Tag: დონალდტრამპი

აშშ–ს პრეზიდენტი ფრანგულ ღვინოზე საბაჟო გადასახადის დაწესებას აანონსებს. შეერთებული შტატების პრეზიდენტის თქმით ეს არის საპასუხო ნაბიჯი საფრანგეთის ხელისუფლების გადაწყვეტილებაზე, რომელიც ამერიკული ტექნოლოგიური კომპანიების პროდუქციაზე საბაჟო გადასახადს აწესებს. 

საფრანგეთის პრეზიდენტის, ემანუელ მაკრონის ადმინისტრაციის ინიციატივით, საფრანგეთი უცხოურ კომპანიებს, რომელთა წლიური შემოსავალი 750 მილიონ ევროს აღემატება, საბაჟო გადასახადს უწესებს.

ახალი რეგულაცია 30-მდე კომპანიას ეხება, მათ შორის უმეტესობა ამერიკული კომპანიებია. დონალდ ტრამპი აცხადებს, რომ ფრანგ კოლეგასთან კარგი ურთიერთობა აქვს, თუმცა ამერიკული ბიზნესის ინტერესებს ბოლომდე დაიცავს.

მან ამერიკელი მომხმარებლები იმით დაამშვიდა, რომ ამერიკული ღვინოები ფრანგულს ბევრად ჯობის.

აშშ-ის პრეზიდენტ დონალდ ტრამპის სიტყვით გამოსვლის დროს პრეზიდენტის უკან   ბანერზე ორთავიანი არწივი იყო გამოსახული, რომელსაც კლანჭებით ისრების შეკვრის ნაცვლად გოლფის ჯოხები ეკავა.

მედიაში  ორ გზავნილს განიხილავდნენ, ორთავიანი არწივი, რომელიც ცალსახად რუსულ სიმბოლიკასთან ასოცირდება,  ტრამპისა და რუსეთის შესაძლო კავშირების მინიშნებად ჩათვალეს,

მეორე  ვერსიით კი ბანერის შინაარსი გოლფთან იყო კავშირში, რადგან ცნობილია, რომ ტრამპი ხშირად თამაშობს გოლფს.

სინამდვილეში აღმოჩნდა, რომ ეს უბრალოდ  შეცდომა იყო. პირმა, რომელიც ბანერს ამზადებდა ფოტო ინტერნეტიდან სიჩქარეში აარსწორად გადმოწერა.

ადამიანი, რომელმაც ბანერი დაამზადა, ამბობს, რომ ის მიზანმიმართულად არ დაუმზადებია და მომხდარს შეცდომას უწოდებს.

ამავე პოზიციას იზიარებენ თეთრ სახლში და ფიქრობენ, რომ ბანერს ტრამპის მოსაზრებებთან კავშირი არ ჰქონია.

შეერთებული შტატები ირანთან გარიგების დადების სურვილს კარგავს. ამის შესახებ დონალდ ტრამპმა განაცხადა. მიზეზად კი პრეზიდენტმა ირანის მიერ გადადგმული ნაბიჯი დაასახელა. მისივე თქმით, შეერთებული შტატები ირანელების მხრიდან ყველანაირ ქმედებას ელის, მათ შორის გონივრულ ნაბიჯსაც.

ტრამპის ამ განცხადებას წინ უძღოდა ირანში 17 ადამიანის დაკავება. თეირანმა მათ ჯაშუშობის ბრალდება წაუყენა და რამდენიმეს შეერთებული შტატების სპეცსამსახურთან თანამშრომლობისთვის სასიკვდილო განაჩენიც გამოუტანა.

პარალელურად, ვაშინგტონმა ჩინურ კომპანიას სანქციების დარღვევისა და ირანული ნავთობის შეძენისთვის სანქციები დაუწესა.

ამერიკის პრეზიდენტი, დონალდ ტრამბი “პრაიდის თვესთან“ დაკავშირებით მიმართვას ავრცელებს და ლგბტ ადამიანებს სოლიდარობას უცხადებს. ტრამპის განცხადება საქართველოში აშშ–ს საელჩომ საკუთარ ფეისბუქ გვერდზე გამოაქვეყნა.

„ლგბტ პრაიდის თვეს ჩვენ ვზეიმობთ და მივესალმებით ლგბტ ადამიანების განსაკუთრებულ წვლილს ჩვენი დიდი სახელმწიფოს წინაშე. მოდით, სოლიდარობის ნიშნად გვერდით დავუდგეთ იმ უამრავ ლგბტ ადამიანს, რომელიც ცხოვრობს ქვეყნებში, სადაც სჯიან, აპატიმრებენ და სიკვდილსაც უსჯიან სექსუალური ორიენტაციის გამო.

