Category: არქივი

პრემიერ-მინისტრის გუშინდელი გამოსვლა მახათას მთაზე აზრთა სხვადასხვაობის საგანი გახდა.  ბახტაძის სიტყვით გამოსვლისას ხმა შენელებული იყო და წყდებოდა. საზოგადოების ნაწილმა ეს ფაქტი ტექნიკურ ხარვეზს დააბრალა, ხოლო დანარჩენებმა პრემიერის შესაძლო არაფხიზელ მდგომარეობაზე გაამახვილეს ყურადღება.

პრემიერის გამოსვლის ტრანსლირებას საზოგადოებრივი მაუწყებელი ახდენდა. მაუწყებელმა განცხადება გაავრცელა, სადაც აგანმარტა, რომ ტრანსლაციის დროს ტექნიკური ხარვეზი დაფიქსირდა.

მამუკა ბახტაძის თქმით, მომხდარ ფაქტზე მოკვლევის შემდეგ და შესაბამისი რეაგირება ექნება. 

“აუცილებლად გავერკვევი და შესაბამისი რეაქციაც მექნება, როდესაც დასრულდება მოკვლევა. მოკვლევა მიმდინარეობს და მე გარწმუნებთ, რომ თითოეულ ნიუანსში პირადად გავერკვევი და შესაბამისი რეაქციაც მექნება“ – აღნიშნა მამუკა ბახტაძემ.

მამუკა ბახტაძემ მომხდართან დაკავშირებით, განმარტება გუშინ სპეციალურ ბრიფინგზეც  გააკეთა. მან ტექნიკურ ხარვეზებზე ისაუბრა. 

ბათუმში, ვაჟა ფშაველას ქუჩაზე აღსრულების ბიუროს წარმომადგენლები მივიდნენ. დღეს, მიქელაძეების 14 წევრიანი ოჯახის გამოსახლებაა ჩანიშნული. მევახშე უძრავი ქონების დათმობას ითხოვს. ამბობს, რომ ოჯახმა საცხოვრებელი სახლი უნდა დაცალოს. ინფორმაციას ამის შესახებ აჭარის ტელევიზია ავრცელებს.

მიქელაძეების თქმით, დაახლოებით სამი წლის წინ, 37 ათასი დოლარი აიღეს, რომლის დროულად დაბრუნება ვერ შეძლეს. დღეს ისინი მევახშეს გაორმაგებულ თანხას სთავაზობენ, თუმცა ირწმუნებიან, რომ ის პირობებს არ თანხმდება და 85 ათას დოლარს ითხოვს.

”ამხელა ფულს ვერ გადავუხდით, ფიზიკურად არ გვაქვს. მევახშეს 50 000 დოლარს გადავუხდით. იქნებ მთავრობა რამეში დაგვეხმაროს, ან მოლაპარაკების პროცესში ჩაერთოს, ან ბანკთან შუამდგომლობა გაგვიწიონ” -განუცხადა აჭარის საზოგადოებრივ მაუწყებელს ჯაბა მიქელაძემ.

მაუწყებლის ცნობით,ადგილზე უფლებადამცველებიც იმყოფებიან.

​”თუ ხელისუფლება დაპირებას არ შეასრულებს, მსგავსი პრობლემის წინაშე ოჯახები კვლავ დადგებიან. ამ ხალხს დახმარება სჭირდება” – აცხადებს  უფლებადამცველი.

გამოსახლება ერთი წლის წინაც იგეგმებოდა, თუმცა მაშინ გადაიდო. ოჯახის ერთ-ერთ წევრს ჯანმრთელობის პრობლემები აქვს.

ადგილზე  საპროტესტო აქცია მიმდინარეობს.

ევროპის რეკონსტრუქციისა და განვითარების ბანკმა (EBRD) თიბისი ბანკი საერთაშორისო ვაჭრობის დაფინანსების კუთხით კიდევ ერთხელ დაასახელა ყველაზე აქტიურ ბანკად საქართველოში. აღნიშნული ჯილდო ბანკმა უკვე მეხუთედ მიიღო.

დაჯილდოების ყოველწლიური ცერემონია ბოსნია და ჰერცოგოვინის დედაქალაქ
სარაევოში გაიმართა, სადაც EBRD-ის წარმომადგენლებმა 2018 წლის წარმატებულ პარტნიორ ბანკებს უმასპინძლეს.

„ვაჭრობის დაფინანსება ეკონომიკური განვითარების ერთ-ერთი უმნიშვნელოვანესი კომპონენტია. ჩვენი პარტნიორი ბანკები აქტიურად უჭერენ მხარს კომპანიებს და ხელს უწყობენ მათ განვითარებას. ჩვენთვის დიდი პატივია მსოფლიოს სამი კონტინენტიდან ასეთ ორგანიზაციებთან თანამშრომლობა. დღევანდელი დაჯილდოების ცერემონიით გვსურს, გამოვხატოთ მადლიერება და პატივისცემა ფინანსური ინსტიტუტების მიმართ“, – განაცხადა ევროპის რეკონსტრუქციის და განვითარების ბანკის მმართველმა დირექტორმა, ფრანცის მალიგმა.

