Tag: დონალდტრამპი

პრეზიდენტმა დონალდ ტრამპმა პირშობა დადო, რომ ხელს მოაწერს ბრძანებას აშშ–ში იმიგრაციის დროებით შეჩერების შესახებ.

ტრამპმა ტვიტერში დაწერა, რომ ეს გადაწყვეტილება “უხილავი მტრის თავდასხმის გამო მიიღო“, გარდა ამისა, იმისათვის, რომ დაიცვას “ამერიკის დიდებული მოქალაქეების სამუშაო ადგილები“.

მისი ტვიტი ამერიკის დროით ორშაბათს გვიან საღამოს გამოჩნდა. ტრამპს არ დაუკონკრეტებია, როდის მოაწერს ხელს ასეთ ბრძანებას და რა დროის განმავლობაში იმოქმედებს შეზღუდვები.  მას არც გადაწყვეტილების სხვა დეტალებზე უთქვამს რამე.

კორონავირუსის პანდემიის გამო აშშ საკუთარ ტერიტორიაზე შესვლის უფლებას მექსიკდან და კანადიდან მხოლოდ  უკიდურესი აუცილებლობის შემთხვევაში იძლევა. ასეთი ზომები მინიმუმ მაისის შუა რიცხვებამდე იმოქმედებს.

ასევე შემოღებულია შეზღუდვები ამერიკაში შესვლისთვის ევროპული ქვეყნებისა და ჩინეთის მოქალაქეებისათვის, თუმცა ქვეყანაში კვლავ შეუძლიათ ჩასვლა დროებითი სამუშაო ვიზის მფლობელებს, სტუდენტებს და ბიზნესმენებს.

765 000–ზე მეტი დაინფიცირებული და ოთხ მილიონამდე  ტესტირებული ამერიკელი. ასეთია ადროისთვის აშშ–ს  მონაცემები. პრეზიდენტი ტრამპი აცხადებს, რომ საყოველთაო ტესტირება ეპიდემიის გაკონტროლების ოპტიმალური გგზაა.

“ჩვენ გვაქვს დადასტურებული მოლაპარაკება პარტნიორობის შესახებ ამერიკელ აპარატურის  მწარმოებელთან. საქმე ეხება ყოველთვიურად ტესტირების 10 მილიონი კომპლექტის წარმოებას. კიდევ ერთი საწარმო მინიმუმ 20 მილიონ ტესტს გააკეთებს ყოველთვიურად“ – განაცხადა ტრამპმა.

იმ შტატების გუბერნატორები, სადაც კორონავირუსით დაინფიცირებულთა ყველაზე დიდი რაოდენობაა (მაგალითად ნიუ იორკის შტატი) მოუწოდებენ პრეზიდენტს მისი უფლებამოსილება უფრო ფართოდ გამოიყენოს და სამედიცინო საშუალებების  წარმოებაში მეტი საწარმოო სიმძლავრე ჩართოს.

ნიუ იორკის აგლომერაციაში ჰოსპიტალიზაციის და ინტენსიური თერაპიის განყოფილებაში მყოფთა რაოდენობა ნელა, მაგრამ მუდმივად მცირდება.

“ჩვენ ვაჩვენეთ, რომ შეგვიძლია კონტროლი დავამყაროთ ვირუსის შემდგომ გავრცელებაზე. ეს თქვენ, ჩვენმა მოქალაქეებმა შეძელით და ეს მხოლოდ შუალედური გამარჯვებაა. ჩვენ უნდა დავამტკიცოთ, რომ შეგვიძლია სიტუაციაზე კონტროლი შევინარჩუნოთ“– განაცხადა ნიუ იორკის შტატის გუბერნატორმა, ენდრიუ კუომომ.

ნიუ იორკში ბოლო მონაცემებით 140 000–ზე მეტი ადამიანია ინფიცირებული. დაიღუპა შტატის 14 000 –ზე მეტი მაცხოვრებელი.

აშშ–ს პრეზიდენტმა, დონალდ ტრამპმა მოუწოდა მის მხარდამჭერებს, რომლებიც დემოკრატიული პარტიის წევრი გუბერნატორების მიერ მართულ შტატებში ცხოვრობენ, დაუყოვნებლივ მოითხოვონ კარანტინის გაუქმება ან იზოლაციის შესუსტება.

