Tag: დონალდტრამპი

აშშ–ს პრეზიდენტი, დონალდ ტრამპი გუბერნატორებისგან ეკლესიების, სინაგოგების და მეჩეთების რაც შეიძლებ მალე გახსნას ითხოვს. ქვეყნის ზოგიერთ რეგიონში რელიგიური შეკრებები კორონავირუსის გავრცელების გამო აიკრძალა, რამაც საპროტესტო გამოსვლების პროვოცირება გამოიწვია აღმსარებლობის თავისუფლების მოთხოვნით.

„გუბერნატორებმა უნდა მიიღონ სწორი გადაწყვეტილება და ამ ძალიან მნშვნელოვანი ადგილების გახსნის ნებართვა გასცენ ახლავე, ამ შაბათ–კვირას. თუ ამას არ გააკეთებენ, ვაიძულებ„– განაცხადა ტრამპმა.

მისი ამ განცხადების შემდეგ კალიფორნიის გუბერნატორმა, გევინ ნიუსომმა პირობა დადო, რომ ეკლესიების გახსნის გეგმას წარმოადგენს, თუმცა არ დაუზუსტებია, როდის აღდგება ღვთისმსახურება.

“ვიმუშავეთ სხვადასხვა სულიერ ლიდერებთან მთელ შტატში, განვიხილეთ სხვადასხვა მიდგომები როგორც დიდი, მეგა ეკლესიების, ასევე პატარა რელიგიური თემების მიმართ, ასევე სხვადასხვა ტიპის სალოცავი ადგილების მიმართ, განვიხილეთ სანიტარული ნორმები,  გვქონდა ურთიერთობები სინაგოგებთან და სხვა რელიგიურ დაწესებულებებთან. ვიმუშავეთ ინსტრუქციებზე მთელი ამ სფეროსთვის და უკვე რამდენიმე დღეში, მაქსიმუმ ორშაბათს ამ ინსტრუქციებს წარმოვადგენთ“– განაცხადა გუბერნატორმა.

მანამდე ის აბმობდა, რომ მომავალი კვირიდან კალიფორნიის ოლქების ადმინისტრაციები საკარანტინო ზომების შემსუბუქების შესაძლებლობას მიიღებდნენ, რომლებიც შტატში მარტის შუა რიცხვებიდან მოქმედებს.

ამერიკის პრეზიდენტმა დონალდ ტრამპმა ჟურნალისტებს უთხრა, რომ ახალი კორონავირუსის პრევენციისთვის “ჰიდროქსიქლოროქინს” იღებს. “კვირანახევარია ვიღებ და ჯერ აქ ვარ” – თქვა მან თეთრ სახლში გამართულ ბრიფინგზე. “რაა დასაკარგი”?

პრეზიდენტ ტრამპის თქმით, პრეპარატს ის ყოველდღიურად თუთიასთან ერთად იღებს, კოვიდ-19-ზეც სისტემატურად ესინჯება და პასუხი ნეგატიურია. პრეზიდენტი ამბობს, რომ პრეპარატი უკვე 40 წელია ხმარებაშია მალარიის, ლუპუსის და სხვა დაავადებების სამკურნალოდ, ამიტომ ის ვერ იქნება ზიანის მომტანი და ვინც ამ წამალზე ცუდს ამბობს, ის უბრალოდ “ტრამპის ფანი არ არის”.

მალარიის წამალი ახლა კოვიდ-19-ის მკურნალობისთვის კლინიკურ ცდებს გადის. ამ ეტაპზე, კვლევები “ჰიდროქსიქლოროქინის” ეფექტურობას ახალ კორონავირუსთან ბრძოლაში არ ადასტურებს, არც მკურნალობის დროს და არც პრევენციული მიზნებით.

შეერთებული შტატების საკვების და მედიკამენტების ადმინისტრაციამ აპრილის ბოლოს გაფრთხილებაც კი გამოაქვეყნა. მასში ნათქვამია, რომ “ჰიდროქსიქლოროქინი” ახალი კორონავირუსის სამკურნალოდ მხოლოდ საავადმყოფოებში მიმდინარე კვლევებისთვის უნდა დაინიშნოს, რადგან მან შეიძლება გულზე გართულებები გამოიწვიოს. გაფრთხილება არ ეხება მალარიის, ლუპუსის და რევმატოიდული ართრიტების მკურნალობას.

