Tag: ირანი

დაავადებათა კონტროლის ეროვნული ცენტრის ხელმძღვანელი, ამირან გამყრელიძე კითხვაზე, როდის გვეყოლებიან საქართველოში კორონავირუსისგან ახალი გამოჯანმრსთელებულები პასუხობს, რომ ეს მალე მოხდება. თუმცა მას შემდეგ, რაც პაციენტებს დამკვიდრებული სტანდარტის მიხედვით 24 საათის განმავლობაში ორჯერ ზედიზედ პიარტესტი უარყოფით შედეგეს უჩვენებს. მხოლოდ ამის შემდეგ ჩაითვლება პაციენტი გამოჯანმრთელებულად.

“დარწმნუებული იყავით, რომ მომავალ 3–4 დღეში კიდევ გვეყოლებიან გამოჯანმრთელებული ადამიანები.“– აცხადებს ამირან გამყრელიძე.
ამ დროისთვის საქართველოში კორონავირუსით დაინფიცირებული 43 პაციენტია. აქედან ერთი უკვე გამოჯანმრთელდა.

ირანის ჯანდაცვის სამინისტროს პრესსპიკერის, კიანუშ ჯაანპურის თქმით, ირანში კორონავირუსით ყოველ 10 წუთში ერთი ადამიანი იღუპება, ხოლო ყოველ 50 წუთში 50 ირანელი ინფიცირდება.

ბოლო დღე-ღამეში ირანში COVID 19-ით 148 ადამიანი დაიღუპა, ხოლო 1284 დაინფიცირდა.

მთლიანობაში ინფიცირებულთა რაოდენობა 18 407-ია, გარდაცვლილი კი 1284 .

დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელის ამირან გამყრელიძის განცხადებით, პრეპარატ „რემდოსოვირს“ ქართველი ექიმები კორონავირუსის წინააღმდეგ გამოიყენებენ. როგორც გამყრელიძემ მთავრობის ადმინისტრაციაში გამართულ ბრიფინგზე განაცხადა, მოლაპარაკებები პრეპარატის მწარმოებელ კომპანიასთან უკვე მიმდინარეობს.

„ეს პრეპარატი 2015 წლიდან ცნობილი პრეპარატია, რომელსაც აწარმოებს კომპანია „გილიადი“. ის შეიქმნა ებოლას ეპიდაფეთქების დროს დასავლეთ აფრიკაში. ეს პრეპარატი ჩინელებმა ძალიან აქტიურად გამოიყენეს თავიანთი ავადმყოფების მკურნალობისას. გარდა ამისა, მიმდინარეობდა მრავალი ანტივურუსული პრეპარატის გამოყენება ჩინეთში და მიმდინარეობს დღესაც, იგივე შიდსის საწაინააღმდეგო პრეპარატების, ხლოროხინის, ინტერფერონის, რიბავირინის და ა.შ. ჩვენი ექიმები ამას იყენებენ. რაც შეეხება დასახელებულ პრეპარატს, ეს პრეპარატი გახლავთ სწორედ იმ კომპანიის, რომელთანაც საქართველო აქტიურად თანამშრომლობს C ჰეპატიტთან დაკავშირებით. ეს არის ერთ-ერთი უმძლავრესი საერთაშორისო ფარმაცევტული კომპანია და საქართველოს მთავრობამ მიმართა თხოვნით, რომ გარკვეული რაოდენობა ამ პრეპარატებისა იყოს გამოყოფილი და დარწმუნებული ვარ, ეს მოთხოვნა ჩვენთვის დაკმაყოფილდება და ე.წ. სარეზერვო მარაგში ეს პრეპარატი გვექნება. მას აქვს თავისი ჩვენებები, ვის უნდა დაენიშნოს, როგორ და ა.შ. ჩვენი ექიმები ამას გამოიყენებენ“, – განაცხადა გამყრელიძემ.

დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელის ამირან გამყრელიძის განცხადებით, შესაძლოა, მომდევნო კვირებში დაფიქსირდეს ისეთი შემთხვევა, როდესაც კორონავირუსით ინფიცირებული პაციენტის პირველწყარო ვერ დადგინდეს.

