Tag: ირანი

ინფექციურ საავადმყოფოში მოთავსებულ ირანის სამი მოქალაქიდან ორს ახალ კორონავირუსზე ტესტირებას ჩაუტარებენ. ამის შესახებ ინფექციური საავადმყოფოს სამედიცინო დირექტორმა, მარინა ეზუგბაიამ ჟურნალისტებს განუცხადა.მისივე ინფორმაციით, სამი მოქალაქიდან ორს – 8 და 13 წლის მოზარდებს – ტემპერატურა აქვთ, ხოლო მათ დედას რაიმე სიმპტომები არ აღენიშნება. ეზუგბაიას განცხადებით, ჩატარებული გამოკვლევებით დადგინდა, რომ ბავშვებს პნევმონია არ აქვთ და მათი მდგომარეობა საშუალოზე ნაკლები სიმძიმისაა.

„გუშინ, დღის მეორე ნახევარში ჩვენს ცენტრში მოიყვანეს ირანის სამი მოქალაქე. ერთი ოჯახის წევრები არიან: დედა და ორი შვილი, 8 წლის და 13 წლის მოზარდები. როგორც იცით, რამდენიმე დღეა, რაც ირანში დაფიქსირდა ახალი კორონავირუსით ინფიცირების ფაქტები, მათ შორის ორი ადამიანი გარდაიცვალა. ყველა შემთხვევა ქალაქ ყუმიდან არის. ჩვენთან შემოყვანილი ირანის სამი მოქალაქეც ამ ქალაქიდან არის. იქიდან გამომდინარე, რომ ეს სიტუაცია განსაკუთრებულ შემთხვევად აღიქმება და აეროპორტში ამ სამი პირიდან ორს ტემპერატურა დაუფიქსირდა, სამივე მათგანი ჩვენთან შემოიყვანეს. ჩვენს ცენტრში პაციენტებად გაფორმდნენ მხოლოდ ბავშვები, 8 წლის და 13 წლის ბიჭები. ჩატარებული გამოკვლევებით, ორივესთან გამოირიცხა პნევმონია. სხვა კლინიკური
ლაბორატორიული კვლევებით რაიმე მნიშვნელოვანი ცვლილებები არ არის დაფიქსირებული. მათი მდგომარეობა საშუალოზე ნაკლები სიმძიმისაა. დღეს ლუგარის ლაბორატორიის თანამშომლები ტესტირებას ჩაატარებენ ახალი კორონავირუსის დიაგნოსტიკაზე. A და B ტიპის გრიპის ვირუსები გამოირიცხა. ამ ეტაპზე ეს პაციენტები მეთვალყურეობის ქვეშ არიან და მკურნალობას სიმპტომატური საშუალებებით გადიან. სხვა რამე სერიოზული ჩარევა მათთან აუცილებელი არ არის. რაც შეეხება დედას, ის ინფიცირებული არ არის, თუმცა მეთვალყურეობას ისიც გადის,“ – განაცხადა მარინა ეზუგბაიამ.

კინოთეატრ „ამირანში“, თიბისი სტატუსის მხარდაჭერით, თანამედროვე კინოკლასიკის სერიები გრძელდება. კინოკოლექციის მარათონი 21 თებერვლიდან რიჩარდ ლინკლეიტერის ტრილოგიით განახლდება.

აფიშა:

· 21 თებერვალი – „მზის ამოსვლამდე“

· 22 თებერვალი – „მზის ჩასვლამდე“

· 23 თებერვალი – „შუაღამემდე“

კინოთეატრ „ამირანისა“ და თიბისი სტატუსის თანამედროვე კინოკლასიკის პროექტის ფარგლებში ეკრანი უკვე დაეთმო კვენტინ ტარანტინოს, ვუდი ალენის, მარტინ სკორსეზეს, სტენლი კუბრიკის შემოქმედებას.

ერთობლივი კინოკოლექცია ისეთი რეჟისორების უკვდავი ფილმებით შეივსება, როგორებიც არიან: პოლ ტომას ანდერსონი, ალფრედ ჰიჩკოკი, მიქელანჯელო ანტონიონი, ტიმ ბარტონი, ტერენს მალიკი, მილოშ ფორმანი, ვიმ ვენდერსი, ინგმარ ბერგმანი და სხვა.

კინოსეანსები 200:00 საათზე დაიწყება და ინგლისურ ენაზე ჩატარდება.

თიბისი სტატუსის მომხმარებლები ბილეთის შეძენისას tkt.ge-ზე 20%-იანი ქეშბექით ისარგებლებენ.