მან მინესოტას და მიჩიგანის მაცხოვრებლებს მიმართა, სადაც ოთხშაბათს საპროტესტო მარში გაიმართა გუბერნატორ გრეთჰენ უითმერის მიერ შემოღებული აკრძალვების წინააღმდეგ.

ამის შესახებ ტრამპმა ტვიტერზეც დაწერა.

ტეხასის გუბერნატომა ებოტმა განაცხადა, რომ უსაფრთხოების ზომები ღიაობის რეჟიმშიც შეიძლება არსებობდეს.

“ტეხასს შეუძლია კოვიდ19–ის გავრცელების შესაჩერებლად იბრძოლოლს და ამავე დროს უსაფრთხოების სტანდარტების ადაპტაცია გააკეთოს შტატის ხელახლა ამუშავების პროცესის დასაწყისთან“ – დაწერა მან ტვიტერზე. გუბერნატორის გადაწყვეტილებით ტეხასში ბიზნესის დიდი ნაწილის ამუშავება იგეგმება.

“არიან შტატები, სადაც ეპიდემიოლოგიური სიტუაცია კონტროლს ექვემდებარება. ისინი ნორმას უბრუნდებიან, მაგრამ ეს გადაწყვეტილება გუბერნატორების პრეროგატივაა. ჩვენ მზად ვართ მათ დავეხმაროთ და მხარი დავუჭიროთ“– განაცხადა ტრამპმა.

კარანტინს არ იწონებენ ჩრდილო დასავლეთ აიდაჰოს მაცხოვრებლები და უკმაყოფილებას აქტიურად გამოხატავენ. მათ კარანტინის წინააღმდეგ საპროტესტო აქციაც კი გამართეს.

სხვა სიტუაციაა ქვეყნის ჩრდილო აღმმოსავლეთში, კერძოდ  ნიუ იორკის შტატში, სადაც 220 000–ზე მეტი ინფიცირებულია დარეგისტრირებული. ქალაქ ნიუ იორკზე კი შტატებში კორონავირუსის დადასტურებულ შემთხვევათა ნახევარზე მეტი მოდის. მხოლოდ ამ აგალომერაციაში 13 000 ადამიანზე მეტი გარდაიცვალა.

შტატის გუბერნატორმა, ენდრიუ კუომომ, რომელსაც ტრამპთან მეგობრული ურთიერთობა არასდროს ქონია, მას ასე უპასუხა: “თქვენ რატომ ზიხართ სახლში, ტელევიზორის წინ? იქნებ დროა სამსახურში წახვიდეთ?“

კუომო რომელიც გუბერნატორებს შორის ყველაზე მძიმე მდგომარეობაში აღმოჩნდა, კორონავირუსის პანდემიის წინააღმდეგ ბრძოლაში თავს არ ზოგავს.მისი პოპულარობა შტატის მოსახლეობაში ბოლო დროს მკვეთრად გაიზარდა. მისი ყოველდღიური ბრიფინგები კი ნაციონალური ქსელებით გადაიცემა. მისი მუშაობა ბოლო დროს ტრამპმაც კი შეაქო. თუმცა ისინი კვლავ მწვავე ოპონენტებად რჩებიან. ტრამპმა ამ დღეებში კუომოს ურჩია ნაკლები იწუწუნოს და ბევრი საქმე აკეთოს.

პრეზიდენტი დონალდ ტრამპი ფიქრობს, რომ პანდემიის გამო დახურული ეკონომიკის კვლავ გახსნა პირველი მაისიდან შესაძლებელი იქნება. ის ამბობს, რომ ქვეყნის ნაწილი ამ პერიოდში გახსნისთვის მზად იქნება და ამის განსახორციელებლად გეგმა უკვე თითქმის მზად აქვს.

პრეზიდენტი საკითხზე კონსულტაციას ქვეყნის 50-ვე შტატის გუბერნატორთან ხვალ, ვიდეო კონფერენციით გაივლის. თუმცა, მან უკვე განაცხადა, რომ პრეზიდენტს აქვს აბსოლუტური უფლება, შტატების გახსნის ბრძანება გასცეს.