ჩემმა ადმინისტრაციამ ჰომოსექსუალობის დეკრიმინალიზაციის გლობალური კამპანია დაიწყო და ვიწვევთ ყველა სახელმწიფოს, შემოგვიერთდნენ ამ ძალისხმევაში!“ – აშშ-ის პრეზიდენტი დონალდ ტრამპი

მუხის ხე, რომელიც საფრანგეთის პრეზიდენტმა ემანუელ მაკრონმა და აშშ-ს პრეზიდენტმა, დონალდ ტრამპმა თეთრი სახლის ეზოში მეგობრობის ნიშნად დარგეს, გახმა. მაკრონმა მუხის ხე დონალდ ტრამპს 2018 წელს აშშ-ში ოფიციალური ვიზიტის დროს საჩუქრად გადასცა.

პრეზიდენტებმა ხე ერთობლივად საზეიმო ვითარებაში დარგეს, მათთან ერთად იმყოფებოდნენ   პირველი ლედები. 

ლონდონის მერმა კრიმინალს მიხედოს, მე თავი დამანებოს, – აშშ-ის პრეზიდენტმა, დონალდ ტრამპმა დიდი ბრიტანეთში ვიზიტი ლონდონის მერის კრიტიკით დაიწყო. 

„სადიქ ხანი ყველანაირი გათვლით, საშინელი მერია ლონდონისთვის. ის ძალიან წარუმატებელია და ჯობია  ლონდონში კრიმინალს მიხედოს, მე თავი დამანებოს.“, – წერს აშშ-ის პრეზიდენტი ტვიტერის საკუთარ  გვერდზე.

ლონდონის მერმა განაცხადა, რომ დიდი ბრიტანეთის ხელისუფლებამ ტრაპს ვიზიტის დროს წითელი ხალიჩა არ უნდა გაუშალოს.

დონალდ ტრაპის ვიზიტი დიდი ბრიტანეთში უკვე დაიწყო.  ლონდონში მას თან ახლავს მეუღლე. 

დონალდ ტრამპს ლონდონში ელოდებიან. დიდ ბრიტანეთში შეერთებული შტატების პრეზიდენტი დღეს სახელმწიფო ვიზიტით ჩადის. დაგეგმილია, მოლაპარაკებები პრემიერ-მინისტრთან და მთავრობის სხვა წევრებთან.

ტრამპი ბუკინგემის სასახლეში სამეფო ოჯახის წევრებსაც შეხვდება. ბრიტანული პრესა წერს, რომ ამ შეხვედრას არ დაესწრება პრინცი ჰარის მეუღლე. წარსულში მეგან მარკლი დონალდ ტრამპს მკაცრად აკრიტიკებდა.

უსაფრთხოების გაძლიერების ფონზე პრეზიდენტის ოფიციალურ ვიზიტისთვის ათასობით ბრიტანელიც ემზადება. დონალდ ტრამპს ლონდონში საპროტესტო აქციებით დახვდებიან.

“არ ვიცოდი,რომ საზიზღარი იყო”- აშშ-ს პრეზიდენტმა მეგან მარკლის  შესახებ  გაზეთ The Sun-თან ინტერვიუში განაცხადა.

ინტერვიუს მთავარი თემა ბრექსიტი, ტერეზა მეის პოლიტიკური შეხედულებები იყო.

აშშ-ს პრეიდენტს ჟურნალისტა სასექსის ჰერცოგინიას განცხადებები შეახსენა. 2016 წელს, საპრეზიდენტო არჩევნების წინ მეგან მარკლმა ტრამპს ქალთმოძულე  უწოდა და განაცხადა, რომ ტრამპის გაპრეზიდენტების შემთხვევაში კანადაში გადავიდოდა საცხოვრებლად.

“არ ვიცოდი,რომ საზიზღარი იყო. იმედი მაქვს, კარგადაა, დარწმუნებული ვარ კარგად გაუძღვება საქმეებს”, განაცხადა ტრამპმა საპასუხოდ.

დონალდ ტრამპი გაერთიანებულ სამეფოს ოფიციალური ვიზიტით  ეწვევა და  პრინც ჰარის, უილიამსა და ქეით მიდლტონს შეხვდება. მეგან მარკლი კი შეხვედრას, ბავშვის გაჩენის მიზეზით არ დაესწრება. პრინც ჩარლზთან  სავარაუდოდ,ტრამპი კლიმატურ ცვლილებებზეც ისაუბრებს.

“ვიცი, რომ კლიმატის ცვლილებებზე ვისაუბრებთ. შემიძლია ვთქვა, რომ ამჟამად ჩვენ ერთ-ერთი ყველაზე სუფთა ჰაერი გვაქვს. ჩვენს წყალსა და ჰაერს არაფერი სჭირს”, – განაცხადა ინტერვიუს დროს ტრამპმა.