EBRD-ის ვაჭრობის ხელშეწყობის პროგრამა (Trade Facilitation Programme), რომელიც 1999 წელს დაფუძნდა, მიზნად ისახავს საერთაშორისო ვაჭრობის მხარდაჭერას იმ ქვეყნებში, სადაც ევროპის რეკონსტრუქციისა და განვითარების ბანკი ინვესტიციებს ახორციელებს. პროგრამის ფარგლებში, EBRD გასცემს გარანტიებს პარტნიორი ბანკებისთვის ადგილობრივი ექსპორტიორების, იმპორტიორებისა და დისტრიბუტორების დაფინანსების მხარდასაჭერად. დღეს ვაჭრობის ხელშეწყობის პროგრამა 26 ქვეყნის 94 ბანკთან თანამშრომლობს, ხოლო 800-ზე მეტი ბანკისთვის გაცემული ფინანსური მხარდაჭერა 1.5 მილიარდ ევროს აღემატება.

თიბისი ბანკი EBRD-ის ვაჭრობის ხელშეწყობის პროგრამის წევრი 1999 წელს გახდა.

ევროპის რეკონსტრუქციისა და განვითარების ბანკმა (EBRD) თიბისი ბანკი საერთაშორისო ვაჭრობის დაფინანსების კუთხით კიდევ ერთხელ დაასახელა ყველაზე აქტიურ ბანკად საქართველოში. აღნიშნული ჯილდო ბანკმა უკვე მეხუთედ მიიღო.

დაჯილდოების ყოველწლიური ცერემონია ბოსნია და ჰერცოგოვინის დედაქალაქ
სარაევოში გაიმართა, სადაც EBRD-ის წარმომადგენლებმა 2018 წლის წარმატებულ პარტნიორ ბანკებს უმასპინძლეს.

„ვაჭრობის დაფინანსება ეკონომიკური განვითარების ერთ-ერთი უმნიშვნელოვანესი კომპონენტია. ჩვენი პარტნიორი ბანკები აქტიურად უჭერენ მხარს კომპანიებს და ხელს უწყობენ მათ განვითარებას. ჩვენთვის დიდი პატივია მსოფლიოს სამი კონტინენტიდან ასეთ ორგანიზაციებთან თანამშრომლობა. დღევანდელი დაჯილდოების ცერემონიით გვსურს, გამოვხატოთ მადლიერება და პატივისცემა ფინანსური ინსტიტუტების მიმართ“, – განაცხადა ევროპის რეკონსტრუქციის და განვითარების ბანკის მმართველმა დირექტორმა, ფრანცის მალიგმა.

EBRD-ის ვაჭრობის ხელშეწყობის პროგრამა (Trade Facilitation Programme), რომელიც 1999 წელს დაფუძნდა, მიზნად ისახავს საერთაშორისო ვაჭრობის მხარდაჭერას იმ ქვეყნებში, სადაც ევროპის რეკონსტრუქციისა და განვითარების ბანკი ინვესტიციებს ახორციელებს. პროგრამის ფარგლებში, EBRD გასცემს გარანტიებს პარტნიორი ბანკებისთვის ადგილობრივი ექსპორტიორების, იმპორტიორებისა და დისტრიბუტორების დაფინანსების მხარდასაჭერად. დღეს ვაჭრობის ხელშეწყობის პროგრამა 26 ქვეყნის 94 ბანკთან თანამშრომლობს, ხოლო 800-ზე მეტი ბანკისთვის გაცემული ფინანსური მხარდაჭერა 1.5 მილიარდ ევროს აღემატება.

თიბისი ბანკი EBRD-ის ვაჭრობის ხელშეწყობის პროგრამის წევრი 1999 წელს გახდა.

20 მაისიდან მართვის მოწმობის თეორიულ გამოცდაზე რეგისტრაცია მომსახურების სააგენტოს ვებგვერდზე, ან სწრაფი გადახდის აპარატის საშუალებით იქნება შესაძლებელი. ამის შესახებ განცხადება შინაგან საქმეთა სამინისტრომ გააკეთა.

უწყების ინფორმაციით, მოქალაქეებს სახლიდან გაუსვლელად შეუძლიათ დაგეგმონ გამოცდის ადგილი და დრო.