„34 შემთხვევაა ამ წუთისთვის დადასტურებული, მაგრამ დღეს კიდევ მრავალი სინჯია კვლევაში ლუგარში და მთლიანად იცით, რომ ოთხ ადგილზე ტარდება ტესტირება ქვეყნის მასშტაბით : ბათუმი, ქუთაისი, თბილისის ცენტრალური ინფექციური საავადმყოფო და ერთ-ერთი კერძო ლაბორატორია. ამიტომ, უფრო გაიშალა გეოგრაფიულად. ჩვენი მონაცემები გვიან ღამით ან დილით იკრიბება ხოლმე. ჯერ ჩვენ არ ვიცით შემთხვევების რაოდენობა გაიზრდება თუ არა.

რაც შეეხება ქალბატონი მარინას განცხადებას, პატარა კორექტივს შევიტანდი, რომ ჩვენ ამ შემთხვევის შესახებ, რომელზეც ქალბატონი მარინა საუბრობს, ძალიან ღრმა ეპიდკვლევას ვაწარმოებთ დაახლოებთ 20-დან 25-მდე კონტაქტზე. იმედი გვაქვს, რომ წყარო დადგინდება, ანუ საიდან მოხდა, ამ ადამიანის დაინფიცირება.

ამიტომ ჯერ დარწმუნებით ვერ გეტყვით, რომ ჩვენ გვყავს ინფიცირებული ადამიანი, სადაც ვერ გავდივართ პირველწყაროზე. მაინც იმედი მაქვს, რომ ისე ინტენსიურად ვმუშაობთ ახლა, რადგან ბევრი კონტაქტი ვლინდება, რადგან კონტაქტების მთელი ჯაჭვია კვლევაში. დღესაც ზოგიერთი კონტაქტი, ამ პაციენტთან დაკავშირებული ნიმუშები აღებულია და კვლევაშია. ამიტომ, ვფიქრობთ, რომ მაინც გავალთ კონტაქტზე. თუ ვერ გავედით, მაშინ შეგვიძლია ვთქვათ, რომ ასეთი შემთხვევები ქვეყანაში უკვე იქნება. დარწმუნებული ვარ, ამ კვირაში, მომავალ კვირაში უკვე გვექნება შემთხვევები, სადაც უკვე არის დიდი ალბათობა, რომ ვეღარ გავალთ პირველწყაროზე ინფექციის შემოტანის, ან ადგილობრივი დაინფიცირებისა, მაგრამ კონკრეტულად ამ შემთხვევაზე მიმდინარეობს კვლევა“, – განაცხადა გამყრელიძემ.

საქართველოს მესამე პრეზიდენტმა, მიხეილ სააკაშვილმა საქართველოში კორონავირუსის ეპიდემიასთან დაკავშირებით საუბრისას დაავადებათა კონოტროლის ეროვნული ცენტრის ხელმძღვანელს, ამირან გამყრელიძეს მადლობა გადაუხადა. სააკაშვილი პანდემიასთან დაკავშირებით არსებულ სიტუაციაზე საუბრობდა, რომელშიც მისი აზრით დიდ როლს თამაშობს ლუგარის ლაბორატორია. სააკაშვილი ამბობს, რომ მისი დამსახურებით საქართველოს სამედიცინო ინფრასტრუქტურა დღეს ბევრ სხვა ქვეყანაზე უკეთ არის მომზადებული:

“მე მაგალითად მქონდა საშუალება ნიკუშა გამომეყვანა საქართვეოლდან, ჩამომეყვანა უკრაინაში, მაგრამ ჩვენ ყველამ ერთად მივიღეთ გადაწყვეტილება,რომ საქართველო დღეს ბევრად უფრო დაცულია ინფრასტრუქტურის გამო, თუ გაითვალისწინებთ ხელოვნური ვენტილაციის აპარატებს, სამედიცინო პერსონალის მომზადებას, საავადმყოფოებს.“

წამყვანის კითხვაზე, როგორ აფასებს ამირან გამყრელიძის, თენგიზ ცერცვაძის და პაატა იმნაძის სამეულის მუშაობას, მიხეილ სააკაშვილმა თქვა:

