამოკიდებულება მის მიერ ჩადენილი არც ერთი დანაშაულის მიმართ.

საბჭოს გადაწყვეტილების დოკუმენტი”ნიუპოსტმა” მოიპოვა. დოკუმენტში თანდართულია სოციალური მუშაკისა და ფსიქოლოგის დასკვენები სადაც გაწერილია თუ რა დამოკიდებულებები აქვს მსჯავრდებულს, მათი თქმით, მერაბიშვილი გრძნობს მხოლოდ პოლიტიკურ პასუხისმგებლობას, რადგან მისი განმარტებით პოლიტიკური ლიდერი ვალდებულია პასუხისმგებლობა აიღოს თავის თავზე, თუმცა არ გრძნობს პასუხისმგებლობას ჩადენილი დანაშაულის გამო.

დასკვნაში მითითებულია, რომ #9 პენიტენციურ დაწესებულებაში მსჯავრდებულს არაერთხელ შესთავაზეს სხვადასხვა სოციალურ აქტივობებში მონაწილეობა, თუმცა ყოველ ჯერზე უარს აცხადებდა.

უწყება მერაბიშვილის ურჩობაზე ამახვილებს ყურადღებას, დოკუმენტში კონკრეტული აქტივობებია ჩამოთვლილი, რომელშიც მათი დასკვნით, მერაბიშვილმა მონაწილეობა არ მიიღო. ამ აქტივობებს შორისაა ინტელექტუალური თამაშები, ხელოვნების კურსი და საშობაო ესსეს წერა. როგორც ირკვევა პენიტენციურმა დაწესებულებამ მერაბიშვილისგან უარი სპორტულ აქტივობებში ჩართვაზეც მიიღო.

მერაბიშვილის ადვოკატები უდოს კომისის მორიგ უარს სასამართლოში გაასაჩივრებენ.

შეგახსენებთ, რომ შეგახსენებთ, „უდოს“ კომისიამ ერთხელ უკვე გამოიტანა უარყოფითი გადაწყვეტილება მერაბიშვილის ციხიდან გათავისუფლების საკითხზე, 25 თებერვალს კი საქალაქო სასამართლოს გადაწყვეტილების საფუძველზე საკითხის ხელახლა განხილვა დაეკისრა.