“ელექტრონული რეგისტრაციის მსურველი პირები შეძლებენ სააგენტოს ვებ-გვერდ sa.gov.ge -ზე შეავსონ ელექტრონული განაცხადი, აირჩიონ სასურველი დრო და ქალაქი და გადაიხადონ სერვისის საფასური.
ონლაინ დარეგისტრირებული პირი, შინაგან საქმეთა სამინისტროს მომსახურების სააგენტოში, თეორიულ გამოცდაზე მინიმუმ 10 წუთით ადრე უნდა გამოცხადდეს. მოქალაქემ სააგენტოში უნდა წარადგინოს პირადობის დამადასტურებელი მოწმობა, ჯანმრთელობის მდგომარეობის შესახებ ცნობა და საფასურის გადახდის დამადასტურებელი დოკუმენტი (მოკლე ტექსტური შეტყობინება – SMS, ან ელექტრონული ქვითარი).
მართვის მოწმობის თეორიულ გამოცდაზე ელექტრონულად დარეგისტრირების გარდა, გამოცდაზე რეგისტრაცია მომსახურების სააგენტოს ნებისმიერ სერვისცენტრშია შესაძლებელი.
დამატებითი ინფორმაციის მიღება შესაძლებელია მომსახურების სააგენტოს ცხელ ხაზზე – 2 41 91 91, ასევე, ონლაინ საკომუნიკაციო არხებით: ვებგვერდზე www.sa.gov.ge, ან სააგენტოს Facebook-გვერდზე,”- აღნიშნულია უწყების განცხადებაში.

გუშინ ღამით ფილადელფიაში გადამწყვეტი თამაში გაიმართა ფილადელფიასა და ტორონტოს შორის. მატჩის გამარჯვებული აღმოსავლეთ კონფერენციის ფინალში მილუოკი ბაქსს დაუპირისპირდებოდა.

სერიის ბედი კავაი ლეონარდის ურთულესმა ტყორცნამ გადაწყვიტა, რომელიც სროლის შემდეგ ფარს რამდენიმეჯერ მოხვდა და მხოლოდ ამის შემდეგ ჩაეშვა კალათში.

კავაის ანგარიშზე 41 ქულა, 8 მოხსნა, 3 შედეგიანი გადაცემა და 3 ჩაჭრა იყო. იგი საკუთარ გუნდში უპირობო ლიდერი იყო მთელი სერიის განმავლობაში. მასპინძლებიდან საუკეთესო ჯოელ ემბიდი გახდა, რომელსაც 45 წუთში 21 ქულა, 11 მოხსნა და 4 შედეგიანი გადაცემა მოუგროვდა.

აღსანიშნავია ის ფაქტიც, რომ კავაი ლეონარდმა ამ სერიაში 243 ქულა ჩააგდო, რაც მაიკლ ჯორდანის შემდეგ საუკეთესო შედეგია.

გუშინ, 12 მაისს იაპონიის დედაქალაქ ტოკიოში სტარტი აიღო სუმოში წლის რიგით მესამე ტურნირმა, ნაცუ ბაშომ. 

როგორც მოგეხსენებათ, აღნიშნულ ტურნირზე ლევან გორგაძე დაქვეითებული რანგით, ”სეკივაკეს” წოდებით გამოდის და მას 10 გამარჯვება სჭირდება, რათა ოძეკობა დაიბრუნოს. ტურნირი ქართველმა გოლიათმა წარმატებით დაიწყო. საწყის ორ ბრძოლაში მან ორი დამაჯარებელი გამარჯვება მოიპოვა. პირველ დღეს ტოჩინოშინი რანგით მესამე მაეგაშირა ჩიოტაირიუს შეხვდა და მარტივად დაამარცხა. ხოლო დღეს, ტურნირის მეორე დღეს მეორე მაეგაშირა დაეიშოს შეხვდა და ვერც მან მოახერხა ქართველისთვის განსაკუთრებული წინააღმდეგობის გაწევა.

ხვალ ლევანი მეოთხე მაეგაშირა ოკინოუმი იქნება. რანგის მიუხედავად ოკინოუმი ლევანისთვის უხერხული მეტოქეა. ისინი 12-ჯერ შეხვდნენ ერთმანეთს, საიდანაც ქართველი 5-ჯერ დამარცხდა. თუმცა უნდა აღინიშნოს ის ფაქტიც, რომ ოკინოუმის ამ ბაშოზე ჯერ-ჯერობით გამარჯვება არ აქვს და ძალიან სუსტად გამოიყურება, ლევანი კი პირიქით ძალიან კარგ ფორმაში იმყოფება.

შეგახსენებთ, ტურნირზე ტრავმის გამო ვერ ასპარეზობს ლეგენდარული სუმოისტი ჰაკუჰო.

გალის რაიონის მკვიდრს, რობერტ გაწერელიას, აფხაზეთის დე ფაქტო რესპუბლიკის პასპორტში, ეროვნების გრაფაში “მეგრელი” ჩაუწერეს.