„ვფიქრობთ, რომ ზოგიერთ შტატი საკმაოდ კარგ მდგომარეობაში იქნება იმისთვის, რომ კიდევ უფრო ადრე გაიხსნას, აპრილის ბოლომდე. ზოგიერთ მათგანს ამისთვის მეტო დრო დასჭირდება,“ – აცხადებს პრეზიდენტი.

დონალდ ტრამპის ინიციატივას, უკვე გამოეხმაურა ნიუ-იორკის გუბერნატორი. ენდრიუ კუომო აცხადებს, რომ არ შესრულებს პრეზიდენტის განკარგულებას, თუ ეს ნიუ-იორკელებს საფრთხეს შეუქმნის. მისი თქმით, ამ ვითარებამ შესაძლოა კონსტიტუციური გამოწვევა შექმნას, როცა შტატის მმართველობა, ფედერალურ ხელისუფლებას დაუპირისპირდება.

„ყველაზე ცუდი, რაც ახლა მას (პრეზიდენტს) შეუძლია გააკეთოს ისაა, რომ იმოქმედოს, როგორც დიქტატორმა, პარტიზანული, დაყოფის გზით,“ – აცხადებს გუბერნატორი კუომო და ამბობს, რომ მიმდინარე მოვლენები და პოლიტიკა უნდა გაიმიჯნოს.

მიუხედავად იმისა, რომ დონალდ ტრამპმა ხაზის გაუსვა თავის, როგორც პრეზიდენტის, აბსოლუტურ, დისკრეციულ უფლებას შტატების გახსნის განკარგულება გასცეს, აცხადებს რომ შტატებზე ზეწოლას არ განახორციელებს და თითოეული მათგანი თავად განსაზღვრავს, როდის დაიწყოს ეკონომიკის გახსნის პროცესი.

თავდაპირველად, პრეზიდენტმა ტრამპმა გამოთქვა იმედი, რომ ეკონომიკის გახსნა, აპრილის შუა რიცხვებში იქნებოდა შესაძლებელი, აღდგომის დღესასწაულის დროს, თუმცა საბოლოო ჯამში, დაწესებული შეზღუდვები აპრილის ბოლომდე გახანგრძლივდა.

წყარო: ამერიკის ხმა

აშშ–ს პრეზიდენტი, დონალდ ტრამპი ამერიკელებს ურჩევს მძიმე კვირისთვის მოემზადონ. ქვეყნის ზოგიერთ ნაწილში კორონავირუსის ესპიდემიის პიკია მოსალოდნელი.

“მძიმე კვირა მოდის – ეს, ან შემდეგი. სამწუხარდ ბევრი ადამიანი დაიღუპება“– განაცხადა პრეზიდენტმა კვირას ბრიფინგის დროს.

თუმცა ამავე დროს მან თქვა, რომ კარგი ნიშანია ნიუ იორკის შტატში ლეტალური შემთხვევების რიცხვის ზრდის შეჩერება.

“ჩვენ თანდათან ვხედავთ სინათლეს გვირაბის ბოლოს. იმედი მაქვს ახლო მომავალში ძალიან ვიამაყებთ ჩვენს მიერ გაწეული სამუშაოთი“– განაცხადა მან.

ქვეყნის მთვარი ინფექციონისტი, ენიტონი ფაუჩი პრეზიდენტის ოპტიმიზმს არ იზიარებს. ტრამპის ბრიფინგამდე ცოტა ხნით ადრე მან განაცხადა, რომ მედიკოსები თავდაუზოგავად ცდილობენ სიტუაციის კონტროლის ხელში აღებას.

გასულ კვირას იყო პროგნოზები, რომ პანდემიის შედეგად მკაცრი საკარანტინო ზომების მიუხედავად 100–დან 240 ათასამდე ამერიკელი დაიღუპებოდა, თუმცა კვირას ტრამპმა განაცხადა: “იმედი გვაქვს ამ ციფრებამდე საქმე არ მივა.“