წყარო: ამერიკის ხმა

აშშ-ის პრეზიდენტი დონალდ ტრამპი აცხადებს, რომ ჯანდაცვის მსოფლიო ორგანიზაცია ჩინეთის მარიონეტია.

„ჯანდაცვის მსოფლიო ორანიზაციამ ბევრი ცუდი რჩევა მოგვცა, ბევრი საშინელი რჩევა და ის ყოველთვის ჩინეთის მხარეს იყო. შეერთებული შტატები მათ წელიწადში 450 მილიონ დოლარს უხდის. ჩინეთი – 38 მილიონს და ისინი ჩინეთის მარიონეტი არიან,“ – განაცხადა დონალდ ტრამპმა.

მან WHO-ს 30 დღე მისცა ჩინეთისგან დამოუკიდებლობის დასამტკიცებლად, წინააღმდეგ შემთხვევაში, ტრამპის თქმით, ის აშშ-ის დაფინანსებას გაყინავს და მისი წევრობის საკითხს გადახედავს.

,,აშკარაა, რომ ის არასწორი ნაბიჯები რაც თქვენ და თქვენმა ორგანიზაციამ გაატარა, მსოფლიოს ძალიან ძვირი დაუჯდა. ერთადერთი გზა, რაც ჯანდაცვის მსოფლიო ორგანიზაციას დარჩა არის ის, რომ დაამტკიცოს ჩინეთისგან დამოუკიდებლობა… თუ ორგანიზაციას არ ექნება მნიშვნელოვანი გაუმჯობესებები მომავალი 30 დღის მანძილზე, მე პერმანენტულად გავყინავ აშშ-ის სახელმწიფო დაფინანსებას ორგანიზაციისთვის და გადავხედავ მასში ჩვენი წევრობის საკითხს“, – წერს დონალდ ტრამპი WHO-ს.

შეგახსენებთ, რომ აშშ-მა ჯანმოს დაფინანსება შეუწყვიტა.

შაბათს, კოლეჯის კურსდამთავრებულებისადმი მიმართვაში, შეერთებული შტატების ყოფილმა პრეზიდენტმა ბარაკ ობამამ თქვა, რომ ახალ კორონავირუსს ამერიკაში ბევრი არაკომპეტენტური ადამიანი მართავს. “ამ პანდემიამ მთლიანად, საბოლოოდ ჩამოხსნა ფარდა ეჭვს, თუ რამდენად ბევრმა მმართველმა არ იცის, რას აკეთებს” – განაცხადა ექსპრეზიდენტმა, თუმცა კონკრეტულად მას არავინ დაუსახელებია.

კვირას, როცა დონალდ ტრამპს ობამას ამ სიტყვებზე კომენტარი სთხოვეს, ამერიკის ამჟამინდელმა პრეზიდენტმა განაცხადა: “იცით რა, ის არაკომპეტენტური პრეზიდენტი იყო, მარტო ამის თქმა შემიძლია. უკიდურესად არაკომპეტენტური”.

შეერთებული შტატები თვეზე მეტია პანდემია კოვიდ-19 ეპიცენტრია. ქვეყანაში დადასტურებულად ინფიცირებულია 1.5 მილიონზე მეტი ადამიანი. ახალი კორონავირუსის გართულებებით გარდაიცვალა თითქმის 91 000 ამერიკელი.

ოფიციალური პროგნოზებით, კოვიდ-19-ის გამო გარდაცვლილთა რაოდენობა აგვისტომდე 147 000-მდე გაიზრდება. კრიტიკოსები თვლიან, რომ ამერიკამ დააგვიანა პანდემიაზე რეაგირება და მისი მართვის პროცესში, დასაწყისშივე დაკარგა გადამწყვეტი მნიშვნელობის მქონე დღეები.