როგორც ადგილობრივ ტელევიზიასთან  “გალ TV-სთან” საუბარში  რობერტ გაწერელია ჰყვება, მას აფხაზური პასპორტი,ჰქონდა  სადაც ეროვნებად “ქართველი” ეწერა, თუმცა ეროვნების შეცვლა მოითხოვა.

”მივმართე საპასპორტო განყოფილებას და ისტორიული სამართლიანობის აღდგენა მოვთხოვე,”-განაცხადა გაწერელიამ.

გაწერელიას განცხადებით, გარკვეული პროცედურების გავლის შემდეგ  მისი პასპორტის ეროვნების გრაფაში სასურველი “ეროვნება” მეგრელი ჩაიწერა.

“ ჩემი წინაპრების სულებმაც გაიხარეს. ისინი სულ ოცნებობდნენ, მეგრელებად ჩაწერილიყვნენ”, –განაცხადა  რობერტ გაწერელიამ.

ყოფილ პატიმართა და  პირობითი მსჯავრის ქვეშ მყოფი არასრულწლოვნების რეაბილიტაციისა და რესოციალიზაციის ხელშეწყობისათვის   ტატუს მოსაშორებლად სახელმწიფო პროგრამის ფარგლებში 48 ათასი ლარი გამოიყო. ამის შესახებ იუსტიციის მინისტრმა თეა წულუკიანმა განაცხადა.

„იუსტიციის სამინისტრო 48 ათას ლარს გასცემს არასამთავრობო ორგანიზაციაზე იმისათვის, რომ ყოფილ პატიმრებს, ან პატიმრებს, რომლებიც №2 და №11 საპყრობილეში იხდიან სასჯელს, მოაცილონ ტატუ, რომელიც  ხელს უშლის მათ რეაბილიტაციასა და რესოციალიზაციაში. ტატუს ამოშლა არის უფრო და უფრო რთული, უფრო და უფრო ძვირი. მინდა მოვუწოდო, რომ არ დაიზიანონ ხელები, კანი. იმიტომ რომ ეს არ არის მარტივი მოსაშორებელი ამიტომ ჩვენ ამ თანხად 48 ათას ლარად მხოლოდ 60-მდე ბენეფიციარს შევძლებთ რომ მოვაშოროთ ტატუ. რესოციალიზაციისთვის ეს ძალიან მნიშვნელოვანია, ჩვენ 2013 წლიდან 130-მდე ყოფილ პატიმარს მოვაშორეთ ტატუ, რამაც მათ საშუალება მისცა რომ ჩვენი საზოგადოების სრულფასოვან წევრებად ეგრძნოთ თავი,”-განაცხადა თეა წულუკიანმა.

ტატუს მოშორება ყოფილი პატიმრებისთვის რეაბილიტაციისა და რესოციალიზაციის სახელმწიფო პროგრამის ფარგლებში ხორციელდება. პროგრამა 2012 წელს თეა წულუკიანის ინიციატივით ამოქმედდა.

“ყოფილ პატიმრებს სხეულზე გაკეთებული ნახატები სასჯელაღსრულების დაწესებულების დატოვების შემდეგ ხელს უშლის საზოგადოებასთან ინტეგრაციაში, მათ უჭირთ სამუშაოს მოძიება, არიან ნაკლებად თავდაჯერებულნი, განიცდიან დისკომფორტს,”-აღნიშნულია იუსტიციის სამინისტროს მიერ გავრცელებულ  ინფორმაციაში.

გამოცდების ეროვნული ცენტრის ყოფილი ხელმძღვანელი მაია მიმინოშვილი მუშაობას პარტია „ქართულ ოცნებაში“ განაგრძობს.

როგორც ცნობილი გახდა, პარტიაში მიმინოშვილი პარტიის წევრების გადამზადების მიმართულებით იმუშავებს და ახალ სახეებს ტრენინგებს ჩაუტარებს. სხვა დეტალზე “ქართულ ოცნებაში” ამ დროისთვის არ აკონკრეტებენ.

პარტიის ახალი სახეების დატრენინგებაზე კომენტარი  მამუკა მდინარაძემ გააკეთა და განაცხადა, რომ პარტიაში ცვლილებები ჯანსაღი პროცესია.

“როგორც მოქმედი წევრების ასევე ახალი სახეების მომავალში პოტენციურად ტრენინგებზე საუბარი არ უნდა გაგვიკვირდეს, კარგია ძალიან რომ ჩვენ ამ საკითხს მეტ და განსაკუთრებულ ყურადღებას ვუთმობთ. პარტიის გაჯანსაღების პროცესი გაგრძელდება,”-განაცხადა მამუკა მდინარაძემ.