ათუმში ოთხ ღამის კლუბს საქმიანობის უფლება შეუჩერდა და დარღვევების გამო 10 000 ლარით დაჯარიმდა
“2-3 სექტემბერს შრომის ინსპექციისა და სურსათის ეროვნული სააგენტოს მიერ ბათუმში ღამის კლუბების შემოწმება განხორციელდა. შემოწმების შედეგად, დადგინდა რომ ერთი ობიექტი – შპს რივიერა ბიჩ (კლუბი ივერია ბიჩი) – მოთხოვნებს აკმაყოფილებდა, ხოლო ოთხი ობიექტი არა – შპს სამაია (კლუბი კონტე), შპს ვიპ კანუპოსი (UP2U), შპს ს2020 ლაუნჯ რესტორანი (სოჰო), შპს სექტორი 26 (სექტორი 26)
მიუხედავად იმისა, რომ რეკომენდაციების დაცვასთან დაკავშირებით, შრომის ინსპექციისა და სურსათის ეროვნული სააგენტოს მხრიდან არაერთგზის განხორციელდა აღნიშნული ობიექტების სიტყვიერი გაფრთხილება და მათ მიეწოდათ რეკომენდაციების დაცვის დეტალური პროტოკოლი, შემოწმების შედეგად კვლავ დაფიქსირდა კრიტიკული შეუსაბამობები.
აღნიშნული გარემოებების გათვალისწინებით, შრომის ინსპექციამ მიიღო გადაწყვეტილება, ობიექტებს შეუჩერდეს საქმიანობის უფლება. ამასთანავე დარღვევების დაფიქსირების გამო თითოეული ობიექტი დაჯარიმდა 10 000 ლარის ოდენობით.”- ნათქვამია შრომის ინსპექციის მიერ გავრცელებულ განცხადებაში.