“რაც შეეხება ამ სამეულს, მართლაც, და საერთოდ ქართველ ექიმებს ეკუთვნით ძალიან დიდი მადლობა ქართული საზოგადოებისგან და პირადად ჩემგანაც. მინდა ვთქვა, რომ მაგალითად შარშან ამირან გამყრელიძემ მიიღო მონაწილეობა, ჩემი შვილი იყო ავად ე.წ. ღორის გრიპით და თან გადაყვა და პირადად მადლობა მინდა ვუთხრა. ცერცვაძესთან მე ვმუშაობდი ძალიან მჭიდროდ და სანდრა მუშაობდა ძალიან მჭირდროდ როცა შიდსმა დაიწყო გავრცელება ძალიან სწრაფად. უნდა ვთქვა, რომ ცერცვაძის დამსახურებაა, რომ საქართველოში ვიჩ ინფექციის გავრცელების მინიმზაცია მოხდა მაშინ.პირველებმა შემოვიტანეთ მაშინ წამლები გლობალური ფონდიდან.

ესენი ძაან მაგრები არიან მართლა, მე არ ვიცი უკრაინაში ასეთი დონის ვინ არის.“– განაცხადა სააკაშვილმა.

ხელისუფლების ქმედებების შეფასებისას სააკაშვილი ამბობს, რომ მათ მიერ გატარებული ზომები მისთვის მისაღებია:

“ადვილია გვერდიდან კრიტიკა. არ ვარ ამათი დიდი ფანი, მაგრამ ძირითადი ზომები რაც არის მიღებული არის სწორი. სხვა საკითხია, რომ ეს ზომები უნდა მიღებულიყო უფრო ადრე. ჩინეთი უფრო ადრე უნდა ჩაგვეკეტა, ირანიც. ამაზე ვლაპარაკობდი მე და ქსენოფობად გამომიყვანეს„– ამბობს სააკაშვილი, თუმცა ხელისუფლებას სხვა საკითხებში აკრიტიკებს, მათ შორის დაუცველად დარჩენილ ემიგრანტებთან დამოკიდებულებაში და ეკონომიკურ პოლიტიკაში.

დაავადებათა კონტროლის ეროვნული ცენტრის ხელმძღვანელი, ამირან გამყრელიძე არ პასუხობს ჟურნალისტების კითხვას, არის თუ არა გადაყვანილი კარანტინში ბიძინა ივანიშვლის შვილი, უტა ივანიშვილი, რომელიც საფრანგეთიდან გუშინ აირზენას რეისით ჩამოფრინდა. ჟურნალისტების კიხვაზე, სად არის უტა ივანიშვილი გამყრელიძე პასუხობს, რომ ის პერსონალურ ინფორმაციას ვერ გასცემს:

“ვიცი, რომ ჩამოფრინდა საფრანგეთი-თბილისის რეისი, თუ არ ვცდები, “აირზენასი”. საფრანგეთიდან ჩამოსული ადამიანები, ყველა ექვემდებარება კარნატინს ან თვითიზოლაციას. მოგეხსენებათ, თუ არის თვითიზოლაციის საშუალება, შემდგომ იღებს ამ გადაწყვეტილებას შემოსავლების სამსახურის შესაბამისი სანიტარულ-საკარანტინო სამსახური. გუშინ საფრანგეთიდან შემოსული ყველა ადამიანი გადაყვანილია ან კარანტინში, ან თვითიზოლაციაში”, – განაცხადა გამყრელიძემ.

იმის შესახებ, რომ უტა ივანიშვილი პარიზი–თბილისის რეისით გუშინ ჩამოფრინდა, რეისის მგზავრებისგან გახდა ცნობილი, რომლებიც ამბობენ, რომ ისინი ჩამოსვლისთანავე შემოწმებაზე, შემდეგ კი კარანტინში გადაიყვანეს, თუმცა თვითმფრინავიდან გამოსვლის შემდეგ უტა ივანიშვილი მათთან აღარ უნდახავთ. მგზავრები ეჭვობენ, რომ ბიძინა ივანიშვილის შვილი საკარანტინო ზომებს მოარიდეს და სხვა მგზავრებისგან განსხვავებით პრივილეგირებულ მდგომარეობაში აღმოჩნდა.

საქართველოს ქალ მოჭადრაკეთა ნაკრების პირველი ნომერი ნანა ძაგნიძე ლოზანაში გამართულ მსოფლიოს გრან პრის მესამე ეტაპზე ჩემპიონი გახდა.

ნანა ძაგნიძემ ტიტული კორონავირუსთან მებრძოლ ქართველ ექიმებს მიუძღვნა, მათ შორის გამოარჩია დაავადებათა კონტროლის ეროვნული ცენტრის ხელმძღვანელი ამირან გამყრელიძე.