უკრაინის პრეზიდენტის, ვლადიმირ ზელენსკის თქმით, ირანმა ავიაკატასტროფის დროს გარდაცვლილთა ოჯახებს კომპენსაციის სახით 80 ათასი დოლარი შესთავაზა, თუმცა ის არ დათანხმდა, რადგან ეს თანხა ოჯახებისთვის ძალიან ცოტაა.

,,ვფიქრობ, რომ ეს ცოტაა. როდესაც დაღუპულის ცოლი ამბობს, რომ ქმარი ერთადერთი მარჩენალი იყო, მას არ აქვს სამსახური და ბავშვი უნივერსიტეტში აბარებს- 80 ათასი დოლარი ძალიან ცოტაა. რა თქმა უნდა, ადამიანის სიცოცხლე ფულით არ იზომება, მაგრამ, ჩვენ მეტს მოვითხოვთ”,- ამბობს ზელენსკი და აღნიშნავს, რომ უკრაინა ირანის წინააღმდეგ საერთაშორისო სასამართლოს მიმართავს.

მისივე განცხადებით, რომ უკრაინამ ამ ოჯახებს 200 ათასი გრივნა (8 ათასი დოლარი) გადასცა.

შეგახსენებთ, რომ 8 იანვარს „უკრაინის საერთაშორისო ავიახაზების“ „ბოინგ 737“ აფრენიდან რამდენიმე წუთში ირანის რევოლუციურმა გვარდიამ ჩამოაგდო. ბორტზე მყოფი ყველა, 176 პირი დაიღუპა.

ირანი თეირანში ჩამოგდებული უკრაინის საერთაშორისო ავიახაზების თვითმფრინავის შავ ყუთებს უკრაინას გაუგზავნის. ამის შესახებ ინფორმაცია Reuters  ავრცელებს.

“საფრანგეთის, კანადის და აშშ-ის ექსპერტიზის გამოყენებით, ჩვენ ფრენის მონაცემების ჩამწერის წაკითხვას კიევში შევეცდებით,” – თქვა ირანის სამოქალაქო ავიაციაში უბედური შემთხვევების გამოძიების დირექტორმა ჰასან რეზაიფარმა.

მან ასევე  აღნიშნა, იმ შემთხვევაში თუ უკრაინაში შავი ყუთებიდან ინფორმაციას ვერ მოიპოვებენ, შავი ყუთები საფრანგეთში გაიგზავნება.

8 იანვარს ირანის მიერ გასროლილმა რაკეტებმა უკრაინის ავიახაზების სამგზავრო თვითმფრინავი ჩამოაგდო, რასაც 176 ადამიანის სიცოცხლე ემსხვერპლა.თავდაპირველად ირანი  თვითმფრინავის ჩამოგდებას უარყოფდა, თუმცა 11 იანვარს ირანის რევოლუციურმა გვარდიამ აღიარა, რომ თვითმფრინავი შემთხვევით ჩამოაგდეს.

ირანის უმაღლესი ლიდერის, აიათოლა ალი ხამენეის თქმით, ტრამპი არის კლოუნი, რომელიც ირანელ ხალხზე მოჩვენებითად წუხს, სინამდვილეში კი მათ ,,ზურგში შხამიან ხანჯალს ჩასცემს”.

მისი განცხადებით, აშშ-მ გენერალი სოლეიმანი ლაჩრულად მოკლა, რითიც ამერიკამ საკუთარი იმიჯი შელახა. აიათოლამ აღნიშნა, რომ ირანი აშშ-ს ახლო აღმოსავლეთიდან გააძევებს, რაც მისთვის სასჯელი იქნება სოლეიმანის მკვლელობის გამო.

მისივე თქმით, ერაყში, ამერიკულ პოზიციებზე თავდასხმამ აშკარა გახადა, რომ ირანს „ღვთიური მხადაჭერა“ ჰქონდა, როცა აშშ-ს „სილა გაულაწუნა“.

ირანის უმაღლესმა ლიდერმა საკუთარ სიტყვაში ბრიტანეთი, საფრანგეთი და გერმანიაც ახსენა და მათ აშშ-ს მსახურები უწოდა. ხამენეის განცხადებით, მათ არ აქვთ ირანის დაჩოქების ძალა.

ცნობისთვის, აიათოლა ალი ხამენეიმ დღეს თეირანში პარასკევის ლოცვას გაუძღვა. ბოლო რვა წლის განმავლობაში ეს პირველი შემთხვევაა, როცა ირანის უმაღლესი ლიდერი პარასკევის ლოცვას აღავლენს.