დღეს, ამერიკის პრეზიდენტი დონალდ ტრამპი გუბერნატორებთან და სამედიცინო ინდუსტრიის ლიდერებთან მორიგ შეხვედრას მართავს. მთავარი თემა შტატების გახსნა და ეკონომიკის ამუშავებაა. ბიზნესების უმეტესი ნაწილის დახურვა და მზარდი უმუშევრობა ქვეყნის ეკონომიკას რეცესიისკენ უბიძგებს.

ფედერალური სარეზერვო ფონდის თავმჯდომარემ ჯერომ პაუელმა თქვა, რომ ეტაპობრივი გახსნის მიუხედავად, უმუშევრობის ზრდას ივნისშიც ელიან. შესაბამისად, პაუელი ფიქრობს, რომ მთავრობის ფინანსური დახმარება ამერიკულ ოჯახებს კიდევ 3-დან 6 თვემდე დასჭირდებათ.

ამერიკის 50 შტატის უმეტესი ნაწილი კარანტინის დროს დაწესებული შეზღუდვების მოხსნას თანდათანობით იწყებს. მოსახლეობას მოუწოდებენ ჯერ კიდევ დაიცვას სოციალური დისტანცირების რეგულაცია. ბევრ შტატში შენობაში და საჯარო ადგილებში ნიღბის ტარება ისევ აუცილებლობად რჩება.

წყარო: ამერიკის ხმა

პრეზიდენტი დონალდ ტრამპი აცხადებს, რომ ის დარწმუნებულია, წლის ბოლოსთვის კოვიდ-19-ის წინააღმდეგ ვაქცინა შემუშავებული იქნება და ადამიანების მასობრივი აცრები სწრაფად ჩატარდება.

„ვფიქრობ, დისტრიბუცია თითქმის პარალელურად ჩატარდება, რადგან ამისთვის შეიარაღებულ ძალებს ვამზადებთ,“ განაცხადა პრეზიდენტმა ტრამპმა და დასძინა, რომ დამატებითი დეტალები მოგვიანებით გასაჯაროვდება.

პრეზიდენტის განცხადება წინააღმდეგობაში მოდის ჩვენებასთან, რომელიც დოქტორმა რიკ ბრაიტმა მისცა კონგრესს. ვაქცინების შემმუშავებელი ამერიკის მთავრობის სააგენტოს ყოფილი დირექტორი, რომელიც სამსახურიდან ცოტა ხნის წინ გაუშვეს, კონგრესმენების წინაშე ჩვენებით წარსდგა. მისი თქმით, „ჩვენ არ გვაქვს გეგმა“ იმისთვის, რომ მასობრივად ვაწარმოოთ და გავანაწილოთ კორონავირუსის ვაქცინა. მან თქვა, რომ ვაქცინა საუკეთესო შემთხვევაში 12-18 თვეში შეიძლება იყოს მზად.

დღეისათვის, კორონავირუსის წინააღმდეგ მსოფლიოს მასშტაბით, დაახლოებით, 90 ვაქცინა მუშავდება. ერთ-ერთი გერმანული მწარმოებელი CureVac-ი ამბობს, რომ კომპანიის მიერ შემუშავებულმა ვაქცინამ ცხოველები ვირუსის დაბალი დოზებისგან დაიცვა. ვაქცინის კლინიკური გამოცდა ივნისში დაიწყება.

რიკ ბრაიტი ბიოლოგიური კვლევისა და განვითარების სამსახურის დირექტორი იყო, რომელიც შეერთებული შტატების ჯანდაცვის დეპარტამენტის შემადგენლობაში შედის. სამსახურიდან გათავისუფლების შემდეგ იმუნოლოგმა კონგრესს მამხილებლის საჩივარი გაუგზავნა.

პრეზიდენტმა ტრამპმა ბრაიტზე თქვა, რომ „ის გაბრაზებულ, უკმაყოფილო თანამშრომელს ჰგავს, რომელიც სხვათა შორის, როგორც ამბობენ, არც ისე კარგად ასრულებდა თავის საქმეს.“

წყარო: ამერიკის ხმა