„ლოზანაში გამართული გრან პრის გამარჯვებას ვუძღვნი ექიმებს, რომლებიც მსოფლიო პრობლემას ებრძვიან ჩვენს ქვეყანაში, და, განსაკუთრებით, ადამიანს ადამიანთა შორის, ბატონ ამირან გამყრელიძეს, რომელიც ყოველთვის გვერდით მედგა ჩემთვის მძიმე წუთებში. სამი კვირის წინ ჩემმა ჩინელმა კოლეგებმა მთხოვეს, ჩამეწერა მათთვის გასამხნევებელი ვიდეო. მათ მიაღწიეს წარმატებას და იმედია, ჩვენც ერთად გავიმარჯვებთ“. – განაცხადა ნანა ძაგნიძე.

საქართველოში კორონავირუსის გადაცემის მესამეული ფაქტი დაფიქსირდა, – განაცხადა დაავადებათა კონტროლის ეროვნულმა ხელმძღვანელმა ამირან გამყრელიძემ მთავრობის ადმინისტრაციაში გამართულ ბრიფინგზე.

„ეს 5 შემთხვევა უკავშირდება იტალიას. 30 შემთხვევიდან 2 შემთხვევაში გახლავთ ირანში მოგზაურობის ისტორია, ერთ შემთხვევაში ესპანეთში მოგზაურობის ისტორია. დანარჩენი შემთხვევა პირდაპირ ან ირიბად, ყველა უკავშირდება იტალიას. აქედან 12 მოგზაურობას იტალიაში, 10 – დადასტურებულ შემთხვევასთან კონტაქტს, ხოლო უკვე გვაქვს, შემიძლია უკვე ვთქვა, რომ გვაქვს ე.წ. მესამეული გადაცემა, ანუ კონტაქტის შემდგომი კონტაქტი“, – განაცხადა გამყრელიძემ.

ახალი სატელიტური ფოტოები აჩვენებს, რომ ირანში კორონავირუსთან დაკავშირებული კრიზისი ბევრად უფრო მწვავეა, ვიდრე ამას ხელისუფლება ღიად აცხადებს. ნათელია, რომ ხელისუფლება ძალიან მძიმე სცენარისთვის ემზადება.

თანამგზავრიდან გადაღებულ ფოტოებზე ჩანს ირანის რელიგიური დედაქალაქის, ქუმას სიახლოვეს, თეირანიდან სამხრეთით, დაახლოებით 120 კილომეტრის დაშორებით ცოტა ხნის წინ გათხრილი ახალი საფლავები.

ირანის ხელისუფლებამ ორმოების თხრა კორონავირუსის მსხვერპლთათვის რამდენიმე დღეში დაიწყო, მას შემდეგ, რაც კორონავირუსის აფეთქების შესახებ პირველად გამოაცხადა. აქედან მალევე უჩვეულო აქტივობა დაიწყო იმ ადგილიდან ახლოს მდებარე სასაფლაოზე, სადაც ინფექცია აღმოჩნდა. სასაფლაოზე ახალი სექციები 21 თებერვლიდან გაჩნდა. როგორც სატელიტური ფოტოებიდან ჩანს, სასაფლაო ვირუსის გავრცელების კვალდაკვალ სწრაფად გაფართოვდა.

{{PHOTOGALLERY}}

მაღალი გარჩევადობის სატელიტური ფოტოები, რომლებიც 1დან 8 მარტამდეა გადაღებული აჩვენებს, სასაფლაოს შიგნით გაზრდილ აქტივობას, სადაც სამარხების რიცხვი და მანქანების მიმოსვლა ამ პერიოდში კიდევ უფრო გაიზარდა.

ოფიციალურად 12 მარტის მდგომარეობით ირანში დაახლოებით 10 000 შემთხვევაა დარეგისტრირებული, თუმცა არსებობს ეჭვი, რომ რეალური სტატისტიკა ბევრად უფრო მძიმეა. ანალიტიკოსები ამბობენ, რომ საფლავები ძალიან სწრაფად და აქამდე დამკვიდრებული წესისგან განსხვავებული წესით გათხარეს, რაც იმას ნიშნავს, რომ ხელისუფლება ცხედრების სწრაფად მზარდი რაოდენობის დამარხვისთვის ემზადება.